Min Is King

[min-is-king]

Myanmar's Myo Htike Tan Thein on NRA, SRA & We Will Win 🏆 💪 😎

Myanmar's Myo Htike Tan Thein on NRA, SRA & We Will Win 🏆 💪 😎

https://www.facebook.com/UMyoHtikeTanThein/#MyoHtikeTanThein#မျိုးထိုက်တန်သိန်း#myanmarlivesmatter#Myanmar #မြန်မာ#subscribe

[min-is-king]

Myanmar's Myo Htike Tan Thein on Gen-Z Will Win 🏆 ရန်သူကိုတိုက် အချင်းချ...

Myanmar's Myo Htike Tan Thein on Gen-Z Will Win 🏆 ရန်သူကိုတိုက် အချင်းချင်း ညီညွှတ်စည်းလုံးကြ

https://www.facebook.com/UMyoHtikeTanThein/#MyoHtikeTanThein#မျိုးထိုက်တန်သိန်း#myanmarlivesmatter#Myanmar #မြန်မာ#subscribe

[min-is-king]



RSO နှင့် မူဂျာဟစ်ဒင် နောက်ခံသမိုင်း

by ဧရာဝတီ

14 October 2016

၁၉၆၁ ခုနှစ် "ရိုဟင်ဂျာ မူဂျာဟစ်"သူပုန်တဦး တပ်မတော်၏ ဒုတိယ စစ်ဦးစီးချုပ် ဗိုလ်မှူးချုပ်အောင်ကြီးထံ လက်နက်ချစဉ်

ရခိုင်ပြည်နယ် မောင်တော တိုက်ခိုက်ခံရမှုတွင် RSO (Rohingya Solidarity Organization) ဆိုသော လက်နက်ကိုင်အဖွဲ့၏ အမည်က ပြန်လည်ပေါ်ထွက်လာခဲ့သည်။ သို့သော် အစိုးရကမူ RSO ၏ လက်ချက်ဟု အတိအလင်း ထုတ်ဖော်ပြောဆိုခြင်းတော့ မရှိသေးပေ။

မောင်တောရဲကင်းများ တိုက်ခိုက်ခံရခြင်းသည် RSO လက်ချက်လား လူအများက သိချင်ကြသလို RSO ဆိုတာ ဘယ်လိုအဖွဲ့လည်း စိတ်ဝင်စားလာကြသည်။

RSO လက်နက်ကိုင်အဖွဲ့ မပေါ်ပေါက်ခင် ရခိုင်ပြည်နယ်ရှိ မေယုခရိုင် (ဘူးသီးတောင်-မောင်တော) တွင် မူဂျာဟစ်ဒင် ခွဲထွက်ရေး လက်နက်ကိုင်သောင်းကျန်းသူများ ရှိခဲ့ဖူးသည်။

မူဂျာဟစ်ဒင် လက်နက်ကိုင် သောင်းကျန်းသူများသည် ရခိုင်မြောက်ပိုင်းကို ကြီးစိုးနေခဲ့သည်ဟု မှတ်တမ်းများအရ သိရသည်။ ဒီနေရာတွင် ၁၉၄၀ ကာလများက ရခိုင်ပြည်နယ်၏ အနေအထားသမိုင်းကြောင်းကို အနည်းငယ်တော့သိဖို့လိုသည်။

ရခိုင်အပါအဝင် မြန်မာနိုင်ငံသည် ဗြိတိသျှလက်အောက်တွင် ကျရောက်နေချိန်ဖြစ်သည်။ လွတ်လပ်ရေးကိုကြိုးပမ်းနေသော ကာလဖြစ်သည်။ ဗြိတိသျှ အုပ်ချုပ်စဉ်ကာလမှာလည်း မွတ်ဆလင်နှင့် ဗုဒ္ဓဘာသာ၊ ရခိုင်နှင့် အခြားတိုင်းရင်းသားများ အကြားတွင် ပဋိပက္ခများ ရှိနေခဲ့ပြီးသားဖြစ်သည်။

ဂျပန်တွေ မြန်မာပြည်သိမ်းပြီး ဗြိတိသျှနယ်ချဲ့တွေ ဆုတ်ပြေးတဲ့ အချိန်မှာ ရခိုင်၏ အုပ်ချုပ်ရေးပျက်ခဲ့သလို လက်နက် ခဲယမ်းမီးကျောက်နှင့် ဒုစရိုက်မှုများလည်း အခြားနယ်များမှာကဲ့သို့ အများအပြားရှိခဲ့တာ တွေ့ရသည်။

၁၉၄၂ ဧပြီလအတွင်း ဗြိတိသျှတွေက ရခိုင်နယ်စပ်တွင် Force V ကို တည်ထောင်ပြီး မွတ်ဆလင်တွေကို အဲဒီတပ်ထဲကို စည်းရုံးသိမ်းသွင်းနိုင်ခဲ့သည်။ Force V ရဲ့ အဓိက အလုပ်ကတော့ မြေပြင်ထောက်လှမ်းရေး သတင်းရှာဖွေခြင်း၊ ဗြိတိသျှ လေတပ်က ပျက်ကျတဲ့ လေယာဉ်တွေ၊ ပိုင်းလော့တွေ ရှာဖွေကယ်ဆယ်ရေးလုပ်ခြင်း၊ ကင်းလှည့်ခြင်းနဲ့ ဂျပန်တွေနဲ့ ပူးပေါင်းသူတွေကို ရှာဖွေဖော်ထုတ်ဖမ်းဆီးခြင်းဆိုသည့် အလုပ်များဖြစ်သည်။

