les Jours Tristes

[myblueberrynights7]

ممكن اللى يشوف البوست ده يدعي لبابا وماما ربنا يشفيهم ويعافيهم من كل شر ويطمنا عليهم

[huariqueje]

Unknown - Sebastian Blanck , 2026.

American, b. 1976 -

[myblueberrynights7]

فتحي (القط) طلع بيحب الكيك! 😅

هعمل حسابه ف الكيكة المرة الجاية

[myblueberrynights7]

الحياة غريبة .. موت

وصعبة .. موت

تبقى صاحي من قيلولة المفروض .. تلاقي نفسك بتنهج وضربات قلبك سريعة

مقدرتش اقعد لحظة ونزلت اشم هوا

الحياة غريبة .. تروح مكان تشتكي منه وماترتاحش فيه وبعدين يخلص وقتك وانت ال تبقا عايز تقعد لأسباب بعيدة عن انك مبسوط او مرتاح بس الأوضاع المحيطة تحكم

الصداع النصفي كان سايبني بقاله شويا الحمدلله .. رجع يضرب من جديد ( يكونش ده ونمط الاكل المختلف وكل حاجة بسبب انه متوترين حاجة بسيطة تقريبا؟؟)

افتح رسايل من فوق ف اشك انها وضع فظيع مرينا بيه قبل كده و رجع .. واخد نفسي انه الحمدلله الأمور بخير ومفيش حاجة حصلت

امتى عقلي وقلبي هيرتاحوا ؟

[infantts]

[artemisthehuntress95]

الحالة:

[myblueberrynights7]

ااه !

[simena]

Anastasia Yarygina

[myblueberrynights7]

فتحي!

[gothredy]

[myblueberrynights7]

عيشت كمية مضاعفة جدا من الأحداث والمشاعر ف الفترة الاخيرة .. للاسف الحياة سريعة لدرجة مش لاحقة اهضم حدث حدث او حتى اوقات أقف عنده بس انه ااه هذا يحدث .. العالم يستمر رغم كل شئ .. غريب جدا العالم مش بيقف زي الافلام! .. الأفلام القديمة اظن لان الجديد بقوا بيقلدوا الواقع والاسوأ ف مفيش مهرب! ولا إبداع

ياريت كان عندي فرصة ف ال فات ده اكتب كتير .. اكتب سرد حتى للي بيحصل او حاساه بس مكنش فيه وقت ولا قدرة ... انا مش هنسى هنسى او يمكن انسى التفاصيل بس كله هيتخزن جوايا ويطلع ف اوقات غلط كالعادة؟ عياط هستيري وصريح لحد ماصوتي يروح

حياتي كلها بتتشقلب مش عارفة للمرة الكام .. ونفسي افهم ربع ال بيحصل اي حاجة.. مش عارفة

كل ال اعرفه ومتاكدة منه اني تعبانة جدا اوي خالص والله كل التعبيرات مش هتكفي عشان اعبر كويس .. بس تعبانة لدرجة هموت .. لو ينفع اسيب كل شئ واروح مكان فيه بحر واتنسى كم يوم لحد ما اسرب كل المشاعر دي

[myblueberrynights7]

اعصابي بتتحرق .. صوتت لحد ماصوتي راح ومش كفاية للغضب ال جوايا مش قادرة اهدا مش قادرة اعيش .. يا رب والله ابتلاء صعب انت قادر ع كل شئ .. مش عارفة احنا لسه هنعدي بباقي المراحل ازاي .. انا تعبانة جدا وهم تعبانين والناس باردة بتنصح ولا كأنهم معانا .. طيب انا مش قدها .. يا لهوي لما بفكر ازاي مش هبقا معاهم بحس بالذنب جدا .. طيب اعمل ايه بس .. اعمل ايه بس يا رب

[idleminds]

[myblueberrynights7]

والله ماعارفة اقول ايه .. من كتر الحزن والانهيار قعدت اضحك من شويا .. مش مصدقة اني بضحك ف موقف زي ده لكن ايه اقدر اصدقه من ال بيحصل اصلا!

