هآبي | HABY @haby-98 - Tumblr Blog

Posts

‏"يعرفني الناس، ممّا أكتب، وأعرف نفسي، ممّا أمسكتُ يدي عن كتابته."

bluemaher

الحب مخيف لأنه يطلب منك أن تثق، والثقة هي أكثر ما يخشاه المكسورون

11yl

سوف تنقذني الاشياء نفسها دائمًا، دعاء أمي، ضوء الشمس، قدرتي الهائلة على التخيل وحديثي المستمر مع الله.

في رجالة للأسف بيعتبروا الزوجة جزء ثابت من حياتهم ف الحماس والمبادرة يقل معاها اكثر من باقي الناس..

اولوياته العاطفية بتتغير وبيتعود انك "مضمونة" فبءا ما بيبذلش نفس المجهود العاطفي اللي كان بيبذله قبل الجواز.

والمشكلة إنهم بينكرو ده لو حد كلمهم ف الموضوع.. بس الفكرة مش ف الكلام.. الفكرة ان افعالهم واضحة ومش محتاجة تحليل.

الاهتمام بتفاصيل مع ناس تانية.. لكن معاكي بيعمل الحد الأدنى أو بس ينفذ الطلب ال بتطلبيه منه ده إن طلبتي يعني.

ولو مطلبتيش حاجة خير وبركه..

بعد الجواز بعض الرجاله بيحسوا ان مرحلة السعي والمجهود خلصت ف بيقللو التعبير والمبادرات بالتدريج.. كان بيجيبلك ورد وهدايا هيبطل يعمل ده تدريجي.. لو بيهتم بالأعياد وتفاصيلها هيبطل يعمل ده لشعوره بإنك مضمونة ف ليه يبذل مجهود؟ ليه يبذل مجهود ف تفكير انتي بتحبي ايه وبيعجبك ايه ويجيبهولك هدية منغير مناسبة.. معزمك على اكلة بتحبيها منغير م يسألك تحبي نتغدا فين وانتي تقرري..

تفاصيل كتير بتتنسي.

وتلاقي نفسك طول الوقت بتفكري..ليه النسخة دي اختفت؟

غصب عنك هتفكري انك: مبقتيش مهمة

مبقتيش تستاهلي المجهود

مبقتيش محبوبه

مبقتش فرحتك مهمة لدرجة ان يتعملك حاجة تفرحك بدون مناسبة.. او حتى بمناسبة والله

كل حاجة اتغيرت.. كل حاجة بهتت..

ويا تقبلي يا تقبلي مفيش فيها حلول لإن محدش بيطلب اهتمام من حد مش بيفكر فيه كأولوية ف كل حاجة.

الاستقلال المادي مش معناه الأمان.. الأمان مش في الفلوس.

بس الحُرية في الاستقلال المادي ومحدش يسأل ليه.

اعتمدو على نفسكم مادياً حتى لو متجوزين حتى لو اهلكم بيصرفو.

ومحدش يسأل ليه.

هيجي يوم وتفهمو ان الاستقلال حُريه وإنكم هتحتاجو ده مهما كنتم فين ومع مين.

حاسة إني فاضية.. مستنزفة..

بعمل كل حاجة للحواليا ومحدش فكر يعمل حاجة عشاني.

سؤال مساعدة اهتمام هدايا طبطبه حنان.. ومحدش بيفكر فيا تقريباً.

محدش بيفكر يسعدني ازاي.. هو سؤال سخيف؟ محتاجة حاجة لاء انا تمام.. طيب.

وخلصنا على كده.. م اصل ليه حد يبذل مجهود وتفكير ف انه يسعدني منغير م اطلب.

طول م انا مش بطلب يبءا انا تمام بالنسبالهم.

بس انا مش تمام.. وفاقدة مشاعر كتير.. وبقدم حُب ومش بلاقي.

انا مش حابة نفسي اليومين دول وبحاول اتهرب..

عشان مش عارفة اعمل ايه..

بسقي زرعهم طول الوقت ومحدش فكر يسقيني.. لما دبلت..

يااارب إنت عالم ب اللي ف قلبي اكرمني و وفقني لو مش علشاني ف علشانه هو يارب 🙏

انا خايفة..

مش قادرة اعرف هل انا خايفة من الفشل ولا خايفة اني اخذل ثقته فيا..

متوترة وقلقانة.. حاسة بكل خوف ف معدتي طول الوقت وده مانعني عن الأكل كزيس كمان ومليش نفس لأي حاجة.

بحاول اقنع نفسي ان كل حاجة هتعدي كويس واني هقدر انجح وان بعد م انجح هضحك على نفسي اني كنت مكبرة الموضوع.

بس ف نفس الوقت خايفة أوي أوي ده ميحصلش.. خايفة من حاجات كتير أوي مش كلها هعرف احكيها.

انا عاوزة نكون ف مكان واحد ف أقرب وقت وحاطة ده هدف قدامي وبفضل افكر ان ربنا ساعدنا ف حاجات كتير وف مواعيد ظهرت فجأة عشان الموضوع يتم ف اقرب وقت.. ف بقول يبءا ان شاء الله اكيد هنجح بإذن ربنا.

بس مش عارفة اسيطر على احساسي بالخوف ومش عارفة اعمل ايه..

اتقبل أي شيء إلا الاهانة.. اتقبل العثرات و التغييرات والصمت والحزن والغضب.

لكن لما الموضوع يمس الاحترام هنا نقف..

لا اقبل التقليل من احترامي ولا اقبل اهانتي بأي شكل من الأشكال.. ويكفي شعوري بأنها اهانة ومش مسؤولة عن نوايا / مقصود الشخص ال قدامي طلاما طلعت منه بطريقة/نبرة/نظرة تُرجمت في عقلي واحسستني بالإهانة والتقليل من شأني.

أنا هنا لا لأُهان.. بداخلي مشاعر رقيقة تستثار بلمسة صغيرة.

انا استحق الحفاظ على مشاعري.

حلمت حلم مؤذي نفسياً لدرجة إن للحظات افتكرته حقيقة ولما فوقت منه انتابني شعور بالبكاء والرجفة.

ف اخر دقيقة فيه كنت حاسة إني بموت وروحي بتطلع قدام عيني وكنت بتكلم مع ناس اعرفهم واقولهم انا هموت دلوقتي.

لسه خايفة عشان بؤمن بالأحلام وبشوف انها مش حاجة عبثية.

ودايماً بتحصل بسبب.. بتبعتلنا توكيد او تنبيه او حتى بتواسينا.

غبية

flowerytale

Anaïs Nin, from “The Diary of Anaïs Nin, 1955–1966”

asmaamag6d

أقف مصفقة لكل من خاض صراعًا مريرًا مع طفولة قاسية وخرج منها منتصرًا، أولئك الذين لم تصنعهم الرفاهية بل صقلتهم الأزمات، من كان لديهم كل المسوغات النفسية للانكسار، الذين لم تأخذ الحياة منهم بل شكلت فيهم وعيًا يسبق أعمارهم، من استطاعوا ترميم شروخهم بأنفسهم، أولئك الذين بنوا قصورا من الحجارة التي رجموا بها في صغرهم.

haby-98

أولئك الذين لم تصنعهم الرفاهية..