Unbetitelt

I'm gonna be posting here random stuff as if I'm talking to myself

[l00-lll0]

To Do List for 2026

I usually don't do such things but let's give it a try, cuz I feel like u always gotta make a plan for everyting (literally)

1- getting driver's license: cuz I started it in 2021 but after 3 fails I gave up so this time I WANT to get not, no forced to!

2- going abroad at least 2x: maybe first within the EU (I don't mind where) esp. Switzerland and then Turkey and Bosnia

3- getting a laser vision: haven't thought about it that much but I think it but it would be nice wearing my sunglasses all the time wow

4- hitting 75 kg or less: I mean I was about to reach this goal this year (was 79 kg) but then failed and idc atp tbh lol

5- practicing bow shooting: I started having interest in it cuz it sounds so cool to mention it as a fun fact about u yk, might just take part of some hours in a course and then go on on my own (hella expensive)

6- trying tenis or sqaush: sounds so fancy and why not from time to time ( I feel pointless without practicing any kinda sport tbh) 7- going to pottery: not a big deal but just a reminder to do it one day

8- earning Kohle: this it one of the most important things I wanna reach next year cuz I'm sick of being low on cash and start to save up or having lots of debts .. I mean I don't mind earning sm money tbh but at least to not worry about getting this or that all the time ..

Bonus:

Things i wanna do one day (maybe this year?)

- karaoke 🎤

- zeppelin

- escape room

- Restaurant with live music

- Pottery

- Live cinema

- Massage

- Hair done

- Nails done

[l00-lll0]

لا صرت ٨٥

و بلكي اقل كمان لول

الجيم و التمرينات كتير كويسة، كمان الوجبات .. بس الشهية مو كتير موجودة مابعرف ليش .. حالياً بس عم افطر و اتغدى و بلكي اكل تحلية بس لما اكل اكتر من خمس لقمات ب الوجبة عم اشبع و عم اجبر حالي بس مشان اوصل ل بروتيني ..

مابعرف اذا اله علاقة هالشي بس بلكي السبب هو كراشي لول .. بعرف ما دخله بس بدي لاقي سبب مقنع لان عنجد مابعرف ليش هيك عم يصير معي. ..

ب النسبة ل الكراش حكيت عنه اولريدي و عملت تسجيلات صوت بس حسيت لازم اكتب شي هون و كمان لازم اذكره لانه عم يترك اثر معين ب حياتي و تفكيري .. مابعرف اذا بلش التكريش او هالافكار لانه كان يطلع علي و يطلع منيح بس كمان غيره عم يطلع علي كمان بس هو ترك اثر جواتي لانه تايبي لول .. و ب المناسبة هي اول مرة بصير عندي حماس من وقت قصة دائر يلي ل هلأ مابعرف وينه و صرلي من الشهر ال١١ ما شفته بس الحمدلله ماعم شوفه ..

المهم منرجع ل الكراش يلي سميته Mr. Tattoos لان متل ما ذكرت من قبل دراعه كلها متعباية تاتوهات و هالشي هوت بس ما حبيت انو في تاتو او تنين ل وجوه نسوان مابعرف مين هدول و اصلاً ما حلوين و ما حلو انو الواحد يعمل تاتو وجوه لناس .. ان شاء الله هي امه لول ..

شكلي عم اقتنع اكتر انه عنجد اجنبي .. عمر قلي بلكي هو اوكراني بس شكله ما بيوحي ابداً انه هيك .. شكله كتير مصري بس التاتوهات عم يدخلوني ب الحيط .. المهم بلكي لان تعلمت من قصة دائر اني لازم انتهز الفرصة و صير جريئة اكتر اني احكي مع كراشي قبل فوات الاوان او اني ابادر علماً اني كنت ضد هالمبدأ و ل هلأ بس ماعم شوف اي نتيجة انو حدا يحكي معي لان بضل واسي حالي ب حجة انو ما بينحكى معي من قلبة وشي لول ..

المهم هاد الكراش صرلي شي اسبوع ما شفته و وقت اللي استجمعت شعور اني احكي مع شب من هالناحية ل اول مرة ماعم يجي و عم اجي نفس الوقت يلي هو كمان بجي فيه عادةً .. خايفة انه عم يجي بس ب غير وقت ..

و اليوم فكرت ب موضوع انو بلكي الاسبوع الجاي رح يكون اخر فيه اخر فرصة اني اذا لاقيته احكي معه بدون ما اتردد لان اخر الشهر رح بلش شغل و بلكي ما نقدر نشوف بعض متل قبل .. عمر قلي اول الشي شوفيه تعرفي عليه و بعدين منشوف اذا يصلح ل شخص ل الخطوات القادمة .. بس ماعم شوفه و شعور اني احكي عم يبلش يذبل و هالشي عم يزعلني يعني اش هالتوقيت الكلب .. كل يوم عم فيق ع امل اني روح شوفه و عم تضل عيني ع الباب و شوف ايدين العالم اطلع اذا عليهن تاتو لان بلشت انسى وشه .. بس بتذكر انه كان حلو و هوت هيهي ..

طبعاً هيك خطوة كتير جريئة مني و من شخص محجب بس معد اهتم ل الصراحة .. عم حس اني عم ابعد كتير عن تصرفات شكل متل شكلي .. لان مليت انو العالم تحكم علي و تعمم بناءًا على تصرفتي الفردية .. كنت اضطر اني اتصرف ب طريقة معينة بس مشان افرجي انو المحجبات هيك هنن عادةً و هالشي عم يجردني من قدرتي على اني ابني شخصية مستقلة و مميزة عن شكلي المعمم ..

ب شكل مختصر عن الشغل رح بلش ب محل ال"نكد" ك بياعة لان بدي اخلص و اقبض مصاري يعني مليت معد يهمني اش اشتغل المهم مصاري اكتر من ٦٥٠ يورو ..

ل الصراحة حاسة انو هالنص الاول من السنة ماله انتاجي او فيه شيء يستحق الذكر و انا اللي فكرت انو هالسنة رح تكون احلى من هديك السنة ..الحمدلله عم بلش امسك ب زمام الامور و عم دير بالي ع صحتي و نفسيتي و قريباً جداً حالتي المادية رح تصير افضل و ع قبال حياتي العاطفية

قريباً جداً

و على امل اني شوفه بكرا يا ..

[l00-lll0]

لا لسه ما صرت ٨٥

بس مضطرة اكتب لاني كتير مزعوجة ..

ما بعرف من وين لابلش و كمان اذا معي حق او لا ب اللي رح احكيه .. او بلكي هرموناتي هنن السبب او هل هي فترة و بتعدي ..

كرهانة كتير اشيا و ماعم استحملهن و بدي اعمل اشيا كتيرة بس حلقة الشيطان ازز دا ..

