إزاي تعمل فلوس علي التيك توك ؟ أسهل 4 طرق
التيك توك يعتبر 7 موقع تواصل إجتماعي بيستخدم في العالم بإجمالي 689 مليون مستخدم
هل أقدر أكسب فلوس من التيك توك ؟
الإجابة طبعا تقدر ...في طرق كتير تقدر تعمل كده من خلالها – حتي لو معندكش الآف المتابعين .
4 طرق للربح من التيك توك :
1 اتعاون مع ماركة إنتا بتثق فيها
بعض الماركات بتدفع للناس فلوس علشان يتكلموا عنها ويمدحوا في منتجاتها أو الخدمات الي بيقدموها زي شركات مستحضرات التجميل أو المطاعم أو ممكن مثلا في المقابل تكسب هدايا مجانية زي رحلة تتفسح فيها وتتكلم عن فندق معين أو شركة سياحة وهكذا .
نصيحة : متتعاونش مع أي منتج أو أي شركة مش موثوقة لأن ممكن يتسبب لك مشاكل لو منتجهم مضر أو تفقد ثقة الناس لو الجودة مكنتش زي ما إنتا قلت .
2 إعمل اتفاق أو شراكة مع واحد من الإنفلونسر
دور علي واحد من الانفلونسر الي اهدافه بتتفق معاك يعني يكون له علاقة بالمحتوي الي بتقدمه
طيب تقدر تلاقي الشخص ده ازاي تقدر تستخدم هاشتاج له علاقه بشغلك أو المحتوي الي بتقدمه وتدور علي الشخص ده الي بيقدم محتوي قريب ليك أو له علاقة بيك وعنده متابعين كتير .
3 إستخدم التيك توك علشان تروج للماركة أو الخدمة الي بتقدمها
يعني علي سبيل المثال لو بتقدم منتج معين استخدم التيك توك علشان تعرضه وتعرض مميزاته للناس وليه هو مميز عن منتج تاني .
وإتأكد من أنك تحط لينك المتجر بتاعك في البايو .
4 قدم علي صندوق دعم صناع المحتوي علي تيك توك
إيه منحة صندوق الدعم ؟ هي منحة مالية بتقدم لصناع المحتوي علي تيك توك الي عندهم قدر من الابداع والمصداقية وبيقدموا رسالة أو محتوي هادف وبيفيد الناس
- يكون سنك من 18 سنة فما فوق
- تكون عايش في أمريكا , الولايا تالمتحدة , المانيا , إيطاليا , أسبانيا أو فرنسا
- يكون عندك علي الأقل 10000 متابع
- يكون عندك علي الأقل 100000 مشاهدة للفيديوهات في آخر شهر
- يكون حسابك متوافق مع شروط وقوانين التيك توك
تقدر تقدم علي الدعم من خلال التطبيق ولكن لازم تكون بتستخدم تيك توك برو
شوية نصايح علشان تكون صانع محتوي أفضل علي التيك توك :
خليك حقيقي : دي حاجة صعبة جدا في ظل الكم الهايل من النفاق والاستعراض والزيف خصوصا علي وسائل التواصل الاجتماعي لكن الحقيقة إن الناس أذكياء جدا وبتقدر تعرف الإنسان الحقيقي وبيقدروه وبيثقوا فيه وبيحبوا يشوفوه وبكده تقدر تكسب متابعين في صفك.
تابع صناع محتوي قريبين لمحتواك أو بينشروا نفس محتواك : لو مش عارف تبدأ منين أو تعمل إيه تابع الناس الي بتنشر ومحترفه ركز إنتا بس إنتا حابب إيه وغبدأ تابع الناس التانيه إيه محتواهم بيروجوا لنفسهم زي الفيديوهات الي بيعملوها وإتعلم منهم .
متيأسش : الموضوع مش سهل وخصوصا في البدايه لازم تصبر وتستني وتحاول أكتر من مره مفيش حاجه سهلة لكن مع الصبر وبذل الجهد هتلاقي نتايج واحدة واحدة طور نفسك دايما وإتعلم من غيرك ودور علي نقطة إبداعك .
