خلاص فاضل يوم علي السنه بإذن الله عايزه اكلمكم النهارده ف حاجه مهمه اوي ومهم اوي تعملوها وهتفرق معاكوا قبل السنه الجديده الامتنان الامتنان من حاجات مهمه اوي ف حياتنا عشان نفضل ايجابين انا بحب اكتب ف ورقه اخر السنه علي الاقل ٥٠ حاجه انا ممتننه ليها ف حياتي ف ناس هتشوف ٥٠ كتير اوي وتبقي مش عارفه تكتب ايه و ف ناس هنشوف ال ٥٠ قليل بس الورقه دي ليها مفعول السحر لما تحسوا بطاقه سلبيه ف حياتكوا اقروها وافتكروا نعم ربنا وشوفوا الحاجات الحلوه ف كل حاجه حتي المشاكل ايوه حتي المشاكل فيها حاجات حلوه هديكوا مثال كنت زمان مش بحب اليوم الي عملت فيه الحادثه بتاعتي وبعتبره من أسوء ايام حياتي ولما بفتكره مبشوفش اي حاجه حلوه فين الحلو ف حادثه وبهدله وعمليات وأثرت علي رجلي و و و و و لكن بعد كده لما قررت اني اكون ايجابيه بصيت للموضوع بشكل تاني دي فرصه جديده ربنا ادهاني عشان اعيش من تاني ومش كل ناس بتاخد فرصه تانيه قد ايه انا محظوظه انا لسه قادره امشي علي رجلي عرفت مين الي جنبي ومين ميستاهلش عرفت نعمه كبيره اوي من عند ربنا مكنتش حاسه بيها قبل كده وهي رجلي اه رجلي دي نعمه محستش بيها الا لما كنت هفقدها احنا حوالينا نعم كتييييييير اوي اوي بس للاسف مبنحسش بيها الا لما بتبقي معرضه للخطر مش بنحس بنعمه النظر الا لو عنينا وجعتنا مش بنحس بنعمه التذوق الا لو سنانها لو فمنا ف مشكله وهكذا طلعوا ورقه وقلم وابتدوا اكتبوا امتنانكوا لكل حاجه ف حياتكوا وثبتوا الورقه دي ف بلانر بتاعتكوا ولما تحسوا بضيقه ارجعولها وثبتوا عاده جديده ف السنه الجديده بإذن لله جزء صغير ف بلانر كده كل يوم تكتبي امتنان لحاجه او اتنين وهتشوفوا الموضوع ده هيفرق معاكوا ف انتاجيتكوا ازاي وازاي هتبقوا ايجابين اكتر ياريت ف كومنتات كل واحد يكتب علي الاقل حاجه واحده هي ممتنه ليها #امتنان #تنظيم #kholoud_diy #kholoud_tips https://www.instagram.com/p/BsBWPM4lMCC/?utm_source=ig_tumblr_share&igshid=1eox5c1zbt941