اهلي كتير مزعوجة منهن .. مابعرف اذا هنن هيك و السبب مني هلأ اجا ع بالي اكرهن او عنجد صايرين ماعم ينطاقوا بس ما بياخدوني ع محمل الجد ابداً و بيستخفوا فيني و مالهن داعمين بتاتاً و ماعم اتحمل وجودهن مع اني عم انسى شلون عم يتعاملوا معي و ارجع اعمل نفس الغلط و احكيلهن كتير اشيا بتصير معي او عم فكر فيها .. انا بفكر انهن اهلي و لازم يكونوا جنبي و اللي بيدعو ل السخرية انهن مفكرين حالهن عكس اللي عم قوله حالياً ..

مالي طايقة اقعد معهن لان بدي اعمل نظامي ل الي و اعمل اشيا بدي اعملهن لو عشت لحالي بس مافي جحش يتجوزني لان مافي حدا اصلاً !!! طيب اش اساوي انا هلأ ب هالحالة اذا ما بخلوني اطلع من البيت الا ك زوجة حدا؟؟ استناهن حتى يموتوا حتى عيش الاشيا اللي بدي عيشها؟؟؟ حاسة الزمن عم يمشي و ماعم اعرف اعمل ولا شي .. بس الشي الوحيد الانتاجي يلي عم اعمله حالياً اني عم روح ع الجيم ..

هي قصة تانية منتطرق اليها بعدين ..

نقاقين و سلبيين و مالهن اهل ابداً و ماعم يتعاملوا ع هالاساس لان من فترة كم سنة بضلوا ع التلفون و ما بيحكوا الا ليتخانقوا .. لسه شقد بدي عد حتى عد ..

امي صاير ماعم ينحكى معها لان عم تضل ع التلفون و الواحد بده يعمل موعد حتى تسمعه ..

يعني بحسهن بضلوا عايشين لحد ما يموتوا ب معنى انهن بركضوا يتسوقوا و ما بروحوا ع محل و بنتقدوا هاد و هديك و ع التلفون (لا اكثر ولا اقل)

هديك اللي ماعم احكي معها (الحمدلله) بتقلي "اي ليش مفكرة اهلك هنن العائق الوحيد ب حياتك؟ " لان طبعاً مستحيل تعطيني الحق ب قصة بحكيها او توقف معي ب مشكلة بدون ما تصير اندفاعية و ضدي طول الوقت

انا ماعم اعملهن حجة بس انو المفروض ما كون لسه عايشة معهن لان انا عندي شخصيتي المختلفة عنهن و نظامي و كلشي حرفياً .. و حاسة اذا عشت بدون نق و سلبية و وسخ و مشاكل كبيرة ع اسباب صغيرة رح عيش ب سعادة اكبر .. بس مين رح يفهم علي ..

يعني الحمدلله مافي حدا داعم ب هالبيت و ولله مالي طايقة روح اقعد بيناتهن .. و "الكرزة ع القمة" انو هاد ناروتو طالع ع هالعيلة مستحيل يتصرف ك قط، دايماً بجعر و بده ياكل و بيتدايق لما حدا يلمسه و نقاق و وسخ لان عم يضل برات الشوارع ينصاب من القتالات مع القطط التانية ..

غير امبارحة بعد ما عملت كارديو ساعة كاملة عدى عن الماكينات يلي تدربت عليهن رجعت ع البيت و عمل اكل طيب لان ما فطرت تندمت كتير لان اللحمة كان فيها دهنة زيادة عن اللزوم و فوقها اكلت افوكادو كاملة و كان بدي اراجع بس ما حسنت .. مابعرف ليش هيك صار معي اكلت كل الكمية و ما ادركت كم الدهون ب الاكل .. لهلأ حاسة ب عذاب ضمير لان انا عم حاول اتخلص من الدهون اجي اكل هيك شي و ما دير بالي .. كان بدي روح ع الجيم اليوم بس اكتفيت ب اني ما اكل شي اليوم .. علماً انه يوم واحد هيك صار معي و اخر اسبوع رحت ست مرات ب الاسبوع يعني مابظن الموضوع سيء ل هالدرجة ..

بس بحس حالي يا طخه يا اكسر مخه ..

هي فترة و بتعدي.

[l00-lll0]

14.05.

قاعدة ب الشتراسن بان

و ما عندي اشتراك سبوتيفاي = مافي تسلية لول

و اخيراً عم اكتب اخر التحديثات ب حياتي

هلأ مالهن هالاشيا الكتيرة و المهمةةةة بس اني واي ..

ب النسبة ل اخر تحديث عن هالعمو الروسي طلع عنده رفيقة و من تلت سنين و طلع "مخبي علي" لان ع حسب ما حكالي انه "الفقير" ماعم يقدر يتواصل مع العالم ع البرنامج لما يعرفوا انه مرتبط (دخيل الله) و هو من هيك سألني شلون نظرتي تجاه الارتباط و بعد ما عرف اني بس بقدر ارتبط ب مسلمين اعترفلي انه مرتبط و انو ع اساس انا كتير كنت رح طبقه .. القصة ب بساطة انه شخص حلو و شكله مودل ف انو حلو انو الواحد يحكي مع هيك شخص لا غير يعني مافي خطط خفية لول .. و غير هيك هو كان صاير متل "اداة" اني انسى هداك الجحش بس ما مشي الحال لان صار سوء تفاهم لان he pulled the victim card و قبضها و انا ما كنت قاصدته اني واي اكل هوا و انا الحق علي اعتذرتله بس هو انه ع اساس عنده اسس و قيم كأنه ما ضحك علي ب البداية و ما ذكر رفيقته لان بده يحكي معي لول .. اشبعرفني جدبة ..

المهم الخبر الحلو اني هلأ ب الطريق ع الجيم لان صرلي فترة اكتر من اسبوع عم روح لهنيك و عم اعمل ريجيم و كنت ٩١ كيلو (ik omg) و هلأ صرت ٨٧ ف مابعرف يا يعني ماكان المفروض ارجع متل هديك السنة و ارجع اعيد السيرة بس ان شاء الله هالمرة ما ارجع اسمن و اداوم ع الجيم و اتسلى بما انو ما عندي شي اعمله حالياً (لسه ما لاقيت شغل ..)

ع سيرة الشغل عم دور و ابعت بس طبعاً مو متل قبل لان عنجد شي بملل و هالشي بيعنييي .. اني بلكي اعمل البكالوريا .. اشبعرفني يا حاسة شوي ب كابة و عم فيق احياناً ب نص نومي فجأة ب دون سبب و بلكي ب عقلي الباطن لاني عم فكر ب الموضوع عم يقلقني و هالشي عم يسببلي مشاكل ب النوم ..

آلمهم امبارحة لاقيت حدا كيوت ب الجيم ف ان شاء الله اشوفه اليوم كمان هيهي

و ان شاء الله المرة الجاية اكون تحت ال٨٥ مشان نضل واقعيين

[l00-lll0]

تحديث جديد

اخر فترة اجاني ب فرد مرة رسائل قبول من طلبات عمل و ل الصراحة تفاجأت انو ليش هيك فجأة

عملت مقابلتين و كانوا نوعاً ما كويسين بس طبعاً بفكر ب اشيا كان المفروض قولهن او اصلاً ما المفروض قولهن بس يلا ايغال ..

