Ur life coach @akhalifa - Tumblr Blog

ابعت سؤال و بلاش رسايل غير لو حاجه فعلا مهمه و مينفعش تطلع لحد غير كده بلاش رسايل لان ف الاغلب مش هرد غير لو حاجه مهمه

اللهجه السعوديه فيها نوع من اللطف اللي يخاليك تبتسم من فرحه الدعاء في الكلام لا ارادي 🙏

اي حاجه ثمنها فلوس رخيصه ✌️

العدل البطئ ظلم و لو كنت عادلا

عاوز انزل اقعد مع حد و نختفى بعد ما نتكلم من غير حتى ما يكون في يعرفني ولا اعرفه ولا نعرف اسم بعض حتى

كُل النصوص التي كُتِبت عن الخذلان لم تَصفه كما شَعرناه .

إلى أيامي المتبقية… مري بسلام. أنا لا أطلب فرحاً… ولا حتى أمل. فقط… مري بهدوء.

أنا لم أعد ذاك الشخص الذي يقف كلما سقط. السقوط الآن يُرهقني… والوقوف… صار مؤلماً أكثر.

فإن كان لا بد من المرور… فمرّي بخفة… بلا صخب… بلا ألم. كوني لطيفة بي… فأنا أقاوم منذ زمن طويل، ولم يتبقَّ فيّ إلا بقايا إنسان… يحلم بالسكينة.

اكتشفت ان لما حد يزعلني أكتر من مره أو يعمل أكتر من موقف يضايقني بتتبني جوايا حواجز بالتدريج ناحيته، بلاقي نفسي فجأة مش عارفة أتعامل معاه،

بوصل لـ level إني مش عارفة اكلمه أو احكيله أي حاجه، وحرفيًا دي من أصعب المشاعر اللي ممكن احسها في حياتي اني أتقفل من شخص."

مابقتش مستاهلة..!

من أهم المراحل اللي بتوصلك للسلام النفسي

إنك هتبطل تستحمل أي حد بيقلل من قيمتك أو بيجي عليك...

هتعرف إن العِبرة مش بكتر العلاقات، بل بصدق العلاقات..

هتعرف إن العلاقات البشرية كلها محتاجة مجهود..

ومافيش إنسان عشرته سهلة بشكل كامل

ف هتختار كويس الناس اللي في دايرتك المُقربة، والناس اللي تستاهل توزع طاقتك عليهم.

على رأي دستويفسكي: (لم يعد في العمر متسع لمزيد من الاشخاص الخطأ).

هتتعلم التجاهل مع الشخصيات المُؤذيه

وهتعرف إن مش كل كلمة تستحق منك الرد..

ولا كل تصرف يستحق تديله اهتمام وتفكر فيه....

إختار معاركك.. ركّز ماتوهش نفسك..

معرفش ليه بس بحس ان البنت السوريه واحده من افضل البنات اللي لو بتفكر ترتبط تكون اختيارك الاول .

كان كثير الصمت حتى مات مختنقا بالكتمان 👌

في ناس بتحطك في حياتها عالرف .

وجودك مهم عشان يرتاحوا .. يتبسطوا .. يطمنوا

بس مش مستعدين يغيروا أي حاجة عشانك، ولا عمرهم فكروا ايه اللي يريحك ويعملوه

إنت جزء من راحتهم مش من أولوياتهم .. الفرق كبير

ودايمًا مستنيينك تكون متفهم، متسامح، وموجود وقت ما يحبوا.

زيك زي ما بيحبوا الكرسي اللي بيرتاحو عليه بعد يوم طويل.

شايفينك مجرد "قطعة عفش" محتفظين بيها لوقت اللزوم والراحة وبس.

مش كل اللي بيضحك مبسوط، ومش كل اللي بينزل شغله ناسي.

أنا في حاجات جوايا مش باينة لحد… ممكن تشوفني بضحك، بهزر، بشتغل، وبكمل حياتي…

بس الحقيقة؟ أنا مكمل بنص قلب، بنص روح، والباقي راح مع ناس غالية قوي عليّا.

فقدت أختي وأخويا (ابن عمي) في فترة قريبة جدًا من بعض، يمكن أقل من ٤ شهور، والوجع مش بيروح…

الأماكن اللي كانوا فيها بقت توجع، والمناسبات اللي كنا بنفرح فيها سوا بقت تقيلة، والفرحة نفسها بقت ناقصة، لو مش مختفية تمامًا.

أنا مش بشتكي…

بس حبيت أقول للناس اللي حواليا: لو شفتوني ساكت، أو مش على طبيعتي، أو مش قادر أفرح زي زمان… افتكروا إن فيه وجع كبير جوا قلبي.

الدنيا مش دايمًا ظاهرة على وشوش الناس، ومفيش مانع نكون أحنّ على بعض حتى لو مش عارفين التفاصيل.

ادعولهم بالرحمة، وادعولي بالثبات.

اللي عدّى مرة واتنين وتلاتة مش هيعدّي طول الوقت.

واللي سكت مرة واتنين وتلاتة مش هيسكُت على طول.

واللي إشترى خاطرك ورِضاك مرة واتنين وتلاته مش هيعمل كدا باقي عُمره.

بلاش تتعاملوا مع الناس اللي في حياتكوا على إنكو ضامنينهم أوي كدا .. وما تراهنوش على طيبة حد طول الوقت .. كُل واحد وعنده طاقة وفي لحظة واحدة مُمكن اللي قُدامك يجيب أخره وتسمع منّه لقد نفذ رصيدك .. وكدا خِلصت خلاص.

قرار الانسحاب وأغلاق الابواب مش دايمًا معناه إن في بديل...

ساعات بيكون معناه إن القلب خلاص تعب، وإن الرصيد خلص، وإن المحاولات استهلكت كل طاقة جواك.

اللي بينسحب مش دايمًا بيهرب، أوقات بينقذ نفسه.

بيفلّ أبواب كانت بتوجعه، وبيغيّر أماكن كانت بتستهلكه، عشان يبدأ يركز على نفسه اللي نسيها وسط كل الفرص اللي ادوها وماتقدرتش.

الانسحاب أحيانًا مش نهاية...

ده بداية هدنة مع النفس، ووقت لمراجعة حسابات كانت متأخرة كتير.

يعم مشيها انا اللي وحش وانت من المبشرين بالجنه مش حوار

"أنا مكرهوش... أنا بس محبط منه.

علاقات كتير بتنتهي عند نقطة الإحباط دي، اللي هو شعور أبعد من الزعل وأقل من الكره. الإحباط ده ممكن يجي في لحظة من تصرف أو موقف يهدم أفكار كتير وأحلام كبيرة جواك... عايز تحطم مكانتك عند حد؟ احبطه ويأسه فيك!

المشكلة لما يكون في حب كبير، وفي نفس اللحظة إحباط كبير، المزيج ده بيعمل حالة من اللا مبالاة... اللي هو:

'أنا مش عارف أبعد عنك لأني لسه بحبك، بس في نفس الوقت مش قادر أهتم وأقدم مشاعر لأني محبط منك.'

الإحباط هو الشعور بعدم الرضا مع العجز عن تغيير الواقع أو حتى المغادرة..."

Trending Blogs

Recently Viewed Blogs

Ur life coach