K.J.

K.J. Ibarra | Kusinero in the making | Cook x Eat | Lift x Play | Travel x Explore |

[kjibarra]

05/27/17 11:04PM

Hello night. Kumusta? Ayos ba tayo jan? Ako kasi hindi. Iniisip ko bakit ganito ako? I'm always overthink. Bakit lagi ako napapraning? I don't know! Hindi ko alam bakit nga ba ako lumaking overthinker. I guess part na din siya ng buhay ng tao? But still I don't want to be an overthinker! Parang pasama nalang ng pasama nangyayari when I overthink. Gusto ko matigil isip ko sa pagiisip ng sobra, sa kung ano man. Straight forward kung pwede sana. Hindi ko alam kung may advantages din ba pag ooverthink? Hindi ko alam. May makakaintindi pa kaya sa pag ooverthink ko? May kaya pa kayang maghandle nito? Hindi ko alam. Bakit nga ba ako ganito? I guess gusto ko lang maramdaman yung worth ko sa isang tao? Yung pure and sincere. I guess gusto ko maging comfortable kapag magsasabi ng deep thoughts that my mind creates? I guess gusto ko maramdaman yung may taong nanjan na hindi ako ijudge sa mga naiisip ko yet yung tao na iaangat pa ako at uunawain yung thoughts ko at sasabihin na naiintindihan niya yung akin at walang sama ng loob na mabubuo? I guess gusto ko lang may taong tumanggap ng worst fears ko at iparamdam sa akin na handa niyang ipakita at patunayan sa akin na hindi niya gagawin yung mga kinatatakutan ko? Hindi ko alam. Puro nalang ako si hindi alam. Panay ako pagkakamali. Napupunta din ako sa pagiging down. Hindi ko alam saan ako lulugar. Sakit na ng ulo ko kakaisip. Sistema ko nabagsak na din. May makaintindi naman sana sa akin at handang tanggapin buong pagkatao ko at buong pag iisip ko. Gusto ko matanggal yung worst fears ko. Nakaka shit lang kasi. Ayaw ko maramdaman na doon lang papunta sa worst fears ko lahat. Ang sakit. Masakit. Takot. Nakakatakot! Kailangan ko na umahon siguro. Sinusubukan ko naman mag adjust sa pag iisip ko. Mahirap lang siguro. Hindi pwede biglain. Dahan dahan. Tanggapin mo sana ako ng buong buo.

[kjibarra]

Hidden thoughts. Overthinker thoughts. ©

[kjibarra]

2:10am Thoughts 👼🏼

Kumusta kaibigan? Matagal tagal na ulit ng tayo'y magkakwentuhan. May gusto lang ako ibahagi sa'yo, Tungkol sa tanong na hindi masagot ng aking sarili mismo 

Tinatanong ang sarili. Hindi mawari kung may nakasilip na sagot sa'kin. Tanong na hinahanap hanap, Sagot na gusto malaman.

Hindi malaman kaibigan kung ano na ba nangyayari, Sa akin na nais ang kasiyahan sa aking sarili. Mga bagay na may hangganan, Pati damdamin nasasapulan.

Mga ganap na parang nilalayo ako palayo, Hindi na alam kung saan ako mismo pupwesto. Sasanayin na ba ang sarili? Sa mga kaganapan na hindi alam saan patutungo.

Maghihintay na lamang ba? Sa panahon na pwede ka. Pwede na makausap at masabihan, Ng tunay at wala ng halong birong nararamdaman.

Sa hindi gaanong katagal na panahon, Inaalam sa aking sarili kung ano ba ang nararamdaman. Damdamin na kakaiba, Panibago na sumapul sa aking sistema.

