Share ko lang po bago matapos ang buwan na ito hihi Isa ang pagiging Catechist Host sa mga magagandang nangyari sa akin sa Buwan ng Mayo, at dahil ito sa Catechetical Foundation of the Archdiocese of Manila (CFAM) kung saan ako kasalukuyang nagtatrabaho at naglilingkod. Sa totoo lang, hindi ako confident sa harap ng camera dahil alam kong hindi ako mahusay gumanap. Bukod doon, marami akong insecurities pagdating sa aking physical features lalo na sa aking mukha - morena, may sungki, malaki ang eyebags, dagdag pa ang pagiging payat. Hehe. Kung ako ang papipiliin, mas gusto kong nasa likod na lamang ng camera ang aking boses. Dumating ang mga araw na nahirapan akong ayusan o lagyan ng makeup (at expected ko na 'yun) dahil kailangang umayon sa liwanag ng ilaw ang kulay ko kaya naman kung inyong mapapansin, may ilang kuha na sobrang puti ng mukha ko. Sa ilang araw na shooting, masyado rin akong naging conscious sa aking mga galaw kaya naman halos dahan-dahan kong binabasa ang prompter at halatang kinakabahan ako. Dumating pa sa punto na nainggit ako sa mga kapwa ko Catechist Hosts dahil nagagandahan ako sa kanila na siyang nagpababa ng self-confidence ko sa harap ng camera. Paano ko naovercome ang mga karanasang ito? Malaki ang naging kontribusyon ng mga ate at kuya namin sa CFAM Media Ministry - sila ang nagpalakas ng loob ko at naging huwaran ng pagtanggap sa sarili at sabihing "maganda ako" anuman ang pisikal na anyo. Ilang araw kong sinikap na maimprove ang bawat pagharap ko sa camera dahil na rin sa kanilang tulong at gabay. Sila ang mga katrabaho na nagbigay ng tiwala sa mga gaya kong baguhan, at naniwala sa aking kakayahan. Hindi ko man masabi sa inyo nang personal, pero lubos po akong nagpapasalamat sa pagbibigay ninyo sa akin ng oportunidad na muling pagkatiwalaan ang aking sarili, at maging instrumento ng pagpapahayag ng Mabuting Balita sa lahat, lalo na sa mga bata, gamit ang makabagong teknolohiya. Maraming salamat po, CMM! Salamat sa Diyos! 💖🥰 #AMDG (at Catechetical Foundation of the Archdiocese of Manila) https://www.instagram.com/p/CeOl-XHPocUvYb9ZnYDOuDBgpfMG9uBX5fGUzs0/?igshid=NGJjMDIxMWI=
kaledo-art
jbbartram-illu
annaxmalina
discoholicmusic
theartofmadeline
gummygunk
stormborns