Untitled

[athhaltni]

لا طالت الخوه تبين العذرايب وتعرف قراح البير والا هماجة

ابعد عن اللي لا زعل ينكر الطيب اللي تقلب عشرته مع مزاجه

ان راق رقاها طوال المراقيب وان ضاق ضيقها على ادنات حاجه

[athhaltni]

وش يزعلك وانتي وانا روحين يحملها نفر وقلوبنا فيها حنان ام تضم صغيرها

لاتزعل الدنيا ولا تزعلك يالظبي العفر ان مان ماجازت لك الدنيا ندور غيرها

[athhaltni]

مالي مكان بمكان ما يقدرني ولا يعنيني

رفيع شاني من اول اجدادي لين حدّي

اقتصد الرفع والمكانه والكمال والتغلي

النقص ما ارضى به ولا يقرب صوبي

الكمال ينكتب في معاني حروفي

والنقص يكتمل لا لمح طاري اسمي

[athhaltni]

احسب اني معك قاطع حدود بعيده واثرني راكض لحالي وواصل لحالي

لا تدور ترى ما غير نسخه وحيده! تلقى غيري ولكن منت لاقي بدالي

الفقيده ماهو ب اللي يموت الفقيده غاليٍ صار مع الايام ماهو ب غالي

[athhaltni]

مايستغل نيّة الطيب وتقصيره ..‏إلا فطانة ردي شافها ، فرصه

[athhaltni]

ما علمتك صمتي وش كثر فيني كلام؟ ولا انا بس الي احسك واسمعك

ما ذكرك مُرّ الجفا ب حلو الغرام؟ ولا انت بالثنتين ما تفرق معك؟

لا يخدعك هالبعد لو مر بسلام ترا اول ايامه يا حبيبي تخدعك

بكره بتجيك ايام ما تقدر تنام يجيك الوله وذكراي توجعك

[athhaltni]

تستاهلين اللي يباهي فيك ويعلن انتصاره ❣️يا جوهرة غالية ماتثمن بأي أموال ❣️

[athhaltni]

افتضحت من الهواجيس بك فالمسلمين

كل من سولف علي قلت له وش قلت عيد

عزتي لي من فراقك عسى ربي يعين

ادري انه في طريقي ولو وصلك مديد

صابرٍ غصبٍ ورى الخشم لو جرحي

مكين ودي افعل لكن الله ؛ يفعل مايريد

[athhaltni]

فمان الله يا اول من سكن بين الضلوع العوج

عسى دربك سفير ويا عسى الله ما يخليني

توكل لاتوادع رح عسى درب الجفا المسهوج

يصادف درب فرقى عقبها ما تلمحك عيني

سمحت من الهوى ومن القصيد ومن زراق الموج

ورميت أغلى مجاديف الغرام وجيت بيديني

ابغرق في عذابك لارحلت ويصبح المنتوج

قصيد في حياتي سلوتي … وان مت يرثيني

[athhaltni]

ناس تجي نعمه وناس تجي درس حافظ على النعمه و تعلم من الدرس

[athhaltni]

انا شمس لكن مالقيت بالوجيه سفوح فهقت الظلام ولا تخاذلت باشراقي

وانا نجم لكن لي متى والنجوم تلوح قبل غيبتي لابد ما استثمر آفاقي

[athhaltni]

أقبلت مثل اللي يبشر بمولود ‏وقفيت مثل اللي يعزي بغالي

[athhaltni]

مرني لا تاه دربك في زحام الحياه الغلا الي رحت منّه على حطت يدك

[athhaltni]

مره تعاملني ب عطف وتقدير ومره تتعمد وجعتي ياعشيري

تلعب بقلبي لعبه البزر بالطير يضحك وطيره ميتٍ ما يطيري

يوم حذفتني في هواك المقادير نسيتني والدمع جرح نظيري

عز الله اني منك مافي خير يا مالكٍ عقلي وخيرك لغيري

اهرب من الواقع واجامل مع الغير اضحك وانا اخفي عبرتي بضميري

[athhaltni]

ووعدت نفسي ما أعتني بـ دنيتك والقلب من شوقه كسر لي وعودي

[athhaltni]

لا تزعلني وتحكم علي اني زعول وانت تدري مستحيل ازعل الا من بلا

والعذر في بعض الأحيان مايلقى قبول في وسط صدر تحمل زعل لين امتلا

مشكلة غلطتك ما تقبل انصاف الحلول والمصيبه لك معزه وتقدير وغلا

[athhaltni]

الله لو تدري إنّي فتحت لك باب ‏كان مردود عن غيرك مليون ردّه