Aking sarili na madaming palaisipan, Hinahanap ang tamang kasagutan. Kasagutan na matagal na hinahanap, Nasa sarili pala hindi lang matiyak. Ganito na ba yung tinatawag na pakiramdam na nagmamahal? Hindi mo maipaliwanag kung ano yung nararamdama mo, Gulong gulo ka kung pagmamahal na ba talaga yun? Ganito ba pakiramdam ng nagmamahal? Mula sa mapait na nakaraan at naranasan, Handa ka pa din sumugal kahit hindi alam ang resulta. Ganito ba pakiramdam ng nagmamahal? Lungkot ang nararamdaman kapag naghihiwalay na mula sa masaya na pagsasama at kagananap.

Ganito ba pakiramdam ng nagmamahal? Puno ng kagalakan ang damdamin sa tuwing masisilayan at makikita mo siya.

Ganito ba pakiramdam ng nagmamahal? Hindi ka nagsasawa na makita, tignan at titigan siya kasi gandang ganda ka sakanya kahit ano pa man itsura niya kapag kaharap ka niya. Ganito ba pakiramdam ng nagmamahal? Handa ka saluhin pagkainis niya at pagkatrip niya kasi alam mo doon siya magiging komportable.

Ganito ba pakiramdam ng nagmamahal? Gusto mo mapasaya siya kasi nagiging malungkot ka din kapag malungkot din siya. Ganito ba pakiramdam ng nagmamahal? Hangga’t maaari gusto mo tumulong kung ano man problema niya kahit hindi niya kinakailangan.

Ganito ba pakiramdam ng nagmamahal? Masaya ka sa kung ano napagtatagumpayan niya.

Ganito ba pakiramdam ng nagmamahal? Sa lahat ng pagkainis sa kanya, nangingibabaw pa din ang pag unawa. Ganito ba pakiramdam ng nagmamahal? Naiintindihan sa kabila ng pagkalungkot at kung ano man pinagdadaanan, hindi pa din bumibitaw at tuloy ang pag usbong sa hinaharap. Ganito ba ang pakiramdam ng nagmamahal? Nagkukusa ang sarili mo na baguhin ito para sa kanya mula sa magagong nakaraan.

Ganito ba pakiramdam ng nagmamahal? Kahit gaano ka niya kinaiinisan at minsan pakiramdam na pinagtatabuyan ka, hindi mo pa din siya matiis at kayang iwan. Ganito ba pakiramdam ng nagmamahal? Sa mga pagkukulang na nagagawa sa kanya, pinipilit pa din punuin ‘yon kahit ayaw na niya.

Ganito ba pakiramdam ng nagmamahal? Tanggap mo siya ng buong buo, kung ano man siya, kung ano ang nakaraan, kasalukuyan at hinaharap. Ganito ba pakiramdam ng nagmamahal? Hindi mo alam ang tamang sagot sa nararamdaman mo na baka pagmamahal na pala ito? Ganito ba pakiramdam ng nagmamahal? Ang alam ko walang tamang sagot at hindi masasagutan ang pagmamahal sapagkat ito’y kakaiba. Kanya kanya ang uri ng pagmamahal, iba iba, hindi magkakapareho. Siguro pagmamahal na ata itong nararamdaman. Hindi alam ang gagawin. Gusto sabihin ang tunay na nararamdaman, Ngunit naghihintay ng tamang oras at panahon. Sana’y tanggapin pagmamahal na iaalay, Na siyang aking binibini na minamahal ng walang maintindihan na kadahilanan.

Kahit ano pa man ang kanyang nakaraan, Kung ano man siya mula una at sa ngayon, Mamahalin ko pa din siya ng buong buo mula sa aking sarili, May pagkukulang man minsan, sinisigurado ko naman na totoo at tapat.