رح استنى حتى يجيني خبر منهن و ع الاغلب يوم التنين او شي

حالياً مفلسة ل الصراحة .. ف لازم لاقي هالشهر مشان اخر الشهر يطلعلي مصاري اكتر من راتب الجوب لان حسب حساباتي مارح يكفيني شي اذا ما اشتغلت ..

قبل شوي كنت عم ارقص ع اغاني الافرو لان صرلي اكتر من سنة مكيفة عليهن مابعرف ليش لول .. بس حالياً نفسيتي مستقرة و نوعاً ما مبسوطة .. طبعاً افكار سوداوية دايماً موجودة و لهيك بضحك ع حالتي احياناً انو شلون مودي بيتغير من قصص صغيرة .. الى الاسوء او الافضل ..

بس عم حاول اني احكي مع حالي اكتر و بصوت عالي لان متل ما ذكرت من قبل لازم اعمل هيك محادثات مع حالي لان مافي الا حالي بيستحق الكلام معه عنجد ..

صرلي فترة تلت ايام عم احكي مع حدا ع النت تعرفت عليه عن طريق برنامج تعلم تبادل لغات لان حالي عم ارجع اراجع لغاتي و اقرأ و اتدرب .. و عم ارجع اتعلم روسي و هاد العمو من روسيا بس عايش ب ايطاليا بظن من تلت سنين .. (عم فكر اذا لوقت ما ارجع اقرأ هالنص بكون نسيانته او لساتني ع تواصل معه لول) لان ل الاسف كل العالم اللي بتدخل ع حياتي بكون الها تاريخ صلاحية و بعدها ممكن ينطوا ع حياتي ك "ضيوف شرف" لول

المهم هاد العمو ما صدقت انه بعتلي ل الصراحة لان ما شاء الله يجنن و الحمدلله ما بيعرف هالشي و بيقول هدول صور كويسة يعمي قصده هو ماله هالقد حلو بس بقدر اوصفه ك امير ب القصص المصورة او الافلام .. و كمان ممكن اوصفه ك اوروبي انتقل ع كوريا و صار مودل و انفلونسر لول ..

بس عنجد هو حلو مع اني ما بحب الشقر اللي عيونهن زرق بس طبعاً الواحد بيحب يحكي مع عالم حلوين، جسمه منيح ماله معوقل و شكله طويل (مبين من رقبته لول) و تركيبة وشه كويسة كمان .. شكل عيونه حلوين كيوت .. ياخ بضحك شلون عم اوصفه لوول

بس استغربت ليش بعتلي ل الصراحة ب الاخص اني محجبة ف مابعرف .. و الصراحة حسيته اخد الصور من النت من شي مودل حقيقي ف مابعرف يعني شكلي لازم احط صوره ع الغوغل لول

بس حبيت اوثق الشعور تبعي حالياً اني مبسوطة اني عم احكي معه حتى ولو مارح يصير شي (اصلاً بعرف ع الحالتين) بس انو عم اتخيل لان ليش لا لووول

هو بضحك كمان يعني حس الفكاهة تبعه قريب ع تبعي و بيعرف يكتب الماني كويس مع انه ما صرله تلت اشهر متعلم بس عم يقلي ما بيعرف يحكي .. بس ل الصراحة غرت منه لان شلون هيك انا كمان صرلي شي تلت اشهر متعلمة روسي (كذابة) و مابعرف نص اللي هو بيعرفه .. بس بظن لساته ع تواصل معي لاني عنجد عم ساعده و بعدين اكتشفت شغلة .. اني شخص مادي متلي متل غيري بيتصرف مع العالم حسب شكلهن لول .. بس عم احكي معه ل كزا سبب : لان ماعم اتواصل مع حدا حالياً ف مالة/لانه حلو/لانه بضحك/لان بدي اتعلم روسي/لان بدي حدا ينسيني الكراش اللي المفروض ينقلع من راسي من سن جدي -> distraction

اني واي حالياً الحياة نوعاً ما كويسة بس عم اتخيل لو عنجد بلش شي بيناتنا لووول 🙈

(كرنج)

شي تلت مرات ذكر انو نشوف بعضنا بس متأكدة انه قصده مزح بس ليش لا انو الواحد يحلم و يفكر ب اشيا بتخليه ينبسط؟

[l00-lll0]

كان لازم اكتب لما كنت ب نص الشعور لان بعدين شفت كلب صغنون كيوت زبطلي مراقي ب ثواني ..

ليش هيك مابينحكى معهن؟؟ انا فكرت اهلي لانهن كبار و لانهن "اهلي" يعني بسبب الفروقات المختلفة بينا ما منقدر نتفاهم بس الحمدلله اهلي جابوا شخص نرجسي متغطرس ما بينحكى معه عنده عقدة الرب و مستحيل يتجادل او يتناقش لما الشي بيتعلق فيه من الناحية السلبية او انه يبين انه غلطان .. ماعم احكي هيك لاني مزعوجة بس هي عنجد هيك .. مترددة او ب الاحرى بتاخد وقت طويل حتى تاخد قرار ع اشيا صغيرة و بتكبرها و كأنها اذا غلطت رح تنخرب الدني .. من هالناحية انا عكسها تماماً لان الواحد اذا ماله مرن و بحب يجرب و يخاطر شلون الواحد ليتعلم؟؟ و ع اساس خياراتها و قراراتها كلهن سليمين ااخ ع الضحك .. انا عكسها كمان لما اعترف ب غلطي و هاد اللي بعملنا بشر .. لان البشر ب طبيعتهن خطائين ..

و اذا حكيت معها بتاخد كلشي ب مسخرة و انا الجدبة يلي بوقع ب نفس الغلط اني اخد و اعطي معها .. قال ايش بتخليني احكي و هي بتسكت و ما بتاخد و بتعطي .. و طبعاً مستحيل تطالعني صح علماً بكون صح ب بعض الامور ..

اول الشي حسيت انو اهلي هنن يلي واقفين ب طريقي بس طلعت هي كمان لان مع الوقت عم لاحظ اني عملت و جربت كتير اشيا بدونها وانبسطت و عادي اذا تخوزقت لان الخوزقة جزء من الحياة بس الفرق انك تتعلم من هالشي او تمضي ب الحياة ..

بس كتير زعلانة لاني فكرت اني بقدر خليها قدوة الي لان عم لاحظ انو حتى ولو نحن اخوة هالشي ما بيعني اننا نفس الشي و عنا نفس الاهتمامات و عنا نغس الشخصية الخ .. بس الشي اللي بزعل اكتر انها ماعم تساعدني حتى تحسن من دورها تجاهي ك اخت اكبر لان اذا ع امور صغيرة ماعم نتفق و عم وضل نتخانق لانها ماعم تاخدني ب جدية و اغلب الاحيان ما بتسمعني او بتتجاهلني و هالشي بيؤدي ب طبيعة الحال ل غضبي و ردة فعلي المنفعلة و اخر شي بطالعوني انا الغلطانة و انا سببت ب كل هالشي ..

