ไบร์ท วิน

  혜성    별

[kdnlsnjkpsh]

Pag-uugnay ng Unemployment at Reaksyon sa mga Dokumentaryo

Ang aking pinanood na dalawang bidyo ay ang I-Witness: Minsan sa isang taon” ni Kara David at ang I-Witness: “Kapit sa patalim“ ni Atom Araulo. Ang dalawang dokumentaryong ito ay patungkol sa pinagdadaan na pagtatrabaho ng ating kababayan upang sila ay magkaroon ng pangtustos sa kanilang pamilya at itong dalawang dokumentaryo ay ating iuugnay sa unemployment.

Sa dokumentaryong aking pinanood na “I-Witness: Minsan sa isang taon” doon inilahad ang pamumuhay ng pamilya ni Mang Tusan sa isang sitio sa Saranggani Province, Mindanao na kung saan ang kanilang pangkabuhayan ay ang pagtatanim at pag-aani ng mga Abaca. Ang mga Abaca ay mahirap patubuin dahil ito ay nabubuhay lamang sa malalamig at malililim na lugar at hindi lang ito mahirap patubuin mahirap din itong anihin sapagkat kakailanganin mo ng kalakasan upang maging isang sinulid ito at ang pag aani nito isang beses sa isang taon lamang at dahil isang beses lang isang taon ang kanilang anihan naapektuhan nito ang kalusugan ng pamilya ni Mang Tusan dahil wala silang ibang pagkukuhanan ng pera, at kung walang ani hindi sila nagkakapera kung kaya ang kanilang kinakain sa araw-araw ay kamote lamang o di kaya ay kamoteng kahoy. Ako ay nakaramdam ng awa dahil pana-panahon lang ang kanilang pag-aani at kakaunting pera lamang ang kanilang kikitain at ang mga bata na nakakaranas ng kulang sa nutrisyon dahil kamote lang ang kanilang kinakain kapag hindi tag-ani ng abaca at kakailanganin pa nilang maglakad ng ilang oras para lamang ibenta ang kanilang inani.

Sa dokumentaryong pinamagatang “Kapit sa Patalim” doon inilahad ang mga pinagdadaan ng maraming OFW o mga domestic worker bago sila makapagtrabaho sa ibang bansa at ang mga karanasan nila noong nakapunta sila sa ibang bansa na kahit mahirap at delikado gugustuhin nilang magtrabaho sa ibang bansa dahil mas maraming oportunidad roon at doon sila mas kikita para ipangtustos sa kanilang pamilya sa Pilipinas. Ako ay sumasaludo sa  mga OFW na kahit mahirap makipagsapalaran sa ibang bansa na minsan sila ay naaabuso ng kanilang amo sila ay matatag at gagawin nila ang lahat para lamang sa kanilang pamilya kaya sobrang proud ako sa mga sakripisyo na ginagawa ng mga OFW.

At aking iuugnay ang dalawang bidyo sa isyung unemployment. Sa unang dokumentaryo na “Minsan sa isang taon masasabi ko na isa itong uri ng unemployment dahil may mga panahon lamang kung kailan sila nakakapagtrabaho. At sa dokumentaryong “Kapit sa Patalim” sila ay matuturing na unemployed kahit naghahanap sila ng trabaho kaya naghahanap sila ng trabaho sa ibang bansa.

[kdnlsnjkpsh]

Bayan ng pagmimina

Itogon, isang bayan ng pagmimina sa probinsya ng Benguet na matatangpuan sa timog na bahagi ng Central Cordillea mountain range ay nakaranas ng isang malaking landslide sa kasagsagan ng bagyong ompong kung saan halos 100 na katao ang nasawi at ang iba ay pinaghahanap pa at isa sa nalibing ng buhay ay ang apo ni lolo Martin na si Jerome.

Marami ang naapektuhan sa pag guhong ito lalo na ang mga naninirahan dito,ang mga trabahador pati na rin ang mga pamilyang nawalan ng mahal sa buhay. Ayon sa mga balita, pinalilikas na ang mga residente nakatira doon dahil nga may posibilidad na gumuho ang lupa dahil sa pag ulan ngunit may ilang di sumunod.

Ang pagmimina ay may posibleng maging resulta ng paglambot ng lupa na nagiging dahilan ng pag guho ng lupa lalo na kapag nabasa ito. Dahil nga pagmimina ang pangunahing pangkabuhayan ng mga taga Itogon at dahil maraming nakatira malapit sa bundok hindi nila na nila naisip na maaring gumuho ang lupa lalo na kapag nababasa ito. At ang epekto ng pag guho ng lupa ay ang kanilang kabuhayan at nawalan din sila ng mahal sa buhay.