[kjibarra]

👼🏼 sessions (11/22/16) Kumusta? Mukhang hindi ka pa din maayos ah. Pinapakiramdaman lang kita. Kasi dama ko talaga na hindi ka pa din maayos. Ano ba 'to?! Palagi nalang ba ganito? Isip ko pasara ng pasara, Sa tuwing iisipin ko na wala ng pag asa. Mula sa iyong binibini na mukhang wala naman ako mapapala. Pero kapag pinalawak ko pa aking kaisipan, Makikita na sa araw araw na ginawa ng maykapal, Dami nagbabago mula sa ating pagsasama't paguusap. Nag iisip lang ngayon, Bakit ganoon? Parang mas matamis pa ako makitungo sa'yo, Hindi ko alam. Sadyang ganyan ka lang ba? Wala ako maramdaman. Minsan meron, Baka nilalagyan ko lang ng kahulugan? Salamat kung totoo, Kakarampot na pagpapahalaga sa akin. Na pinapadama mo sa akin, Kahit hindi maramdaman, Kung hindi pa hahalukayin pabaon, Mga salita, kilos at galaw mula sayo. Naguguluhan ako. Parang mas matamis pa kasi yung paborito mo na inumin minsan, Pero hindi kita masisisi kung ganyan ka. Wala akong karapatan para husgahan ka. Ang alam ko lang dapat kitang mahalin, Sa desisyon ko at hindi sapilitan. Dapat kitang mahalin, Dahil gusto ko. Dapat kitang mahalin, Kahit malaman ko lahat ng sablay sa'yo. Mas mamahalin kita, Kung ipapapasok mo ako ng tuluyan sa mundo mo. Aalagaan ka at iingatan, Na parang paborito ko na bagay na babasagin at ayaw ipahawak at mahulog sa iba. Sa ngayon, Wala muna siguro. Baka naiinip lang ako. Hindi ko intensyon magmadali, Bigla bigla nalang ako nainip, Na dapat kumalma lang, Sa kung ano man meron lang ngayon. Hihintayin ko maging handa ka, At ako. At sabay tayo gagawa at bubuo ng sarili nating mundo, Na walang pwedeng pumasok at mangialam. Ipadama mo sa akin kung ano yung totoo, Kung wala na o meron pa. Kung ayos pa ba o hindi na. Ng sa ganon ay pwede na bumuo ng distansya, Sapagkat nandito na tayo ngayon, Sa pagitan ng paalam at laban. Sana maramdaman mo kung gaano kahalaga, Sa simpleng ako na ang nais, Maging masaya at masigla ka, Mula sa mga problema mo. Kalma nalang muna, Basta alam mo na nandito lang ako para sa'yo. Hanapin mo sana ako kung kailangan mo ng tulong, Na parang paborito mo na matamis na inumin na nagpapakalma sa'yo.

[kjibarra]

👼🏼 sessions (10/03/16)

Aking giliw sa bawat araw na nagdaan, Saya at galak ang naramdaman ko mula sa’yo. Sa mga oras na nauubos habang kausap at kasama kita, Hindi maipaliwanag na pakiramdam ang bumabalot sa aking pagkatao.

Panay saya nalang ang naramdaman mula sa’yo, Sa hindi namamalayan nagiging normal nalang. Hindi ako naging handa, Na saya na maibibigay mo sa akin pwedeng bumaliktad nanaman.

Sa akala ko nagiging maayos na ang lahat, Magandang progreso para sa ating dalawa. Ayun pala parang mapagpanggap lang ang tadhana, Pinamukha sa akin na hindi lahat talagang puro saya lang.

Kahit anong positibo ang iniisip at ginagalaw, Apekto pa din palubog sa negatibo kapag tungkol sa’yo. Bakit nga ba ganito kapag nagiging negatibo ka na? Positibo kong ugali kinakain at nawawala parang bula. Giliw ano ba pinapakita mo sa akin ngayon? Motibo mo pa din ba ito o pagkatao mo na ito? Daming gusto itanong sa’yo, Kaso mga tanong ko na pang akin lang.

Mga tanong na nabubuo sa utak ko, Hindi ko masabi sa’yo sapagkat wala namang makukuha na sagot. Gusto ko na pumutok, Pero nagpipigil pa din gawa mo.

