-تينة-

العزاءُ لمن فارقنا ، نحن لا مثيل لنا.

[dinak15]

"يدي

التي

لوّحت لك،

ولم

تُعرها

أيّ إنتباه

أسرعتْ

إلى جيبي

كي

تبكي."

[dinak15]

اليوم حذفت محادثةً بيني وبين صديقي المفضل، عدد الرسائل بيننا تجاوز الـ مئتي ألف رسالة، قد يبدو أمرًا تافهًا للناس، لكن في نفسي شعرت وكأنني أقطع جزءًا من قلبي، في هذا الصندوق الإلكتروني الصغير مئات الصور التي تجمعنا، الصور التي أعجبتني وأعجبته، الأماكن التي كنا نَود زيارتها، والملابس التي نرغب في شرائها، في هذا الصندوق الصغير رسائل حزينة، هنا كان يفضفض بعد شعوره بالخذلان وهنا كنت أرسل له كلمات ممزوجة بدموع الخيبة، هنا كنا نسخر ونتنمر على الأحداث من حولنا، وهنا كنا نرسل النكات والصور المضحكة والأغاني المفضلة لكلٍ منا، مناقشات هناك إنتهت بـتبادل الشتائم، ومناقشات أخرى على فيلم أو مسلسل أو حتى مبارة كرة قدم، انتهت باتفاقٍ على ألَّا نتناقش مع بعضنا مرة أخرى، وبعد دقائق تناقشنا حول هذا القرار بـ سخرية وكأن شيئًا لم يكن، في هذا الصندوق الصغير غيرة متبادلة حين يتحدث أحدنا عن أحبائه، وهناك كان يتمرد على عائلته ويحدثني عن مشاكله العائلية لأكون أنا دور الناصح الحكيم حتى تتبدل الأدوار حين أتمرد أنا الآخر عليهم، هنا كان يحدثني عن يومه الأول في العمل ومغامراته في العمل، وهنا أرسلت لـه أنني فُصلت من عملي وأنتظره في المقهى، في هذا الصندوق الصغير مئات الخطط التي حققناها والتي لم نحققها، الأحلام التي نسعى إليها والأمنيات التي لا زالت عالقةً في السماء، هنا كنا نتحدث بعد يومٍ طويلٍ قضيناه معًا، نتحدث بنفس الشغف والحماس وكأننا لم نلتقي من الأساس، وهنا مئات المرات التي يعاتبني فيها على تأخري وتكاسلي المعتاد على ميعاد اللقاء، والكثير من الكذب والمزاح والسخرية والنميمة والتنمر والحب والدعم والمواساة، في هذا الصندوق الصغير مئات الكلمات والرسائل التي لا يفهمها إلا كلانا..

في هذا الصندوق الصغير كانت مراحل مختلفة من حياتنا، لم أكن أتخيل أن تُحذف رسائلنا وصورنا وذكرياتنا وحياتنا بهذه البساطة والقسوة، أن يُهجر هذا الصندوق حتى أبحث عنه بين صناديق الرسائل الأخرى..

لم يكن الأمر هين..

لم يكن الأمر مجرد حذف لصندوق رسائل إلكترونية..

بل كنت أقطع جزءًا من قلبي.

[lulizu-deactivated20201212]

Dear my duck;

I miss you..

وجد نفسي نرجع، مش قادرة اوصف كم الإشي مأثّر عليّ

بس قرأت مرّة شغلة؛

"لكننا كنّا اصدقاء، والاصدقاء لا يجدون الكثير من الصعوبة في صناعة الاحاديث والحكايات والطرائف، لذا نحن لم نعد صديقين جيّدين، ولا حتّى صديقين فقط..

