[abdallahyadam]

لسه مكملين مع بعض؟

We are engaged now الحمدلله 😄❤️

[abdallahyadam]

احكي عنها

هي عبارة عن الحاجة اللي وجودها بيخلي يومك ألطف و worth living ..

عاملة زي ريحة الياسمين اللي بتهب ف الجو في الربيع لما توصل للمكان، ضحكتها قادرة تصلح كل الخراب اللي موجود وتقولك إن كل حاجة بخير وأي حاجة تانية مش مهم وهتعدي طول ما الضحكة موجودة ودا يخليك تتشقلب وتسعى بكل الطرق عشان ترسم الضحكة دي على وشها ، بتخليك تطلع احسن ما عندك وتبقى عايز تكون أحسن حاجة ليها عشان توفيها قدرها، بسيطة بدرجة تخطف القلب وتخليك تتعجب ازاي حد بالبساطة دي يطلع منة كل الجمال دا ؟ قادرة تبقى أجمل واحدة بدون أي مجهود ليترالي :)

يوم بعد يوم مش بتستوعب غير قد اي هي مميزة ومختلفة عن الباقي، حاجة نادرة لمعانها بيزيد كل يوم لدرجة هي مش مستوعباها،

كل ما تقرب منها كل ما تغرق اكتر وتتعلق اكتر، كل ما تشوف اوضح وتنبهر اكتر والنتيجة انك بتلاقي نفسك إتحبست في دوامة من الجمال ومش عايز تطلع منها أبداً.

[abdallahyadam]

التعامل مع الموت on a daily basis والتعب بكل أشكالة، وإزاي حيوات الناس بتتغير في يوم وليلة ويمكن لحظات، وإزاي الانسان ضعيف أوي أوي وممكن حاجات لا يعلم عنها شيئا تأثر على حياتة للأبد وممكن تنهيها حاجة مرهقة ..

[abdallahyadam]

في الإستقبال إمبارح الساعة ٢ بليل عيان 40 سنة معندوش أي تاريخ مرضي لا ضغط ولا سكر ولا مدخن حتى، جاي بأعراض ذبحة صدرية، عملتلة رسم قلب = ذبحة صدرية ومحتاج قسطرة قلبية وتدخل حالا، وفي خلال دقايق العيان حصلة توقف في عضلة القلب، ودخل في اضطراب في ضربات القلب، إشتغلنا علية إنعاش قلبي وصدمات كهربائية وإتحطلة أنبوبة حنجرية، والعيان رجع تاني معانا وقلبة إشتغل وإتحرك عشان يعمل القسطرة ..

الراجل دا مكانش عنده أي أعراض، مكانش بيشتكي من حاجة، صغير في السن، كل دا حصل فجأة، أنا شوفت حالات زي دي كتير، بس المريض دا شاغل بالي من امبارح، الدنيا مش مستاهلة حزق كتير ، ومش مستاهلة كل المبالغات اللي بنعيشها بسبب حاجات كتير متستاهلش، حافظوا على نفسكم وعلى صحتكم النفسية والجسدية، لأن مفيش حاجة تستاهل ..

[abdallahyadam]

انها تمطر في جميع الأوطان.

[abdallahyadam]

DISCONNECTION.

[abdallahyadam]

في أوقات كل حاجة بتبقى تقيلة، حتى الأفعال البسيطة الروتينية اللي انت متعود عليها، التعامل مع الناس، أيام مش بتلقى روحك فيها، بتكون إنسان غريب، محدش فاهمك ومحدش فاهم إنت عايز إيه، وأحيانا إنت نفسك مش فاهم انت عايز ايه، بتحس إنك لوحدك وبتعاني لوحدك مهما حكيت.

[abdallahyadam]

My body is falling apart.

[abdallahyadam]

في عيد ميلادي ال 27 طالع من شيفت ٢٤ ل شيفت ٢٤، مرهق جدا، جسمي متكسر، في حرب عالمية على الأبواب، وكل حاجة بتقولي هابي بيرث داي تو مي 🥳

[abdallahyadam]

﴿وَكَيْفَ تَصْبِرُ عَلَىٰ مَا لَمْ تُحِطْ بِهِ خُبْرًا﴾

[ الكهف: 68]

[abdallahyadam]

يا ترى الزمان مخبي لينا إيه ؟

[abdallahyadam]

علبة العصير اللي سبتها تسقع في تلاجة السكن اتسرقت :D

[abdallahyadam]

يا ترى الزمان مخبي لينا إيه ؟

[abdallahyadam]

هاى عبيدالله 😅

مبسوطه جدا لما عرفت انك تخصصت، لما لقيتك كاتب مخ واعصاب قولت اخيرااا اتطمنت عليك وعرفت انت رسيت على ايه مهو برضه بعد صياح سنين الكليه بالكامل معرفش تخصصت ايه 🤭 ،ربنا يجعلك سبب ويستخدمك للخير يارب يارب

ياااااارب اسمع عنك كل خير دايما يارب

هاي يا أنون، والله زمان 😂❤️

شوفت بقى الزمن وعمايلة .. الحمدلله والله، آمين يا رب ثانكيووو 🥹 ودعواتك دايما والله لسا بنشق طريقنا 🌚

[abdallahyadam]

9:34 AM

يا رب صبحنا وربحنا

[abdallahyadam]

الصورة دي من حوالي سنتين، كنت في كشك المخ والأعصاب في مستشفى قصر العيني وأنا إمتياز لسا مش عارف حاجة ف حاجة .. عدت السنين والدنيا لفت وأخدت تخصص وغيرتة، عشان في الآخر أتخصص مخ وأعصاب برضو :"D

[abdallahyadam]

بخاف أوي من اللحظة اللي بتدرك فيها مرور وقت كبير فجأة، ميموريز بتطلعلك بتبقى فاكر انها قريبة بس بتكتشف إن مر عليها سنين، أو صورة قديمة بتظهر قدامك، تقعد مستعجب إزاي عدى كل الوقت دا بالفعل؟ أو شات قديم فتحتة، فتلاقي مر سنين على آخر رسالة فيه وانت في خيالك إن الكلام دا كان قريب !

وفعلا زي ما حد قالي " مفيش أسرع من السنين صدقني، حاول تستمتع بكل فترة بكل قرفها ".

[abdallahyadam]

متقولش ان الموضوع ليه علاقه ب اللي كل يوم بتقول هحكي عنك 🥺

It's complicated

[abdallahyadam]

اختفيت تاني 💔

موجود أهو 😅