Pinapakita ko naman sa’yo na nandito lang ako para sa’yo, Pero hindi ko alam kung bakit ayaw mo lumapit sa akin. Kung ano man yang mabigat sa kalooban mo na dinadala, Pwede mo naman ako pagsabihan at papakinggan ka lang.

Hindi ko mabigay sarili ko sa’yo kapag ika’y problemado na, Nakakasigurado na hindi mo tatanggapin ‘to at sa halip pagsasabihan mo pa ako. Nandito lang naman ako sa para sa’yo, Na pwede mo pagsabihan na tagapakinig lang at hindi ka pagsasabihan.

Ang hirap mangapa kung ano pwedeng ibigay sa’yo. May mas malalim pa palang dahilan para kilalanin ka. Gusto ko bigyan ka ng kalinga at pag aaruga, Sana pagbigyan mo ako dahil kagustuhan ko naman ‘to.

Hindi ko alam susunod ko na yapak para sa’yo, Gusto ko lumaban sa laban na ‘to pero sa simula palang parang talo na agad. Sa’yo na nanggaling na dapat sumugal ako, Pero paano ako susugal kung tataya palang ako wala na agad. Hindi ko alam kung ano pumapasok sa isip mo, Hindi ko alam kung may maitutulong ba ako o nakakagulo lang. Pasensya na hindi ko napaghandaan, Kalungkutan at kainisan na binabato mo sa akin.

Hindi ko alam kung may problema ka ba, O sadyang ako na yung problema. Hindi ko aakalain na babalik ganitong sitwasyon, At dinamay mo nanaman ako na wala akong kamalay malay.

Gusto ko lang naman sumaya ka, Pero pagbibigay ko sa’yo parang wala lang. Tinatapon mo ulit, Parang mga bagay na sa tingin mo na hindi mo magagamit..

Inakala ko na araw araw napapasaya kita, Sa paraang alam ko. Pero bakit ganun? Parang napapasama pa ata ang lagay?

Giliw hindi ko na alam kung ano nga ba dapat aking gawin, Kung tadhana natin sa isa’t isa’y madilim at magulo talaga. Papapasukin mo ba ako sa buhay mo? O papasilipin lang at papaalisin agad?

Pero sinabi ko nga, Iintindihin kita kahit ayaw mo may umintindi sa’yo na iba. Sinabi ko sa’yo na hindi ko mapapangakong hindi ako magsawa, Pero kakayanin ko na intindihin ka ano mang oras..

Hindi ko na alam sunod ko na gagawin, Mananahimik ba muna o kung ano man. Basa na kita kapag masaya ka, Sa lungkot hindi pa pala. Panay hindi ko na alam ang napasok sa utak ko, Wala kasi akong alam sa mga sagot sa tanong ko. Gusto ko lagyan ng sagot lahat ng tanong ko, Miski sagot dito hindi ko alam kung saan ko makukuha.

Kapag dumating na ‘yung panahon na ‘yon. Gaano man kaespesyal ang araw na ‘yon susunggabin na agad. Ano man mangyari sa gagawin, Makakatulong sa pagdidikta ng hinaharap nating dalawa.

Tandaan mo sana na nandito lang ako para sa’yo, Hangga’t kaya ko pa. Kahit sistema mo dumidilim nanaman, Susubukan ko pa din lagyan ng liwanag ‘yan.

[kjibarra]

👼🏼 sessions (9/13/16)

Nakakapag taka at nakakapag isip bigla, Hindi aakalain na hindi pala sigurado ang desisyon na dinikta. May pangambang naramdaman, Baka sa huli ako'y masaktan.

Ano to sinta ko? Sinabi sa sarili na handa na ako masaktan sa gagawin sayo. Gusto ipagpatuloy desisyon na nabuo, Damdamin bigla umuurong na parang naduduwag at natatakot.