၁၉၄၄ ဇန်နဝါရီလတွင် ဗြိတိသျှတပ်များ မြန်မာပြည်ကို ပြန်သိမ်းသည့်အခါတွင်လည်း ရခိုင်ပြည်မှာလည်း တိုက်ပွဲများ ပြန်ဖြစ်ခဲ့သည်။ မောင်တောကို ဗြိတိသျှတပ်များက ပြန်သိမ်းသည့်အခါတွင် Force V ၏ အခန်းကဏ္ဍက အရေးကြီးသည့် နေရာမှ ပါဝင်ခဲ့သည်ဟု သမိုင်းဆရာအချို့က မှတ်တမ်းတင်ခဲ့သည်။

ဘူးသီးတောင်ကို ၁၉၄၄ ဒီဇင်ဘာလတွင် သိမ်းယူနိုင်ခဲ့ပြီး ၁၉၄၅ ဇန်နဝါရီလမှာ ရခိုင်ပြည်ဟ ဗြိတိသျှလက်ထဲကို ပြန်ရောက်ခဲ့ရသည်။ ဗြိတိသျှက သူ၏ မဟာမိတ် မွတ်ဆလင်များကို ဘယ်လိုကတိတွေပေးခဲ့လဲဆိုသည့် သမိုင်း အထောက်အထားမရှိသော်လည်း မောင်တော ဒေသကိုတော့ ၎င်းတို့၏ အုပ်ချုပ်ပိုင်ခွင့်ရနိုင်မည့် နေရာဒေသလို့ မွတ်ဆလင် ခေါင်းဆောင်များက ထင်မြင်ယူဆ တွေးဆခဲ့ကြောင်းသိရသည်။

ထိုမြောက်ပိုင်းရခိုင်ဒေသတွင် မွတ်ဆလင်က လူအများစုဖြစ်သည့် အတွက် အုပ်ချုပ်ရေးပိုင်းကိုလည်း သူတို့ကိုပဲ ဗြိတိသျှများက ခန့်အပ်ခဲ့သည်ဟု သိရသည်။ ထိုဒေသများတွင် စစ်တကောင်း (Chittagong) ဖက်မှ ကူးပြောင်းလာသော မွတ်ဆလင် ရွှေ့ပြောင်းများကြောင့် လူဦးရေ များပြားလာခဲ့သလို စစ်ဒဏ်ကြောင့် လုယက်မှု၊ ရာဇဝတ်မှုများလည်း အများအပြားဖြစ်ခဲ့သည်။

ထိုဒေသမှ မွတ်ဆလင်ခေါင်းဆောင်များက ပါကစ္စတန် နိုင်ငံသစ်၏ အောက်တွင် သြဇာခံယူ ပူးပေါင်းလိုသော ကြေညာချက်များ ထုတ်ပြန်ခဲ့ဖူးသည်။ ၁၉၄၆ တွင်ဖြစ်ခဲ့သော ထိုလှုပ်ရှားမှုကို ဦးဆောင်သူများထဲမှ ထင်ရှားသူမှာ Moulvi Lookman Sahib ဆိုသူ ဖြစ်သည်။

မြန်မာနိုင်ငံလွတ်လပ်ရေးရပြီးစ ၁၉၄၈ အစပိုင်းတွင် ရခိုင်ပြည်၏ အခြေအနေသည် ပိုပြီးဆိုသည်ဟုသုံးသပ်ရမည်။ ထိုအချိန်တွင် Jihad ဆိုသောစကားအသုံးအနှုံးကို မွတ်ဆလင်များအကြားတွင် ကြားရသလို မူဂျာဟစ်ဒင် လက်နက်ကိုင်များ၏ အဓိက ပစ်မှတ်မှာ မြန်မာအစိုးရမဟုတ်သေးဘဲ ဒေသခံ ဗုဒ္ဓဘာသာ ရခိုင်တိုင်းရင်းသားများ ဖြစ်သည်။

သို့သော်လည်း ၁၉၄၈ ဧပြီလတွင် ဖြစ်ပွားခဲ့သော အရေးအခင်းတွင် လူစုလူရုံးကို ဖြိုခွင်းရန် ကြိုးစားသော ရဲများ ပစ်ခတ်သတ်ဖြတ်ခြင်း ခံခဲ့ရသည်။ ထိုနေရာမှာပင် မူဂျာဟစ်သူပုန်တို့၏ လက်နက်ကိုင်ပုန်ကန်မှု စသည်ဟု ဆိုရမည်ဖြစ်သည်။ မူဂျာဟစ်ဒင် ဆိုသည်မှာ Arabic အာရဗီ အသုံးအနှုန်းဖြစ်ပြီး ထိုဒေသက မွတ်ဆလင်လက်နက်ကိုင်ခေါင်းဆောင်များက ရွေးချယ်ခဲ့ခြင်းဖြစ်သည်။

သူတို့၏ အင်အားက ၂၀၀၀ မှ ၅၀၀၀ အတွင်း ရှိခဲ့သည်ဟု ခန့်မှန်းခဲ့ကြပြီး စစ်တပ်ဝန်ထမ်းဟောင်းများလည်း ပါဝင်ပြီး စစ်သင်တန်းများကို ဘူးသီးတောင် ဒေသနှင့် မောင်တော ဒေသကြားတွင် ပေးခဲ့သည်ဟု မှတ်တမ်းများအရ သိရသည်။ ထိုအချိန်တွင် ရိုဟင်ဂျာ ဆိုသော အသုံးအနှုံးက စတင်သုံးစွဲနေပြီဟု သိရသည်။

