Masyado na talagang digital ang lahat ng bagay. Pati siguro God's touch digital na rin. Minsan talaga naiisip kong the best talaga si God kasi kahit sa anong paraan kaya niyang magreach out sa kahit kanino, kahit pa sa aking hindi mahilig magsimba. Siguro nga kasi alam niyang hindi na ko nakakarinig ng sermon (ng pari at ng mga magulang) kaya digital na lang ang paraan niya kasi doon ako mahilig. Feeling ko kasi, ginagabayan ako ng Diyos sa pagpili ng papanooring movie/series sa tuwing wala ako sa mood or kapag nauubusan ako ng pag-asa sa sarili at sa nangyayari sa akin. Ito yung hindi ko makakalimutang halimbawa: Noong panahong sobrang nasaktan ako (broken-hearted, ;) ), napanood ko yung movie na "The Blind Side". Kwento ito ng isang black American na inampon ng isang white American family. Magulo ang buhay niya, at sobrang down niya rin noong mga time na yon. Iisa lang ang pares ng damit niya. Buti na lang sa America merong mga public laundry kung saan paglabas ng damit mo ay tuyo na agad; araw-araw pumupunta siya doon at doon na rin siya nag-aaral. Narealize ko na marami pang taong mas malala ang dinaranas sa akin pero hindi sila sumusuko sa buhay o sa pananampalataya sa Kanya. Tigmak na nang luha ang mata ko matapos panoorin ang movie na yon. Habang pinapalabas ang credits, napapikit na lang ako at nagpasalamat kay Lord kasi itinuro niya sa akin ang tamang movie para ma-inspire ako ulit na lumaban sa buhay. Hindi ko na matandaan kung pagkatapos ba noon saka ako nahilig sa pagbabantay ng mga inspiring lines sa mga movies o teleseryes, matagal na kasi akong mahilig manood ng pelikula. Para sa akin kahit na anong klaseng movie pa yan, meron at meron kang mapupulot. Kagabi nanood ako ng Korean Series na DREAM HIGH. It was a story about a KPop Group na nagsimula sa hindi maganda hanggang sa sumikat. Pero hindi naman yung pagsikat ang nakita ko doon sa series. Magkakaiba sila ng ugali, syempre lahat naman ng tao iba-iba. Merong anak sa labas na sa huli natanggap din ng ama niya; merong inggiterang nakaget over din sa insecurity niya at nakabangon sa pagkakamali; merong probinsyanong napatunayan ding walang taning ang pag-abot ng pangarap basta subok lang ng subok; merong mataba na nagsumikap baguhin ang sarili niya dahil sa pag-ibig at mas para sa sarili niya; merong mayabang na natuto ring magpakumbaba at magpakita ng tunay na nararamdaman; at ang pinakagusto ko sa lahat (although hate ko talaga siya nung una) ay yung babae na masungit, mataray at maarte pero malambot at mahina sa loob ay natutunan ding magpakumbaba at magbago ng masamang ugali. Ang sinabi nang babae sa huli ang tumatak sa isip ko "Magiging matatag tayo sa problema kung pipiliin mong maging matatag". at naisip ko "Ang galing talaga ni Lord, alam niyang maiinspire ako kapag napanood ko yon". Natatakot ako sa bagong responsibilidad na iniatang sa akin, lalong nakakatakot kasi maaga pa lang nagkamali na agad ako. Kung kumpiyansa ako nung unang pagtanggap ko sa hamong ito, ngayon hindi na, nabasag na. Pero hindi ko naman sinisisi ang ibang tao. Naisip ko ring may pagkakamali talaga ako doon. Sabi ko sa sarili ko, nagmagandang loob lang ako. Pero let's face it nagmagaling talaga ako kaya ayan pinapaalala sa akin ni Lord na kahit anong antas pa ang maabot ko, hindi ko dapat nakakalimutang maging humble; at higit sa lahat hindi ko dapat Siya kinakalimutang pasalamatan, purihin at humingi pa rin ng gabay. Isa pang line na naging inspirasyon ko ngayon ay yung sinabi nung babaeng nakaget-over sa insecurity niya. Ito yung linya niya "Minsan kailangang magkamali para malaman mo kung ano ang tama. Hindi masama ang magkamali, ang masama ay ang hindi magbago at manatili sa mali." Sabi ng marami, bad influence daw ang mga music kasi may mga hidden messages ito. Pero para sa akin ay hindi. Masama bang gamiting inspirasyon ang napapanood mo at naririnig mo? Siguro nakadepende na sa tao kung papaano niya gagamitin sa buhay niya. Kung nadidiktahan nga tayo nito unconsciously, nasaan ang kalayaang pumili? Para sa akin, nasa tao pa rin kung paano niyang imamaneho ang buhay niya. Ika nga ng kasabihan "Nasa Diyos ang awa, nasa tao ang gawa". Sana lang Lord may internet dyan sa inyo para mabasa Mo rin to. Sabagay digital naman na po Kayo. #GOD #inspiring #messages #realizations #mood #inspiration #Godstouch (posted in my Wattpad account, 08/25/2015)
theartofmadeline
amandla
titsay
romaincrisis
tangentwithtanner
vaporwave