يعني لا اهل داعمين و متفاهمين و هلأ ولا اخت عم تضل ب جنبي و عم تعمل متلهن صايرة .. و بقولوا ليش بدها تطلع من البيت لول

[l00-lll0]

للاسف الشديد ماعندي حدا احكي معه

احكي معه من ناحية افشله قلبي و هو يسمعني عنجد

مو يخليني احكي مع حالي و يعطيني احساس اني عم احكي مع حدا و هو اصلاً ماعم يسمع و يقول اي اي و ولا ياخد و يعطي ..

حابة اني اغير اشيا ب حياتي

او ازيل عالم من حياتي

او ما شوفهن الا لما بدي

بدي غير روتيني

و اشتغل ع الاستمرارية

حاسة عم استنى شي

او شخص

لحتى اتغير

لحتى طالع شخصيتي الحقيقة

و خليها الشخصية الدائمة الظهور

الجو حلو

او ب التحرى الجو "حالياً" حلو

بدي انزل ع النهر القريب من هون

اتشمس و اقرأ ب الرواية اللي بلشتها من جديد

اليوم حبيت اعمل اشيا جديدة

نظفت الاوضة نوعاً ما

و"رتبت" النبتة تبعتي

و زبطت الطاولة

حاسة اهلي (امي و اختي) مابدهن يحكوا معي

او خلينا نقول مارح يرضوا علي

لحد ما صلي

و كأنه هالشي بيتعلق بدخولهم الجنة

حتى ولو بدهن مصلحتي

لازم يحافظوا ع علاقتهن معي

او ع القليلة يكونوا الطف معي

انا هلأ عم حاول اني اشتري راحة بالي

لبينما الله يفرجها

مع انو طريق العنف و السلبية و الصراخ اسهل

بس هالشي مارح يأثر الا على حالتي النفسية

و يعملها اسوء

الحمدلله ع نعمة الكتابة

[l00-lll0]

و اخيراً كتبت شي هون

عم حس انو عم يمشي الوقت بسرعة بين كل مرة بكتب فيها شي

المهم قبل عيد ميلادي بيوم عملت سناني و حاسة طول الوقت في قطعة علكة قدام سناني و ماعم بحسن انضف بينهن عن طريق لساني او اضفري لان خلصصص .. تسكرت الفوارق لول .. انو صرت احلى طبعاً بس حسيت انو رح صير احلى و اتغير بس مافي هالفرق الكبير ع قولة خديجة .. بلكي لان شكلهن طبيعيين جداً ..

المهم و اخيراً عملتهن قبل عيد ميلادي هيهي .. خديجة قالتلي ما تهتمي كتير ل هالسنة لانها لسه ما صرتي تلاتين مع انو لازم لان هي اخر سنة من عشرينياتي

ل الصراحة ما عملت شي قاتولي يوم عيد ميلادي .. دنيا عيدتني و عمر صديقي الصغير و خديجة لول

بعدين رحنا ع التافل و خديجة اشترتلي اكلات ك هدية لول .. انا فكرت رح تشتريلي هدية عنجد بس عم تمزح ف مابعرف ولله

بعد ما دنيا عايدتني تذكرت كينغا اذا رح تعايدني بس لا ما بعتت شي .. اي ع الحالتين معد في تواصل و اصلاً انا ما عايدتها ع عيد ميلادها كمان ف مشي الحال

لسا عم دور ع شغل و اخر الشهر هاد رح اعمل يومين تجربة ب مكان هون و تنطلع اذا لياخدوني .. مع اني بتمنى اني الاقي شغل ب شفايفورت مشان انتقل هنيك و اقدم مشان الجنسية بس بلكي بقدر انتقل لهنيك حتى ولو لاقيت شغل هون ..

قبل شوي بعتت شي ١٨ محل ب شفايفورت ف تنشوف ..

اليوم رحت انا و خديجة ع الحديقة اليابانية مع لمى و انبسطنا مع انو ما طولنا كتير ..

و واعدة رفيقتي الكورية شوفها الاسبوع الجاي .. مع انو مابدي ابين بين الناس حالياً خوفاً من اني التقي ب حدا هون ب المدينة و لهيك ماعم روح ع الحيم مع اني دفعت هالشهر و كمان الشهر الجاي و نخلصصص

[l00-lll0]

حرفياً انا شخص كتير كسلان و متسوّف (هيك كلمة موجودة؟) يعني اذا ما عملت الشغلة بلحظتها خلص راحت علي

صرلي شي عشر ايام او من لما خلص العيد بدي اكتب و اعمل تحديث ل الفترة الحالية بس بنسى/بتكاسل ..

المهم صرنا ب الشهر الرابع يلي هو المفضل عندي، و بلشت اقرب ل عمر ال ٢٩ لول .. حتى خديجة مو مصدقة ..

مع انو المفروض يكون الجو ادفى بس لسه البرد و المطر غالب الجميع ..

المهم ب العيد اجوا لعنا بيت محمد و تسلينا و شفنا ابنه الجديد .. بعد عشر سنين استقبلنا ولد جديد ب العيلة .. كيوت بس

المهم عم اكتب متل العادة تقريباً ع الساعة تلاتة الصبح و مع انو مافي داعي ضل فايقة ل هالوقت بس اشبعرفني .. مدمنة ع شي جديد حالياً ..

بعد العيد جبت ايباد لان كان بدي اشتريه او اشتري لابتوب لان اقنعت حالي بدي ياه مشان المدرسة .. اه صحيح بلكي ما ذكرت هالشي من قبل بس ب رمضان رحت سجلت بالبوس (هالمرة مو الفوس) مشان اعمل سنة بكالوريا لان حسيت مارح اقدر اشتغل متل العالم و الخلق هون ب المانيا ف قررت اعمل سنة بكالوريا و بعدين اروح ع الجامعة بلكي ..

ف الابباد لسه عم استخدمه و اتعرف عليه لان ماجبت ايباد من قبل و فجأة وقعت ب فخ الالعاب .. عم اادمن ع كزا لعبة بس بما اني بعرف انها فترة و بتعدي ف عايفة حالي ع راحتي ..

لسه عم دور ع شغل بس ل الصراحة مو كتير متل قبل و عم ركز حالياً ع اي شي مؤقت مشان جمع مصاري .. وضعي الحالي مبه شي و عم بلش اصمد مية يورو كل شهر مشان اشتري دهب بس ينزل سعره ..

ل الصراحة عم فكر ب شي ممكن اذكره هون بس ما ملاقية شي الحمدلله .. تلت اشهر عدوا من هالسنة و لسه ما عملت شي يستحق الذكر بس يلا بلكي بفرد مرة اكون مشغولة ..

فيكتوريا شالتني من الانستا و انا حظرتها لان وتفك؟ صراحة مالها حركة متوقعة منها بس يلا هيك شلت من حياتي تأثير سلبي اكسترا .. بس متأكدة انها عم تجيب سيرتي متل لما كانت تعمل مع غير عالم قدامي .. ب النسبة ل كينغا ما شالتني لسه من الانستا لول .. قالتلي خديجة شيليها لهي بفرد مرة بس قلتلها مابدي الفت النظر هلأ، تأخر الوقت و كان المفروض شيلها من ست سبع اشهر بس ايغاال

المهم رح زبط سناني و اخيراً و رح حس بالراحة و ثقة ب النفس بشكل اكبر ..

