AHMED EMAD @ahmedemadm - Tumblr Blog

ahmed-beedo-deactivated20210831

مساء الخير

من فترة كنا متفقين أنا وبعض الأصدقاء أننا هنتجمع ف القاهرة يوم خميس، صديق نازل من السويس وهوب لسه هنقعد ألاقيه بيقول محفظتي اتسرقت، ماكناش متأكدين وقتها هي اتسرقت وألا وقعت وسيناريو أسود عمال يترسم ف دماغه بقى هيطلع الورق ده كله تاني أزاي و و، وفجأة يبلّم ويفتكر كارت ال ATM, هو كان لسه مجدد الكارت قبلها بيوم واستلمه وما فعّلهوش، جرينا ع البنك قالك اتصل بالخدمة هيوقفوه، قلناله أنه ما اتفعلش أصلا قالك لا كده لازم تطلع بسرعة ع الفرع اللي عمل فيه حسابه ويوقف أي تعاملات، الفرع ف السويس وعلى ما يرجع هيكون البنك قفل، الراجل قال ساعتها كلمة عظيمة، قال، يبقى أدعو ربنا أن اللي هيلاقي الكارت يستذكى ويقرر ما يجربش الكارت، أصل هيجربه ليه وهو مستحيل يوصل للباسورد؟ ساعتها كنت ماشي طول السكة بتخيل لو الحرامي أو اللي هيلاقي الحاجة قرر بس كده قرار مجنون أنه يدخل كارت ما يعرفش رقمه السري ف الماكينة فيلاقي السيستم بيطلب منه يدخل الباسورد اللي نفسه فيها وأحنا صابحين جمعة وسبت وممكن يبقى معاه حد الصبح كمان يعني ٤ أيام هيسحب فيهم مبلغ محترم بالكارت، وهو مالهوش تعمل أي حاجة.

من سنتين زميلة كانت ف مطروح وموبايلها يتسرق، الحرامي من خفة دمه جالها وهي بتدور عليه وقالها هو حضرتك بتدوري على حاجة؟ قالتله أه موبايلي ضاع، قالها أصل أنا لاقيت موبايل وعشان أتأكد أنه بتاعك أديني الباسورد هروح أفتحه لو فتح يبقى بتاعك هجيبهولك 😂، القصة أن زميلتنا بتحكي أن باسورد الموبايل ف اللحظة دي كان واحد، اتنين، تلاتة، أربعة 😂😂،

مرة ف امتحان عربي ف أولى ثانوي ف سؤال الإعراب ف النحو كان مطلوب إعراب ٣ كلمات، الأولى طلعت مفعول به، والتانية مفعول به، والتالتة مفعول به، وقفت قدام السؤال وقلت أنا أكيد غلطان ف حاجة مستحيل اللي حط الإمتحان يكون قرر يحط التلاتة حاجة واحدة والحاجة دي لو عيل ف ابتدائي هيجاوبها، قررت أشك ف نفسي وما أشكش للحظة واحدة ف الراجل وغيرت إجابتين منهم، بعد الإمتحان طلع أن فعلا الراجل قرر يزاول مدرسة بحالها ومفيش ولا واحد حل السؤال ده صح، كل المدرسة قررت تشك ف نفسها وما يشكوش ف الراجل 😂

أحيانا الحياة بتديك الحاجة لحد عندك على طبق من ماس مش بس دهب لدرجة أنك مستحيل تفكيرك يجيبك أن ممكن الحل يبقى هو أبسط أو حتى أتفه حاجة دماغك مستحيل هتروح ليها،

كان فيه فيلسوف مش فاكر اسمه بيقول لو فقدت حاجة ودورت ف كل الأماكن الممكنة وما لاقيتهاش روح دور ف الأماكن المستحيلة، الغير منطقية، الأماكن اللي مش ممكن تيجي على عقلك ف أول مرة، وهتلاقيها هناك

أوقات المنطق والتفكير بيفسد عليكم متع وفرص كتيرة الحياة بترميها تحت رجليكم والناس من كتر ما بتقرر تستذكى وتعقد الأمور بتضيعها بكل بساطة، فرصة الواحد ف المليون اللي عمرك ما تتخيلها ممكن تخبط على بابك وعقلك هو اللي يضيعها بكل ذكاءه العظيم، جربوا تكونوا لامنطقيين شوية هتلاقوا الحياة اختلفت تماما.

8areb-f-blad-8areba

Claps of thunder and bolts of lightning Wind comes howling through Sometimes love is just a kite string And a heart shaped at two And holding on can be so frightening I know she’s frightened too But I’ll go dancing out in the thunder and lightning If she will too If she tells me she will too Be a lantern burning Never gonna go out Oh, the winds are turning Never gonna blow out I’ve had a life of learning I know people come and go Be a lantern burning Your fire burns low Be my lighthouse shining Out on the sea Be my silver lining Be my golden key I’ve had a life of climbing Don’t let me fall from the trees Be my lighthouse shining When I’m out on the sea

egyptiannoor

9 street, El Maadi, Cairo, Egypt.

8areb-f-blad-8areba

عن الاحتياج للحضن

الاحتياج للحضن هو واحد من أهم الاحتياجات الإنسانية وأطولها عمرا وأقواها أثرا على الإطلاق.. والاحتياج للحضن زيه زى كل احتياجاتنا الإنسانية..بنتولد بيه ونعيش بيه ومانقدرش نكمل حياتنا بشكل صحى وسليم من غيره.. ونقصه أو عدم إشباعه ممكن يؤدى لكثير جدا من الأمراض أوالأعراض المرضية.. مشكلة الاحتياج للحضن إنه احتياج مزدوج..يعنى هو مش بس احتياج جسدى.. لا.. هو كمان احتياج نفسي.. وفى الحقيقة ده الأهم.. وده الأخطر..