ဦးနုအစိုးရက လက်နက်ကိုင်သောင်းကျန်းသူအဖွဲ့ဖြစ်သော မူဂျာဟစ်များနှင့် တွေ့ဆုံညှိနှိုင်းမှုများ ရှိခဲ့ဖူးသည်။ သို့သော် မအောင်မြင်ခဲ့။ ထိုစဉ်က ရန်ကုန် ဗြိတိသျှ သံရုံး၏ အစီရင်ခံစာအရ ရခိုင်တွင် မွတ်ဆလင်လှုပ်ရှားမှု ၂ စုရှိသည်ဟု သုံးသပ် ထားသည်။ ပထမကတော့ မူဂျာဟစ်ခွဲထွက်ရေး လှုပ်ရှားမှုဖြစ်ပြီး ပါကစ္စတန်ကို ယိမ်းသည်ဟု ဆိုသည်။ ဒုတိယ အုပ်စုကတော့ ရခိုင်ပြည်တွင်းမှာ ကိုယ်ပိုင်အုပ်ချုပ်ခွင့်လိုချင်သော အုပ်စုဟု ဆိုသည်။

၁၉၄၈ နှစ်ကုန်ပိုင်းတွင် မြန်မာ့တပ်မတော်က ထိုးစစ်အရှိန်ကို မြှင့်တင်ခဲ့သည်။ ဘူးသီးတောင်၊ မောင်တော ဒေသတွင်ဖြစ်ပြီး လက်နက်ကိုင်မူဂျာဟစ်တွေ အကျအဆုံးများခဲ့သည်။ ဒုက္ခသည် အများအပြား နတ်မြစ်ကိုဖြတ်ကူးပြီး တဖက်နိုင်ငံသို့ ပြေးဝင်ခိုလှုံခဲ့ကြရသည်။

ဝန်ကြီးချုပ် ဦးနုနှင့် ကာကွယ်ရေးဦးစီးချုပ် စမစ်ဒွန်းတို့ စစ်တွေဒေသကို သွားရောက်လေ့လာကြသည်။ ထိုအချိန်က ဘင်္ဂလားဒေရှ့်သည် ပါကစ္စတန်မှ ခွဲမထွက်ရသေးသော အရှေ့ပါကစ္စတန်ဖြစ်သည်။ ထိုခရီးစဉ်အတွင်း လက်နက်ခဲယမ်းများကို တဖက်နိုင်ငံမှ ရရှိခဲ့ကြောင်း စုံစမ်းလေ့လာ ခဲ့သည်ဟု သိရသည်။ ရန်ကုန်တွင် အခြေစိုက်သော အိန္ဒိယသံရုံးကလည်း မူဂျာဟစ်လက်နက်ကိုင်တွေကို ပါကစ္စတန်က ထောက်ပ့ံနေသည် ဆိုသော သတင်းနှင့် ကောလဟလများကို အသေအချာဖြန့်သည်။

၁၉၄၉ မေလတွင် မြန်မာအစိုးရက Peace Committee for North Arakan ဆိုတာကို ဖွဲ့စည်းပေးခဲ့ပြီး မွတ်ဆလင် လက်နက်ကိုင်တွေကို ထိတွေ့ခဲ့သည်။ အစိုးရက လက်နက်ချပြီး ကိုယ်ပိုင်အုပ်ချုပ်ခွင့်တောင်းဆိုတာတွေကို ရပ်ဆိုင်း စေချင်သည်။ မြန်မာအစိုးရဖွဲ့ထားသော Arakan Territorial Units အဖွဲ့များကလည်း မွတ်ဆလင် လက်နက်ကိုင်များနှင့် လူမျိုးများကို သေသေချာချာ ကြပ်မတ်ကိုင်တွယ်ခဲ့သည်။

၁၉၅၀ မှာ ရန်ကုန်အခြေစိုက် ပါကစ္စတန်သံအမတ် လိုက်ပါပြီး ဦးနု မောင်တော ဒေသကိုသွားရောက်ခဲ့သည်။ သို့သော်လည်း အခြေအနေက ငြိမ်သက်မသွားဘဲ မွတ်ဆလင်များ ညှင်းပန်း နှိပ်စက်ခံနေရပါသည်ဆိုသော သတင်းများက ထိုစဉ်က ပါကစ္စတန်သတင်းစာများတွင် ဆက်ပြီး ဖော်ပြပါရှိခဲ့သည်။

၁၉၅၁ မှစပြီး ၁၉၅၄ အထိ မြန်မာ့တပ်မတော်က ထိုးစစ်ကို ဘူးသီးတောင်၊ မောင်တော ဒေသများတွင် အသေအချာ ဆင်နွှဲခဲ့ သည်။ မူဂျာဟစ်သူပုန်များ အကျအဆုံး များခဲ့သည်။ ထိုအကြောင်းကို ဝန်ကြီးချုပ်ဟောင်း သူရဦးထွန်းတင် ကလည်း ရေးသားခဲ့ သည်။ သူ၏ စာအုပ်ဖြစ်သော “ကျနော်ကျင်လည်ခဲ့ရသော မြန်မာနှင့် ကမ္ဘာ” တွင် ဖော်ပြခဲ့သည်။ ကာကွယ်ရေးဦးစီးချုပ်ဟောင်း သူရဦးတင်ဦးလည်း ထိုဒေသတွင် မူဂျာဟစ်သူပုန်များကို နှိမ်နင်းရန် တာဝန်ကျခဲ့သည်။