بدي روح ع الجيم كمان مشان اخلص من هالشهرين و هيك يعني

ل الاسف وقفت صلاة ..

ان شاء الله المرة الجاية لاقي شي احكي عنه اكتر

[l00-lll0]

٢٣ رمضان

هلأ هو ب النسبة النا ٢٢ رمضان بس ع فكرة كمان هالسنة رح نصوم ٢٩ يوم ..

الساعة تنتين و نص بعد منتصف الليل و حبيت اني اوثق او اعمل ابديت بعد انقطاع اكتر من عشر ايام و لان مالي نعسانة لول

المهم رح اكتب روتيني مشان اتذكره السنة الجاية او بالاحرى ان شاء الله اواظب عليه مو بس ب رمضان ..

المهم بفيق ع السحور و ل حسن الحظ صايرة عم فيق كل يوم و ع الاغلب من وقت ما بلشت رمضان سحبت ع السحور مرتين او تلاتة

بفيق بتسحر مع خديجة و بكونوا اهلي فايقين كمان بس ع تلفوناتهن، منتابع برنامج اسمه سنابل القرآن و اللي بكون عبارة عن برنامج اسئلة دينية ل سوريين ب شوارع بورصا

و بعد ما نخلص سحور منصلي و نقرأ قرآن و بعدها منشوف اذا منقدر ننام بسرعة او ع طلوع الشمس ..

بفيق قبل صلاة الظهر ب كم دقيقة و بصلي و برجع بقرأ قرآن و منقعد شوي و بعدين منروح انا و خديجة نتمشى بالغابة و نطعمي الطيور فتافيت خبز و بزور

منرجع نصلي و قرآن الخ و منقعد قبل ما نقوم نحضر الفطور و منرجع نفس الروتين و صايرة انا عم اقعد مع العيلة لول .. حسيت انو هيك احسن طول ما هنن ب نفسية حلوة و تذكرت شلون كنت ضل ب الاوضة ما شوفهن كتير .. بلكي هاد اللي اللي خلاني ابعد عنهن اكتر و ما اتحملهن و نضل نتخانق .. بس كمان لازم استغل هالاوقات لان اللي الباقي من الوقت معهن مو كتير ..

الحمدلله صرت هلأ اقرب من ربنا و ان شاء الله ما يكون شي مؤقت بس لان قاعدة ب البيت و عندي وقت فراغ ..

يارب ثبت قلبي على دينك و اجعلني من المحسنين و المؤمنين ..

ل الصراحة عندي لسه شعور ب الشك بس حاسة هيك عم انصلح اكتر و عم فكر و اتعلم اكتر عن ديننا لان هيك ماعم ارجع ع فطرتي ع العمياني و ان شاء الله اكون ع صح ..

و هلأ بلشت اخر العواشر من شهر رمضان ف لازم ادعي كتير..

ب النسبة ل الشغل، عملت المقابلتين و نوعاً ما جيد .. بلكي غيري يقول لا ممتاز بس طول عمري ما بكون رضيانة عن مقابلات العمل .. مابهم من اي ناحية ..

بعتت رفض ل وحدة من الشغلتين لان قالوا ابعتيلنا اذا لسه عندك اهتمام و منشوف اذا مناخدك و حسيت مارح ياخدوني لهيك بعتلهن انا من الاول رفض .. طبعاً هالشي بدل على قلة الثقة بس انا ما حبيت كتير للصراحة .. ما كان عندي شعور ايجابي خلينا نقول ..

الشغل التاني تنشوف ايمت ليعطوني خبر و بلكي مل و انسحب ..

كانت خطتي اني انتقل ع غير مدينة و بلش حياة جديدة بس مابعرف ليش غيرت رأيي ب الاخص بعد اللي عم يصير حالياً ب العالم و بلكي يأثر هالشي ع المانيا مستقبلاً ..

ف قررت ادور ع شغل ب شفاينفورت هيك بملدن هنيك و بقدم ع الجنسية و ان شاء الله اخدها هنيك و اذا ما اخدتها ابداً مارح كون زعلانة ابداً لان حاسة مو من نصيبنا .. و الا ما يكون خير ل النا.

ع الخير ان شاء الله

[l00-lll0]

١٠ رمضان

صرلي ع الاغلب اكتر من عشر ايام ما كتبت شي و قلت لازم اكتب شي مو بس لما يصير معي شي مو كويس ..

صرت اسأل حالي هديك السنة متل هالوقت شلون كان روتيني بس ما تذكرت كتير ف رح اكتب روتيني هالسنة: عم فيق ع ال١١ و نص ١٢ و صلي الظهر و اقرأ قرآن و بعدين بشوف اذا بدي اتمشى او اعمل شي انشغل بالبيت او دور ع شغل و هكذا لحد ما نفطر و بعدين باكل قصص و بنام ع ال١٢ مشان فيق ع السحور بعد خمس ساعات و احياناً بتسحر او بس بصلي و برجع نام و هكذا دواليك ..

بما انو ماعم اشتغل ف روتيني هالسنة ابسط بكتير من هديك السنة .. ع حسب ما بتذكر كنت ما بصلي و لا اقرأ قرآن بس كنت فيق ع السحور و ضل فايقة لحد ما روح ع البراكتيكوم تبعي و بعدها روح ع الجيم و ارجع ع البيت و نام شوي لحد الفطور و بعدين ارجع نام و هكذا ..

المهم بما اني ماعم اتحرك كتير ف ماعم اتعب و انعس ف عم اخد ميلاتونين و عم نام بس شكله هالمرة مارح نام الا لبعد السحور .. (الساعة ٢:١٢)

الجو صاير كتير حلو هالاسبوع و ان شاء الله خلص لا يرجع برد لان قرب الربيع، قبل اسبوعين كان ينزل تلج بشكل مستمر و الدني برررد ..

اليوم كان عندي موعد شغل ببريمن بس طبعاً اونلاين. كان مبه شي ف تنشوف اذا رح ياخدوني، كمان اليوم اجاني ايميل ف شغل ب كوبلنز ف غ الاغلب رح يكون الأسبوع الجاي و حاسة انو واحد من بيناتهن رح ياخدني .. هلأ اذا سألتي حالك يا نورا اش اجا ع بالك تقدمي ع شغل بهالمدن؟ انا قررت ادور ع شغل برا المدينة ل سببين:

بعتت مشان الجنسية و رفضوا طلبي لان عم اخد مساعدات بس انا خطتي انو بكون ملاقية شغل لحد ما يبلشوا يشتغلوا ب اوراقي بس لا ما بصير و غير هيك رح استنى ٢٠ شهر لو مشي حالي ف كتير بدي استنى و انا خطتي اخد الجنسية قبل ما ارجع اجدد الاقامة .. ف سحبت الطلب و دفعت ٢٥٥€ ع الفاضي ..

