كل هذا الزحام لا أحد!

مذكرات من القدس، مذكرات عن الحياة والموت والعيش بينهما.

[wafa-thoughts]

هل هذه البلاد لنا حقًا؟ ولماذا نشعر فيها بكل هذا الاغتراب؟

المحطة المركزية، القدس

[wafa-thoughts]

شوارع القدس

[wafa-thoughts]

[wafa-thoughts]

باب الخليل- شتاء 2026

[wafa-thoughts]

هل يعرف طريقك الأخير كم مرة عبرناه على أمل لقياك؟

[wafa-thoughts]

كان قلق الموت رفيقي منذ سنين عدة، قلق من أن أفقد من أحب، وقلق من أموت وانا ما زلت أريد أن أعيش.

لم أتعايش مع القلق، كان رفيقي طوال سنين، والابادة جعلت القلق رفيق قلبي دون توقف.

ليال طويلة يجافيني فيها النوم، اتمنى لو أغمض عيني، أتمنى لو أنام، أتمنى لو أعود لزمن كنت أنام مبكرا وأصحو بطاقة عالية لنهار طويل.

اليوم أسير كالزومبي، نوم متأخر، استيقاظ مبكر، جسم متعب، عمل لا ينتهي، وقلق يسير بجانبي دون أن يتركني.

[wafa-thoughts]

سؤال كل ليلة، كيف لا يقلق الانسان؟ كيف ينام نومًا هانئا؟ وكيف لا يراجع ثقل اخر عامين قبل النوم؟ كيف ينسى وكيف يتناسى؟ وكيف يكمل حياته وسط افكار لا تنتهي.

كيف ينام الانسان دون أن يلعن نفسه أنه صمت عن الابادة وهي تحدث أمام عينيه.

[wafa-thoughts]

وفي كل رثاء أراك وأسمعك وأقرأك، أنت الحاضر رغم غيابك.. أبكيك بعد سنين من موتك.. لا الدمع انتهى ولا تقبلنا فكرة موتك.

ما زال خبرك قاسيًا علينا.

[wafa-thoughts]

من الصبح وانا ببكي

هالقهر بقلبنا كبير

قهر على الاسرى وقهر على غزة وقهر على البلد

وقهر على انه اليوم مرق على غيابك يا بهاء 10 سنين

اليوم ذكراك

قهر وحسرة بقلبي وبقلوبنا كلنا ما بتخلص

يا رب فرجك

اليوم مرقت من طريقك الاخير يا بهاء

ارتحت من قساوة الحياة

ارتحت من الظلم

ظلم كبير يا الله كل اللي بصير فينا .. رحمتك يا الله .. رحمتك وجبرك لكل القلوب الحزينة المكلومة

[wafa-thoughts]

[wafa-thoughts]

صحيح، بهاء

كمان كم يوم بصيرلك 10 سنين متوفي

حكيتلك اني اشتقتلك؟

اشتقت أسمع صوتك وأشوفك

مبارح مشيت جنبك، جنب بيتك الجديد، جنب مقبرتك بشارع صلاح الدين

بشتاق لشوارع القدس زي ما بشتاقلك

الثلاثاء بدنا نزور اهلك

صعب علي انه بنحكي عنك بصيغة الغائب

صعب انك مش موجود

بحكوا حرب الابادة خلصت

يا ريتك موجود يا بهاء

يا ريت بقدر احكي معك

10 سنين من عمرنا ما نسيناك ولا لحظة

دايما بندعيلك

سبقتنا كثير وعشنا بعدك كثير

يا ريت بقدر اكتبلك عن كل حروبنا الداخلية والخارجية

كنا رح نكتب مجلدات

ارتحت يا بهاء

من ثقل الحياة والدنيا والحرب وتغير المدن علينا

مبارح ما عرفت مين اهل القدس

احنا او هم

حسيت انه احنا اقلية

منتشرين بكل الشوارع مع عيدهم

كنت بتفرج بعيون المقهورة على البلد

على الحياة

مشيت وبقلبي غصة

يا ريتك كنت يا بهاء

يا ريت لو الحياة ما اختبرتنا بالحرب الثقيلة

تغيرنا بعدك كثير

صرت اسكت اكثر

بس لسا بحب الشوارع وبحب اقعد على البلكون اتفرج على حركة السيارات بالليل

مشتاقين يا بهاء

بتمنى تكون بمحل احسن

بتتذكر اغنية فيروز

وحدن بيبقوا؟

وحدن يا بهاء

بحب احكيلك دير بالك على حالك حتى لو بطلت عايش، دير بالك على حالك يا صديقي .

[wafa-thoughts]

القدس

08/10/2025

[wafa-thoughts]

[wafa-thoughts]

[souuadd]

Grief is just love with no place to go.

[wafa-thoughts]

هل أحن إليك أكثر في هذا الشهر

أم أن كل خيبات هذا العالم تعيدنا الى فعلك انت، أنت الذي قلت "لا" في وجه الظلم.

أريد أن أشاركك يا صديقي أنني لم أستطع أن أقول لا، اليوم قبلت بعمل لم أكن أقبل بقيمه مسبقًا، ولكنني قبلت ولم أستطع أن أمتلك الشجاعة لأقول لا، هذا العمل ينافي قيمي، ينافي حريتي.

يا ليتني يا صديقي تعلمت الشجاعة منك

أن أقف وأقول بصوت عالي يلعن أبوكم

لم أقف

وقبلت

وانا بكامل قواي العقلية

بعمل سيقيدني لعام كامل

هل أحن إليك اكثر بشهر استشهادك

أم أن هزائمنا الشخصية وهزائم مدننا تعيدنا إليك.

يا ريتك موجود بيننا.

[wafa-thoughts]