تجربتي هذه المرة كانت من حي النسيم لمحل يقدم شاورما بفكرة جديدة اسم المطعم شاورما جريلو حسابهم ع الانستغرام @shawrma_grello @shawrma_grello عنوانهم جدة - حي النسيم - شارع أم المؤمنين صفية - بجوار مهجة النسيم و مقابل بندتي . . . هذا المطعم يقدم الشاورما بطريقة مختلفة عن البقية يقدموا خمس أنواع من الشاورما بنكهات مختلفة بخبز الصامولي بنوعين أسمر و أبيض . . والمميز إنو يتم تحضير كل الأطباق في نفس وقت طلب الزبون . . تجربتي كانت للخمس أنواع اللي يتم تقديمها عندكم و أكثر شيء ناسبني هي اللي راح أكتب عنها في هذا التقرير . . شاورما باربكيو : هذا الساندويتش موجه لمحبي نكهة الباربكيو فهو خليط من الدجاج مضاف إليه الفطر و البصل والذرة و الفلفل الرومي وجبنة التشيدر و سلطة ملفوف مع صوص الباربكيو ،، كل هذه الإضافات أعطاها خليط متجانس من النكهة الجميلة سعر الساندويتش : ١٢ ريال . . شاورما صيني : وهذا الساندويتش موجه لمحبي النكهات الآسيوية الحارة نوعاً ما فهو خليط من الدجاج مضاف إليه الفطر و الزنجبيل و الفلفل الرومي والبصل و الفلفل الحار و الجزر بالإضافة لصوص الصويا ،، طبعاً حسيت فيه نكهة مختلفة عن الباربكيو بسبب صوص الصويا و الزنجبيل سعر الساندويتش : ١٢ ريال . . شاوفرايز : هنا نجي للمتعة الحقيقية ، إذا كنتوا شخصين أنصحكم إنكم تبدؤوا بهذا الطبق اللذيذ ، عبارة عن بطاطس مقلية وينضاف عليها شاورما و اختيارك من النكهات المتوفرة عندهم وصوص الجبنة التشيز و صوص جريلو ،، زي فكرة البطاطس بالدجاج المقلي بس هنا مسوينها بدجاج الشاورما ،، نكهة جيدة و جديدة سعر الطلب : ١٢ ريال . . لطلب وجبة تقدر تزود ٥ ريال وتاخذ مع الساندويتش بطاطس و مشروب غازي . . الإيجابيات سرعة تجهيز الطلبات النكهات جميلة و متنوعة السعر نوعية الخبز ممتازة الناس اللي ما تحب الخبز موفرين لهم وجبات بالرز السلبيات عدم توفر قسم عائلات عدم وجودهم في برامج التوصيل المختلفة . . نشوفكم في تقرير قادم ❤ #يمي_جدة #مطاعم_جدة #جدة #جده #السعودية #سعودي#مطاعم #صيني #yummyjeddah #yummy#yummy_jeddah #jeddahfood #jeddah_food#jeddah #ksa #دجاج # #نكهات #food #باربكيو#طعام #يمي #foodporn #grillo #جدة_شاورما #لذيذ #النسيم #الذواقة #مطاعم_السعودية #شاورمادجاج