Mar 26, 2014
我所知黎小姐的二三事
與我印象中最相近的她
脫期良久, 再寫嘅動力竟然係因為一個有十數面之緣的人的離世。 Aidan 媽媽，黎小姐(Winifred Lai)係3月11因癌症以僅46歲之齡過身... 在網絡上得知消息時，即時反應是：「吓？！唔係啩...咁後生...個仔點算呀...」見到係Wyman微博發放，立即九唔搭八，三唔識七咁走去開微博戶口，寫私訊俾Wyman... 更加唔使講，當然無人啋我啦。 除了係各介媒體所認識的黎小姐，難忘係與以媽媽身份的她接觸。當年在某個薄有名氣的小朋友playgroup工作，黎小姐予我印象甚深。最記得當時她一身白皙肌膚，一襲Chloe白色通花lace連身裙，氣質獨特，快人快語，唔似平時見到養尊處優的年輕媽媽，但又唔係好似事業至上的working mom，仲有d面善，又講唔出邊度見過。加上佢個十問九唔應，淨玩Thomas火車，戴bow tie嘅仔仔... 如是者，斷斷續續在電話、電郵加真人見了母子兩人一年多。有次長假期後再見仔仔Aidan，發現他突然比同齡的成熟！見到黎小姐，提及仔仔的轉變，她輕描淡寫的說她離婚了。 當後來記起她是傳媒人的時候，會比以前留意她所寫的文字（其實一路都有睇開），發自內心的覺得佢十分了不起，一人分飾十幾角，兼顧事業兒子自己，廿四小時點夠用呢？ 現今世界，46歲真的走得太早。諗到自己的歲數，驚覺原來可能已經嗰頭近... 黎小姐一生短暫但精彩，經歷了香港最美好燦爛的時代，希望她在另外一個空間自在逍遙。祝願Aidan成長路上保持愉快、健康。我相信Aidan係黎小姐心最引以為傲的成就。
註: 黎小姐的背景不多說了，網絡上有的是資訊。
