@yourfav-blackeyedbean - Tumblr Blog

لا تنسوا ان اختكم رجعت تبقى اكتيف ع الانستجرام تاني

كُل سنة وانتم طيبين 🙆🏻‍♀️🫶🏻

https://www.instagram.com/yourfavmonmona?igsh=MXJnMXo4ZXVuNjIyMQ%3D%3D&utm_source=qr

عيد ميلاد بابا حبيبي النهاردة وهو في المستشفى من امبارح وامنيتي الوحيدة للسنة دي وكل السنين الجاية اني ماشوفش فيه حاجة وحشة ابدًا

لو كنتي استنيتي شوية يا سَلمى

مافيش حاجة بتخفف غربة الانسان عن نفسه ابدًا

من يوم ما عملت بطاقتي من ٧ سنين وانا حرفيا بتعرض لرخامة كُل اخ كبير وكل حارس من حُراس الوطن اعدي عليه سواء في كماين او في مصالح حكومية، ليه بقا؟ لان صورتي في البطاقة بحجاب وانا في الحقيقة مش محجبة.. لدرجة ان وانا بطلع باسبور ابني الصغير وداخلة امضي الورق كضامن تنحت مع موظفة الجوازات عشان قالتلي حطي حاجة على شعرك وانتي داخلة للظابط .. الظابط اللي لما دخلتله هو كمان "وهو من دور عيالي حرفيا" قال لي انا مش فاهم انتي محجبة ولا بشعرك وضرب كف على كف .. النهاردة الحمدلله اتصورت للبطاقة الجديدة بشخصيتي الحقيقية وانا كل همي اني اخلص من كل الاسئلة اللي بتدور في خاطر كل موظف حكومة نصب نفسه وصي عليا وقرر يسألني عن الحجاب اللي ماحدش في دايرة معارفي عمره سألني عليه ، والحمدلله جه وقت التصوير .. بس وانا بمضي ع الاستمارة ظهر من البعيد صوت موظف السجل المدني وهو بيسأل الظابط، في البطاقة القديمة بالحجاب.. اصورها بشعرها يا باشا عادي ولا ايه؟

راكبة مع بابا العربية وراجعين من اللجنة الطبية اللي قالتله انه خلاص لازم يعمل قلب مفتوح بعد ما جت له سكتة قلبية من اسبوع ومشغل لنا "ده الامل في عنينا والفرح حوالينا"

yourfav-blackeyedbean

انا اتضغطت في حياتي كتير وقليل، عمري في حياتي ما حسيت اني مضغوطة و irritated قد اليومين دول بجد فيه ايه ؟

yourfav-blackeyedbean

المهم اني سايبة مذاكرتي وامتحان المادة والشغل اللي ورايا والبحث اللي المفروض اعمله وقاعدة اظبط في الڤلوج بتاعتي ع الانستجرام 🥳

انا اتضغطت في حياتي كتير وقليل، عمري في حياتي ما حسيت اني مضغوطة و irritated قد اليومين دول بجد فيه ايه ؟

١٣ مايو

https://www.instagram.com/yourfavmonmona?igsh=MXJnMXo4ZXVuNjIyMQ%253D%253D&utm_source=qr

حاطة الايربودز في ودني وجوزي بيكلمني ومش سامعاه فا شالها وبيقولي بتسمعي ايه؟ قولتله بسمع حاجة مهمة

الحاجة المهمة ..

قولي يا شات جي بي تي ازاي اصارح جوزي اني عاوزة اشتري كاميرا تمنها هيأثر على وضعنا المادي والاجتماعي والثقافي والديموغرافي سنتين قدام ؟

هو ليه بيظهر ع الاكاونت بتاعي ان ده محتوى للكبار؟ ده انا حتى بطلت اشتم!

شوفت ست منزلة صورها قبل التلاتين وصورها بعد التلاتين وبعد ما خلفت على جروب تجميلي وبتسأل ايه اللي حصل (الفرق بين الصورتين تنها فقدت جزء من الدهون اللي في وشها ووشها اتنقل من مرحلة انه كان دائري واخد شكل بيضاوي وطويل) .. ولقيت كومنتات كتير اوي بتقول ان ده حصل معاهم بعد ما خلفوا ودخلوا التلاتين تركيبة وشهم اتغيرت تماما، الاجماع ده خلاني انا كمان افكر اني بجد من ٣ سنين فاتوا رسمة وشي كانت مختلفة تماما وماحدش كان بيشوفني غير وكان بيشبهني بغدير احمد، احنا الاتنين نفس رسمة الوش والملامح وشكل الشعر ولكن في ال ٣ سنين دول وشي اتغير تمامًا وفقدت جزء كبير من الدهون وبدأ عضم الخدود وال jawline يبرز لدرجة ان انا وجوزي من اسابيع كنا بنتفرج على لايف ليها وبنتكلم عن ان الشبه بيننا اختفى فجأة .. فا شكرًا للتلاتينات اللي بدأت تطفح على وش الواحد

انتم مابتسألونيش ليه؟

حاسة اني مش عاوزة اعرف حاجة عن اي حاجة لمدة شهرين كده

٦ مايو ٢٠٢٦

النهاردة اول مرة اسافر لندن من يوم ما جيت هنا من خمس سنين وعندي اسئلة كتير اوي مش لاقيالها اجابة اهمها الناس دي كلها جد ومكشرة كده ليه؟ هو ده المكان اللي الناس بتتصارع عشان تلاقي وظايف فيه؟ وديتوا كبار السن فين ؟ ايه كمية المباني الضخمة دي؟ مابيجيلكوش بانيك اتاكس من التمشية في الشوارع دي كلها؟ ازاي الناس دي كلها بتقدر توصل شغلها في المعاد؟ بجد الفلاحة الصغيرة اللي جوايا مخضوضة وحاسة بعدم الراحة وعاوزة ترجع مدينتها الشمالية الصغيرة تاني حالًا

Trending Blogs

Recently Viewed Blogs