Mostafa Magdy @7aaawy - Tumblr Blog

انت نفسيا احسن دلوقتي؟ شوفت حاجه كتبتها من فترة ف بتطمن بس

متشكرين والله ع السؤال .. لكن الشئ بالشئ يذكر .. اعتقد اني محتاج الاقي حل جذري لفكرة اني عايش في توتر ف العموم .. يعني فكرة ان شوية والدنيا هتظبط دي طلعت اشتغاله انا بقول كده لنفسي من ٢٠٠٩ ولا حاجه .. ف غالبا انا اللي نظرتي او تعاملي مع حياتي مش صح او محتاج تعديل

كم المرات اللي خطوطنا تقاطعت مش طبيعي. بس مش لدرجة اني اكتشف اني عملالك فولو على تمبلر من اكتر من 4 سنين.

قوانين الصدفة شدة حيلها

اه انا هنا من زمان اوي :)

7aaawy

“بتهته وانا بتكلم مع الناس لكن مابتهتهش و انا بتكلم مع نفسي .. بس انا مش عايز اتكلم مع نفسي انا عايز اتكلم مع الناس”

— يحيى - رسايل البحر (via 7aaawy)

تسع سنين تمبلر ..

memeclassheroes

7aaawy

““إن المصريون لايحبون المنطوى ، ولا يستريحون له بشكلٍ عام … إنهم يفهمون أن تكون وقحاً ، أو أن تكون صاخباً ، أما أن تكون منطوياً مهذباً غامضاً ، فهم يظنون بك الظنون””

— أحمد خالد توفيق (via 7aaawy)

7aaawy

“لا تبرر غرابتك .. لأن لا أحد مر بأحداث قصتك”

— إيمان عادل (via 7aaawy)

mundoindepedente

تعمل ايه لو حد من اصحابك بيحب و نسيك خالص ؟ يعنى مبقاش يكلمك خالص و ممكن تلاقيه أونلاين بس مبيرودش على رسايلك ؟

للأسف معنديش اجابه انت سألت الشخص الغلط

كان العلق نفع نفسه

7aaawy

يا رب ولد (١٩٨٤)

انت بتبقى عارف نفسك عادة .. يعني مثلا انا عارف اني ممل بس عامل عبيط عن الموضوع ده وعارف اني كطرف في علاقه لا أطاق ماهو برضه محدش بيفضل ساكت دايما كده ده ايه الزهق ده .. بس كنت بقول يا رب هي بالذات متقوليش اني ممل .. لكن قالتهالي مره للأسف من سنتين ولا حاجه .. يمكن اول ما حد يبدأ يشوف حد ممل يبقى بطّل يحبه .. او يمكن ممل وبتحبني عادي يعني! الله أعلم بقى

انا مبقتش اجي هنا خالص .. دخلت بحنين اشوف كنت هنا امتى ومين كان هنا اخر مره اكتشفت ان فيه ناس كتير اوي اعرفها اخر مره دخلوا كان من خمس سنين واكتر .. الوقت بيعدي بسرعه اوي اوي وبنتسحل ف مليون حاجه وبننسى حاجات اكتر

7aaawy

التوقيت معرفش هى الصدف المتواصلة ولا ده القدر ولا هى لازم تحصل كده عشان نتعلم .. او نيأس .. المهم انى معرفش على مدار وقت كبير جدا أغلب المواقف المؤثرة فى المشوار كانت بتيجى ف توقيت غريب .. او يمكن غريب بالنسبة لوجهة النظر البشرية او زاوية رؤيتى انا -مع انى لاحظت موضوع التوقيت ده متأخر- لكن بشوية تركيز كده واسترجاع للشريط بتلاقى ان اكتر الأوقات اللى كنت محتاج فيها مساعدة هى أكتر الاوقات اللى كان منتظر منك فيها مساعدة .. ولما تبان مش قادر تساعد ف الموقف ده بيتحكم عليك انك “مش عايز” تساعد مع ان المشكلة مش فيك هى مشكلة توقيت مش أكتر وقت ما تحاول تاخد هدنة من كتر ما انت تعبت هو نفس الوقت اللى بيكون الناس مستنين منك فيه أعلى قدر من المشاركة .. فتبان “غير راغب” مع انهم لو قابلوك قبلها بشوية كانوا هيشوفوا الجانب الفعال فيك واللى كان غالبا ساعتها مستهلك ف المكان الغلط .. لكن الأزمة أزمة توقيت أكتر وقت بتكون محتاج فيه أصدقاء يكونوا جنبك هو أكتر وقت بتكون الناس خدت عنك فكرة حبك للوحدة .. لكن المسألة مسألة توقيت أكتر وقت بتكون محتاج فيه تحب بتلاقى الشخص الغلط هو اللى معاك .. او يمكن انت الشخص الغلط بالنسباله .. فى النهاية هى مسألة توقيت وأكتر وقت بتكون محتاج تعيد فيه حساباتك هو الوقت اللى بتقابل فيه الشخص المناسب .. لكن بيكون ف التوقيت غير المناسب التوقيت له دور كبير أوى ف الرحلة .. يمكن احنا مبناخدش بالنا منه .. او يمكن هو اللى بيعند معانا دايما

التوقيت (via 7aaawy)