منذ اللحظة التي فقدنا فيها القدرة على صناعة الأحاديث، منذ اللحظة التّي صارت أحاديثنا إجابات على مقاس الأسئلة فقط"

——

سُئلت اليوم عن صديق، وكانت إجابتي هِيّ: "إن الإنسان لا يقضي عُمرًا كاملاً، مُحاولاً إصلاح علاقة قد بُهِتت، وإن كان هو السبب في بَهَتانها، الإنسان لا يستطيع، أن يقضي عمرًا كاملاً مخبرًا صديقه، بأنه قد اشتاق له، يحبّه ويتوق لرؤيته. لا يستطيع أن يبدأ في كل مرّة ليُشعر صديقه، بأنه آسف.. لِما حدث وما يحدث. الإنسان يملّ، حتى يصبح غير مكترث، وغير آسف."

-

بحبك كتير، يا أعظم صديق على مقاس قلبي

وَيا ريت، بس فعلًا تكون "صداقة العمر"..وزي ما كنّا

صعبة كلمة كنّا، صعبة كتير

[dinak15]

Dear my duck ,

انقطعت علاقاتي بكتير اصدقاء مرّوا بحياتي ، في كل مرة كان بنترك فراغ معين ، بس دائما كنت الاقي حدا تاني يعبيه ، او كنت ادبر حالي ، الا صديق واحد

ترك فراغ مش محسوس ، بس مؤلم ، وما حدا ولا حتى انا قدرتا نعبيه ،

هالحدا كان ولا زال ، المميز بحياتي ،

انا كتير اشتقتلك ، ومتاكده ، بمجرد اول لقاء ، رح نرجع زي اول واحسن ، اصدقاء ..

💕💕💕💕💕💕

[lulizu-deactivated20201212]

هداك اليوم كنّا أنا وصديقتي المقرّبة، عّم نحكي عنها

كيف انها شخص عاطفي بحت، بس تحبّ حد بتضلّ تحبه، مهما عمل

ومهما وجّعها، ومهما غلط!

والمصيبة، انه كُل مرة بصير إشي، بدمّرها، ومع هيك بترجع لنفس الشخص بحجّة الحبّ!

ف هديك المرّة حكيتلها شغلة، وبصراحة عجبتها كتير.، وانا انبسطت

ولمّا شفتها عجبتها، حبّيت يلي حكيته اكتر.

ف هاد يلي حكيته:

كتير في مرّات، بنكون عارفين أثر الإشي، ومع هيك بنعمله،

ومخّنا بصراحة، ما بحب يتعب، وما بحب يرهق حاله، خدي مثال الدراسة، دائمًا ما بنختار طريق انّه يلّا ندرس ونخلّص المتراكم، لأ، دائمًا بنتجه لطريق إنّه نترك الدراسة، ونتريّح، وطبعًا بنحكي من الصبح اكيد بنصحى وبننجز كُل اشي، اهم اشي هلأ نتريّح.

وكذلك، مخّنا لمّا يجي بدّه يفكّر بما يترتب من قطع علاقة مثلًا، بصير يحكي ولاو هلأ رح أمرّ بكلّ حالة الزّعل، والذّكريات والأسى؟ ورح أمرّ بحالة من الوجع!

لا لا انا مخّ ما بحب اتوجع، -وهاد ع فكرة طبع فينا كلّنا، كلّنا ضدّ الوجع، ولو انّه مرّات مفيد.-، المهم وبتستمرّ القصة، هيك..

عقلنا رافض رفض قطعي وخايف أصلًا يترك، وهاد مش معتبره حلّ موجود فبنضطر نتحمّل الأذى من النّاس، الي بنحبهم، بس عشان ما نتوّجع، ونعمل stress على مخّنا، وعلى أفكارنا!

ف بصير مخّنا يقنعنا بأشياء، يمكن ما الها أيّ اساس من الصحة، بس لحتّى ما نوّصل لمرحلة انّه نتركهم، عشان ما نعيش هاي المرحلة، مرحلة الألم والزعل!

ف حتّى مخّنا مرّات ضدّنا، أو بصراحة مش ضدّنا، بس هو ما بدّه يتوّجع

بس وجّع مخّك شوي، بالمقابل عيش بقيّة حياتك فخور بإنّك تركت النّاس يلي عّم يإذوك، وحتكون انتَ ومخّك جد مبسوطين، ولو بعد حين.

