Licence to Kill 4 Ministry of Propaganda
[11 ноември 2011 во 22:57]
Не ми е криво што ме лажат... тамам ќе помислиш дека во својот вообичаен, игнорантски стил, ќе одмолчат една културна покана за првата јавна трибина од Движењето против полициската бруталност, на тема Преку граѓански активизм и реформа на МВР до подобро општество... криво ми е што мислат дека им верувам...
Во првиот дел од одговорот, министерката, преку портпаролот, НАМЕРНО ја дефокусира јавноста, со барањето за јавно извинување и благодарност до сите „тигри“ или „алфи“ кои се жртвуваа... или во превод си ја вршат работата за која се обучени и за која примаат плата... Со тоа ги навреди сите оние кои чесно ја вршат својата работа и ја штитат нашата безбедност, а со тоа и државата. Но, Јанкуловска и МВР отидоа ЧЕКОР ПОНАТАМУ... без да трепнат, како награда за жртвите и учеството во безброј акции, им дадоа дозвола за убивање... Licence to Kill...
Не ми е криво што ме лажат... Отидоа и уште понатаму... открија јавно сценарио на очај и ја фокусираа одговорноста во ликот и делото на БЦ... Секогаш кога треба да дадат одговор на прашање кое не го разбрале, виновен е ТОЈ... Секогаш кога треба да дадат одговор на реалност која е далеку од нивната, виновен е ТОЈ... криво ми е што мислат дека им верувам... Прашање на време е кога тој ќе биде одговор дури и на непоставено прашање, за секој случај... само за да се зачува МАТРИЦАТА... а, внатре во матрицата сите се закачени на несреќата, како модел на преживување... Матрицата е свет што го чувствуваат како апсолутна реалност и не дозволуваат да помислат дека може да постои некоја друга реалност. Затоа што надвор од неа е цел свет во кој тие се НИШТО... И тоа е нешто што ги тера да дејствуваат во обем и сила кои не одговараат на силината на дразбите. За да ја зачуваат таа реалност, потребна е таа дозвола... Ја добија... Carte blanche. Licence to Kill...
Најнакрај, но не и помалку важно... Министерката и министерството ќе останеле отворени кон јавноста, еден ден во годината... на својата театарска сцена, според сопствено сценарио... Не се спремни да дебатираат, не им требаат аргументи... Не сакаат да разговараат, немаат за што... Нема дијалог, нема со кого... Единствен метод на комуникација е дискредитација на личности...
Удобно е кога сите исто мислат, значи никој ништо не мисли, па матрицата е удобно место за преживување... Кога некој различно мисли, тогаш лошо мисли и претставува опасност за апсолутната реалност... Ти не си еден од нас. Значи ти си еден од нив.
Кој е печатот и каков е отпечатокот што ќе го оставиме зад нас... Жигосување кое жежи... И ќе остави белег... Кој не се брише со гумичка...
Не ми е криво што ме лажат... затоа што јас не им верувам...
prguitarman
s-u-f-j-a-n-s-t-e-v-e-n-s
gummygunk
theartofmadeline
yousharknotpass
pixelskylines
tangentwithtanner
jimmyeatworldofficial