Vaļuka personeigais dīnroksts

[valuks]

Lobuokais uzjiemejs

Ūtrdiņ nu reita mes bejam aizmiersuši atstuot īejis durovys vaļī, par tū kas ta zvanēja pi durovom. Atverūt, stuovēja mīsu pīna pīguodotuojs. Vyss bītu nikas, bet beja pamateigi nūliejis līts, par tū jai beja slapna. Pīna pīguodotojs, jer muna drauga māma, un jai puorsvorā porsavītojās ar riteni, kurejam nav jumta :)

Pīna pīguoduotoja serviss jer taids — kotru nedeļis pyrmūdīņi atstojam burkys i 2Ls kalidorī, tod ceļūtīs nu reita ūtrdiņ mes saņemam svaigu pīnu, kriejumu i bīzpīnu. As ceļūs pyrms ostoņim i parosti jau ap itū laiku vyss jer pīguoduots.

I tys jer vīns nu lobuokajim uzjiemejim, par tū ka:

1) līts voi snīgs, bet prece vīnmār pīguodota. Vīnmār, nūzeimoj nivīnys izlaistys dīnys.

2) tys nūteik tik namanieti, ka sazateikamīs viņ raizi pusgodā

3) perfekts serviss — nav nikur joīt, vyss ta pat kalidorī

4) tys vyss viņ pa 2Ls

As grybātu, lai jai veicās lobok i kotrs Malnovys īdzeivuotojs pasyuta pīnu. Ka jiusim interesej, tod rokstit, īdūšu kontaktus. Atbolstit vītejūs, centeigus uzjiemiejus.

[valuks]

Latgolys atteisteiba

Baigi forši, ka mīsu vaļstei valstī pīvierse uzmaneibu. Dreiži nūtiks forums, kur tiks apsprīstys dažaidys idejis. Vyss baigi labi, viņ vysā pasokumā maņ napateik vacuos i sapuvušys idejis, kuros bīži viņ izskaņ nu vītejū pašvaldeibu golvom. Itos idejis as pamieģinošu apkūpuot.

Joremontej ceļi. Kai golvenū īmaslu miņ tū, ka pi mīsim švaķi ceļi i par tū nagryb īt nivīns investors. Vyspor dīzgon apsurdi darēt lītys ūtraiži — uztaisom ceļi i tod ceriesim, ka kaids atīs. Kai pīmārs, Kuorsovys nūvodā šūbreid remontej golvenū īlu, tys izmoksoj nascik miljonu latu (tuvu goda budžetam). Piec projekta pabeigšonys as ļūti šaubūs, ka ta uzarasīs piekšņi kaut vīns investors. Muna porlīceiba jer taida, ka nadori tos lītys, kuros pašlaik tav nav vādzeigys! Patīsī īmasli jer navys investoru pīsaiste, bet gon dorbu kruošona, kurūs varēs atruodēt sovam vielietojam. I vēļ vīns moments, kai investors, siežūt kaut kur Vuocejī, zyn par mīsu ceļim? Google mapsā tū tak naradz.

Jopīsaista lelī investori. Pīsaistit, kas traucej? Kaut voi sokumā uztaisit pasvaldeiba.lv/invest prezentacejis sadaļi, kur jebkurš varēs apsavērt pīdovojumu. Tys moksos ni vaira par 2000Ls (pi mīsim). Muna nūstoja jer taida, ka taidu investoru jer gryuši pīsaistēt. Ka jis jer, tod labi, ka jo nav — pat vēļ lobok.

Atļaut pašvaldeibom dybynuot uznāmumus. As jau izatālojūs itū uznāmumu — bors ar gruomotvežim, juristim, sekretarim i porejīm slynkuma maisim, kurī kai vampirs borojās nu pašvaldeibys naudys. Un nu ūtrys pusis, kai dīz ar taidu uznāmumu konkurēs cyti, arī nav saprūtoms. Maņ atgodynoj komunizmu. Kūpumā utopiska ideja pošā saknī. As jiusim pīdovoju alternativu — taisit itūs uznāmumus nu sovom olgom.

