Regulus @29-regulus - Tumblr Blog

You take enough distance from people and you see them clearly

what they really are..

How they really were to you

هناك ما يسحرني في احتضان المرأة لحبيبها من الخلف، لأنها تحبه، ولأنها متمسكة به، تطلق الثقافة الإنجليزية على المُحتضَن "الملعقة الصغيرة"، وكأن الحبيب ينتشلك ويحيط بك من كل جانب لتنتقل من عالمنا الموحش لعالمه الرحب، والرجل برغم أنه يقود الموتوسيكل ولكنه الملعقة الصغيرة في هذا المشهد، والمرأة ليست مفعول بها بل في الواقع بدونها يختل توازن كل شيء، والحب يسري بين جسديهما ليمنحهما الطمأنينة والسلام، ولا يهم إلى أين نذهب طالما يمضي كلانا نحو الآخر.

tinysweetsmoon-deactivated20240

jnjo

Nathanaëlle Herbelin, Huile sur toile 2020

الساعة اتنين و نص صباحا، انهاردة - أو تقنيا امبارح- كان يوم طويل للغاية كان مفروض أصحى الساعة سبعة و نص الصبح قفلت المنبه وصحيت الساعة تسعة الا ربع و انا شغلي أصلا الساعة تسعة .. قمت جري وأنا بغسل وشي الحنفية اتكسرت فاللي هو لا ده انهاردة يوم من اياهم وهيبقي صباح الخير بقي .. المهم إني بمنتهي الهدوء قفلت المحبس و نزلت علي الشغل .. قابلت واحدة صاحبتي و قررنا نجيب فطار و جربت إحساس إني بفطر في الشغل لأول مرة في حياتي و الحقيقة طلع إحساس فشيخ يعني

كلمت السباك و لقيت كالعادة التليفون بتاعة مقفول أو بايظ أو غير متاح .. قعدت أفكر لو اشتريت موبايل صغير مخصوص للسباك عشان لما أحتاجه أعرف أوصله بسهوله هاتكلف اد ايه .. لكن علي الظهر المعجزة حصلت و تليفونه رن أخيرا و كان فاضي اتفقت معاه انه يجيي وروحت جري عشان الحقه و بعد نص ساعة من الشاي و حكي ذكرياته عن الشغل في السعودية و أيام زمان و أيامنا اللي مفيهاش بركة انصرف أخيرا و فكرت اني كبرت بجد و اني بقيت بكلم السباك لنفسي لما تحصل مشكلة .. الحاجات الصغيرة الكبيرة في نفس الوقت اللي مبتبقاش حاسس بيها بس بتبقي مسئوليتك لما تعيش لوحدك عشان محدش تاني هيعملهالك .. الأفكار دي عادة بتحسسني بالزعل لكن اانهاردة لا

كان عندي شغل تاني بالليل و كان عندي وقت فاضي أسمع محاضرة لأول مرة من فترة طويلة .. و في آخر اليوم طلعت الناي و حاولت أتدرب عليه شوية، لسة بطلع الصوت بالعافية لكن أحسن شوية من امبارح

هو ده طموحي حاليا .. ان انهاردة يبقي أحسن شوية - شوية بس - عن امبارح.

بدات أحس بان في فرق بين الوحدة و الاحساس بيها .. او بين العزلة و الاحساس الداخلي بالوحشة .. أو بغض النظر المسميات الصح المفروض تبقي إيه لكن واحد منهم هو شعور صحي بالانعزال عن العالم و الاتصال بنفسك ، و التاني هو وعي مفرط -و مؤلم - بالفراغ والجوع في روحك طول الوقت بحس ان الوحدة مشكلة ذاتية تماما تبدأ من النفس و تنتهي اليها، ملهاش أي علاقة بوجود أو عدم وجود الآخر