Papapasukin mo ba talaga ako sa buhay mo? O papasilipin mo lang at papaalisin mo din ako? Hindi ko alam kung ano aking gagawin, Praning nalang tuwing gabi ang nagpapatulog sa akin.

Mahina nakuha na motibo, O sadyang onti lang pagbibigay mo? Hindi ko alam kung ano binabato mo sa akin, Sadya lang ba talaga ako nagiging manhid?

Panay tanong nabubuo sa aking isip, Hindi alam kung kailan magakakaroon ng sagot giliw. Payagan mo sana ako papasukin sa buhay mo, Hindi sasayangin pagkakataon na ibibigay sa akin.

Kinakain na ng sistema aking sarili, Alam mahina at mabagal pagbibigay ng saya sa iyong labi. Sinusubukan naman lahat ng paraang alam ko na pwedeng gawin, Mabigyan ka lang ng matatamis at magagandang ngiti mula sa akin.

Natatakot at nangangamba, Na tuluyan ng mahulog sayo sinta. Hindi ko alam kung masasalo mo ba, Nararamdaman ko sa'yo na matagal ng nakatago sa aking sistema.

Sasaluhin mo ba ito? O sahig nanaman babagsakan nito? Hindi ko alam kung ano pwede mangyari, Basta ang alam ko kailangan sumubok, masaktan man ayos lang basta walang pagsisising mararamdaman sa huli.

[kjibarra]

👼🏼 sessions (09/06/16) TALON. Ikaw yung tipo na babae na aking maikukumpara, Sa talon na nagtatago sa lahat. Bakit nga ba nagtatago sa lahat? Kung madami naman gusto sa'yo pumadpad. Ikaw yung talon na hindi ko masasabi na pa-fall, Pero ikaw yung talon na sa akin talaga magpapa-fall. Hindi ko alam kung gaano kababaw o kataas ang babagsakan ko, Ayos lang handa ako sumugal mahulog sa'yo. Gusto ko lumangoy at maglakbay patungo sa iyong buhay, Sapagkat sigurado ako na maganda ang kahihingatnan. Ayos lang kahit sa umpisa palang nakakapagod na, Alam ko na pagsubok lang ito at malalagpasan. Minsan ang sobrang lamig mo na ayaw ko na sumubok lumangoy pa, Minsan may init din naman na ayaw ko na umalis sa pagkakalangoy pa. Kahit ano pa man pinaparamdam mo, Sa huli ikakatuwa ko rin pinaparamdam mo sa akin. Ngayon wala ng takot sa gagawin, Tatahakon paraiso ng pagkatao mo na maibabahagi sa akin. Sapagkat talon na napili ko na tahakin, Handa na isugal ang sarili maranasan lang ang tuwa na sa'yo lamang madadamhin.

[kjibarra]

👼🏼 sessions (09/05/16)

Ganito pala ang pakiramdam, Kapag nalayo diwa mo sa katotohanan. Wala ka magawa, Gusto mo sumubok pero hindi mo alam kung saang paraan.

Uminom ngayon ng kaunti, Kumalma lang isip at damdamin. Ang hirap din pala pakalmahin, Lalo na kung ikaw ang siyang dahilan.

Ngayong nandito na ako sa estado ng pag-amin sa'yo, Gusto ko na ituloy kung ano man yoong naudlot noon. Damdamin ko sa'yo hindi nagbago, Simula noong binigyan ka ng tunaw na sorbetes na hindi ko kinahiya hanggang sa kinauupuan ko ngayon.

Naalala ko noong simula nagkasama tayo, Sobrang galak ang naramdaman na nilihim lang sa'yo. Mga mata mong kay sarap titigan, Lalong nakakabighani, sinamahan pa ng mga ngiti mo na nakakaloko at panghulog damdamin.

Iyong mga mata mo na gusto ko lagi titigan, Malabo man gusto ko kumawala diyan. Gusto ko malaman kung sino laman sa iyong mga mata, Kung may pag-asa ba na maging ako o sadyang may iba talaga.

