Aap meri jaan lijiye, ab woh mere kisi kaam nahi
mujhe do din dijiye, main puri zindagi dene ko tayyaar hojaati hun, aap mujhse wafa maangiye, main jaan dene ko tayyaar hojaati hun.
ye kisi ka toh kusur hai, main aisi toh nhi thi, kisi ko khone ke darr see, aajkal main khud kho jaati hun.
mujhe na dhundhe koi, na mujhe milne ka shauk hai, mujhe yaad aane ka shauk hai, mujhe marrne ka shauk hai.
shauk ki baat main krti hun, baaton mein shokhiyaan ghol kr main logon ko rijhaati hun, koi meri aawaaz chheen le, baat krna shauk se zyada aadat banta jaa rha hai.
aadat kuchch aisi hai, ab mera bolne ka mann nhi krta, aas paas walon ka shayad sunne ka mann nhi krta, aadat kuchch aisi hai jaise- mere ghar mein subah ka shor.
shor toh ab sannaate mein bhi hai, apni saans bhi kaanon mein gunjti hai, koi meri jaan hi chheen le, ab mujhe jeene ka bhi shauk nahi.
kuchch khaas jeevan mein rakha nahi hai, sukh dukh bhi kuchch khaas nahi, par jab kuchch khaas hi nahi, toh jeevan ka arth kya?
nirarthak ye baatein, ye kavita, mera jeevan, nirarthak mere vichaar, mujhse kahein "aye murkh, apni chhavi sudhaar." (Brainrot)
woh mujhe jaanna chahta hai, meri chhavi ko mujhse behetar pehechaanna chahta hai, koi use kaise pehechaane ab, jo pichchle kayi saalon se gumnaam hai.
gumnaam nhi thi main, mujhe naam diya tha, ab bhi mujhe usi naam se pukaarte hain, par ab main woh naam nahi.
Duniya Jahan ke log sab paraye, ab yahan koi inaam nahi, aye khuda tu bas meri jaan le, ab woh mere kisi kaam nahi.