زي الأيام دي من سنة تقريبا انهرت تماما علي سلم البيت، كانت ليلة قاسية وباردة حسيت إني لوحدي تماما في مدينة غريبة و قاسية ، كل شيء حصل من بعد الليلة دي كان زي تفاعل متسلسل كل حدث بيودي للتاني لحد ما وصلت لهنا ، مبقيتش أكثر شجاعة و لا أقل وحدة و لا فهمت الحكمة من كل ده

يمكن الحكمة الوحيدة اللي فهمتها إني مبقيتش أحسن ولا أذكى ، الحياة بس سمحتلي آخد فرصة أتنفس ، واني ممكن في أي لحظة ألاقي نفسي تاني منهارة في البكاء علي سلم البيت لوحدي تماما عشان هي دي طبيعة الحياة .. في لحظات الصفا بحس بالإثارة تجاه كل ده و زي الإيفيه المشهور بالفضول ؛ يا ترى إيه هيحصل تاني

اللي أعرف أعمله من وقت للتاني إني أوطي الدوشة اللي حواليا شوية و أحاول أسمع صوت نفسي أحسن

يناير 2020 -

valentina-poem

So broken I don't even know if I'll ever feel whole again

خصومة قلبي مع التصميم العام لحياتي

أنا مشوفتش الثريد المشار إليه و لا ليا تجارب مع دكاترة نفسيين ولا دي معركتي يعني و مع ذلك حسيت طاب ما كدا عندهم حق.

ده ألف باء أخلاقيات المهنة إنك بتعالج المريض بتاعك بغض النظر عن المعتقد بتاعه

يعني لو شخص ملحد بيلجأ لطبيب نفسي في مجتمعنا ده إزاي كطبيب نفسي مش هتتوقع إنه بنسبة كبيرة الكلام في الدين و النواحي الحساسة هيبقي جزء كبير من تجربته و الكلام اللي محتاج يقوله سواء ده خرج بشكل متعقل أو عنيف وقاسي وأنت كطبيب مينفعش تحط نفسك في نفس الخانة معاه و تقول أحترم معتقداته و يحترم معتقداتي الكلام ده مع أصحابك و زملائك في علاقاتك الشخصية في حياتك الاجتماعية في الناس اللي انت بتتطلع إليهم أو بتقرالهم أو بتسمعهم إنما تبقي منتظر ده من مريضك؟ ما ينفعش تطلب من المريض إنه يحسس و يطبطب علي معتقداتك وهو أصلا بيلجألك لأنه في حالة هشة

طاب لما المريض ده يبدأ يتكلم عن حاجات تانية ملهاش علاقة بالإيمان ولا الإلحاد بس لا تتفق مع كودك الأخلاقي أو القيمي هتتصرف معاه ازاي هل هتقوله معلش أنا مش موافق علي الكلام ده و مش هقدر أعالجك بردو.. يعني احنا بننتقل من إننا غير قادرين علي إننا نشوف أو نتعامل غير مع الناس اللي شبهنا تماما لاننا مش هنعرف نعالج بردو إلا الناس اللي شبهنا تماما

كنت هتفهم أكتر بكتير لو كانت دي مناقشة عن توقعات الناس عن الطبيب النفسي كلي القدرة و الصعوبات اللي بتقابله كبني آدم أولا و أخيرا عشان يفصل بين الشخصي و المهني أو امتي يقدر يقول انه غير قادر علي التعامل و الأفضل ينسحب

ثم بغض النظر عن مسألة الطب النفسي عموما.. ماهذه الهشاشة الشديدة و فرط الحساسية تجاه أي راي يعيب ديننا و قبل يعني ما ننفعل ونقول ده غيرة علي الدين و غضبة في سبيل الله و ما إلى ذلك خد دقيقة كدا و فكر مع نفسك بصدق هل الإيمان الحقيقي الصادق من القلب و هل العلاقة الروحانية الحقيقة بالله اللي هي المفروض جوهر التدين بهذه الهشاشة التي يجرحها انتقاد من هنا ولا سباب من هناك .. طاب كطبيب نفسي هل رد الفعل القوي الذي يتولد داخل الناس تجاه هذه الصغائر له معنى ما أو هو تعويض عن أمر ما..؟