Vāg vaira dūt naudys. Nauda naapšaubami svareigs resurss, bet as radzu kai izsaimnīkoj šūbreid Eiropys naudu — remontej ceļus, ākys i porejū infrastrukturu (eistermiņa investicejis uz 5 godim). Muna porlīceiba jer taida, ka cik naudys itymā situācejī tiks dūts — vysa bīs nūtrīkta bezjāgā. Ļūti lobs pīmārs jer Bolvu biznesa inkubators. Pyrms goda ar lelu prīku vāroju, ka Bolvūs remontej āku, taisa telpys i bīs inkubators, kurā uzraiz paņēma treis vītejūs uznāmumus (baigi mozus, ar dažim darbinīkim). Tod as nūdūmoju, ka Kuorsova varātu ņimt paraugu. Pagoja vīns gods un šūbreid tymā inkubatorā tī poši uznāmumi. Voi beja vārts īguldēt naudu un šūbreid uzturēt vysu itū pasokumu? As dūmoju, ka na. Maņ eistan porsteidz Bolvu pašvaldeiba, ka tyka izkrūpļota taida breiņiškeiga ideja. Tū vadietoji, kas pa godu napīsaistēja nivīnu jaunīti, vādzēja patrīkt. Ni par tū, ka jis švaķi storodoja, bet par tū, ka taidā omotā jolīk izcylu cylvāku, kurīs spies braukot, uzrunot, uzmundrynot, īdvasmot jaunus uzņiemiejus.

Samozynot nūdūkļus jaunīm uznāmumim. Jaunam uzņiemiejam nūdūkļi pi vīnys vītys. Tī jer vīnkorši spieļis nūteikumi, ni vaira. Ņemūt vārā, ka mikroSIA jer leidz 70 000Ls abarota. Šūbreid īleist biznesā var saleidzynūši vīnkorši (30Ls un jiusim bīs jau SIA). Prūtoms, ka labi bītu vēl samozynuot, bet tys nav tik byutiski.

Vāg lelys fabrikys. Tei jer skrīšona pret vieji. Vysā pasaulī (nu vysmoz Eiropā) bizness turās uz videjo i mozo, nu kuro arī dažreiz izaug kaut kas lels.  Vysi biznesi sastov nu treis pūsmim — izpiete, ražošona un pordūšona. Vīnam vaira izteikts, cytam mozok. Jius navarat vīnkorši sataisēt 2. pūsmu (ražošona), tys vysdreižok nastrodos.

Papyldus LRT interveja 1. daļa un 2. daļa, kur, piec munom dūmom, vīneigīs adekvats cylvāks jer ministrs.

Nazakautrejat un izsokit arī sovu vīdūkļi.

[valuks]

Pareizs lykums napareizā laikā

Īdvesmojotīs nu Jureiša, grybātus atkomentētīs drupeit seikuok. Pa munam, tod Jureits pots nav nūticiejis da gola sovam skaidrojumam, kur nu vēl tū paskaidruot sovam vielietojam.

Skaidrs, ka 1.5 miljons Dombrovskim ar komandu jer vīnkorši cipareņi monitorā. Nikas, ka 200 cylvākim nabīs vaira pat ituo "dorba".

Ite nav runa, ni par saļarku, ni par šņabi, ni par peipom. Vīnkorši, īspeja nūpeļņēt 10 latus legāli - aizbrauc i atved pylnu baku saļarkys.

1.5 ītaupietīs miljons, kas tys jer valsts leimeņī? Tī jer santimi! A nabadzeiguokā nūvodā, tī jer vēl daži symti bezdabnīku.

