DJ Zwing from Hong Kong
問題兒童：你怎樣成為一位DJ？
Zwing：記得當年 18、19 歲啱啱開始出嚟玩，見到 DJ 好型，好叻。可以影響成個場地嘅氣氛。之後就開始想去了解呢一樣嘢 。所以我都遇上我嘅伯樂 DJ Galaxy ，係佢唔怕我麻煩地一直教我咁多嘢直到而家。
問題兒童：當你打碟時，你感覺如何？
Zwing：其實每次嘅工作，因為都包含唔同類型，感覺都係不一樣。而每一次出 show 我都係以做得比上一次更加好為目標。但係總括而言，每一次打碟我只係諗住，點樣令大家有一個愉快的晚上，喺活動上盡興。
問題兒童：你今天聽了什麼音樂？
Zwing：咩類型嘅歌，都有聽啲。Hip-Hop, House, Electro Trans etc. 因為我唔會主力淨係聽一種音樂，因為 DJ 嘅音樂層面，係需要夠廣泛。
問題兒童：你喜愛的音樂類型和你工作上打碟有沒有甚麼衝突？
Zwing：一時時，要睇返接嘅音樂活動類型。
問題兒童：在男性主導的 DJ 工作內，身為女性的你，是另類？著數？還是困難重重？
Zwing：我又唔覺得特別另類，始終而家香港嘅女 DJ 都吾少。但可能大部份都係 Model DJ。係有少少唔同嘅。作為女性 DJ，如果實力唔夠強，好多時會俾人誤會以為係花瓶。只係純粹噱頭。另外講到着數，我又唔覺得特別多，因為真正嘅 DJ，都係睇技巧技術同歌曲層面。
問題兒童：你有沒有製作屬於自己的音樂？
Zwing：會間中做吓 Mixtape 同 Mashup
問題兒童：Party 現場有甚麼新東西是香港 DJ 必備的嗎？
Zwing：咁就要視乎返嗰個場地嘅要求。同 DJ 嘅定位
問題兒童：在音樂上，有甚麼展望？
Zwing：希望學識做歌 。希望世界各地更加多人留意到香港人做嘅音樂。
問題兒童：在現場打碟，你怎樣看「實體黑膠碟 CD 光碟」和現代「數碼化」的演繹？
Zwing：以前黑膠年代，可能要帶太多裝置，帶一大堆黑膠或者一大堆 CD 比較辛苦，同埋黑膠，因為用唱針嘅話，消耗品相對都會比較多，而家，數碼化係方便好多，同埋穩定性會高好多，因為唱針或者黑膠有塵或者花咗，都會影響成 Sound，同埋而家數碼化，會節省中間換碟嘅時間，其實個人覺得多咗時間同枱下邊給觀眾互動，但當然，以前傳統打碟同而家打碟嘅方式，手感都係大有不同。
問題兒童：在現場打碟你有甚麼必殺技？
Zwing：必殺技就唔好講，個必殺技其實都係要睇在場嘅人嘅氣氛同類型。
問題兒童：自從你開始做 DJ 以來，你學到了什麼？
Zwing：從第一日開始到而家，其實進步最多，可能係了解點樣捉摸人哋鍾意聽嘅嘢，同埋控制場面氣氛。
問題兒童：你會給過去的自己什麼建議？
Zwing：時間會過得好快 ，一定要不斷地進步，同埋係要好勤力，唔好將自己睇成係一個女仔，因為我唔覺得要用性別去衡量一個 DJ。要同勁嘅 DJ 去比較，去學更加多嘅嘢。
https://www.instagram.com/djzwing_vivian/