ف السبب التاني اني من الاول استسلمت اني لاقي شي هون ف قررت لاقي شغل بمكان تاني و بوقتها بقدم ع الجنسية

ف الحمدلله بعد ما بلشت ادعي ربنا اجاني ردين و حدا اتصل فيني اليوم مشان الشغل بس ما رديت للصراحة لان معد اهتميت لان متل ما قلت حاسة انو وحدة من هالشغلتين رح يقبلوني

كتير متحمسة لان رح اقدر اتحمل المسؤولية و صير قد حالي و بلش اقبض مصاري متل العالم و الخلق ..

طبعاً اخدت الاوكيه من ابوي اني انتقل لحالي لان هو ما بده ينتقل و يعمل مصاريف لانه عم يفكر بالرجعة ع سوريا و يرجع يعمر بيتنا ..

صحي ع هالسيرة امس اجانا فيديوهات من البيت و يعلي صاير محروف و مخروب و منهوب طبعاً .. الله يكسر ايديهن .. مابعرف ليش ما بكيت او تأثرت معي اني بحب هالبيت كتييير و لو كان معي مصاري كنت اشتريته من اهلي لان ع اساس بدهن يبيعوه و بعدين بجي ابوي بقول بدنا نزبطه اشبعرفني ..

اهلي ما بيتاخد منهن لا حق و لا باطل .. هلأ انا اوبن لاني ارجع ع سوريا بس روح اول الشي زيارة و شوف .. و غير هيك ما بدي اطلع من المانيا اذا ما اخدت الجنسية .. اصلاً لو كنت فاضية كنت جبتها من قبل بس مابعرف كنت مشغولة و ما مهتمة بس ع قولة امي بلكي مارح يرجعوا يجددولنا الاقامة ف لهيك بدي لحق حالي و اخد الجنسية و ان شاء الله اخدها قبل ما تخلص ..

المهم الحمدلله اهلي لسه ما تخانقوا و العلاقة بينا كويسة حالياً ..

بدي روح ع الجيم الاسبوع الجاي و اش كمان

ان شاء الله بس يمشي الحال ب قصة الشغل رح اعمل تحديث جديد

[l00-lll0]

هل انا شخص متشائم، فاشل، دراماتيكي و ببالغ بردات فعله؟ ولا اهلي ما بطيقوا شي اسمه مواجه المشاكل و المناقشة الموضوعية و اهتمامهن باولادهن او بكل بساطة .. اللامبالاة.

عنجد بدي اعرف لان مو جو مشجع هاد، و الاسوء انو ما بخلوا الواحد يطلع من عندهن .. جوهن و طريقة عيشهن مأثرة علي بشكل فظيع! سلبية طول الوقت و مزاج معكر او اذا في صمت هون بكونوا ع تلفوناتهن ..

عمل قصة و حكاية و اخر شي قال اوكيه منروح ع بريمن بس لاقي شغل و دورت و بعتت كتير بس ما اجلني قبول الا اليوم اجاني رد شبه قبول هنيك و لسه ما قلتله لان بدي اتأكد اذا رح ياخدوني، رحت حكيت لخديجة بعد ما صرلنا شي اربع ايام عم نحكي مع بعض (قرار غير موفق) و انا لسه ما حكيتلها كل القصة كانت محضرة ردها السلبي يلي ما بتتخلى عنه لما احكيلها عن قراراتي و افكاري و لقتراحاتي .. و هلأ انا عم ابكي للمرة الرابعة الخامسة لهاليوم لان شي بحرّ عنجد!! ما شفت بحياتي حدا شجعني ع شي او حتى وافقني الرأي ب قراراتي!! و بالاخص هي مع اني ولله العظيم انا شخص محفز و مشجع و بالاخص لالها حتى ولو قالتلي رايحة اسرق بنك!! انا مالي مقهورة لان ما عندي رفقة حقيقية و بقدر اتناقش معها و نتبادل همومنا و نواسي بعض، الشي اللي مقهورة منه حرفياً انو اختي مالها ايجابية ابداً تجاهي، دايماً عندها حجة و دايماً قراراتي غلط برأيها و اذا عملت شي غلط (شي طبيعي بحياة الانسان) بتضل تذكرني فيه و ما بتتذكر اللي بدي ياها تتذكره .. هي شخص حرفياً كتير توكسيك و بتوهمك انك شخص غلط بغلط .. لهيك سألت حالي هل انا لهالدرجة شخص فاشل لدرجة اني ما سمعت منها ابداً كلمة ايجابية و تحفيزية من طرفها (هلأ عم ابكي دم لان كتير قاهرني الوضع)

انا ابداً ما بعايرها ب اغلاطها و ما بهمني اش لتعمل بس بنصحها لاني اختها طبعاً، يعني بشوف الشي اللي بطلع منها بشكل موضوعي و طبعاً بعطي رأيي اذا عجبني او لا بس ما بحاول سكر بوشها كل الابواب و هالشي جالطني فيها .. يعني هلأ كتير كتير زعلانة لان ما الي حدا بالدني ممكن يواسيني و يساعدني بحياتي ..

[l00-lll0]

ماكنت عم ابكي لاني بكاية بل لان خايب املي ب اهل ما حسسونا اننا مرتاحين معهن لدرجة انو نطلب منهن شي .. عم حاول اتذكر اذا كنت بطلب منهن مصاري بس مابظن صار هيك موقف .. مالهن حتى مشجعين لافكارنا او اقتراحاتنا بس بدهن "يتناقشو" مشان يبينوا حضاريين .. لسه بدها ياني روح انا احكي معه و تحطني بوجه المدفع .. لك دايماً بتطلع براسك حتى ولو ما الك علاقة ف ليش هلأ ما بدك تضحي بحالك هالمرة؟ اهل غير داعمين لدرجة .. شلون بدنا نرتحلهن و نحكي معهن بكل صراحة اذا هيك بتصرفوا و فوقها ما بياخدونا ع محمل الجد و بضلوا يشوفونا اولاد صغار و انا كنت بقدر يكون عندي اولاد من عشر سنين .. !ماعد بدي اعيش تحت حكمهن و طريقة عيشهن يلي ما بتنعد حتى طريقة عيش

صحي تأخرت بس هالشي ما بيعني انو خلص مستحيل

[l00-lll0]

لسه ما صاروا ٢٤ ساعة حتى ارجع اكتب هون لول .. لا ما مشي الحال الحال بتقرف صايرة و عم ابكي و ما الي حدا احكيله ..

كتير كتير زعلانة و معنوياتي بالصرامي و كلشي سلبي صاير فيني حالياً .. الشي الحلو بحياتي حالياً هو احلامي يلي عم عيشها و انا نايمة و بدي نام بس مارح اقدر انام اكتر من هيك ..

مابعرف اذا دايماً بتكون هيك بداية السنة بس حاسة انو هالسنة كتير كتير كلبة و اصلاً مابعرف اذا انا مكتئبة او هاد الجو او هي المانيا الجحشة .. بلكي لان ماعندي شي اعمله حالياً .. مالة ملل الدني و عم عيش اليوم هيك ع اللاويتي.