ထိုအချိန်က မြန်မာ့တပ်မတော်၏ ထိုးစစ်ဆင်နွှဲမှုကြောင့် မူဂျာဟစ်သူပုန်များ အင်အား အတော်ကို လျော့ပါးသွားခဲ့သည်ဟု ဆိုသည်။ တပ်မတော်၏ Operation Monsoon သည် နံမည်ကြီးသည်။ မေယု၊ မုတ်သုန် စသော စစ်ဆင်ရေးကြီးများနှင့် နှိမ်နင်းပြီးချိန်တွင် မူဂျာဟစ်များ လက်နက်စွန့်ပြီး ထွက်ပြေးတိမ်းရှောင်ခဲ့ကြသည်။ အမှတ် ၅ ဗမာ့သေနက်ကိုင်တပ်ရင်းနှင့် အမှတ် ၂ အရေးပေါ် ချင်းတပ်များက စစ်ဆင်ရေးများကို ဦးစီးခဲ့သည်ဟု သိရသည်။

၁၉၆၁ မှာ မူဂျာဟစ်လက်နက်ကိုင်အုံကြွမှုဟာ အဆုံးသတ်ခဲ့သည်။ ထိုစဉ်က တပ်မတော်၏ ဒုတိယ စစ်ဦးစီးချုပ် ဗိုလ်မှူးချုပ် အောင်ကြီးက လက်နက်ချ သောင်းကျန်းသူတွေကို လက်ခံခဲ့ပြီး ဘူးသီးတောင်၊ မောင်တော ဒေသမှာ အခြေချ နေထိုင်ခွင့် ပေးခဲ့သည်။ ထိုအချိန်တွင် အရှေ့ပါကစ္စတန် (ဘင်္ဂလားဒေ့ရှ်) နှင့် မြန်မာ အစိုးရတို့ နယ်စပ်မျဉ်းသတ်မှတ်ခြင်း၊ ဆက်ဆံရေး တိုးမြှင့်ခြင်း၊ စသည့်အကြောင်းအချက်များကလည်း လက်နက်ကိုင်သောင်းကျန်းသူများကို အင်အားလျော့နည်းစေခဲ့သည်။

၁၉၆၆ ခုနှစ် တော်လှန်ရေးကောင်စီလက်ထက် တရားမဝင် ဝင်ရောက်နေထိုင်သူများနှင့် ပတ်သက်၍ ကျီးကန်း၊ မြတ်မွန်၊ စံပယ်၊ ရွှေကျီး စသည်စစ်ဆင်ရေးများ ပြုလုပ်ခဲ့သော်လည်း ပိုမိုများပြားလာသည့်အတွက် ၁၉၇၈ခုနှစ် ဖေဖေါ်ဝါရီလတွင် နဂါးမင်း၊ ထိုနောက် ဟင်္သာစသည့် စစ်ဆင်ရေးများကို ပြုလုပ်ခဲ့သော်လည်း မူဂျာဟစ်၏ လက်နက်လှုပ်ရှားမှု အဆုံးသတ် ဆုံးခန်းတိုင် တော့ မဟုတ်။ မြေအောက်လှုပ်ရှားမှုများ လက်နက်ကိုင် ထကြွရန် ကြံစည်မှုများက ဆက်ပြီးရှိခဲ့သည်။ သို့သော် မအောင်မြင်ခဲ့။

၁၉၈၀ နှစ်များ အစောပိုင်းတွင် ရိုဟင်ဂျာ မျိုးချစ် တပ်ဦး (Rohingya Patriotic Front- RPF) မှ ခွဲထွက်လာသော အယူအဆပိုမို ပြင်းထန်သူများက RSO ကို ထူထောင်ခဲ့ကြ ပြီး RPF ၏ အတွင်းရေးမှူးချူပ်ဟောင်း မိုဟာမက်ယူနွတ်ဆိုသူက ဦးဆောင်သည်။

မကြာမီမှာပင် ဘင်္ဂလားဒေ့ရှ်- မြန်မာ နယ်စပ်တွင် အဓိက အကျဆုံး လက်နက်ကိုင် အဖွဲ့ဖြစ်လာခဲ့သည်။ RSO က ဘာသာရေး အပေါ်တွင် အခြေပြုခဲ့သည့် အတွက် ရလဒ်အနေဖြင့် ကမ္ဘာ့ မွတ်ဆလင် အဖွဲ့အစည်း များထံမှ အထောက်အပံ့ အမျိုးမျိုး ရှလာခဲ့သည်။ အထောက် အပံ့ပေးသူများထဲတွင် ဘင်္ဂလားဒေ့ရှ်နှင့် ပါကစ္စတန် မှ JeI၊ အာဖဂန်နစ္စတန်မှ Gulbuddin Hekmatyar ၏ Hizb-e-Islami (HeI)၊ အိန္ဒိယ ပြည်နယ်များဖြစ်သည့် Jammu နှင့် Kashmir မှ Hizb-ul-Mujahideen (HM) နှင့် မလေးရှားနိုင်ငံမှ Angkatan Belia Islam sa-Malaysia (ABIM) နှင့် မလေးရှား အစ္စလမ်လူငယ်များ အဖွဲ့တို့ အပါအဝင် ဖြစ်ကြောင်း မြန်မာ့အရေး ကျွမ်းကျင်သူ ဘာတေးလင့်တနာက ရေးခဲ့သည်။

