Online Love Letter Ko Para Sa'yo...
Paano ba mahalin ang tulad mo? At paano nga rin kaya ang mahalin ako ng tulad mo?
Nung una, gulong gulo ang isip ko. Dapat nga bang mahulog ang loob ko sa isang manhid na tulad mo. Sabi nila, walang taong manhid, siguro may mahal lang na iba o walang interes. Yung unang posibilidad, medyo malabo sa tulad mong isnabero (o pwedeng inlove ka sa mga libro mo) at yung pangalawang posibilidad, dun ako mas confident. Kailan ka nga ba magkakainteres sa tulad kong di naman kagandahan, di naman katalinuhan at hindi trip ang mga hilig mo. Ang tanging pwede kong ipagmalaki sa’yo eh naging magkaibigan tayo, madali kong nakuha ang loob mo sa kabila ng pagiging ilag mo sa mga babae, nakukuha mo pa ring makipag-usap sa tulad kong madaming kwento sa buhay. Siguro nga, natutuwa ka lang kasi madaldal ako. Kahit papaano, nakakarinig ng ingay ang tahimik mong mundo. Sa mga kwento kong weird, napapangiti kita at sa mga jokes kong ikaw lang ata ang natatawa. J
Alam mo ba, sa tuwing naalala ko kung paano tayo naging close, napapangiti ako mag-isa kasi di ko na rin talaga maalala yung exact moment. Ang alam ko lang, mabilis na naging palagay ang loob mo sa akin dahil din siguro madalas kitang kulitin at pansinin. Iniisip ko dati, posible kayang maramdaman mo kahit unti ang nararamdaman ko para sa’yo?
Lumipas ang mga taon, unti unting nag-iiba ang gusto nating dalawa at unti –unti ding di na natin namamalayan kung anong nangyayari sa ating dalawa. Di na kasing ganun kadalas tayong mag-usap. Busy busyhan ika nga. Alam ko naman, ako ang unang nagkaganito. Alam ko ding di ka naman yung unang magsisimula ng kwentuhan, siguro nga ako din ang may gawa. Nagsimula akong mainlove sa mga taong di ako kilala, nagkainteres magtrabaho at maging busy na walang kinalaman sa eskwelahan samantalang ikaw, ito, tutok sa pag-aaral. Hanggang ngayon, di ko pa rin maisip na pwedeng ang dalawang “exact opposite” na mga nilalang ay mainlove sa isa’t isa. Sabagay sabi nga “opposites do attract”. Marahil, aware ka naman sa natural law about attraction, tama ba?
Lumipas ang panahon at di ko namamalayan, lumalapit ka na pala. Ako naman itong naging manhid, di ko namalayang may nararamdaman ka na rin pala para sa akin. Di ko man lang agad naintindihan na mahal mo na rin ako. J
Alam mo ba, takot kasi akong mag-assume. Sabi nga ng isang professor natin di ba? “Don’t assume”. Sabagay, masakit nga naman kung yung bagay na akala mo ayun na eh hindi pala. Alam mo kahit nagsimula na tayong magkatext, magsimula na tayong maging sweet at may mga pasaring ka na “I love u” eh hindi pa rin ako agad naniwala kahit gusto ka na din talagang maniwala.
Hindi ako maniniwala hangga’t di mo nasasabi ng harapan. Nung naisip ko yun, nalungkot ako. Iniisip ko, magkakaroon ka kaya ng lakas ng loob para sabihin sa’kin ang tunay mong nararamdaman. Iniisip ko din na diretsuhin kang tanungin pero natakot ako. Paano kung mali ang hinala ko, ako naman ang napahiya. Hinayaan ko na lang ang oras, ang pagkakataon at himala sa himala, nagtapat ka ng harapan. Alam mo ba ang pakiramdam na aminin sa’yo ng matagal mo nang mahal na mahal ka rin niya? Para akong nagkameron ng imaginative wings na pumapagaspas na akala mo’y lilipad na sa tuwa.