و مابعرف ع ايش او ع مين حط الحق .. او اذا لازم اعمل هيك!! بلكي مامعي حق او عنجد معي حق بس بشوف انو اهلي و بالاخص السيد "ابوي" مابعرف اش بده بهالحياة اذا بس بضل قاعد بالبيت متل البومة و خلانا متله بوم مامنعرف نعيش شبابنا و رح يدفننا بالحيا .. بلكي عم صير حالياً كتير متشائمة و عم بالغ بس هيك انا بحس .. البيئة اللي انت عايش فيها اذا ما بتساعدك تعيش الحياة او تستمتع فيها و بالاخص يكون عندك شي متل خطة او هدف او شغف لكان لايش انت عايش؟ طبعاً نحن عايشين مشان نعبد الله بس هالشي ما بيعني انو ما نستمتع بالحياة و نرضى باللي عنا و ما نحاول انو نحسّن من حالنا، لك ع القليلة يكون عنا شي نعمله مو طول الوقت قعدة بالبيت و مافي روحة او رجعة او انو نتتقل ع غير مكان لان ع اساس هي كانت خطتنا من اول ما جينا لهون .. بس متجزرين هون و كأنو ابونا و امنا مقبورين هون ..

ف انا خلص اليوم بلشت دور ع بيت لاقعد فيه بس اكتشفت لازم يكون عندي كشف راتب لتلت اشهر بعدين قررت اول الشي اقعد ب بيت مشترك متل ما عملت باسبانيا و مابظن الوضع مختلف عن هون ..

حكيت مع امي مشان هالشغلة و قالت اوكيه و قلتلها تحكي معه بس مابدها لحتى انا اذكر الموضوع بس المشكلة اني ماعم احكي معه ف الحمدلله مافي حدا يدعمنا بهالبيت ..

شكلي لازم بلش كذب و خداع و اني حطهن تحت الامر الواقع لحتى يقبل .. بس المشكلة نحن حاكيين بالموضوع من قبل بس الله اعلم اذا ما غيّر رأيه هلأ ..

مشاعري كتير كتير سلبية حالياً و ان شاء الله اخلص من هالشعور باقرب وقت

[l00-lll0]

اخر يومين شفت بيتنا بالحلم

او بالاحرى القبو تبعنا و مابعرف ليش .. لا بعرف لان عم فكر كتير ببيتنا و بسوريا و كمان امبارحة قريت انو الكب هيك بفكر و بحلم، لان بكون البيت يلي الواحد بعيش فيه اشيا و مشاعر لاول مرة ف مرسخ بالراس .. كتير حلو كان الحلم و عم ابكي و انا عم اكتب ..

بعتله ل فارس رفيقي من سنين عديدة بس اخر فترة ما حكينا (قبل كم سنة يعني لول) المهم صحي انا مصلحجية بس ماعم يرد علي و هلأ ساحب علي ف كتير جحش و منيح ما جباله سيرة انه بلكي يروح يشوف بيتنا اش صار فيه لان حالياً ما عنا فترة ..

و كمان عم ابكي لان عنجد عنجد مليت اقسم بالله .. صرلي شي تلت اسابيع بالبيت و كتير محبطة لدرجة و مافي حدا احكيله لان مافي حدا بهمه امري ..

لهلأ ماعم يجيني قبول ع اي شي عم قدم عليه بس اليوم اجتني رسالة ع موعد ب شركة موظفين و علماً اني حاسة مارح يزبط الوضع رح روح ..

و اجاني رد من البلدية مشان الجنسية اني لازم استنى ٢٠ شهر حتى يبلشوا يشتغلوا باوراقي يعني لحد ما اخدها بدي شي تلت اربع سنين يعني بلكي بكمل هون ١٥ سنة و باخد الجنسية 😃

ف قررت انتقل يا لعند محمد لان كاكي اخد الجنسية بسرعة او ع كيتزنغن بس حاسة ابوي مارح يخليني لان عقله جحش

هاد تحديثي عن حالتي الحالية و ان شاء الله يتحسن الوضع اكتر المرة الجاية اللي رح اكتب فيها

[l00-lll0]

Long time no see pt. 2

الدافع يلي خلاني اني عنجد اكتب شي هون اني طبعاً اكتئبت فجأة، بعد ما اكتشفت انو كزا حدا من رفقاتي الالكترونيين القدما طلعوا متزوجين .. يلي ليش مو انا كمان؟؟

خيو مابدي بسرعة اتزوج (مع اني المفروض كون متزوجة قبل اربع سنين ع حسب خطتي بس مابهم هلأ) بس اني كون متعرفة ع حدا يا .. متعرفة ع حدا بغرض الزواج طبعاً .. يلي نمسك راس الخيط بس لا .. مافي اي امكانية .. بعترف اني لازم اتحمل بعض من مسؤولية ما يحدث الآن بس يعني كمان القصة قسمة و نصيب ..

بقولها و برجع بكرر انو بس يا ربي لو اعرف اني رح ضل سنغل طول حياتي مشان اركز ع نواحي تانية من حياتي بما انو هالناحية مارح تتحقق .. طبعاً لازم الواحد يكمل حياته بدون انتظار حدا بس طبعاً نحن بنات و الامكانيات او الحريات عنا بتكون محدودة .. طبعاً مالازم انكر اني رحت عشت حياتي مرتين و عملت اللي بدي ياه لما كنت باسبانيا و البرتغال اخر سنتين بس كان كلشي ممول و من جيبتي ف اجباري اهلي لازم يوافقوا يوه!

المهم منرجع ل سيرة الزواج .. ذكرت شي هون انو اجاها عريس لبودي؟ ولله كتير فرحتلها بس انو ولله حسيت بكرا شعور انو كبرنا و هي كبرت ورح تتزوج 🥺 بتذكر لهلأ شلون كانت صغيرة و بتحب المكياج و الحمرة يلي كان مستحيل تشيلها عم تمها لول .. رح تنخطب يوم الاحد هاد .. الشب مبه شي و ان شاء الله يستاهلها .. هلأ هي كان جاييها عرسان يطلبوها من قبل ف هي ع الاكيد عرفت تختار .. بس كلنا متأكدين انهن بيعرفوا بعض من فترة .. ياريت كنا قراب اكتر من بعض لحتى كانت تحكيلنا يا .. بحب كون بير سر ل اللي حواليي بالاخص البنات قرايبينا ..

المهم العريس عنده اخ اكبر عمره تلاتين ف عرفت انو سوسو بدها تتعرف عليه و تشوف اذا ممكن تجمعنا مع بعض، هو كمان عم يدور ع حدا ليتزوج و هي لسه ما شافته بس رح يجي ع الخطبة و سوسو لتشوف اذا بناسبني .. بس هلأ قلنا ممكن يناسبني و انا عجبني بس بلكي انا ما عجبته؟ الناس اذواق بقا ع الخير .. احلى الشي انو صارت تحكي معي امي انو جربي و كزا .. انا اصلاً حاسة انو الاتنين (ماما و سوسو) مفكرين انو في حدا بحياتي (يا ريت لول) لهيك ماعرفت سوسو اذا بدها تفاتحني بالموضوع ، بس اصلاً لو كان في حدا كنت حكيتلهن لان انا طبعاً مارح ادخل بعلاقة عرفانة انها مارح تؤدي للزواج، لان ما عمري ٢٠ سنة ..

