Urdu Shahyri Adab @urdu-shayri-adab - Tumblr Blog

Posts

میں نے ایک بار ایک بہت کامیاب خاتون سے ان کی کامیابی کا راز پوچھا۔ وہ مسکرائیں اور مجھ سے کہنے لگیں…

"میں نے اس وقت کامیاب ہونا شروع کیا جب میں نے چھوٹی لڑائیاں چھوٹے لوگوں کے لیے چھوڑ دیں۔

میں نے ان لوگوں سے لڑنا چھوڑ دیا جو میری غیبت کرتے تھے…

میں نے اپنے سسرال والوں سے لڑنا چھوڑ دیا…

میں نے توجہ کے لیے لڑنا چھوڑ دیا…

میں نے لوگوں کی توقعات پر پورا اترنے کے لیے لڑنا چھوڑ دیا…

میں نے بے حس لوگوں سے اپنے حقوق کے لیے لڑنا چھوڑ دیا…

میں نے سب کو خوش کرنے کے لیے لڑنا چھوڑ دیا…

میں نے یہ ثابت کرنے کے لیے لڑنا چھوڑ دیا کہ وہ میرے بارے میں غلط تھے….

میں نے ایسی لڑائیاں ان لوگوں کے لیے چھوڑ دیں جن کے پاس لڑنے کے لیے اور کچھ نہیں…

اور میں نے اپنے وژن، اپنے خوابوں، اپنے خیالات اور اپنی تقدیر کے لیے لڑنا شروع کیا۔

جس دن میں نے چھوٹی لڑائیوں سے کنارہ کشی اختیار کی، وہ دن میری کامیابی اور سکون کا آغاز تھا۔"

کچھ لڑائیاں آپ کے وقت کے قابل نہیں ہوتیں…. سمجھداری سے انتخاب کریں کہ آپ کس کے لیے لڑیں۔

#urdu literature #quotes #اردوشاعری

ایک ماں لکھتی ہیں!

وہ بھی کیا دن تھے جب میرا گھر ہنسی مذاق اور لڑائی جھگڑے کی آوازوں سے گونجتا تھا۔ہر طرف بکھری ہوئی چیزیں ۔ ۔ ۔ بستر پر پینسلوں اور کتابوں کا ڈھیر ۔ ۔ ۔ پورے کمرے میں پھیلے ہوئے کپڑے۔ میرا پورا دن ان کو کمرہ صاف کرنے اور چیزیں سلیقے سے رکھنے کے لیے ڈانٹنے میں گزرتا۔

صبح کے وقت ایک جاگتے ہی کہتا:

ماما مجھے ایک کتاب نہیں مل رہی

دوسرا چیختا:

میرے جوتے کہاں ہیں؟

ایک منمناتا:

ماما میری ہوم ورک والی ڈائری!

اور دوسرا رندھی آواز میں کہتا:

ماما میں اپنا ہوم ورک کرنا بھول گیا ۔ ۔ ۔

ہر کوئی اپنا اپنا رونا رو رہا ہوتا۔ اور میں چیختی کہ آپ کی چیزوں کا خیال رکھنا میری ذمہ داری نہیں ۔ ۔ ۔ اب آپ بڑے ہو گئے ہو، خود سنبھالو!

آج میں ان کے کمرے کے دروازے پر کھڑی ہوں. بستر خالی ہیں. الماریوں میں صرف چند کپڑے ہیں. جو چیز باقی ہے، وہ ہے ان کی خوشبو.

اور میں ان کی خوشبو محسوس کر کے اپنے خالی دل کو بھرنے کی کوشش کرتی ہوں۔

اب صرف ان کے قہقوں، جھگڑوں اور میرے گلے لگنے کی یاد ہے.

آج میرا گھر صاف ہے۔ سب کچھ اپنی جگہ پر ہے۔ یہ پرسکون، پرامن اور خاموش ہے ۔ ۔ ۔ زندگی سے خالی ایک صحرا کی طرح۔

وہ ان کا دروازے کھلے چھوڑ کر بھاگ جانا اور میرا چیختے رہنا کہ دروازے بند کرو۔ آج سب دروازے بند ہیں اور انہیں کھلا چھوڑ جانے والا کوئی نہیں۔

ایک کسی دوسرے شہر چلا گیا ہے اور دوسرا کسی دوسرے ملک۔ دونوں زندگی میں اپنا راستہ ڈھونڈ رہے ہیں۔

ہر بار وہ آتے ہیں اور ہمارے ساتھ کچھ دن گزارتے ہیں۔ جاتے ہوئے جب وہ اپنے بیگ کھینچتے ہیں تو یوں لگتا ہے جیسے میرا دل بھی ساتھ کھنچ رہا ہے۔

