لا عندي دموع أعيّط ولا عندي جناح أطير
في قلبي تُقل الجبل ورِقة العصافير
بحلم كإنّي بعيّط زي باقي الخَلق
يا دمعة العين متخافيش تجري
لا بُد مِنك في الحماس الحق
بكيت مسحت دموعي بمسح دموعي بكيت
يا حتة من قلبي بتتقطع يا حتة من قلبي أنا المقطوع
بيسألوني سؤال مُضحك أحب أموت ولّا مَعيشّي
يوم أقول الموت أخف ويوم مكانتش الدنيا سايعاني
بَعتَرت عمري في الفضا على بال ما يلحقني القضا
كنت حالف تحت عين الله إني آخُد حقي من موتي
أعيش واخد على خاطري وأموت مَسرور
النهاردة كنت كويس قدام الناس بس مكنتش أنا
ومش عارف إمتى هكون كويس وأنا
لا أنا مُنهزم ولا مُنتصر ولا مُستريح
وفـِ كل خطوة أنا بنكسر وأرجع صحيح
مرضيتش أعيش من غير عيونْ وودانْ
مرضيتش أعيش من غير فؤاد ولسانْ
أنا المُغنّي ضلوعي زي الشجر بتفرش الظلة
كنت غنوة في أخر الطُرقة قاعدة بتعیّط بصوت واطي
كنت طفل عيونه أوسع من هدوم العيد
بعرف تمن كل شيء ما دُمت أنا المَغلوب
أنا جرحي زي الريحان بيضُم ويفتّح
أنا في إختراع الأمل صاحب عَشَر براءات
فرحي ضعيف؟ لأ، عفي .. حزني خفيف؟ لأ، خفي
خايب؟ لأ .. خاين؟ لأ .. خايف؟ آه
بُص تحتك يا أسير الأسَى التراب بيغربل اللي إتنسى
شِب فوق السور كما يَلْزَم لَم أَزَل منصور ولم أُهْزَم
أصرُخ على الأوضاع يا مين يصحح
الجحيم بيساوي قسوة بني آدم والجنة فرط الحنان
والحب أرحم لمَّا يبقى مغازلة
حِمل الليالي خفيف لمَّا يشيلوه إتنين
ينجح في الإنسانية يسقط في كل شيء
وكأنه وحده في السبيل عابر
وشيء في قلبه يدُق ما يعرفوش
يا أخضر بقيت كل الألوان إلّا الأخضر
لسّه إبتسامتك هتكبر كل ما تآسي
ليه كل ما نقول آه الناس تقول الله
ويقولولك الحياة ديّة ماتساويش الهَم والديّة
راح تموت بطريقة ودّية لو تعيش بطريقة ودّية
آمِنت بالإنسانية وإلتفت جريح
كل قلب ومهما كان قاسي يطلب حنان الأهل
ولا عُمر خطوة إنتهت ولا جرح صادِق لَم
قلبك بيجري والساعات واقفة
مين اللي أكبر؟ مقامَك في قلوب الناس ، ولاّ مقامهُم فِـ قلبك
مليش غيركم وطن تاني ولا صاحب ولا مطرح
مكتوب نقرّب لمَّا نِتبَاعد
مكتوب لكل الحبايب وَعد يتقابلوا
في يوم حنيّن أحن من اللي كان قبله
طلّيت من الشباك على الشباك
يا طول حنيني من هنا لهناك
دُخانك إسود يبقى قلبك شايل
لكن هسيب حضني في حضنك مايل
فين طلّتك بالدقايق تسبق المواعيد
والإبتسامة اللي أحلى من السلام بالإيد
كانت عيونِك بتحفر في الليالي طريق
جمّعت قلبي وكنتي في قلبي وفي ريقي
فرّقت قلبي ونابِك كل تفريقي
وإنقطع قلبي لشفايفك لمَّا حاولت الإبتسام
يا ريتني أعمى أشربك باللَمس ولّا أشمك في بيار الأمس
لسّه محتاج لِك خُدي بِيَدّي وإمسحي اللي بيجري فوق خَدّي
كنت أسمع منِك الكلمة ألقى فيها الحب والنعمة
القهوة تحب كنكة والكنكة تحب كنبة
والكنبة تحب قعدة مبسوطة مِربّعة
وكنّا أربعة .. أنا وإنتي .. وأنا وإنتي
أنا بتغلب لِك يا قمر مخصوص عشان نمِد السهرة ونطبّق
القمر يشوف ودنها يعمل حَلَق يشوف حلقها يعمل ودان
بِنتنا ترضى بقليلها قلبها الرايق دليلها
بَفتكر طريقتها لمَّا تبوس
يا حتة من خدي في شفايفها من شفتي في خدها
يا حتة من ضحكي اللي مش قدها
يا حتة من عقلي اللي مش ليَّا
أشيل الدنيا بجناحي أنا وهيَّ
إبتسامِة كل واحد فينا إبتسامة من بطل مضطر
ولا بنحب نبكي ولا بنعرف نطير
ألفين سنة ويفضل كلامي جميل