Pasensya na sa aking pagkawala, Kinain nanaman ako ng sistema. Sistema na pagiging duwag, Sa mga motibo mo na pinakita mo sa akin noong ako'y may tapang.

Pasensya na sa matagal ko na pananahimik, Natakot lang sa mga sinabi mo na motibo sa akin noon. Mapatawad mo din sana ako, Sa paggawa ko ng pang bata na desisyon para maiwan ka.

Hindi ko alam takbo ng utak mo ngayon, Hindi ko alam kung papansinin mo ba mga sinasabi ko sa'yo. Sising sisi na ako sa sarili ko, Hindi ko alam kung maipagbibigyan mo pa ako.

Pasensya na sa mga ginawa ko na mali, Sana maipagbigyan mo pa muli. Sinabi ko lahat lahat ng tinatago ko, Masyado ng mabigat sa damdamin, gusto na magpakatotoo sa'yo at sana dinggin.

Gusto ko na kasi itama ang mali, Ipantay ang nababaluktot na damdamin. Katulad sa byahe ko sa kabundukan, Pababa sa kapatagan at pumapantay sa karagatan.

Ngayon gusto ko ipakita sa'yo, Kung ano ako. Kung ano ka ba talaga sa akin, Ipakita sayo na ikaw talaga at wala nang iba pa.

Ayaw ko magtanong, gusto ko lang magsabi, Pero sa kabila ang hirap din pala nito na gawain. Walang kasiguraduhan sa lahat, Pero sino nga ba ako na baka sakali eto lang talaga harapin ko.

Susugal na ako sa laro ng kapalaran, Hindi ko alam kung mananalo ba o matatalo. Wala na akong pakialam kung sumaya man o masaktan, Maipakita lang sa'yo kung sino nga ba talaga ikaw sa akin.

Kilalanin palang kita noong una pagsubok na, Lalo pa ngayon na gusto na talaga kita. Wala ako na dapat pagsisihan kung nagustuhan kita, Dahil kahit malihim ka man, nakita ko na agad kung ano ka talaga.

Ngayon gusto ko na mas ipakita sa'yo kung sino at ano ako talaga, Hindi ko alam kung maniniwala pa ba sa katulad ko na nagkasala. Pansinin mo sana, Damdamin ko na totoo at makatotohanan.

Pasensya kung medyo napaasa ka ng mga ginawa ko noong una, Pagbigyan mo pa sana ako ng pagkakataon. Pagkakataon na itama ang mali, Gusot at naudlot na paggawa.

Gusto ko magtanong sa'yo, Ngunit parang hindi pa panahon. Gusto ko lang muna siguro magsabi sa'yo, At gawin kung ano ang nararapat.

Gusto ko na itama ang lahat, Ayaw ko magsayang ng pagkakataon. Ayaw kitang mawala, Dahil ikaw lang ang talaga ang gusto ko makasama.

Pero kung tingin mo na mali ako at damdamin ko, Sabihin mo lang sa akin at itatama ko. Kung mali man ito, Pipilitin ko nalang mawala ito at alagaan ang ibang bagay na hindi makakasira sa ating dalawa.

Ayaw ko talaga magtanong sa'yo ngayon, Gusto ko lang magsabi sa'yo. Papasukin mo lang ako sa buhay mo na panay tanong, Aalagaan at papasayahin kita sa naaayon at nararapat. May progreso at gawa na ikakatuwa mo na sisiguraduhin ko na hindi panandalian lamang.

Handa ako matalo sa'yo, Basta sa huli sisiguraduhin ko na magkakaroon ng patutunguhan ito.

[kjibarra]

12:38am Thoughts.

"We'll meet each other again, soon, if you're not busy anymore. While having our whatever drinks we chose that will surely cheers for, delicious food that satisfies our tummies, place that some people do not know we're there. In the middle of the night, while staring to each other's eyes with sincerity and fun, having our meaningful or pointless conversation yet still the result is happiness to both of us. Miss those moments. I want to see you again while we take our rest, off and or break to unwind!"

