بكل مرة أتوتر وبكل مرة أقول هالشيء فاتني وعمري يمشي وأجلس ألوم نفسي بأنا ايش سويت وايش أنجزت أجلس أذكّر نفسي إن الزمن وهم والساعات اخترعوها البشر وإن يمكن الحياة هي كلها مجرّد يوم طويل جداً والنهار والليل المتعاقب هم الساعات وايش نعرف حنّا أصلاً إذا حياتنا اللي نعيشها الآن مجرد اقتباس للي قبلنا وحنا نسخة مكررة من سلالتنا نطبق نفس اللي سووه بالضبط سكنا بيوت ولبسنا ملابس وأنشئنا أُسر وأي شيء مختلف عنّا هو تحت دائرة الشك تلقائياً حتى يثبت العكس ثم أنبهر والله أنبهر بكل مرة أدخل محل ساعات وأشوف مؤشرات الساعات وهي تتحرك داخل دوائر كثيرة إن كيف ممكن الإنسان يخلق شيء ثم يؤمن فيه بهالشكل الأعمى ويبني حياته كاملة بناء على ساعات وأيام ومعضلتي الدائمة إذا أحد أحبه قال بجي الساعة 6 دايم أقول ايش بيفرق ؟ يعني إذا غربت الشمس ؟ ثم يرد لا 6 والصدق مايفرق والله مايفرق لأن فجأة ينكمش الوقت إذا صرت مع الناس اللي أحبهم يصير ثواني ويمر سريع الـ6 تصير 9 ثم الـ9 تصير 12 بدون ماأحس عكس إذا كنت مكتئبة وأسحب نفسي الحزينة معي بكل مكان الاقي كل شيء حولي يتمدد والدقايق اللي ماانتبه لها أصلاً تصير تنحسب والساعات تصير خط سفر طويل واليوم مايخلّص ثم تذكرت عمي حكيم لمّا قال مابدت حياتي إلا لمّا صار عمري 37 وقلت ليه ؟ قال لأن بس بعد هالعمر صرت أتحكم بكل شيء يصير بحياتي مو كل شيء يتحكم فيني مثل قبل وحسيت إن الله يخليك غششني الطريقة بس طلعت ورقته غير ورقتي ولازم أبحث بنفسي عن المنهج اللي بذاكره عشان أنجح وبالنهاية أنا اذا جيت أتقهوى مع أحد أحبه أقول ربة الحسن المليح تجي إذا غربت الشمس لأني أتوهج إذا صرت معهم وأنتم وش تقولون 6 ولا 7 ؟
tangentwithtanner
origamiaround
2087
stormborns
izzy806
turnnoffyourmind
theartofmadeline
janainaart