Kelan nga ba ako napamahal sa pag babasa?
Sa tuwing naaalala ko kung kelan ko natutunan at nahiligan mag basa, unang pumapasok sa utak ko si Mama. Tandang tanda ko pa nu’n, sa tuwing mag kakaroon sya ng sahod dadaan kaming palengke ng marikina. Sa tapat ng Sta Elena High School nun may maliit school supplies store na nagtitinda ng mga pocket books. Sa halagang 12, 15, 20 pesos nakakabili si mama ng 2 o 3 romance pocket book plus soduko, wordhunting o crossword puzzle at pocket book pangbata para naman sakin. Dalawa lang kami mama ko nu’n sa buhay. Wala akong kapatid kaya madali sakin nun ang mabored kapag wala na akong kalaro (it’s either kasi nag sesiesta yung mga kababata ko, or hapon na ang laro namin sa kalsada kapag wala nang araw). Kaya kapag nag sawa naman ako mag laro mag isa sasagutan ko yung binili ni tulag ng wordhunting o kaya babasahin yung pocket book na binili nya.
Naalala ko tuloy, yung mga pocket book na binibili nya sakin nun kung ikokompara ko sa mga book ngayon, yung mga kwento at plot ay tulad ng mga ginagawa nina Rick Riordan at JK Rowling. Maiksi nga lang mga mga kwento. So nuon pa lang talaga mahilig na ako sa mga fantasy at fiction genre ng storyline. Tas kukulitin ko nu’n si mama na mamalengke ulit kami para makadaan dun sa store at ibili uli ako ng pocket book.
Naalala ko din nu’n bago ako matulog may maliit ako na bible. Bata pa ako nung nahiligan kong mag basa ng bible. 9 or 10yr old ata ako nuon. New testament na ng bible yung binabasa ko nun, tanda ko kasi unang pahina nun na “Roll of the genealogy of Jesus Christ, son of David, son of Abraham, Abraham fathered Isaac, Isaac fathered Jacob, Jacob fathered Judah and his brothers, Judah fathered Perez and Zerah, whose mother was Tamar, Perez fathered Hezron, Hezron fathered Ram....” fathered ganito and so on and so forth. Hindi ko lang sure kung natapos ko pero sure ako nakakalahati ako kasi madami din naman pa ako kwentong naalala galing duon. Minsan namimiss ko yung batang ako, nakakatuwa na sa murang edad natutunan na nya magbasa ng bibliya.
Tulad ng sabi ko kanina madali ako mabored nuong bata ako. Kapag di pa oras ng laro sa kalye. Sa loob lang ako ng bahay, nag lalaro mag isa, nagkukulay, nag dodrawing at nag susulat ng kung ano ano (Elementary ako neto pero hindi ako mahilig mag aral at gumawa ng assignments). Isang araw wala na din akong natitirang babasahin, nabasa ko na din mga kwento sa elementary textbook na pahiram pa ng deped nun. Ayoko naman buklatin yung math textbook kasi wala naman ako mababasa dun at kasasabi ko lang, hindi ako mahilig magaral. Wala na talaga ako magawa that day, kaya nung napatingin ko sa isang boxes nga mga romance pocket book ni mama nag try ako kumuha ng isa. Hindi naman nya ako pinag babawalan mag basa ng mga pocket books nya, pero alam ko din naman kasi na hindi yun pang bata kaya hindi ko pinapansin. Pero na curious ako kung bakit humaling si mama dun at kahit wala pang kalahating araw e nakakatapos na sya nga isang pocket book (naiinggit pa nga ako nun at napapaisip sana ako din mabilis magbasa). So I tried one pocket book na precious heart romances. Hanggang sa naging 2, 3 at lahat na ng binibili ni mama binabasa ko na din. In short, grade 5 or 6 lang ata ako nuon alam ko na kiligin because of my mother’s pocket books. At sa maniwala kayo o sa hindi, kapag may intimate part or love making part nilalagpasan ko ‘yun (Pero later on nung highschool na ako binabasa ko na din. Hihi). Kinakabahan ako e, paniwala ko nun sobrang bata ko para makabasa ng ganun tapos takot ako mahuli ni mama na nababasa ko yung ganun part but anyway hindi pa din ako pinagbawalan magbasa ni mama ng mga pocket books n’ya. Nakakahinayang lang kasi 3 kahon na malalaki ang naipon nyang ganun at hindi ko alam kung san na napunta.
Sumunod naman is nung 1st year high school ako sa Sta Elena, Marikina. Hindi pa din ako natigil mag babasa nuon ng pocket books (pang kids or romance story man) Mahirap kami, hindi namin afford ng mama ko na bumili ng mga Rick Riordan or JK Rowling books sa national books store. Bukod dun, di pa din ako mahilig magbasa ng mga english novels kasi baka sumakit at dumugo lang utak ko sa mga words. So ayun nga, balik sa kwento. Nung 1st year H.S. ako sa sta elena, hanggang 12nn ang pasok ko. Every uwian dumederetso ako sa Marikina Sports center kung saan merong isang malaking public library. Hindi ko na maalala kung paano ko nadiskubre yun, pero after class duon ako naderetso at hindi sa sakayan pauwi sa bahay. Favorite ko mag tambay dun, bukod kasi sa malamig naiinlove ako sa amoy ng mga libro, lalo na yung mga 2nd hand book na kulay brown ang mga pahina, basta hindi yung mga brand new (obviously!). Hindi ko talaga problema nuon kung hindi ako makabili ng books kasi nga may free public library naman, at duon naman natuto ako mag basa ng mga enlish na young adult genre ng books, pero yung maninipis lang like 50pages or less than 200 pages. Nakalimutan ko na din yung mga kwento na nababasa ko dun sa marikina library, hindi kasi ako palatanda sa author, more on stories ako nag fofocus. Hahaba na ito masyado kung ikukwento ko yung mga nabasa ko nun. Pero anyway ayun nga, ang isang libro na binabasa ko sa marikina libray at inaabot ng 2 days kasi syempre hindi naman ako maghapong nakatambay dun, hindi ko din alam paano hiramin. So itatabi ko na lang sya sa isang shelf at tatandaan ko kung saan nakapwesto para the next day babalikan ko at tatapusing basahin.