၁၉၉၀ နှစ်များ အစောပိုင်းတွင် RSO အဖွဲ့၏ စစ်စခန်းများက ဘင်္ဂလားဒေ့ရှ်နိုင်ငံ တောင်ပိုင်း Cox’s Bazaar ခရိုင်တွင် တည်ရှိခဲ့သည်။ RSO အဖွဲ့တွင် အပေါ့စား စက်သေနတ်များ၊ AK-47 ရိုင်ဖယ်များ၊ RPG-2 လောင်ချာများ၊ မိုင်းများနှင့် ဖောက်ခွဲရေး ပစ္စည်းများပိုင်ဆိုင်ထားကြောင်း ၁၉၉၁ ခုနှစ်တွင် ကွင်းဆင်းလေ့လာခဲ့သည့် သတင်းထောက် ဘာတေးလင့်တနာက ဆိုသည်။ အာဖဂန် နစ္စတန်မှ တာလီဘန် သင်တန်းဆရာများက ဘင်္ဂလားဒေ့ရှ်-မြန်မာ နယ်စပ်တလျှောက်ရှိ RSO စခန်း အချို့တွင် လေ့ကျင့်သင်တန်းပေးနေသည်ကို မြင်တွေ့ရသည်ဟု စွပ်စွဲမှုများလည်း ရှိခဲ့သည်။

၁၉၈၀ နှစ်များ နောက်ပိုင်းနှင့် ၁၉၉၀ နှစ်များ အစောပိုင်းတွင် RSO က အင်အားတိုးချဲ့မှုများ ပြုလုပ်ခဲ့သည့်အတွက် မြန်မာ အစိုးရက ဘင်္ဂလားဒေ့ရှ် -မြန်မာ နယ်စပ်တွင် ကြီးမားသော တန်ပြန်ထိုးစစ်တရပ်ကို ဆင်နွဲ၍ RSO အဖွဲ့ကို တိုက်ခိုက် နှိမ်နင်းခဲ့သည်။ ၁၉၉၁ ခုနှစ် ဒီဇင်ဘာလတွင် မြန်မာစစ်သားများက နယ်စပ်ကို ဖြတ်ကျော်လာပြီးနောက် ဘင်္ဂလားဒေ့ရ်ှ စစ် စခန်းတခုကို မတော်တဆ တိုက်ခိုက်မိခဲ့သည်။ အဆိုပါ မတော်တဆမှုက ဘင်္ဂလားဒေ့ရှ် -မြန်မာ ဆက်ဆံရေးတွင် အဓိက ကျသည့် အစွန်းအထင်းတခုကို ဖြစ်ပေါ်စေခဲ့သည်။ အဆိုပါဒေသတွင် စစ်ဆင်ရေးများ တိုးမြှင့်လာသည့် အတွက် ၁၉၉၂ ခုနှစ် ဧပြီလအထိ အရပ်သား ၂၅၀၀၀၀ ကျော် ထွက်ပြေးခဲ့ကြရသည်။

၁၉၉၈ ခုနှစ် အောက်တိုဘာလ ၂၈ ရက်နေ့တွင် RSO နှင့် ARIF တို့ ပူးပေါင်း၍ ရိုဟင်ဂျာ အမျိုးသားကောင်စီ (Rohingya National Council -RNC) ကို ဖွဲ့စည်းခဲ့သည်။ ရိုဟင်ဂျာ အမျိုးသား တပ်မတော် (Rohingya National Army -RNA) ကို ၎င်း၏ လက်နက်ကိုင် အဖွဲ့ အဖြစ် ဖွဲ့စည်းခဲ့သည်။

၂၀၀၂ ခုနှစ်က အာဖဂန်နစ္စတန်ရှိ အယ်လ်ကိုင်းဒါးအဖွဲ့၏ မော်ကွန်းတိုက်မှ CNN သတင်းဌာနက ရရှိခဲ့သည့် ဒါဇင်နှင့် ချီသော ဗီဒီယို တိပ်ခွေ များထဲမှ တခုတွင် “မြန်မာနိုင်ငံမှ မွတ်ဆလင် ညီနောင်များ”က အာဖဂန် နစ္စတန်တွင် လေ့ကျင့်မှုများ ပြုလုပ်နေသည်ကို တွေ့ခဲ့ရသည်။ အချို့ ဗီဒီယို တိပ်ခွေ များမှာ ၁၉၉၀ နှစ်များအတွင်းက ဘင်္ဂလားဒေ့ရှ် -မြန်မာ နယ်စပ်ရှိ RSO စခန်းများတွင် ရိုက်ကူးခဲ့သည်ဟု ယူဆရပါသည်။

ဦးသိန်းစိန်အစိုးရလက်ထက် တိုင်းပြည်ဖွင့်ပြီးနောက်ပိုင်း ရိုဟင်ဂျာလှုပ်ရှားမှုများ ပြည်တွင်း၊ ပြည်ပတွင် ပြန်လည်အားယူ ခေါင်းထောင်လာသည်ကိုတွေ့ရသည်။ သို့သော်လည်း လက်နက်ကိုင် အကြမ်းဖက် တိုက်ခိုက်မှုတို့ကို မတွေ့ခဲ့ရ။ အခု လတ်တလော ဖြစ်ခဲ့သော ဖြစ်ရပ်သည် မူဂျာဟစ်ထကြွမှု နောက်ပိုင်း ပထမဆုံး အကြိမ် လက်နက်ကိုင် အကြမ်းဖက်တိုက်ခိုက်မှုဟု ဆိုရမည်ဖြစ်သည်။

ကိုးကား

– Moshe Yegar ၏ The Muslims of Burma

– တပ်မတော်သမိုင်း စတုတ္ထအတွဲ ၁၉၄၈-၁၉၆၂

– “Bangladesh Extremist Islamist Consolidation” by Bertil Lintner

– “Bangladesh: Breeding ground for Muslim terror” by Bertil Lintner

[min-is-king]