الحياة حزينة جدا وساخرة .. نفسي افهم ازاي مكملة عادي رغم كل ال بيحصلها وبيحصلنا .. ازاي هنام واصحى الفجر اسافر للشغل عادي كده والناس هتتعامل معايا كأنه العالم عادي مش منهار تماما!

.. الحمدلله .. لعله خير .. لعله اجر وعافية لينا جميعا .. ضاقت يا رب حلها من عندك

كل شئ مقرف .. كل حاجة مخلياني قرفانة متعصبة مقهورة .. لو حد لمسني بس وبصلي ف وشي هنهار هقع ادوب ع الارض

اوقات بقول ياريتني بعرف اعبر كويس ف احكي ال حاساه او حتى اكتبه .. لكن الايام دي هتفضل محفورة جوانا واحنا الشاهد الوحيد عليها

الهمنا يا رب التصرف الصحيح وهونها علينا

[myblueberrynights7]

امبارح اللفتة اللطيفة ال حصلت .. طلعوا كذا لفتة الحمدلله .. كنت هقول سواق الباص ال لقاني ف نص السفر تعبانة او شكلي متبهدلة او ايا كان انا كنت بعاني فعلا بس اكيد مادركش كل ده .. لكن فيه حاجة لفتت نظره ف خلاهم يفضوا لي مكان عشان اقعد ف مكان اقرب واريح من نفسه ماكنتش قادرة اطلب ولا فارق لي اى شئ .. الحمدلله كمان اني قدرت ارجع البيت يومها مكنتش هقدر ابات ف نباطشية نايت .. الحمدلله اني رجعت مرة واحدة ماتبهدلتش الحمدلله .. عندي احساس دائم اني عايزة ارجع او أقع ع الارض .. ارجع من كتر ما الحياة مقرفة وصعبة وواقفة ف زوري .. مش عايزة اعيش ولا ثانية زيادة بس حاسة ده جبن وتهرب من المسؤلية فظيع .. يا رب قدرني اعيش واعمل كل ال اقدر عليه يساعد ويهون .. يا رب قويني ابقا بساعد ماقعش اكتر وابقا انا حمل زيادة

[myblueberrynights7]

يشاركني جحيم الايام دي لقطات بلحقها كل ماعرف من مسلسل كوري ... كنت بشوف flower of evil مع بداية الانهيار العالمي (عالمي انا) .. حاليا بشوف beyond evil

مش عارفة اشمعنا دول .. انا بشوف وانا مش قادرة اندمج حتى .. هفتكر الايام دي واللقطات بتاع الحاجات دي ف الخلفية والمزيكا بتعيد كل شئ

يا رب الايام دي تعدي ع خير و يا رب زيح الغمة وارفع عننا برحمتك ولطفك

[maremonstrum]

it moves!

[hellish-daddi]

[myblueberrynights7]

ااه

[myblueberrynights7]

وهي واقعة ع الارض وبنسندها بتموتني اللقطات دي زي مابتزعلها .. انا عارفة ألمها كبير بس مش عارفة اعمل ايه .. خايفة ابقا بتعبها بجد زي مابتقول بس والله ده ال اقدر عليه .. دي حدود معرفتي ومحاولاتي .. يا رب وجهني للأحسن ليها وساعدها ترجع زي الاول واحسن

بنام وعاملة حساب قلق الصحيان الصبح وشوفتها زعلانة ع نفسها .. الحمل تقيل عليها .. وعلينا .. بس الأهم يا رب تخف وتبقى كويسة والباقى سهل ان شاءالله

الحياة واقفة مش عارفة نمشيها ازاي وده بيحصل .. بروح الشغل وهي تعبانه بسيب قلبي معاهم .. مش قادرة اجهز اي شئ لأي حاجة مش شايفة اي حاجة لبعدين .. ببذل مجهود كبير عشان اعيش كأنه عادي كأنه الحياة مكملة .. عارفة انه هم كمان تعبانين وبيمروا بده وهي تعبانة اكتر بكتير .. ربنا يجعله ف ميزان حسناتها ويهون عليها وتبقى بصحة وعافية

[myblueberrynights7]

الحياة جحيم .. لا حول ولا قوة الا بالله

[myblueberrynights7]

امتى ده ينتهى .. يا رب ينتهى ع خير

ضاقت يا رب

لا حول ولا قوة الا بالله