وبس والله

-

ع الهامش، مبسوطة مبسوطة مبسوطة انّه حكينا أنا وإيّاها هاد الحديث العميق، عميق كتير.

بعد فترة انقطاع.

[dinak15]

"حقيقة الشمس أنها حارقة ، أن تدرك ذلك وتتعايش معه أهون بألف مرة من اكتشافك مؤخراً بأنها طوال الوقت كانت متسترة خلف الغيوم . هي حارقة .

وهذا ما توصلت إليه في تلك الفترة ، اعتقد انها أفضل فترة حظيت بها ، ادركت ان جميع الاشخاص في حياتي مزيفين .. او على الاقل لا يشبهونني ، أدركت أنني لم أحظى بشخص واحد حقيقي ، ظهرت الحقائق وأصحبت واضحة ك عين الشمس .. وحارقة في آن واحد "

[dinak15]

اكتشفت شي اليوم ، الناس السيئة يلي عبرت فيي ودخلت حياتي والحمدلله انها طلعت ، تركت اثرين واضحين بدينا ، واحد سيء والتاني منيح ، السيء هو إنه لما كانوا هدول الناس جزء من حياتك أنت كان عندك قناعة إنهم مناح ، وكنت بسبب حبك إلهم تفسر مواقفهم و تصرفاتهم بطريقة تلاءم هاد الحب ، بس بمجرد ما تكتشف انه هدول الاشخاص سيئين وتتغير مشاعرك .. دغري بتغير تفسيرك للمواقف يلي كانت تصير ، ف بتتحول آرائك حول تصرفاتهم من أنه همي ماعملو هالشي عشان يأذوني ل همي عملو هيك قصداً وكانوا عارفين كيف يشتغلو!!!

هلأ الشي السيء بالموضوع أنه لما تتغير آرائك بهاي الطريقة وبناء على مشاعرك، بتقل ثقتك بنفسك أمام نفسك ، يعني بينخلق جواتك شك في كل مرة بتظن فيها كويس ، وبصير فيه حيرة تجاه أي شخص.. ويا حبيبي ازا كانت هالحيرة الجديدة كع شخص بتحبه! بتصير تفكر.. معقول انا ما تعلمت ولساتني بتظاهر بالعمى عشان ارضي قلبي وأنا مش حاسس! لا لا مستحيل أنا أكيد تعلمت ، مهو رح أكون غبي ازا ما تعلمت أصلا.. والحلو انه بتكتشف في كل مرة انك فعلا غبي.. او نيتك طيبة يزيادة .. وهكذا ...😃

الشي المنيح ، انه بتصير تقدّر شو يعني كلمة الإحسان، بتصير تقدر الناس الصح بحياتك و تعرف قديه همي مهمين وقديه انا كنت غاضض بصري عن ناس اولى بحبي ، بتصير تعرف شو يعني انك تتقي بالله بكل صغيره وكبيره يحياتك ، بتبطل تحب تحسس انسان بنفس اللي غيرك خلّاك تحسه ، ويالله شو بتصير حساس.. - هاد في حال كنت إنسان مش سايكو لانه هدلاك يا عزيزي بصيروا بدهم ياذوا متل ما اناذوا-.. بغض النظر انا كإنسان معافى وسليم الحمدلله ، لهيك تغيرت .

بالنهاية نحمد الله على كل شخص كان نصيبنا ننعرف عليه ، ونحمدالله انه دائما الحقائق بتبين.. قد ما طولت ، وبدعي الله من كل قلبي ينور بصيرتي وبصيرتكم .. ويخلينا دائما نشوف الحق واضح متل الشمس.. وما يتغطى ابدا ابدا قد ما كانت هالتغطاي حلوة ومفرحة .

16.May.2020

[lulizu-deactivated20201212]

<<إلي يتلسع من الشّوربة، يُنفخ في الزّبادي>>.

[dinak15]

" ليش عيونك فيهم لمعة حزن؟"

" انا دايما بشوفك بتضحكي بس ولا مره شفت عيونك بضحكو .. بس من هون بتضحكي.. خلي عيونك يضحكو معك!"

-.. عيطت