Tomēr jāatzīmē, ka šādas likuma izmaiņas ierobežos tikai negodīgo „uzņēmējdarbību”. Lai cik sāpīgs šis jautājums varētu būt atsevišķiem aktīviem pierobežas iedzīvotājiem un viņu ģimenēm, uzskatām, ka izmaiņas likumā ir jāveic, lai mēc godīgi atzītu, ka nelikumība ne lielā, ne mazā apmērā nav atbalstāma.

Kas tī jer nalykumeigs, tys ka kaimiņam atvadmi 90 litrus saļarkys?

Radzu, ka čiuļi labi auss izskoloja. Ka grybat parunuot par nalykumeibu, tod bītu laiks izkaut banditus, korupceji muitā i rūbežā. Dūmojat, ka pateikami moksuot nūdūkļus, kod blokus braukoj muitnīki ar jaunīm Range Roverim? Da ka vīnu taidu banditu nūgiusit, jau vaira jāgys bīs. Josaprūt, ka ite jobīt ūlom, lai karuot ar banditim. Pareizi, lobok pi bezdarbnīkim atņimsim pādejūs desmit latus.

Vienlaicīgi vēlamies uzsvērt, ka neatlaidīgi centīsimies panākt to, lai šādu likuma grozījumu rezultātā valsts budžetā iekasētie papildus līdzekļi (saskaņā ar FM aprēķiniem tie varētu būt līdz pat 1,590 milj. latu gadā) un vēl nozīmīgākas investīcijas, tiktu ieguldītas tieši Austrumu pierobežas novadu attīstībā, lai veicinātu reģiona ekonomisko attīstību un galu galā noņemtu jau ilgā laikā tiražēto stereotipu par pelēkās ekonomikas neatņemamu vietu Latgales tēlā.

Vītejīm 50% bezdabnīku* napalīk vīgluok nu taidom mistiskom "investicejom". Cylvāks gryb āst šudiņ! Mīsu pašvaldeiba investej — infrastruktūrā, taisa ceļus, remontej ākys. As taidom investicejom naradzu perspektivu sovā nūvodā, dīmžāl.

Loboko investiceja Kuorsovys nūvodam bītu — jauna dorbspiejega dūme, a ni bors ar "pīredziejušim" pensionarim.

Kaimiņzemēs iepirkta alkohola nelegālas tirgošanās dažas iespējamās alternatīvas:

Vēļraiz skaidroju, ka vysa "varka" jer degvīlā, kur var nūpeļņēt 10 latus. Ka jer vysmoz kaut kaida alternativa, tod cylvāks vaira nabraukoj. Labi reigys kungi jer ļūti tuoļi nu tautys i tū nasaprūt, nu bet Jur, tu tak viņ dažus mienešus tymā nomā siedi.

Opozīcijas deputāti diskusijās mēģināja uzsvērt, kā šādā veidā tiks atņemta viena svarīga iespēja pierobežas cilvēkiem nopelnīt un tādejādi arī iespējami tiks palielināts Latgales reģiona pametēju skaits.

Tīši tai, opoziceja pareizi pascēja.

Kū as pīdovoju?

Navāg vysu aizlīgt, bet vāg ruodēt īspeji. As pīdovoju sataisēt reklamys kampaņu — izvītot reklamys stendus pi rūbežys (kur stuov benzinšiku rynda) ar reālim dorba sludynojumim. Stuoviedams ryndā, jis var apdūmuot, i uzzvonēt dorba deviejam.

Voi tod tai nabītu foršok darēt?

Nikas, vēl 3 godi prīškā, jer vysys īspejis daudz ko maiņēt. Veiksmi dorbā!

__________________________________________

*50% bezdabnīku — Kuorsovā NVA reģistriets bezdabnīku skaits jer ap 25%, bet legāli struodoj piec VID datim viņ ap 25%, izvalkam videjū ciparu (25% (nva) + 75% (vid)) = 50%. As orientejūs nu ituo cipara, kas jer daudz moz tycoms.

[valuks]

Voi idejai jer vierteiba?