میں سوچتی ہوں کہ کاش میں ان کا یہ بیگ ہوتی تو ان کے ساتھ رہتی۔

لیکن پھر میں دعا کرتی ہوں کہ وہ جہاں رہیں آباد رہیں۔

اگر آپ کے بچے ابھی چھوٹے ہیں تو انہیں انجوائے کریں۔ ان کو گدگدائیں، ان کی معصوم حیرت کو شیئر کریں اور ان کی چھوٹی چھوٹی پریشانیوں کا مداوا کریں۔

گھر گندا ہے، کمرے بکھرے ہیں اور دروازے کھلے ہیں تو رہنے دیں۔ یہ سب بعد میں بھی ٹھیک ہو سکتا ہے۔ لیکن بچوں کے ساتھ یہ وقت آپ کو دوبارہ نہیں ملے گا.

#urdu literature #quotes #اردوشاعری

واصف علی واصف صاحب لکھتے ہیں:

جس پہ کرم ہے، اُس سے کبھی پنگا نہ لینا۔

وہ تو کرم پہ چل رہا ہے۔ تم چلتی مشین میں ہاتھ دو گے، اُڑ جاؤ گے۔

کرم کا فارمولا تو کوئی نہیں ۔اُس کرم کی وجہ ڈھونڈو۔

جہاں تک میرا مشاہدہ ہے، جب بھی کوئی ایسا شخص دیکھا جس پر ربّ کا کرم تھا، اُسے عاجز پایا۔

پوری عقل کے باوجود بس سیدھا سا بندہ۔

بہت تیزی نہیں دکھائے گا۔

اُلجھائے گا نہیں۔

رستہ دے دے گا۔

بہت زیادہ غصّہ نہیں کرے گا۔

سادہ بات کرے گا۔

میں نے ہر صاحبِ کرم کو احسان کرتے دیکھا ہے۔

حق سے زیادہ دیتا ہے۔

میں نے ہر کرم ہوئے شخص کو مخلص دیکھا ـــ اخلاص والا۔۔۔ غلطی کو مان جاتا ہے۔ معذرت کر لیتا ہے۔ سرنڈر کردیتا ہے۔

جس پر کرم ہوا ہے ناں، میں نے اُسے دوسروں کے لئے فائدہ مند دیکھا۔

یہ ہو ہی نہیں سکتا کہ آپ کی ذات سے نفع ہو رہا ہو، اور اللہ آپ کے لئے کشادگی کو روک دے؛ وہ اور کرم کرے گا۔

اُس کا درجن 13 کا ہوتا ہے، 12 کا نہیں۔

اللہ کے کرم کے پہیے کو چلانے کے لئے آپ بھی درجن 13 کا کرو اپنی زندگی میں۔

اپنی کمٹمنٹ سے تھوڑا زیادہ احسان کیا کرو۔

نہیں تو کیا ہو گا؟

حساب پہ چلو گے تو حساب ہی چلے گا۔

دل کے کنجوس کے لئے کائنات بھی کنجوس ہے۔

دل کے سخی کے لئے کائنات خزانہ ہے۔

جب زندگی کے معاملات اَڑ جائیں؛ سمجھ جاؤ تم نے دوسروں کے معاملات اَڑاۓ ہوۓ ہیں۔

آسانیاں دو؛ آسانیاں ملیں گی______❤

#urdu literature #quotes #اردوشاعری

حیرت سے سارے لفظ اسے دیکھتے رہے

باتوں میں اپنی بات کو کیسا بدل گیا

امجد اسلام امجد

#اردوشاعری #urdu literature #urdu ghazal

توکل کے دو مرحلے ہوتے ہیں

ایک وہ جب اس بات کا یقین ہوتا ہے

کہ جو مانگا ہے وہُ مل جاۓ گا

اور دوسرا وہ جب اس بات کا یقین ہوتا ہے

کہ جو مانگا ہے وہ نہ بھی ملا تو اس میں کوئی نہ کوئی بہتری ضرور ہوگی🥀

#urdu literature #اردوشاعری #quotes

جب آپ ، لوگوں میں کچھ بانٹنے والے بن جاتے ہیں تو اللہ سب سے زیادہ وہ چیز آپ کو ہی دیتا ہے اب آپ پر ہے چاہے آپ خیر بانٹیں یا شر ۔۔۔ خوشیاں بانٹیں یا نفرتیں محبتیں بانٹیں یا بغض بے سکونی بانٹیں یا راحتیں کیونکہ اللہ کا وعدہ ہے جو خرچ کریں گے وہ لوٹ کر ضرور آئے گا ، اب خرچ صرف مال نہیں ہوتا ، وقت بھی ہوتا ہے ۔ جذبات بھی ہوتے ہیں ، صلاحیتیں بھی ہوتی ہیں ، علم بھی ہوتا ہے!❤️