ဘာလို့စစ်အမြန်နိူင်ခြင်တာလဲ။ (၁)ပြည်သူတွေအပေါ်စစ်အာဏာရှင်ရဲ့ဖိနှိပ်ရက်စက်မှုတွေကပိုပြင်းထန်လာတယ်။ (၂)စစ်မှုထမ်းဉပဒေကိုပြည်သူတွေကမည်သည့်အကူအညီမှမရဘဲတဦးချင်းခုခံနေရတယ်ပြည်သူတရပ်လုံးနည်းမျိူးစုံနဲ့ဒုက္ခပင်လယ်ဝေနေရတယ်မိဘတွေရင်နဲ့မဆန့်မချိတင်ကဲခံနေကြရတယ်။ ။(၃)ပြည်တွင်းမှာလည်းအလုပ်ကရှားရတဲ့အလုပ်ကလည်းတဦးချင်းပင်ဝင်ငွေကမကာမိ။ (၄)ပြည်ပကခေါ်သော်လည်းထွက်ခွင့်မရနည်းမျိူးစုံအကြပ်ကိုင်ခံနေရတယ် ပြည်ပမှာလည်းကျွန်တွေလိုဆက်ဆံခံရအကြောက်တရားအောက်မှာနေကြရတယ်။ (၅)စစ်ကိုင်းမကွေးဒေသတွေမှာစကစကအကြီးအကျယ်ဖိနှိပ်ပြီးလူတွေအသတ်ခံရအိမ်တွေမီးရှို့ခံရဗုံးတွေအကျဲခံနေကြရတယ်EAOဒေသတွေမှာလည်းဒီလိုဘဲခံနေကြရတယ်။ (၆)လူငယ်တွေအနာဂါတ်လုံးဝပျောက်နေကြရတယ်ပညာရေးကျန်းမာရေးအလုပ်အကိုင်ဘက်စုံပါဘဲ။ (၇)လူထုကြီးတရပ်လုံးဟာအကြောက်တရားအောက်မှာနေ့စဉ်ဖြတ်သန်းနေရတယ်။ (၈)လူထုဟာလျှပ်စစ်မီးမရရေမရကြီးမြှင့်လှတဲ့ကုန်ဈေးနှန်းအောက်မှာမသေယုံတမယ်အသက်ရှင်ဘိုရုန်းကန်နေကြရတယ်။ (၉)အဆိုးဆုံးကစစ်နိူင်ဘို့ကြာမှာပါဘဲအခုအခါမှာပြည်နယ်တွေကစစ်နိူင်နယ်မြေတွေထိမ်းထားနိူင်လို့ထိုက်သင့်သလောက်စစ်အာဏာရှင်အောက်ကလွတ်မြောက်ခွင့်ရကြသော်လည်းပြည်မကြီးကအစွန်အဖျားမြို့နယ်ခွဲလေးတွေသာလွတ်မြောက်သေးတယ် (၁၀)ရန်သူမှာစွမ်းအားတွေကျန်နေသေးလို့စိုးရိမ်မိတယ်ငါတို့ညီညီညွတ်ညွတ်တိုက်နိူင်မှဖြစ်ပါမယ်နိူင်ငံခြားမှာမိသားတစုလုံးလွတ်မြောက်နေယုံနဲ့မရပါ။ (၁၁)ဒါ့ကြောင့်တော်လှန်ရေးမှာခေါင်းဆောင်နေရာယူထားသူတွေကနေရာရူးအာဏာရူးသာယာမနေကြဘဲပြည်သူနဲ့အတူစစ်ကိုအမြန်တိုက်ပေးဘို့ကြိူးစားပေးကြရမှာဖြစ်ပါတယ်မတိုက်ပေးနိူင်ဘူးဆိုရင်တော့တိုက်နိူင်မယ့်သူတွေကိုနေရာဖယ်ပေးသင့်ကြောင်းပါ.

"ငါတို့တော်လှန်ရေးတကယ်အောင်ခြင်ရင်NUGကိုခေါင်းဆောင်ထားလို့မရတော့ဘူးနည်းလမ်းအမြန်ရှာကြမှဖြစ်တော့မယ်"

NUG ကိုငါစိန်ခေါ်လိုက်ပြီ။ ငါစစ်အာဏာရှင်စနစ်ကို၂နှစ်အတွင်အနိုင်တိုက်ပြီးဖြုတ်ချဖယ်ရှားပေးမယ်။ NUGဘက်က ပူးပေါင်းလိုက်လျောပေးရမှာက-

(၁)ငါနဲ့ငါရွေးချယ်ထားတဲ့လူ၅၀ပါတဲ့အဖွဲ့ကိုလုပ်ပိုင်ခွင့်တွေလွဲပေးရမယ် (၂)စာရင်းစစ်အဖွဲ့ကိုသက်သေတွေရှေ့မှာငွေစာရင်းရှင်းတမ်းတင်ပြပြီးပေးရန်ရရန်များလွဲပေးရမယ်။ (၃)NUGထိပ်ပိုင်းထဲမှသင့်တော်သူများရဲ့အကူအညီကိုယူမယ်။

(၄) နိူင်ငံရေးပိုင်းဆောင်ရွက်ဘို့ရွေးချယ်သတ်မှတ်ထားသူ(၂၅)ဦးကလုပ်မယ်။

(၅)စစ်ရေးမှာတပ်မှူး(၂၅)ဦးကကိုင်တွယ်စစ်အနိူင်တိုက်မယ်တပ်မှူးတွေကိုအခုစစ်တကယ်လက်တွေ့တိုက်နေသူတွေထဲကရွေးမယ်။ မြန်မာပြည်မတပ်တော်စုအမည်ပေးမယ်။

(၆)အောက်ခြေPDFတွေ LPDFတွေကိုလက်ရှိအတိုင်းထားမယ်နေရာပေးမယ်စည်းရုံးမယ်။

(၇)မိမိဘာသာတပ်ထောင်စုစည်းထားတဲ့တပ်တွေကိုအသိအမှတ်ပြုမယ်တပ်ပေါင်းစုမယ်အတူစစ်တိုက်ကြမယ်။