Kaut kod saņ beja taida Sprite akceja — pierc i verīs zam korķa. Zam korķa beja zeimojums. Varēja vinnēt ūtrū Sprite pudeli, bet varēja dabuot basketbola bumbu, kas prūtoms beja nažieleigi vierteiga bolva.

Maņ, kai mozam bārnam, taidys akcejis baigi patyka. I mīsim grybējas satiemēt naattaisietā pudelī zeimojumu. Mīsim tys dalieji izadevās ar pudelis kratiešonu. Pots lobokīs beja ar luktureiti pasvecēt dybynu i tod redzēja zeimojumu. Sprite`s jer caurspeideigs par tū laikam taida pīeja struodoja.

Raizi vokorā stuostieju sovam vacejam par itū akceji i luktureiti. Nailgs laiks paguoja i mas jau bejam puordūtuvē, kas beja 20 metru attuolumā nu sātys. Vacīs beja podtrīcs, par tū otri jau vysu rostostēja i tyka pi pudeļom. Beju napateikami porsteigts, ka munu nūslāpumu tai vīnkorši pastuosta. Maņ jau naticēja ni vacīs ni puordevieja, par tū beja naierti, ka maņ jopīroda sova teoreja. Ar sovu spruogstūšū luktureiti, kas knapi svecēja, pasavēram dažys pudelis, bet bez rezultata. Nav jau porsteigums — kotra 8. pudele ar 0.5L Sprite i kotra 300. (apmāram, as naatcerūs jau) ar bumbu. Varēja bīt tai, ka pat 20 pudeļos piec kortys nabīs 0.5L, tī navarēja uzminēt. Runojūt par bumbu, tod pi taidys varēja tikt (piec stattistikys) labi ka vīns nu cīmata — itū as labi atcerūs.

Tai par tū varātu aizmierst, bet piec mieneša as īmu uz stadionu i radzu, ka īt meiteņe ar zaļū bumbu. Tīši tū, Sprite zaļū bumbu. Līki pībilst, ka bumbys saiminīce beja puordeviejis meita.

Par kū as itū stuostu? Itys bierneibys atgadiejums labi paruoda tū, ka dažom idejom jer vierteiba. Vyss atkareigs nu to, cik otri ideji var realizēt i cik daudz uz jos var nūpeļņēt.

[valuks]

Dorbs Latgolā

Maņ beja īspeja parunuotīs ar Zatlera reformys partejis (ZRP) bīdrim par vīnu nu golvenom problemom, i tys prūtoms jer bezdorbs. Munapruot itei problema jer numurs 1 Latgolā, i jū jorysynoj uzraiz. Pīmāram Vīnūteiba skaidri soka - rūpneicys, eksports i izaugsme. Porosts bla-bla teksts, niko konkreto i interesanta. Labi, atsagrīžamīs pi ZRP bīdrim. Aizarunuoju, ka as beju braucs uz Krīveji, i maņ beja ļūti suopeigi viertīs uz jaunīšim, kas stuov ryndā piec benzina, tuodā veidā degradejūt.

I maņi šokēja atbilde uz munu tekstu - "Jī niko nagryb, jīm nikas nainteresej, par tū jī i braukoj". Kai jiusim taids pagrīzīns? Maņi tys teksts gondreiž nu kuojom nūguoze.

"Jaunīšim jer daudz īspeju", bīdri turpynuoja, "vyicētīs, taisēt uznāmumu, īt uz rūbežsorgim".

Mdā, vyicētīs? Kaida dīz jāga? Papeireišam? Jius zynat cik moksoj vyiceibys - 16 000Ls (kredits, ka 4 godi pa 1500Ls), jiusim tys vādzeigs? Cik ilgā laikā atsamoksos? Labi, uz budžetu vēl nav žāļ sovu laiku tierēt :). A ka nūpītni, as jiutūs naierti (maģistraturā), ka datorūs saprūtu vaira par dažim lobim pasnīdzejīm - tys nikam nader. Muni kursabīdri bādojas, ka jīm nav īspejis sasavyicēt programmēt. Bārnuduorzs, gūda vuords, kaut voi pots aj vyicēt.

