Naaalala ko pa nung tinanong mo ko kung okay lang ba ako
Kung may problema ba at kung anong mali
At ang parati kong isinasagot ay wala
Na walang problema habang tatawa tawa
Naaalala ko ang duda sayong mga mata
Pilit pinaniniwalaan ang aking mga salita
Naaalala ko pa nung di natuloy ang ating pag gala
Ang usapang magkikita sana pero kinailangan kong ikansela
At kahit di ako nagsasabi ng dahilan,
Ngumiti ka at sinabing iyo'y naiintindihan
Naaalala ko pa ang araw na nakatayo ka sa malayo
Yung araw na nahuli mo ako
Nakamasid habang hawak ko ang kamay ng iba
Wala kang ginawa at tumalikod ka
Naaalala ko pa ilang buwan ang nakalipas
Tinawagan mo ko at muling tinanong kung anong mali,
At kung saan ka nagkulang
Di alam anong sasabihin, pinakinggan lang kita buong gabi
Sa iyong pag-iyak at di mapigilang hikbi
Di alam paano umabot sa ganito
Kahit ang sarili ko'y di pa buo
Inintindi at inalagaan mo
Kahit minsan di ko na masuklian
Ang mga bagay na binibigay mo
Kahit sa oras nagkukulang ako
Pero ni minsan hindi ka nagreklamo
Nangako ako sayo, pero sa ibang tao ko tinupad ito
Pinipigilan ang sarili magtanong sa mga kaibigan natin kung kamusta ka na
Buwan at taon ang lumipas
Ngayong nakita kitang muli
Pwede bang wag kang umiwas?
humihingi ng kunting oras mo
sana bigyan ng pagkakataon na makapag usap tayo
At nang masabi ko sayo gaano ako nagbago
Aking ikkwento ang storya ng binatang mali ang akala
Dahil ang tunay na saya nya ay yung panahong kasama ka pa
Ikwekwento sayo mga bagay na naaalala ko
Na sana'y dumalaw din sa isipan mo
Dahil ni minsan hindi ko nakalimutan to
Saka lang pinahalagahan nung nawala ka na
kianamaiart
gummygunk
izzy806
theartofmadeline
stormborns
areudirty
kaledo-art