[kjibarra]

1:48am Thoughts.

Mga panahon na kay tahimik at matamlay kinulong sa mahigpit na kamay at nanatiling ipunin ang pwedeng pagkuhanan ng lakas sa hinaharap.

Oh aking kaibigan, ako'y napapaisip sa'yo. Nag aalala, napapaisip at nangangamba, sa mga bagay na gumugulo sa aking utak kung ano ang pwedeng mangyari.

Sa kasabay ng nakabantay na leon sa'yong paligid, ika'y pumipilit na kumawala, kumawala sa pag iingat na dinadanasan. Napaisip na ako kung ano ang pwede mong gawin isang prinsesa kung lumisan na ang leon at makakalaya ka na.

Kaibigan, ako'y nangangamba sa'yo at sa'yong mga planong naitago. Naninigurado ako na madaming magbabago. Ganap at pangyayari, lalong lalo na ang ‘yong sarili. Bibitawan ko ang isang kamay ko sa pagkapit sa'yo. Hindi ko na kailangan pagkaabalahan ka kahit nangangamba ako sa'yong sarili. Wala akong magagawa sa mga pinili mong plano.

Ika'y mag ingat nalang at huwag magpabaya. Ika'y bibigyan ko nalang ng tiwala sa'yong mga gagawin.

Nararamdaman ko na marami din ang magiging bago simula ngayon. Hindi ko kailangan magpahuli at magpaiwan. Mas mabuting manguna ako sa mga pinaplano mo.

Hindi ko na aasahan na walang magbabago lalo na sa'yong sarili. Ramdam ko na sa kinikilos mo palang sa akin.

Kalimutan mo na muna ako, gusto din naman muna kita kalimutan. Atupagin mo muna ang iba, ang papalit sa aking mga nagawa sayo. May aatupagin lang muna ako, ang sarili ko at ang paglimot ng masasamang pangyayari at ganap.

[kjibarra]

1:07am Thoughts.

Grabe. Sobra sa grabe. Hindi inaasahan. Naaasar. Naiinis. Walang karapatan. Ewan ko lang. Apektado? Hindi mawari? Hindi lang siguro handa. Walang pakialam. Meron. Gulo. Damdamin. Bakit? Sobra. Malala. Takbo. Litaw. Hindi masabi.

Ilang araw hinintay pinabayaan ko lang hindi magkita. Nagparaya at nagtiis sa komunikasyon na pang limitado lang at walang pagkikita.

Habang tumagal, nakaramdam ng gigil na sana lumapit na ang panahon ng pagkikita ng ating mga diwa. Tiniis. Paunti unting nagalak pero hindi naman sumobra.

At eto, dumating na ang araw na nagkita tayo muli. Ilang araw, linggo o buwan din simula na huli magtagpo ang ating mga paningin. Nakakatuwa naman sapagkat nagsabihan ulit ng mga walang kabuluhan na usapan, kalokohan at mga lihim na pinanghahawakan.

Sa isang iglap, may pinaalam ka. Isang balita. Balita na hindi ko aakalain na magbabago ng aking pag iisip, dinadamdam at gawain. Tipong dahan dahan na sinisira ang aking sistema na hindi naman dapat mangyari o maapektuhan. Hindi ko alam. Bakit? Apektado ba? Para saan? May karapatan ba? Nakakagulat lang ba? Nabigla ka lang?

Naiisip sa nakaraan na dadating din ang panahon na mangyayari din ang nangyayari ngayon sa kasalakuyan. Hindi lang ako naghanda. Napakiramdaman lang. Totoo bigla mangyayari nga pagkatapos ng isang tagumpay sa kanyang buhay.

Sa panahong hindi pagkikita ng mga diwa, may nangyayari na palang kakaiba na hindi naman talaga aasahan.