"Taisēt uznāmumu" - nu itys vyspor nonsense (apsurds), vysi taidi uzņiemieji, ka as navaru. Ka kaidam līkas tys tik vīnkorši, tod varat pamieģinuot tū izdarēt, bet par darbinīkim paņimt jaunīšus nu rūbežys.

Vīns nu bīdrim sacēja "Inkubatora prīkšnīks braukoj ar Range Rover". Hmm, viertejam īdzeivotoju labkluojeibu piec karaļa finanšom? As gon doru ūtraižuok, ka grybu zynuot cik valsts jer attīsteita, tod verūs uz īdzeivuotojim. I kū mes radzam Rēzekņis inkubatorā? Niko tik spūža, pameklejit statistiku poši internetā - dorba vītu moz, apgrūziejums arī mozs. Nadūmojit, ka as puormetu koč kū inkubatoram - zāņi struodoj i jer malači. Pīredzis viņ jīm drupeit pītryukst!

Vēl kas, uznāmumu jer gryuši nūdybynuot, ka tav kabatā nav ni santima. Uznāmumam vāg finansis, kaut voi windowsa licenci nūpierkt :D

Vēl twitterī pavibrēja taids teksts nu jureiša

Naasu nikaids "supermens" :) ka varu dabuot Latgolā dorbu, tod ari citi tū var izdareit,bet, prūtams - juosakuortoj vaļsts!

Kas jer cyti? Dorbu jer tik daudz, cik jo jer, i ni vaira. Ka 200 000 struodoj i 100 000 nastruodoj, tod pyrmajai daļai drusku vaira pasaveica voi jī beja drupeit apkiereigi. Golvenīs, atcerīs, ka jebkurā breidī vari nūkļiut 2. grupā. Vainuot 2. grupu, ka jīm nikas nainteresej ci jī kū ta navar, tod tys jer bezatbildeigi. As ite vyspor nikaidu atrunu napīņemu, vaineigi jer vysi - augškolys (par švaku izgleiteibu), pašvaldeibys (ar sovu paviršū dorbu), valdeibu (par tīši taidu ZRP dūmošonu) i jebkuru cytu, kas nav sagatovojis itam jaunīšam augsni, lai jis ite varātu attīstētīs i dzeivuot. Kotrs itymā jer vaineigs i kotram jopaleidzam sovam bruoļam, a sovaižok nikai :)

[valuks]

Par referendumu

As laikam bīšu napopulārs, par tū ka bolsošu pret saeimys atlaišonu. Muni īmasli zamuokn.

Maņ pīteik ar vīnu izvieļi četrūs godūs. Maņ nikas natraucēja izdarēt izvieļi normālos vieliešonos i maņ nav vādzeibys lobuot sovu izvieļi ik piec pus goda. Lai zāņi tak struodoj.

Maņ līkas dīvaini, ka lelokīs fans atlaišonys jer pagošū vieliešonu uzvarietojs. Itys moments maņ vyspor jer nasaprūtoms.

Saeima jer paralizieta uz 4 mienešim. Reklama i populisms. Paņemam kaut voi penseju indeksiešonu. Lai maņ pīdūd vysi pensionari, bet as naatbolstu itū pasuokumu nabadzeiguokā valstī Eiropys Savīneibā. Mīsim jodūmoj kai nūdorbynot jaunīšus i apturēt izbraukšonu. A ka dūmuot tai par pensionerim, tod piec pors godim bīsim ni viņ nabadzeiguoko, bet i vacuoko valsts.

Līko naudys tieriešona. Tierējam duorgū laiku i naudu, kuros jau tai nav.

[valuks]

Visit Original Link

Kuorsovys nūvoda biznesa attīsteibys sprīšona