(၈)တိုင်းရင်းသားတပ်တွေကိုအသိအမှတ်ပြုမယ်ကိုယ်ပိုင်အုပ်ချုပ်ခွင့်ကိုအပြည့်အဝပေးအသိအမှတ်ပြုမယ်မဟာမိတ်ဖွဲ့ပြီးစစ်အာဏာရှင်ကိုဖြုတ်ချမယ်။

(၉)Bottom up ဖွဲ့စည်းပုံကိုအတူတကွစစ်နိူင်ပြီးရင်(၆)လအတွင်းအပြီးဆွဲကြမယ် တနှစ်အတွင်းဖယ်ဒရယ်ဒီမိုကရေစီနိူင်ငံရွေးကောက်ပွဲတွေလုပ်ပေးပြီးနိူင်တဲ့ပါတီကိုအာဏာအပ်မယ်။ (၁၀)ဖယ်ဒရယ်တပ်မတော်ကိုစနစ်တကျထောင်မယ်စစ်ဦးစီးချုပ်ကိုတနှစ်တကြိမ်အလှည့်ကျတိုင်းရင်းသားအားလုံးအလှည့်ကျထားမယ်။ (၁၁)ငါတို့ကလစာမယူတဲ့တော်လှန်ရေးသမားလုပ်မယ်အစိုးရမဖွဲ့ဘူးဒါပေမယ့်စည်းကမ်းအပြည့်အဝရှိတဲ့တော်လှန်ရေးတပ်ဖြစ်မယ်။ (၁၂)ထပ်ပြောမယ် NUGဘက်ကအသင့်ဖြစ်ရင်ငါတို့ဘက်ကလည်းအလုပ်စလုပ်ဘို့အသင့်ဘဲ

ပြည်သူသို့တင်ပြချက်

အပိုင်း၂ (တနည်း)nugသို့စိန်ခေါ်ချက်အဆက်

၁/NUG နဲ့ပက်သက်ပြီးတင်ပြချက်

၂/တော်လှန်ရေးဘယ်လိုဆက်လုပ်သွားကြမလဲ

၃/လွတ်မြောက်ပြီးနောက်ဘာတွေလုပ်ကြမလဲ

(နိုင်ငံရေး/ပုဂ္ဂိုလ်ရေးကဏ္ဌပိုင်း)များကိုဆက်လက်တင်ပြလိုပါသည်

၁/NUGနဲ့ပက်သက်၍

-ဘာတွေတာဝန်ကျေခဲ့ပြီးပြီလဲ

(က)NUG ကိုငါထောက်ခံတယ်

(ခ) NUG ကိုငါဝန်းရံမယ်

(ဂ)NUG ကိုအကြံဉာဏ်တွေပေးမယ်

(ဃ)NUG ကိုငါကူညီမယ်

(င)NUG အနေနဲ့မလုပ်နိုင်လျှင် ငါလုပ်ပေးမယ်

ဒါတွေကို အာဏာစသိမ်းစအချိန်တည်းကငါအစောဆုံး အန္တရာယ်ကြားကပြည်တွင်းမှာတာဝန်‌ကျေစွာပြောခဲ့ ထောက်ခံခဲ့ အကြံဉာဏ်တွေ‌ပေးခဲ့ကူညီခဲ့တယ် ငါတာဝန်ကျေခဲ့ပြီးပြီ

(မှတ်တမ်းတွေအထင်အရှားရှိတယ် တစိုက်မတ်မတ်လေ့လာနေသူတွေဆို အကုန်သိနားလည်သဘောပေါက်ကြပြီးဖြစ်တယ်)

ဆက်လက်၍လည်းNUGအနေနဲ့ယခုအချိန်မှာ‌တော့ ခေါင်းဆောင်ပိုင်း၊ လူ၊ မူ ပြောင်းလျှင်ဆက်လက်ဝန်းရံထောက်ခံသွားမည်ဖြစ်သည်

NUG အောက်ခြေပိုင်း နိုင်ငံရေး၊စစ်ရေးကိုလည်းဆက်လက်ထောက်ခံဝန်းရံသွားမည်

-ဒါဖြင့်ဘာကြောင့် NUGကိုစိန်ခေါ်စကားပြောခဲ့ရတာလဲ

(၁)နိုင်ငံရေးမဟာဗျူဟာလုပ်ဆောင်ချက် လုပ်ဆောင်ရခြင်းဖြစ်သည်

-NUGသည်စစ်အနိုင်မတိုက်တော့

-NUGစစ်မတိုက်နိုင်တော့ ဒီတိုင်းရပ်ကြည့်နေလို့ မဖြစ်တော့တဲ့အတွက် တပ်လှန့်ရခြင်းဖြစ်သည်

(၂)ငါသည် မည်သည့်အခါကမှအာဏာနိုင်ငံရေးလုပ်ဆောင်ခဲ့ခြင်းမရှိခဲ့

ပါတီနိုင်ငံရေးမလုပ်ခဲ့ ယခုလည်းမလုပ်သလို နောင်လည်းလုပ်မည်မဟုတ်ပါ

(၃)ငါ့ကိုရူးနေလို့ ဒီအသက်ရွယ်မှာအခြေအနေမှန်မသိနိုင် မသုံးသပ်နိုင်ဟုဆိုသူ/အာဏာ နေရာရူးနေသူဟုပြောဆိုနေသူများအားသိစေလိုသည်မှာ ငါ့အသက်အရွယ် ငါ့ဖြတ်သန်းခဲ့မှု ငါ့အတွေ့အကြုံ ငါ့ဉာဏ်ပညာဖြင့် ငါမသိဘဲနေပါ့မလား