بس قلت اوكيه لان ليش لا بس انو عم اتخيل اذا عنجد مشي الحال و صرت انا و بنت اختي سلايف لووول

بس انو اذا مامشي الحال ع القليلة بكون did it for the plot lol لان ملللل

صحي ع هالسيرة عم تابع (عايزة اتجوز) و عنجد بضحك .. تذكرت لما كنت تابعه كنت ماحاسة فيها بس هلأ حاسة لول، who would have thought

[l00-lll0]

Long time no see

في عندي كزا شغلة بدي اذكرها (ان شاء الله اتذكر كلشي) بس اولاً بدي استأنف اخر موضوع حكيت (بعدوانية) عنه ..

بنفس اليوم ضليت طول اليوم نايمة ل الساعة ٨/٩ هيك شي .. كتير انزعجت من الموضوع و امي صارت تجي لعندي انو تعي كلي و ليش نايمة طول الوقت .. من بعد ما بكيت و عصبت نمت .. بعدين اثر هالشي علي و وجعني راسي و بطني و اعياء علماً اني ما اكلت شي ابداً بهداك اليوم ..

بس بعدين فقت و صارت امي تسألني ليش صاير فين هيك و ليش ما بدي اكل و ليش عم قلها روحي مابدي احكي معك .. طبعاً قلتلها اخر شي و بكتني المرة المابعرف بس بعدي حلفتلي انها رح تتركلي البيت مشان انا اتكفل فيه يعني خلص صار لالي .. مابعرف ليش شي صغير جولتي صدقها بس انا بعرفهن لهدول الاتنين .. بحياة عمرهن ما وفوا بوعدوهن ..

بلكي كان بدي صدقها لهيك مشي الحال و قالت خلص مابدنا نبيعه و الخ ..

حالياً عم حاول اني لاقي حدا بعرفه مشان يروح يطلع يفرجينا البيت من جوا بس مستحيل تلاقي حدا يعملك معروف بدون مقابل .. للصراحة شي منطقي لان البناية و البيت بحالة يرثى لها و بلكي خطر الواحد يدخل جوا البناية بقا انا مستعدة اني ادفع مقابل هالخدمة للصراحة ..

همم دور ايش صار؟ الشغل :/

يا الله انا بدي اعرف ليش ماعم يجيني ولا قبول بأي شي عم قدم عليه؟؟ شغل تايل تسايت او فول تسايت فيها و مافيها، شغل مكتبي مع "امتيازات" و راتب ثابت الخ لهيك صارمين باختيار المرشح المثالي ل المنصب اللي اعلنوا عنه بس كمان مو لما ابعت ل ميني جوب؟؟؟ ليش يعني بقا اش اللي ناقصني حتى ماياخدوني .. بقولوا رضينا بالهم و الهم ما رضي فينا ..

لسه من شي اسبوعين ملاقية شغل بمكتب عند نفس مدرسة اللغات اللي عملت فيها كورسين لغة من شي اكتر من ست سنين .. بعتلهن ولله و انا كلي تفائل انو ايش رح ياخدوني و ينبسطوا انو لاقوا حدا بيعرفوه و متل ما بقول المثل يلي بتعرفه احسن من اللي بتتعرف عليه بس لاقيتهن ناشرين نفس الاعلان بس بغير مكان :) يعني بعد ما بعتلهن الطلب .. و ولله I swallowed my pride و رجعت بعتلهن بس مافي خبر .. لك حتى رفض مافي ..

صرت حالياً بدي اشتغل اي شي سهل او مابده مؤهلات مشان بس اقبض مصاري و ابلش اصمد لان لهلأ عندي الشعور يلي بخليني حب ارجع ع سوريا ..

يا الله خطر ع بالي اني احكي عن كتير اشيا و شكلي بدي اعمل قسمين ل هالبوست لول

من سن ما كتبت هون لانو .. ١٢ يوم او شي ..

المهم الموضوع التاني

عم شوف كينغا او رفقاتي بالحلم و مابعرف ليش .. بلكي لان عادةً بحكي و بشوفهن بهالوقت من ٤ سنين لهلأ و هلأ ما عندي تواصل مع ولا وحدة منهن .. دانييلا بعتتلي امس و مارديت عليها لان ع عجب كيفها بتبعتلي و ع عجب كيفها عم ترد علي .. واو خليها تدور ع غير حدا لكا .. يعني حالياً I left her on read hehe

دنيا ماعد حكيت معها من هديك السنة و حتى ع عيد ميلادها ما عيدتها لول .. اي نسيت و انا ماعد بدي عيد جدي ع عيد ميلاده .. اخر مرة شفنا بعض قالتلي اي خلينا نشوف بعض بيوم ميلادي ها! و الاف الوعود اللي مارح تنوفى بس انا بضد بوقع بجورة التصديق ..

كينغا مافي تواصل ك العادة

اينوا اذا ما شفنا بعض مع التانيين نادراً في تواصل

فيكتوريا بعتتلي مرة تانية لما ما رديت عليها هديك المرة لاني بعتلها سؤال و شافت الرسالة و ما ردت .. هلأ خلينا نوضح شغلة: انا عادةً مابنزعج من هيك قصص، يعني منبعت لبعض و احياناً مندخل ع المحادثة و ما ضروري نرد بس لما القصة تتعلق بسؤال و انو ردي علي هيك بنزعج .. علماً اني معدت منزعجة من الوضع و كل هالمشكلة ما بتستحق (طبعاً عم قول هيك بعد ما صرلها القصة فترة و انا روقت) بس شكلي معد بدي اتواصل معها لانها فسدت اخلاقي اللي كانت بقيانة كويسة لول .. ف شكلي بدي اقطع كلشي علاقات بعرفها من قبل و بدي بلش بموسم جديد مع شخصيات جديدة بحياتي بس المشكلة مابعرف ايمت ليبلش الموسم الجديد .. مافي راس مال لول

نيكست ..

بما اني بلشت تابع عالم موجودين بسوريا حبيت اني ارجع لحس الاتنماء اكتر بإني تابع مسلسلات سورية (بعرف حتى انا انصدمت) القصة انو مسلسلاتنا معروفة ع الصعيد العربي بس مابعرف ليش كنت بس تابع اشيا اجنبية .. و للصراحة من بعد ما بلشت ادخل ل العالم يلي انا بعرفه اكتر شي حسيت بشعور حلو انو I can kinda relate yk ف المهم تابعت مسلسل الشمس تشرق من جديد لان كان مطروش ع الانستا .. انا متابعته من قبل، هو مسلسل قديم ف تذكرت ايام زمان و شلون كانت الحياة ..

بعدين رجعت بلشت اقرأ و حالياً قريانة تلت كتب و اتنين منهن بالانكليزي و واحد بالعربي و صحي قصار بس هي بس البداية ..

سي يوم ان بارت تو