Yeah, yeah, Sir Patrick Stewart was a major talent to head a Star Trek series, I get it. But Brent Spiner. Brent Spiner was a fucking gift to this show. This scene is entirely him playing different versions of Dr. Soong. Like what even.
Ma'am ano po ang inyong nararamdaman sa baybayin po?
hi hello! medyo mahaba yata to so under the cut hadlkjva pls read til the end para maintindihan nang maayos ang pananaw ko ukol dito
for context: Baybayin is an ancient Philippine writing system (alphasyllabary) mostly used in Luzon and esp among the Tagalog people. It was eventually replaced by the Latin alphabet at the onset of Spanish colonization. Anon asked for my feelings about it.
I will provide English translation if people are interested,,, (send ask/DM) and depending on the response I'll make a separate post or just reply to u LKDCBKAJHSHC also deretsong Filipino text below, zero English LMAO
Mahal ko ang Baybayin. Mahal ko ang mga aral na mapupulot sa pag-aaral nito, lalo na kung paano ito nagbago sa tagal ng panahon.
may maayos na sistema na tayo ng pagsulat bago dumating ang espanyol
kailangan ng matinding paggamit ng context clues sa pag-unawa ng prekolonyal na baybayin dahil wala pa itong vowel killers
ang mga Espanyol na dumating at nag-aral ng Baybayin (at nahirapan dahil sa pangangailangan ng paggamit ng context clues) ang nagdikta na kulang ito, kaya nagkaroon ng vowel killers (ngunit para sa mga ninuno natin, walang problema sa Baybayin na ginagamit na nila)
Ang problema lang ay ang nangyayari sa pagtrato natin sa Baybayin, at, kalakip nito, ang pagbabalewala sa ibang sistema ng pagsulat na laganap sa ibang lugar.
Hindi lang kasi Baybayin ang mayroon sa Pilipinas. May Surat Mangyan sa Mindoro, Tagbanua sa Palawan, Kulitan sa Pampanga, at marami pang iba.
Kamakailan lang, lumabas ang balita na may Baybayin na ang Manila Underpass. Totoo, maganda. Totoo, selebrasyon ng ating kultura. Pero angkop ba? Inklusibo ba? Ingles at Baybayin ang nakalagay sa mga senyas. Bakit Baybayin pa ang nilagay kung hindi naman bihasa ang lahat sa pagbasa nito? Bakit hindi nalang Filipino? Bakit may Ingles pero walang Filipino?
Lumalabas sa pag-uso ng Baybayin ang problema na nagiging parang katibayan o patunay (token) ng pagiging makabayan ang pagtuto at paggamit nito. Ano yun, titigil na ang pagmamahal mo sa kultura pag natuto ka na ᜋᜄ᜔ᜐᜓᜎᜆ᜔ ᜀᜆ᜔ ᜋᜄ᜔ᜊᜐ (magsulat at magbasa)?
Tinitingala ang Baybayin bilang paraan ng pagbabalik-loob sa ating katutubong kultura, ngunit hindi dapat kalimutan na hindi ito nakapagtatayo bilang kinatawan para sa buong Pilipinas. Bukod dito, may mas angkop, produktibo, at tamang paraan ng pagpapakita ng pagmamalaki sa kultura. At nagsisimula iyon sa pagmulat sa katotohanang maraming wika, maraming sistema ng pagsulat, at maraming kultura na tinataglay ng Pilipinas.
Para sa gobyerno naman…
Walang problema sa pagnanais na pasiglahin ang makabayang diwa at pagkakakilanlan. Pero sana naman gawin nila ito nang isinasaalang-alang ang ibang mga kultura at wika, at magbuo ng identidad na inklusibo at selebrasyon ng lahat ng mga ito
Panghuli, kung nais nilang iangat ang mga Filipino at magpakita ng pagiging makabayan, mas angkop siguro na pagtuunan nalang nila ng pansin ang pag-ayos ng sistemang pang-edukasyon, pagbigay ng sapat na kagamitan at pondo sa mga pampublikong paaralan, pagtaas ng suweldo at benepisyo sa mga guro, atbp. Kasama na doon ang pagpokus sa mas malalang problema tulad ng kahirapan at pangungurakot.
.
.
kung umabot kayo hanggang dito omg mahal ko kayo HAHA maraming salamat sa pagbasa at kung may sarili kayong opinyon usap tayo yAY
snowghoul
romaincrisis
2087