Mga plano na paunti unting bumagsak. Hindi alam kung paano iaangat o gagawin muli.

Mga plano na nais gawin sa hinaharap, hindi ko alam kung paano lalagyan ng makulay na kulay, sapagkat nabangasan na ito ng maitim na kulay na siyang kawalang sigla para gustuhin ko na mangyari pa. Kawalan ng sigla. Paano ulit babalik sa dating galak na gigil talaga na mangyari.

Ngayon ipinaalam mo na may nagpapasaya sa'yo. Hindi ko alam sa sarili kung kompetisyon o paraya ba. Masasabi ko na yung balita mo'y kayang baguhin muli ang takbo ng buhay ko.

Ngayon may tao ka nang ipinagkakaabalahan, maaari na muna siguro akong manahimik.

May papalit na sa lalake na nag aalaga at umiintindi sa'yo ng palihim. Nandiyan na yung lalake na papakita sa'yo na aalagaan ka talaga. May papalit na sa lalake na iniisip ka sa tuwing may problema ka at nandiyan lagi sa'yo sa lahat ng pangangailangan mo. Nandiyan na yung lalake na papalit sa lalake na nakakasama mo sa mga kalokohan na naiisip mo.

May papalit na sa lalake na nakakasama mo sa lahat ng bagay bagay. Mapa umaga, tanghali, hapon, gabi, hating gabi, madaling araw, pagsikat at paglubog ng araw. Maaraw, maulan, mahangin, malamig, mainit, may bagyo pa man. Almusal, tanghalian, meryenda, hapunan o gabihan o ilang kain pa man sa isang araw. Malapit o malayo na lugar. Lungkot at ligaya. Maingay o matahimik na lugar. Madami o kaunting tao. Ligtas at delikadong lugar. Pamilyar at panibagong lugar. Masustanya at mabisyo na gawain. Pinagpaalam at takas na gawain at plano. Sa niyaya mo na kapag gusto mo talaga gawin pipilitin mo pa kahit dehado yung lalake na niyayaya mo. May mga nauna ng plano pero mas pinili pang ikansela mga ito at italo sa panahon na yun ang mga kaibigan niya at mas pinili niya na ikaw ang makasama.

Sa tingin ko, makakapagpahinga na ako. May iba nang gagawa ng mga nagawa ko. Saglit lang at mahihigitan din yun ng papalit sa akin sapagkat may basbas siya. Pwede na muna talaga ako magpahinga at manahimik.

Mga plano. Gusto ko nalang bawiin pero baka mangyari yung nangyari dati. Bigyan nalang ng hirit kahit paunti unti. Sabihin magiging panalo naman din sa parehong partido kapag natuloy yung mga plano. Kaso mas magiging limitado yung mga gawain ko.

Balita mo, malaki pag asa na magbago mga gawain ko sa buhay ko ngayon. Sa tingin ko lang naman.

Sinabihan mo ako, tatanggapin ko pa din dahil binigyan mo pa din ako ng tiwala mo. Malaking bagay na din ‘yon.

Pahinga na muna. Piliin ko muna mamahinga. Siya na muna bahala sa'yo. Matagal tagal na din ako tumayo. Uupo muna ako.

Bigyan ko nalang siya ng tiwala kahit papaano. Masaya ka naman sa trip mo.

Dito pa din ako, tatahimik lang muna. Madali pa din ako malapitan.

Balang araw, dadating din yung…………….

[psych-facts]

There’s like a million different ways to say “I love you,” “put your seat belt on,” “watch your step,” “get some rest,” …you’ve just got to listen.

Unknown  (via psych-facts)

[psych-facts]

Sometimes, the thing you most want, doesn’t happen. And sometimes, the thing you never expect to happen, does.

(via psych-facts)

[tvvntyonepilots]

[extramadness]

More quotes here

[poems-and-words]

[anamorphosis-and-isolate]