[yourfav-blackeyedbean]

لا تنسوا ان اختكم رجعت تبقى اكتيف ع الانستجرام تاني

كُل سنة وانتم طيبين 🙆🏻‍♀️🫶🏻

https://www.instagram.com/yourfavmonmona?igsh=MXJnMXo4ZXVuNjIyMQ%3D%3D&utm_source=qr

[ysmiiinn---12]

المبالغة في الحمدلله تأتي ب أرزاق من حيث لا تدرك

[yourfav-blackeyedbean]

سبحان الله والله، ربنا لما يحب يعمل من الانسان عبرة بيسلط عليه عقله

ربنا يكفينا شر قلة العقل

[yourfav-blackeyedbean]

انا شوفت Begin Again خمسين مرة بجد قبل كده لاني بحب مارك رفالو جدًا هو شخصيتي المفضلة في هوليوود من وقت ما كنت مراهقة، النهاردة اول مرة آخد بالي إن كييرا نايتلي مشيت وسابت الحفلة بتاعة آدم ليڤن في آخر الفيلم لما عمل تويست في نص الاغنية وقرر يحولها من اغنية بديلة indie rock لاغنية pop وقال just the same ، اول مرة آخد بالي ان السبب انها مشيت هي انها ادركت انه مش فارق معاه ان الاغنية دي هي كتبتها بطريقتها ليهم وهو اصر عند مرحلة معينة يحولها لأغنية pop ينفع يترقص عليها والناس تـ vibe عليها في الحفلة .. حاسة اني محتاجة ارجع اتفرج على كل الافلام اللي شوفتها وانا صغيرة تاني عشان واضح اني مش فاهمة حاجة

[yourfav-blackeyedbean]

قاعدة بتفرج على begin again وبخطط لحياتي الجاية وبذاكر وبخلص شوية شغل، والشمس مستخبية النهاردة واولادي بياخدوا ناب وبشرب مشروب الطاقة اللي بطلب منه يحقق لي احلامي المستحيلة في اني افضل فايقة ساعتين متواصل .. يا رب يا معين

[yourfav-blackeyedbean]

اللهم لك الحمد كما ينبغي لجلال وجهك وعظيم سلطانك

[yourfav-blackeyedbean]

النهاردة يومي قضيته كأم مصرية بحتة، صحيت قبل معاد صحيان العيال الصبح وبدأت اروق المطبخ وانا مشغلة اذاعة القرآن الكريم، وبعدين الولاد صحيوا وابني الكبير فطر واخدنا بعضنا واتمشينا للحضانة وجيت روقت ونضفت البيت وعملت غدا وبعدين رحت جبت ابني وقعدنا نتفرج ع التلفزيون ولعبنا شوية واتعشينا وبعدين حطيته في السرير وفضلت صاحية زي اي ام بقاوم النوم عشان الحق اصلي العشا فبل ما ادخل انام وعملت حاجة اشربها رقاعدة بستمتع باخر لحظة في اليوم وعيالي نايمين جنبي

وبجد.. ربنا يديمها نعمة، ربنا يديم نعمة اليوم العادي

[yourfav-blackeyedbean]

والنبي يا حباية الماغنسيم حسني جودة الساعتين اللي بنامهم وخليهم في عقلي الباطن ١٠ ساعات

[yourfav-blackeyedbean]

من الصبح مشغلة اذاعة القرآن الكريم وحرفيًا حاسة اني مرتاحة ارتياح عمري ما حسيته لدرجة اني قعدت اعيط وانا بذاكر من شوية لاني حسيت اني كنت تايهة بقالي سنين ولقيت مرسى، "لو حد متابعني من زمان هيعرف اني بقالي ١٠ سنين كل اللي بحس بيه اني بغرق واني تحت المياة وفي وسط البحر ولوحدي" النهاردة كان اول مرة احس اني راسي فوق المياة، انا مابغرقش وربنا موجود، انا شخص لو اتصنف على مدار اخر سنين حياته فا انا شخص غير متدين وعايشة اليوم بيومه، ولكن فيه حاجة حصلت من آخر مرة كنت في مصر غيرت توجهي في الحياة وبقيت حاسة اني محتاجة اكون اقرب من ربنا وان شعور الآمان في القرب من ربنا هو شعور لا يمكن استبداله وان كله بيمشي وكله رايح الا وجه الله .. فيا رب الثبات من عندك والبركة من عندك والخير من عندك والآمان منك يا رب ارحمنا في الدنيا والآخرة وماتحرمناش من راحة استشعار نعمك

[yourfav-blackeyedbean]

النهاردة عيد ميلاد بنت اخويا .. وهي اكتر حد بحبه في الدنيا دي قد ولادي

زمان ماكنتش بفهم قد ايه الانسان ممكن يحب عياله حب يعدي حبه لنفسه، وحاليًا مابفهمش ازاي الانسان يحب عيال اخواته اكتر من نفسه

مش هبالغ لو قولت ان الوحيدة اللي بشتاق لاني اشوفها وانا في بره مصر لدرجة ان قلبي بيوجعني احيانا هي بنت اخويا

ربنا يبارك فيها ويحميها ومايحرمنيش من اني اشوفها اجمل واسعد بنت في الدنيا

[yourfav-blackeyedbean]

١٨ يوم من غير سكر .. ومجرد التفكير في الحلويات بيقلب معدتي 🤦🏻‍♀️

[yourfav-blackeyedbean]

١٥ يوم من غير سكر واتسائل .. ما جدوى الحياة بدون كيكة شوكولاتة وطبقين عاشورا ؟

[yourfav-blackeyedbean]

Vivid dreams, nusea, cravings!

استرها يا رب

[yourfav-blackeyedbean]

١١ يوم من غير سكر .. مساء نوبات القلق والهلع الغير مبررة والـ ٦٠٠ حاجة اللي ورايا ومابعملش منهم اي حاجة

[hhhuuhhh]

بجد الحمد لله على اللحظة اللي بتيجي بعد يوم متعب في الشغل والواحد يروح ياخد شاور وياكل ويفتح تمبلر حتى لو مش بيعمل ريبلوجز او بوست ويسكرول شوية ويقفل

[lunamiszkaa]

انا ومج الايس كوفي اخر اليوم ضد العالم رغم انف كل حاجة

[yourfav-blackeyedbean]

عندي ايمان ان تمبلر هو البلاتفورم الوحيدة اللي هفضل طول حياتي الف الف وارجعلها .. من غيره ماعرفش اودي شخصيتي الحقيقية فين

[yourfav-blackeyedbean]

عاشر يوم من غير سكر .. لو كارب .. صيام متقطع

واقدر اقول بقلب جامد ان خدعوك فقالوا نشاطك بيرجع بعد ما بتقطع سكر .. انا بقالي ٣ ايام نايمة ولما بقوم بقوم متعصبة عشان مش عارفة اكل الحاجات اللي بتسعد قلبي

[mwrath]

لقيت ده

"Strike a monster while it's still a monster. Once you understand its pain, your hand begins to weaken."