Nakakalungkot mang isipin na kung saan ka nakuha ng pangpakain sa pamilya ay doon ka rin mawawalan ng mahal mo sa buhay. Sa napanood kong bidyo nakita ko kung gaano kalaki ang pag guho ng lupa na kung saan may mga katawan nabaon ng buhay. Sana maging aral iyon sa ating lahat na kailangan nating alagaan ang ating kalikasan dahil tayo rin naman ang nakikinabang.

[kdnlsnjkpsh]

Ang Epekto ng Kalamidad

Ang kalamidad ay isang di inaasahang mga pangyayari na maaaring likha ng kalikasan o gawa ng tao. Dahil sa kalamidad maraming tao ang naapektuhan sa paraang may mga nawawalan ng trabaho o pagkakakitaan dahil nasira ito ng kalamidad.

Napakalaki ng epekto ng mga kalamidad sa isang bansa. Nang dahil sa mga kalamidad madaming nasisirang mga pananim at mga puno na nagiging dahilan para tumaas ang mga presyo ng mga gulay, prutas at iba pa. Ang isa pang epekto ng mga kalamidad ay ang pagkasira ng mga bahay at mga gusali dahil dito nawawalan ng mga matitirhan ang mga tao. Nalala din ang trapiko dahil sa mga nasisirang mga gusali o di kaya gawa ng baha. Nataas din ang lebel ng tubig at dahil dito naapaw ang mga ilog na nagiging sanhi ng baha. Nagkakaroon din ng mga landslide dahil sa pag-ulan. Marami ang nawawalan ng bahay dahil nasisira ito ng bagyo o di kaya ng paglindol.

Dahil sa mga kalamidad, maraming tao ang nagugutom at minsan nagiging sanhi ito ng kanilang kamatayan, marami din ang mga nawawalan ng pangkabuhayan at tirahan at ang epekto nito ay nahihirapan silang makabangon.

Sa anong paraan nga ba nakaaambag ang mga tao pagdating ng mga kalamidad sa bansa? Dahil nga ang kalamidad ay mangyayari sa di inaasahang pagkakataon kung kaya dapat ay lagi tayong handa sa paraang pagtatabi ng mga pagkain o di kaya ay mga kagamitan lalo na kapag may parating na bagyo di natin alam kung anong magiging epekto nito kaya mas mabuting tayo ay handa.

Ang aking konklusyon ay ang kalamidad ay walang pinipiling oras at panahon kaya dapat lagi tayong handa.

[kdnlsnjkpsh]

Reaction sa Kanta

Ang Once Upon a Tune ni Gary Granada noong 1994. Si Gary Granada ay kilala sa pagsusulat ng mga kanta na may temang politika. Pagsulat ng kanta na tema ay politika o gobyerno ang paraan nya para maipamulat sa tao ang realidad.

Sa aking palagay, Ang Once Upon a Tune ni Gary Granada ay tungkol sa mga pangyayari kapag mag eeleksyon na tulad ng “Halalan ay kay mahal kung nais mong mahalal isama sa application alyas Vilma, Nora at Sharon” sa tingin ko, ang ibig sabihin nito ay kung gusto mong mahalal, magsama ka ng mga artista kasi nga naman pag may kilala kang artista iisipin ng iba na karapat dapat kang iboto. Sa linyang “My nephew, My niece, My brother and sis are all political appointees” nakakalungkot mang isipin pero pati politika ginagawang negosyo sa paparaang buong pamilya ay nasa politiko.

Napansin ko na ang tono ng kanta ay hango sa mga pambata na kanta tulad ng bahay kubo, ako ay may lobo at iba pa. Masasabi ko rin na medyo matatalas na salita ang ginamit nya sa pagsulat ng kanta, kahit na matatalas na salita ang ginagamit nya masasabi ko na totoo ito tulad ng ‘’Kandidatong bobo lumipad sa langit di ko na nakita buhat ng ma-elect” masasabi ko na totoo ito dahil pagkatapos nilang ma-elect di na sila masyadong nakikita.

 Masasabi kong ang mga liriko ng kanta ay pinupuntirya/ tinatarget ang maling gawain ng mga politico. Sa linyang, “Dalawang tenga dalawang mata laging nakasara” Sa tingin ko ang tinutukoy dito ang mga politiko kapag nanghihingi ng tulong ang mga tao ay hindi nila pinapakinggan. Nabanggit din sa kanta ang pagbibili ng mga boto na hindi tama at hindi dapat ginagawa pero dahil nga maraming naghihirap napatol sila doon.

Ang aking konklusyon, na kahit medyo matagal na yung kanta hanggang ngayon ay meron pa rin pangyayari na ganoon at ang kantang Once Upon a Tune ay tungkol sa mga maling ginagawa ng mga politiko o gobyerno.