Pero uunahan na kita, hindi ako loner or yung sobrang wirdo. May mga kaibigan naman din ako. May mga time nga lang talaga na mas pinipili ko mag isa at magbasa.
So moving on, dumating yung araw na kailangan ko umuwi ng probinsya at duon ituloy ang pag aaral ng highschool. Yung mga unang taon ko dun nakakapanibago, walang friends tas maaga pa nag sisitulugan mga tao, ibang iba sa nakalakihan ko sa marikina na na kahit gabi na may mga bata pa ding nag lalaro ng habulan sa kalye. Yung pasok ko pa sa school buong mag hapon. Namiss ko nuon yung library sa marikina. One time umuwi din yung tita ko from manila, may mga dala syang textbook na pang higher year at college galing sa studyanteng nag aaral sa private school. Inuwi nya kasi alam kong magagamit namin. Which is nagamit ko naman talaga. Walang public library sa probinsya kaya naman kapag dumarating na yung oras na wala na akong magawa, yung mga textbooks niiiscan ko. Yung mga klase ng textbook na naiuwi ni tita ay mga english literature, filipino literature at science book. Syempre alam mo nadapat kung alin sa tatlong yung ang di ko binubuksan. Dun ko natutunan basahin yung mge excerpt from mythology, tulad Odyssey, Oedipus, Pyramus and Thisbe at ilan pang ping kwento about mythology. Mga short stories at poems nina Robert Frost, Nick Joaquin, Lualhati Bautista. (Again hindi ko tanda yung ibang author kasi hindi ako ganun kafocus kaya moslty yung mga sikat na pangalan ang tands ko kasi until now nakikita ko pa din mga names nila). Pero may mga tanda din akong titles tulad ng, May day eve, The truce in the forest, Invictus Biag ni Lam-ang, excerpt ng Noli Me Tangere at El Fili, at madami pang short stories na hindi naman talaga literal na short kasi umaabot ng 5-8 yung pages.
Sa probinsya pa din at highschool days, eto naman yung time na kaibigan ko na yung 2 ding transferee galing sa manila din. Nakakahiram ako sa kanila ng babasahain tulad ng komiks na Pugad Baboy at Bob Ong’s ABNKKBSNPLako. Ako naman mahilig lang talaga mag basa at wala pa ding pang bili ng libro kaya tamang basa basa lang sa mga resources na meron ako. Yung isa sa transferee pala mahilig na that time sa english novels. Kasagsagan ng unang twilight movie, sya tapos na buong series ng book. Sa sobrang excitement nya sa kwento ng twilight, sa’ken at sa isa pa naming friend nya lang naikukwento yung nabasa na nya sa book, ayaw daw nya ishare sa iba. Ayaw din nya ipahiram yung book kasi sobramg favorite nya talaga yun. As for me naman, hindi pa ako nakakabasa that time ng makakapal na english novels. And since di nya mapahiram yung twilight books nya kasi sobrang iniingatan nya, yung isang book na ang title is “The Host” ang pinahiram nya. Since si Stephenie Meyer din naman daw ang author. Nung una ko nakita ang book, di ko sure kung sisipagin akong basahin since medyo makapal na para sa akin yun. Pero ni try ko pa din basahin. Simula nun nag crave pa ako sa mga ganung klase ng books. Tapos after ata ng the host, yung books 3 ng Harry Potter din pinahiram nya ako.
Kaya nung nag college na ako sa bulacan, since hindi ko pa din afford bumili bili ng books, nagtyaga lang muna ako sa ebooks and syempre pati wattpad. Yes, pala basa ako nun sa wattpad, hindi pa sya nun ganun ka trend wayback 2012-2013. Tapos magaganda talaga stories way back nung mga naunang sikat na author nun tulad ni Jonaxx, Purpleyhan, Iamkitin, at limot ko na ulit yung iba (Anyway yung mga ebooks nun meron pa akong kopya na sinend ko sa sariling yahoo acct ko. lol). Tas ayun download sa compshop ng mga english novels na feeling ko magaganda kwento Pero mostly ang na dadownload ko is yung mga stories ng sikat na author since usually sila lang din madaming nakakalat na free download sa web. Yun lang kasi talaga afford ko, yung hours sa internet cafe at hindi mga physical books.
Until 2019, nung medyo naka luwag luwag, I started to buy books (mapa-brand new or 2nd hand) Sa ngayon medyo onti pa lang sila. Pero soon mas padadamihin ko pa sila. Gusto ko pa mag basa ng magbasa ng magbasa. Yung mga books yung nag sisilbing safe haven ko. Isa eto sa mga bagay sa mundo na hindi ako mag sasawang gawin. Kaya naman for more books and stories along the way, kailangan ko magpayaman. Char lang. What I mean is I’m gonna workhard pa para magkaroon ng sariling library.
dededos
ellievsbear
jacobvanloon
annaxmalina
izzy806
baratheonpilled
