新BLOG <一家大細又黎「餓﹑揩﹑YO」 - DAY 3>
事關DAY 1其實係搭飛機同住酒店咁大把, 所以冇乜特別, 不提也罷。對上一篇, 其實係講緊DAY 2既行程, 現作修改
------------------------------
事緣今次旅行既重點由此至終,都係UNIVERSAL STUDIO,所以陳大小姐由落機個刻開始,已經狂問住:「我地聽日係唔係去Universal Dudo呀?」
而經過尋日第二日既失望之後, 第三日既陳一當然比第二日既陳一更加想去啦~~~
但由於O岩O岩打完風既關係,我地都驚會落而雨,所以當聽到我地話:「不如聽日先去啦!」既時候, 陳大小姐當然即係扁晒咀仔.....
好啦好啦,基本上個旅行係為左陳一既,你話去就去啦~~~
「各位鴨仔團既團友,麻煩過黎我"美眉小導遊"呢邊集集合丫~~~」
「喂,一肥一痴肥個兩個老野,你地唔好再掛住幫我影相啦O下,我叫你行就行,抱我就抱,唔好搞事呀!!」
其實係大阪, 耍去既地方比東京較為集中, 所以去大部分既地方, 電車都可以輕易到達。例如由難波去UNIVERSAL CITY此站, 就算要係"西九条"呢個站轉一程車, 都只係十數分鐘...
(大阪D站名真係好鬼衰格 -- 又"爛波", 又"九條西" )
「喂, 你個兩條老野, 係咪要我出獅吼功你先肯屈服呀??」
「各位團友, 歡迎光臨大家夢寐以求既環球影城!! 係呢度,你會見到一啲不可思意既事物!!! 你不但可以見到一條打不死既大白鯊, 更加會見到死左都會番生既豬蘿紀恐龍。然後, 更奇怪既係, 點解一隻冇口既HELLO KITTY, 居然會識得講野同唱歌!!~~~ 」
「同埋呢, 你學過"咸魚仁龍拳"呀?? 乜個甫士咁架勢既??」
日本人做事既認真態度真係不得不讚!! (你認唔認同佢地認真個樣件事情就另計~~ )
話說陳一由第一次知道UNIVERSAL STUDIO入面有SPIDER之後, 每次問佢入去最想玩咩時,
一定係「豬豬俠」。所以一入場, 第一件事更係衝去玩左先啦~~~
(心想, 嘩, FING黎FING去個D, 我唔點個喎~~~ 暈一日都得個喎!!)
去到已經知道呢D機動遊戲, 一定耍度高。排到埋去, 個姐姐真係有十個認真咁幫佢度。又耍拍埋腳,又要睇下腳爭有冇貼到實一實, 又要較埋個頭位, 唔可以DUP低頭, 仲耍度完由頭再黎檢查一次!! 你話如果我地中國人處事既水平, 有一半咁認真, 我地就已經唔使比人話我地「O拿西」啦~~~
(不過諗諗下,阿姐姐你都幾搞鬼喎!! 前面頭先條O靚妹, 著對成兩吋厚既鬆糕鞋黎度,你都照PASS, 咁我應該讚你認真, 定應該讚你扮認真呢?? )
唔好問我個RIDE好唔好玩,因為一黎我已經暈到冇朋友, 二黎我地兩個成程就係咁禁實陳一, 都唔知出面發生過咩事!!!
我呢D爛賭鬼, 見到呢D有獎抽既野, 仲唔瞓身搏番鋪咩!!! 所以成個影城入面既抽獎機都比我地玩均晒, 亦因為咁樣換黎一屋狗屎垃圾.....哈哈!!
你唔係以為咁荀比我地抽到個「豬豬俠」公仔呀?? 比錢買架!!
蘿打咩整個旅程都在為陳大小姐搜購一頂心儀既牛仔帽~~~
(阿女, 都話你入世未深架啦, 諗野咁單純既~~)
係UNIVERSAL STUIDO 入面, 有好多叫「ART TRICKS」既畫, 望落去, 平凡之極, 甚至乎怪怪的。 但當你影完相, 再從相機中回顧照片時, 你會發現有D好神奇既效果出現。
好似下面呢幅咁, 一幅畫係地上面既平面圖, 影相出黎之後變左CHARLIE BROWN一班朋友同你一齊過馬路一樣!!!
呢個係陳一自己抽既大獎黎架!! 中獎個時, 個姐姐會敲鐘架~~~~
SNOOPY 入面有一個幾有趣既玩意, 比小朋友知道大自然入面既某D現象。 例如陳一玩緊呢個, 當你扭開電掣, 就會有行雷閃電既效果; 又或者有一個類似風槍既物體, 當你上下擺動時, 就會有一陣狂風吹郁棵樹...
「O拿, 各位唔使擔心, 如果一陣坐船仔時, 有大白鯊上來咬我地, 我就會用我呢隻霹靂無敵恐龍杯, "嘩"走佢」
唔記得係旅遊書講, 定係第二度聽番黎, 話個大白鯊之旅其實都冇甚特別, 但睇個位揸船哥哥揸左七七四十九次之後, 都能夠繼續七情上面咁表現落去, 就已經值回票價!! 你睇下, 仲識得係後面笑晒 V晒手咁比我地影相, 呢D咁敬業樂業既精神, 我地真係要學習學習!! (今次我認真架!!)
哈哈, 今次有SPIDER MAN "目及"住你, 你仲唔乖乖就範??
O拿, 阿女, 都話唔好咁天真, 以為你可以食晒D爆谷先得架?? 你認為你嗲啲 -我- 會比你食晒咩?? 嘻嘻
大家留意下, 上圖爆谷既LEVEL, 同下圖有咩分別??
哈哈, 又比我地抽左D無鬼聊既野番屋企!! 仲要抽左兩份一模一樣既禮物~~
(排我地前面既,居然係隱退多時既洪建華!! 想當年覺得佢幾型仔架~~)
如果有人夠膽講, 話佢帶左呢頂帽一日一夜之後都唔出熱痱既話, 我即刻飛去買頂比你!! 但如果你咁唔好彩, O岩O岩遇著個剛剛, 頭頂生左熱痱既話, 哈哈, 麻煩你包番我地成家去大阪番去退貨!!!
最後係個樂園入面熬到夜麻麻, 目的為乜??? 咪就係為左踎街囉~~~~
唉, 事後証明, 個巡遊, 睇也罷, 不睇也罷!!
第三日行程, 總算天公造美。不但冇落雨, 而且天陰陰, 涼涼地, 簡直係最佳時間!!