أول علاقتك بالحضن كانت فى اللحظة الأولى لاحتضان الأم لك وانت عمرك ساعات معدودة.. والحضن ده بالذات ليه وظايف مهمة جدا..أبسطها إنه كان بيحسسك بوجودك.. بيحسسك إنك موجود..وأحدث الأبحاث العلمية وجدت إن الحضن الأول ده مهم يكون فيه تلامس مباشر بين أكبر مساحة من جلد الأم وأكبر مساحة من جلد الطفل (اللى يستحسن يكون عريان تماما).. علشان فرق درجة حرارة جلد الأم عن درجة حرارة جلد الطفل بيكون أول حاجة تنبهه إنه مختلف.. إنه متفرد..وبالتالى..إنه موجود..

طبعا الاحتياج للحضن مش بيقف عند هنا.. بالعكس دى بس بتكون البداية..الاحتياج للحضن بيستمر ويدوم ويعيش معانا طول العمر.. زيه زى الاحتياج للأكل والشرب.. وزيه زى الاحتياج للحب والاحتياج للقبول والاحتياج للاهتمام..

فى المتوسط..علشان نعيش بالحد الأدنى من الصحة الجسدية والسلامة النفسية.. كل واحد فينا محتاج 4 أحضان فى اليوم.. والاربعة دول لو بقوا 8 يبقى ده كفيل بدوام واستمرار و(صيانة) صحتنا الجسدية والنفسية.. لكن علشان اكتمال النمو الصحى وتمام النضج النفسى محتاجين 12 حضن يوميا..صباح الفل!

طبعا أنا مش عاوز أقلب المقال لمحاضرة علمية أكاديمية وأقول إن الحضن بيحفز افراز هرمونات السعادة..وانه بيقوى المناعة ويساعد على ارتخاء العضلات.. ويساعد على توازن الجهاز العصبى وانه بيخفف التوتر.. لا..مش كده بس.. أنا عاوز أقول اللى أعمق من كده..

الحضن.. دفا.. دفا جسدى.. ودفا نفسى.. وكأنك بتحط كمادات مية دافية على جراح حياتك.. وإصابات يومك. .وكدمات علاقاتك..

الحضن علاقة فى حد ذاته.. فيها أخذ وفيها عطاء.. فيها رسايل رايحة جاية.. فيها شوفان وقبول واحترام واحتواء..

الحضن.. وجبة غذائية نفسية متكاملة.. فيها كل أنواع المقويات والفيتامينات والبروتينات (النفسية)..

الحضن..هو البديل اليومى المتاح لعودتك داخل الرحم مرة أخرى (ودى رغبة موجودة عندنا كلنا).. لما كان الأمان والدفا والاحتواء والشبع موجودين بكل بساطة وبدون عناء ولا مشقة ولا تعب.. وجود دائم لا ينقطع..

الحضن.. يعنى أصلاً انك موجود.. إنك تستاهل تكون موجود.. وإنك تستاهل تتحضن.. تستاهل هذه المنحة الربانية بين إيدين حد بتحبه..

الحضن أمان. .درع حماية.. سترة واقية من رصاص الألم.. وصقيع الحياة..

الحضن فرحة.. وبهجة.. وطاقة متجددة فى أوردة نفسك وشرايين روحك..

الحضن.. أمل..

الحضن عزاء.. وطبطبة.. وترياق ناجع لهموم الليالى.. وسموم الأيام..

الحضن قبول.. واهتمام.. وحب.. وسماح.. ورضا..

الحضن لغة.. والحضن له لغة..

الحضن.. شفرة المحبين..

نقول كمان..

الحضن احتياج إنسانى لا غنى عنه.. وأول مصدر لإشباع هذا الاحتياج الإنسانى هو الأم (اللى حضنها بيدى الدفا والشبع والاحتواء والأمل).. والأب (اللى حضنه بيدى القوة والجدعنة والحماس والإصرار).. وبعدين الاخوات والأصدقاء والأحبة والأزواج وغيرهم..

كثير من المرضى النفسيين كل اللى ورا أعراضهم وأمراضهم النفسية العويصة..احتياج لحضن..فقط احتياج لحضن..والاحتياج ده لم يتم إشباعه من الأم والأب أساسا..

بعض اللى بيجيلهم اكتئاب.. بعض اللى بيجيلهم توتر وأرق.. وحتى بعض اللى بيحصلهم هلاوس سمعية وبصرية.. بيكون أحد الاحتياجات الأساسية الغير مشبعة عندهم.. هو الاحتياج للحضن..

ساعات اللى بتبيع نفسها..أو بتدخل فى علاقات مشوهة ومختزلة.. بتعمل كده، علشان بس تتحضن..حضن تحس فيه إنها موجودة..

ساعات اللى بيعمل أو بتعمل علاقات مثلية جنسية.. بيكون كل اللى بيدور عليه (على مستوى غير واعى) حضن من رجل يمثل ليه الأب.. أو حضن من أنثى تمثل ليها الأم..

ده كمان ساعات اللى بيدمن.. مش بيدور فى مادته المخدرة إلا على اللى مالقهوش فى حضن أبوه وأمه (الشبع والرضا).. بس مالقاش ده مع بنى آميين.. ولاقاه فى مادة بكماء صماء.. من كتر ماهو محتاج..

ماتحرموش نفسكم من الحضن.. ماتحرموش أبناءكم وبناتكم من الحضن.. ماتحرموش أصحابكم وحبايبكم من الحضن.. ماتحرومش أزواجكم وزوجاتكم من الحضن..

علشان التمن ممكن يكون غالى..

د/ محمد طه