Ni sa hinuha ko, di ko naimagine ang pagkakataong yun. Magaling nga naman talaga pumana si kupido, asintado sa puso at sa isip mo. J
Maraming naging masayang pagkakataon sa ating dalawa. Yung mga “firsts” mong gawin, swerte ko lang at ako ang kasama mo. Nung moment na una tayong nag-date, naaalala mo pa ba? Sabi mo pa, hindi yun date pero kalaunan ikaw na rin ang nagmention sa salitang yun.
Naaalala ko pa nung un among hawakan ang kamay ko, tinanong mo pa kung pwede. Natatawa talaga ako kapag naaalala ko yun kasi nararamdaman ko yung kaba mo nun, na iniiisip mo siguro na pwedeng ayoko at mapahiya ka. Pero dahil mahal na kita dati pa, hindi na ako nagniarte pa. Inisip ko nga kung pwedeng lagi tayong magkahawak ng kamay lagi kapag magakasama tayo. Pakiramdam ko kasi kapag hawak mo ang kamay ko, hinding hindi mo na ako iiwan.
Nung unang beses na hinalikan mo ako, sa noo. Alam mo ba, yun ata yung gabing hindi ako halos makatulog sa saya, na sa tuwing ipipikit ko ang aking mga mata, nararamdaman ko pa rin kung gaano kalapit ang mukha mo sa aking mukha. Ramdam ko ang tibok ng puso mo, ang malalim mong paghinga. Alam ko at naiintindihan ko, first time mong humalik ng babae kaya kabado ka.
Sabi ko sa sarili ko, “bakit ako nagkakaganito samantalang di ko naman first time mahalikan?” pero ang pakiramdam ay iba. Pakiramdam ko wala ng iba pang sasarap sa kiss na yun sa lahat ng kiss na natanggap ko. Nung una din tayong magkayakap na parang walang tao sa paligid. Habang nakaupo ka nakayakap ka sa’kin habang nakatayo ako sa harap mo na parang pinakikinggan mo ang tibok ng puso ko. Ang higpit ng yakap mo sa akin sabay sabi mo na huwag kitang iiwan. Paano nga ba ako makakawala sa yakap at mga alaala mo ngayon? Sa tingin mo?
Lumipas ang ilang buwan, lahat ng kalokohan natin ay natapos. Natapos na ang lokohang hindi “tayo” talaga. Tinanong mo ako kung pwede nga bang maging akin ka na at maging sa’yo na din ako. Bakit ko nga ba lolokohin ang sarili ko, kaya sinabi kong oo.
At ito tayo ngayon, tatlong buwan na ang lilipas mula nung araw na iyon. Di ko na rin namalayan na medyo matagal na din pala at marami ng naging pagbabago kung paano natin pakitunguhan ang isa’t isa. Sabi nga nila, di mo mamalayan ang oras kapag masaya ka. Malamang, masaya nga tayong dalawa kahit minsan inaaway kita, hindi naman mahirap na mag-sorry ka kapag tinotopak ako. Ano pa nga bang mahihiling ko sa tulad mo?
Mahal, alam kong may mga bagay pa din na kailangan natin malaman magkasama, madami at matagal pa kaya sana huwag kang maiinip at huwag kang magsasawa. Kahit may mga oras na hindi tayo masaya, kailangan nating maging malungkot minsan para magkaroon tayo ng dahilan maging masaya ulit. Salamat sa lahat. Kulang ang papel na meron ako para isulat ang lahat ng gusto kong ipagpasalamat sa’yo. Basta, sana lagi mong iisipin na mahal na mahal kita at sisikapin kong magawa ang lahat ng kaya kong magawa para maging successful ang pagmamahalan natin.
stormborns
areudirty
theartofmadeline
blakekathryn
gummygunk
s-u-f-j-a-n-s-t-e-v-e-n-s