#urdu literature #اردوشاعری #quotes

میرے اللہ کیسے خوش نصیب لوگ ہوتے ہیں ناں وہ جو تجھے پہچان جاتے ہیں ۔۔جو جان جاتے ہیں کہ آزمائش محروم کرنے نہیں آئی بلکہ کوئی مقام دینے آئی ہے ٫جو آنکھیں بند کر کے کہہ دیتے ہیں اے مالک جو تیری رضا وہی میری رضا۔۔رشک آتا ہے مجھے ان لوگوں پہ جو رب پہ اندھا یقین رکھتے ہیں جو عقل سے آگے دل جو رکھتے ہیں جو دلیل سے آگے عشق کو رکھتے ہیں ۔۔۔

عقل کہتی ہے آگ جلا دے گی ۔۔۔عشق کہتا ہے کہ وہ رب ہے ناں ۔۔عقل کہتی ہے سمندر میں ناں جا۔۔عشق کہتا ہے وہ رب ہے نا۔۔عقل کہتی جو بچھڑ گیا وہ کبھی نہیں ملے گا ۔۔عشق کہتا ہے رب ہے۔۔

عقل مشکلات کھڑی کرتی ہے اور عشق مشکلات پار کروا دیتا ہے ۔۔

مجھے حضرت ابرہیم علیہ السلام کی اللہ سے محبت پہ رشک آتا ہے کہ جب جبرائیل علیہ السلام نے کہ "اے ابرہیم آپ کو اپنے رب سے کچھ کہنا ہے تو جواب آتا ہے کہ کیا میرا رب میرے حال سے واقف نہیں۔۔

میں ندامت سے چور سر جھکائے خود سے پوچھتی ہوں کہ اے اللہ کی بندی کیا تمہارا رب تمہارے ساتھ نہیں ان حالات میں تو ایک پرزور ہاں ہوتی ہے جو مجھے احساس دلاتی ہے کہ یہ چاہے سب کچھ چھین لیں مگر میرا میرے اللہ سے رشتہ کیسے چھین سکتے ہیں ۔۔

واصف علی واصف کہتے ہیں کہ

"غم میں محبوب گھر آ جائے تو غم آدھا ہو جاتا ہے"

تو اللہ نے کہا ہے ناں کہ غم نہ کرو بے وہ ساتھ ہے٫تو پھر کیا انسان کا نا امید ہونا بنتا ہے کیا۔۔

پھر کر لو یقین اس پہ۔۔

#urdu literature #اردوشاعری #quotes

تجھ سے کچھ اور تعلق بھی ضروری ہے میرا

یہ محبت تو کسی وقت بھی مر سکتی ہے 🍁

اظہر فراغ

#urdu literature #اردوشاعری

مقروض کے بگڑے ہوئے حالات کی مانند

مجبور کے ہونٹوں پہ سوالات کی مانند

دل کا تیری چاہت میں عجب حال ہوا ہے

سیلاب سے برباد مکانات کی مانند

میں ان میں بھٹکتے ہوئے جگنو کی طرح ہوں

اس شخص کی آنکھیں ہیں کسی رات کی مانند

دل روز سجاتا ہوں میں دلہن کی طرح سے

غم روز چلے آتے ہیں بارات کی مانند

اب یہ بھی نہیں یاد کہ کیا نام تھا اس کا

جس شخص کو مانگا تھا مناجات کی مانند

کس درجہ مقدس ہے ترے قرب کی خواہش

معصوم سے بچے کے خیالات کی مانند

اس شخص سے ملنا میرا ممکن ہی نہیں ہے

میں پیاس کا صحرا ہوں وہ برسات کی مانند

سمجھاو نوید اس کو کہ اب رحم کرے کچھ

دکھ بانٹتا پھرتا ہے وہ سوغات کی مانند

نوید عباس

#urdu literature #اردوشاعری

whisper-of-the-hope

In case you didn't hear this today:

- Good morning. - You look beautiful. - Your outfit is hella cute. - Your hair smells good. - Nice face. - You’re very pretty. - Good job. - You’re smart. - Keep going. - Stay strong. - Bon appetit. - You have great music taste. - Your blog is flawless. - I love you. - Good night.