آخری ملاقات۔۔۔ @fmbrothers - Tumblr Blog

شمع کی طرح پگھلتے ہوئے دل دیکھے ہیں

اشک بن بن کے نکلتے ہوئے دل دیکھے ہیں

تو نے دیکھے ہی نہیں گرمئ رخسار حیات

میں نے اس آگ میں جلتے ہوئے دل دیکھے ہیں

میں نے اپنا ہی بھگویا ہے ابھی تو دامن

تیرا دامن بھی تو اے دوست بھگونا ہے مجھے

داغ غم تو نے جو سینے میں چھپا رکھا ہے

اپنے اشکوں سے اسی داغ کو دھونا ہے مجھے

یک بیک کیوں چمک اٹھی ہیں نگاہیں تیری

اک کرنؔ پھوٹ رہی ہے تری پیشانی سے

اور بھی تیز ہوئی جاتی ہے رخسار کی آگ

جذبۂ شوق و محبت کی فراوانی سے

میں تو بھولا نہیں تم بھول گئی ہو مجھ کو

خیر گر تم بھی نہیں ہو مرے غم خواروں میں

تم نہ آؤگی تو کیا اب نہیں آئے گی بہار

پھول کیا اب نہ کھلیں گے مرے گلزاروں میں

جذبۂ شوق کی تکمیل نہیں ہو سکتی

زندگی موت ہے احساس مسرت کے بغیر

فقط اعصاب کی تسکین ہے توہین حیات

صرف حیوان ہے انسان محبت کے بغیر

یہ حکومت کے پجاری ہیں یہ دولت کے غلام

جو جہنم کی مصیبت سے ڈراتے ہیں مجھے

خود تو دنیا میں بنا لیتے ہیں جنت اپنی

خواب کھوئی ہوئی جنت کے دکھاتے ہیں مجھے

میری دنیا میں محبت نہیں کہتے ہیں اسے

یوں تو ہر سنگ کے سینے میں شرر ملتا ہے

سیکڑوں اشک جب آنکھوں سے برس جاتے ہیں

تب کہیں ایک محبت کا گہر ملتا ہے

شکایتیں بھی بہت ہیں حکایتیں بھی بہت

مزا تو جب ہے کہ یاروں کے رو بہ رو کہیے

نہ تیری یاد نہ دنیا کا غم نہ اپنا خیال

عجیب صورت حالات ہو گئی پیارے

لاکھ کہتے رہیں ظلمت کو نہ ظلمت لکھنا

ہم نے سیکھا نہیں پیارے بہ اجازت لکھنا

‏ھم نے دیکھی ھے ، اُن آنکھوں کی مہکتی خوشبو

ھاتھ سے چُھو کے اِسے ، رشتوں کا الزام نہ دو

صرف احساس ھے یہ ، رُوح سے محسوس کرو

پیار کو پیار ھی رھنے دو ، کوئی نام نہ دو

‏تیرے ہوتے ہوئے محفل میں جلاتے ہیں چراغ

لوگ کیا سادہ ہیں سورج کو دکھاتے ہیں چراغ

اپنی محرومی کے احساس سے شرمندہ ہیں

خود نہیں رکھتے تو اوروں کے بجھاتے ہیں چراغ

بستیاں دور ہوئی جاتی ہیں رفتہ رفتہ

دم بہ دم آنکھوں سے چھپتے چلے جاتے ہیں چراغ

تمہیں تو ناز بہت دوستوں پہ تھا جالبؔ

الگ تھلگ سے ہو کیا بات ہو گئی پیارے

اک عمر سنائیں تو حکایت نہ ہو پوری

دو روز میں ہم پر جو یہاں بیت گئی ہے

جن کی یادوں سے روشن ہیں میری آنکھیں

دل کہتا ہے ان کو بھی میں یاد آتا ہوں

چھوڑ اس بات کو اے دوست کہ تجھ سے پہلے

ہم نے کس کس کو خیالوں میں بسائے رکھا

لوگ ڈرتے ہیں دشمنی سے تری

ہم تری دوستی سے ڈرتے ہیں

Trending Blogs

Recently Viewed Blogs

آخری ملاقات۔۔۔