Untitled @drkjh - Tumblr Blog

لاول مره رح يدخل حسابي البنكي مبلغ كبير ، ( كبير نسبيا ) او لحد ما

بس هي كمان المره الاولى الي رح يدخل هيك مبلغ وانا مش مبسوط

بالعكس لو بعرف اذرف دموع ما استنيت لحظه ( عل وعسى ارتاح )

بس انا م عندي قابلية للبكى ، علما انه البكى بتاتا مش ندم ، هو زعل على فراق غالي ، اليوم نهاية قصة مكاني الاول ومشروعي الي انطلقت منه للحياة

وصلت نقطة الخروج حتى اعمل مشروع جديد الحمدلله احنا بتساهيل ربنا بنمشي بس كمان هو شي مش سهل ، قطعه منك بتروح

العوض ان شاءالله اجمل

صاحب الفكر بحتاج بس وقت ، الوقت هو اثمن ما في الوجود لكن هو يملك مقومات توظيف فكره بناءا على الوقت

لهيك قد ما كان التحدي بستنزف وقت رح تيجي لحظة ويكون بنقطة التعادل

بعد هيك رح يتفوق على الوقت ،،،، وانتصاره بيكون كثير كبير

امتلك ساعتها الوقت والفكر عنده من زمااان

قرارات كثيره بنوخذها في حياتنا ، كثير اكثر من خيال الواحد لو فكر ، في قرارات بتوخذها بتفكير لحظه بتعلمك ل سنه وفي قرار ما بتفكر فيه بعلمك للعمر كله

فكر مره ومرتين وعشرين مش عشره ، لكل قرار هتوخذه وابعاده وليش انعرض عليك وليش مش لغيرك ولو اخذته شو بصير لو ما اخذته والخخخ

ما يكون شكل العرض مغري وتقرر ، واصلاحك للقرار يوخذ منك العمر

بقرار واحد ، خمس سنين لسا ما اندفع ثمنه ، ولسا بدنا وقت حتى ندفعه

بس العزاء الوحيد انه وقت ندفع الثمن ، ضريبته النا هتكون مكلفه كثير عليهم

اكثر ب اضعاف من قيمته

لانه ببساطه اخذنا القرار بناءا على رغبتهم ، رح يدفعوا الضريبه بناءا على رغبتنا

حقيقة الناس ما بتواجهها

انا ما في حدا رح يعتبرك ابنه ( ابنك هو ابن ظهرك ) غير هيك كلام فاضي وشعارات مثل ابن الشركة

ف لما بدك تعامل كل البشر حولك عامل كل شخص بصلة القرابه الاصيله ، وبصفة المعرفه العامه

يعني هو صديق يعامل ك صديق

هو اخ يعامل ك اخ

زميل ك زميل وهكذا

اما حدا مش اخوك تعامله اخوك م بزبط ، حدا كبير يقلك انت مثل ابني ، اسمع وطنش لا انت ابنه ولا هالحكي الفاضي ابنه هو ابن ظهره

خليه يتمنى تكون ابنه ولا تكون

دائما صاحب المسؤولية هو الي بيحمل كل الضغط ، المعاون وان ظهر عليه التعب اوالحمل ، ما هو الا شعور لحظي وبيستذكر انه هالمسؤولية ما رح تكون كلها عليه او بالاحرى مسؤوليته لا تتجاوز ١٠٪؜ من القيمة الكليه

انت صاحب الحلم وانت صاحب الحمل

مش دايماً معرفة الي حواليك قادرين يفيدوك بالاجراء الصح ،،، الصح نسبي لانه.

ممكن بوجهة نظرهم التصرف كثير صح لكن بالوقع هو يلا قريب على الصح

او كان ممكن نعمل اشي اصح منه ك تصرف ، حكمة ربنا كمان الها دور كبير

لهيك دايما نتوكل على الله لانه شو ما كان مدى ادراكنا ومعرفتنا ، ف معرفة الله وتدبيره ارحم وافضل

بدون مقدمات … هذا هو اليوم الاخير لمشروعي الاول . عيادتي الاولى وانطلاقتي ، اليوم هو يومها الاخير ك مشروع بيخصني ، اليوم نهاية قصتها حتى تبدأ قصه جديدة وحلم جديد

كانت مكان منه عملت وتعلمت وكبرت اربع سنين من نواه ل مكان اله اسم كبير ويعتبر من اول ثلاث مراكز على المحافظة

الحمدلله ربنا يوفقني بالخطوة الجايه

اليوم انا ببدأ مشروع جديد وبعتقد انه هالمشروع هو الاساسي هيكون في مسيرتي

مشروع تكلفته جدا عاليه وبحاجة جهد ونظام تفكير مختلف …. توفيق ربنا هو الشي الوحيد الي انا مراهن عليه

بشكل ما انت تصنع منافسك ، وبقدر المساحة الممنوحة له يكون تقدمه ، كلما اجتهدت ل تقليص هذا المساحة كانت النتائج كما تحب

من خلال توزيع الادوار ، تجزئة المهام يعني مردود اقل ومقدار نمو طبيعي اذا النتيجة قوة مالية ضعيفه ، المام ب دائرة المهام منقوص …. منافس غير مكتمل الاركان

كن حذر في صناعة المنافس ، اصنعه قوي عندك ، ضعيف لوحده امنحه القطار لا السكه

نمتلك الشجاعه ، ليست كل الشجاعه بالإقدام ، هناك شجاعة الانتظار ، انت تكون صبور لانه هناك مقولة ،،، انما الشجاعة صبر ساعه

كن صبور وصاحب هدف

اصعب ما يمكن ان تخوضه هو الحروب البارده ، الحرب المذبذبه ، مجرد حروب قائمة على النفسيه والماده

في كثير حروب بارده ، وفي حروب نوويه ، او حرب نفسيه ، بس اصعب حرب الي اطرافها كلهم انت حرب مع الذات مش لاجل الذات ، بتحارب في نفسك حتى تنجو بنفسك

ثقيله وصعبه والله

تحارب بسيف خشب وبدك تنتصر ما عندك خيار الا تنتصر

حروبك بكل شي حولك بده حرب

الشي مش سهل ، الضغوط الخارجيه كثيره والداخليه اكثر

التفائل جيد ، لكن نسبة الأمل اشبه ب شخص رمي وسط المحيط دون بوصله والمطلوب هو الشط الرملي

الصراعات صعبه ، خاصة اذا كانت من المحيط المقرب ، والحلول اصعب

لكل شخص طاقة تحمل ، ربنا لا تحملنا ما لا طاقة لنا به

صعب الشعور

ووصفه اصعب

قرارات كثيره وكلها غيبيات

كل قرار لازم توخذه بيترتب عليه التزامات ضخمه

بالحسابات ما بتزبط بس لازم توخذ قرارك

كتمة الصدر

وشعور انه بدك تعبر عن كلشي بنفس عميييق

كثير شغلات ما بتنحكى هي بس شعور

nairahsblog

إن أسوأ ما قد اصابني هذه الأيام هو فُقدان شغفي، اللهم أعد لنفسى عزيمتها.

Trending Blogs

Recently Viewed Blogs

Untitled