Hindi ka maganda Nag ma-maganda ka lang!
Hindi ka magaling Nag ma-magaling ka lang!
Hindi ka matalino nag ma-matalino ka lang!
Hindi ka maputi nag kojic ka lang!
Hindi ka payat nag paretoke ka lang!
Hindi ka babae nag papalit ka lang!
Hindi ka lalaki nag patanggal ka lang!
Mga linyahang galing sa mga taong takot na malamangan
Sa lipunan na kinatatayuan kahit saan mo tignan unang papansinin ang pang labas na kaanyuan.
Walang nagiging mabuti kundi ang sarili lang.
Mga taong nagmimistulang talangka hihilain ka pababa.
Nag mimistulang apoy sa kandila hihintayin kang malusaw at mawala.
Nag mimistulang bato na babatuhin kang buong-buo
Maubos lang ang bunga ng iyong puno.
Bakit hindi nyo gamitin ang bato ipokpok jan sa ulo nyo,
Para matauhan kayo na hindi lahat ng bagay ay kailangan nyong gawan ng issue.
Hindi porket tumaba ako ay buntis ako.
Hindi rin porket pumayat ako ay nag adik ako.
Hindi rin porket puro lalaki ang kasama ko ay malandi na ako.
Hindi rin porket may jowa na ako ay mag aasawa na.
Hindi rin porket umiinom at nag yuyusi siya ay pariwara na siya.
Hindi rin porket hindi siya nag sisimba ay masama na sya.
At hindi rin porket lagi kang nag sisimba ay deretso langit kna.
Tandaan mo may purgatoryo pa!
Kayo nga tong mas malakas pang mang husga
Hindi porket maiksi ang suot nya ay si aubrey na sya
kinulang sa pag iisip ngunit sumubra sa pang unawa.
Para naman hindi puro pang lalait ang lumalabas sa inyong bunganga.
Mga chismusang kapit bahay na walang ibang ginawa kundi ang ikwento ka sa buong baranggay.
Nag sisilbing CCTV ng bahay inaabangan ang bagong kabanata ng iyong buhay.
Makita lang na unti unti kang umaangat ay mabilis na mabilis ka rin nilang hihilain pababa
Nag palamon sa sistema ng inggit at galit.
Sabi naman sayo eh wag kang magagalit lalo ka nyang papangit.
Wag kang makampante sa lahat ng sinasabi, iniiba nila ang pang yayari masagip lang ang sarili.
Matulis na gulok ang nag aamba ng tumusok, binaligtad na ang tatsulok para sila ang nasa tuktok.
Pamilya, tropa at mga taong sinalba
Hindi ka nila maaalala sa mga mabuting alaala na ikaw ang sandalan nila sa mga sandaling walang wala sila.
Kapag may bagong kakilala at hindi ka na nila nakakasama kakalimutan ka na nila, maniwala ka!!!
Sisirain kana nila mag muka lang mabuti sa iba.
Sinasabi ko sayo, hindi lahat silay totoo
Gusto ko lang ipaalala sayo maiksi lang ang buhay,
Gumawa ka man ng tama o mali sa iba huhusgahan ka pa rin nila.
Kaya kong ako sayo piliin mo lang ang mga bagay na makapagpapasaya sa iyo
Hayaan mo lang ang sasabihin ng ibang tao, ang mahalaga mag pakatotoo ka, wala namang perpekto
Wala namang masama kung hindi ka sakto sa pisikal na katayuan
Oh hindi ka kasing talino ng karamihan
Ang tunay nman na kagandahan ng kaanyuan ay hindi binabase sa muka at sagot na pang Miss Wesleyan.
Dahil ang tunay na kagandahan ay may magandang kalooban at tanging DIYOS lang ang may karapatan para tayo ay husgahan at sigurado ako na kahit isang bala lang ang pinakawalan ko maraming tatamaan dito....
origamiaround
gracieabrams