ငါရူးနေတာမဟုတ်ဘဲ ငါ့ကိုအာဏာရူးထင်နေသူတွေကသာလျှင် အာဏာရူးနေကြတာဆိုတာပါပဲ ပြန်လည် သုံးသပ်စဉ်းစားသိစေလိုပါတယ်

မဟာဗျူဟာတရပ်ချပြပြီး NUG ထိပ်ပိုင်းခေါင်းဆောင်များကိုစိန်ခေါ်ဖော်ထုတ်ရခြင်းဖြစ်သည်

NUG ထိပ်ပိုင်းသည် နေရာကြိုဦး၊နေရာရူး၊ အာဏာရူး၊ဥစ္စာရူးနေကြသည်ကိုတွေ့မြင်နေရသည် အပြောင်းအလဲမလုပ်လိုကြ တိုင်းပြည်အကျိုးအတွက်မို့အပြုသဘော အကြံဉာဏ်ပေး ဝေဖန်ထောက်ပြသော်လည်း နားမထောင် ၊လက်မခံ

စစ်အနိုင်တိုက်ဖို့စိတ်မဝင်စားကြတော့ဘဲပုဂ္ဂိုလ်ရေးတွေသာဦးစားပေးနေတော့သည်

စာရင်းတွေလည်းမရှင်း ငါမသိဘဲနေပါ့မလား

ငါ့သုံးသပ်ချက်များသည် မလွဲဆိုတာတစိုက်မတ်မတ်လေ့လာသူတွေသိကြပါလိမ့်မည်

(၄)သို့သော် ငါစိန်ခေါ်ချပြခဲ့သောအကြောင်းအချက်များကို ငါအနေဖြင့်အမှန်တကယ် လုပ်ဆောင်နိုင်သူလည်းဖြစ်သည် အပြောချည့်သက်သက်မဟုတ် အချိန်မရွေးဆောင်ရွက်နိုင်ရန်အသင့်ရှိသည်ကိုလည်းNUG ထိပ်ပိုင်းခေါင်းဆောင်များအားလည်းသိစေလိုပါသည်

ငါ့အနေဖြင့်နေရာ/အာဏာရူးခြင်းကြောင့်မဟုတ်ဘဲ ပြည်သူကိုအချိန်မှီသိရှိစေလို၍စိန်ခေါ်ဖော်ထုတ်ရခြင်းဖြစ်သည်

NUG ဒီလိုပုံစံဖြင့်တော့တိုင်းပြည်လွတ်မြောက်ဖို့မလွယ်ကူနိုင်ပါ

FB မှာငါနဲ့ပက်သက်ပြီးစော်ကားဝေဖန်ခဲ့ကြသူတချို့၊ ငယ်ရွယ်ကြတဲ့လူငယ်တချို့နဲ့သဘောရိုးဖြင့်မသိနားမလည်ကြလို့ အထင်လွဲကြတဲ့သူများကိုလည်း ငါ့အနေဖြင့်နားလည်ခွင့်လွှတ်တယ်ဆိုတာပြောချင်ပါတယ် ငါတို့ဘုံရန်သူဘက်လှည့်ပြောကြပါဦးစို့

၂/ဒါဖြင့်တော်လှန်ရေးကိုဘယ်လိုဆက်လုပ်သွားကြမလဲ

-ပုံစံမျိုးစုံဖြင့်ဆက်လက်လုပ်ဆောင်သွားရမည် ဘယ်လိုပုံစံတွေလဲ

နောက်ရက်ဆက်လက်တင်ပြပါမည်

လေးစားမှုဖြင့်

ပြည်သူသို့တင်ပြချက်

အပိုင်း၃(တနည်း)nugသို့စိန်ခေါ်ချက်အဆက်

တော်လှန်ရေးဘယ်လိုဆက်လုပ်သွားကြမလဲ

၁။ပုံစံမျိုးစုံဖြင့်ဘယ်လိုဆက်လုပ်သွားကြမလဲ

(၁)အာဏာတည်မြဲရေး၊အာဏာရရေး တော်လှန်ရေးကတော့ No ပါပဲ

(၂)စစ်အာဏာရှင်စနစ်မရှိတော့သည်အထိ တော်လှန်ရေးကိုဆက်လုပ်သွားကြရပါမယ်(၂နှစ်အတွင်းစစ်အနိုင်တိုက်ဖို့ကြိုးပမ်းကြရပါမယ်) ဘယ်လိုလုပ်ကြမလဲ

(၃)ပြည်မကြီးတပ်ပေါင်းစုကို အညာဒေသမှာ စတင်တည်ဆောက်နိုင်ရေးကို လုပ်ဆောင်ရန်အတွက်

(က)ပြန့်ကျဲနေသော LPDF များကိုစုစည်းရန်၊ အမိန့်တခုထဲပေးနိုင်အောင် ညှိနှိုင်းရန်

(ခ) PLA,BPLA,မောင်ဆောင်းခ၊ဇေယျာလွင်၊ကျောင်းသားတပ်၊ABSDFတပ်၊မြန်မာတပ်တော် စသည် စသည်များစွာသော စုစည်းတည်ဆောက်ထားသောတပ်များကို တပ်ပေါင်းစုအောက်ကိုစည်းရုံး၍ အမိန့်တခုထဲဖြင့် တိုက်နိုင်အောင်ကြိုးပမ်းရန်

(က)(ခ)တာဝန်ကိုသက်ဆိုင်ရာတပ်မှူးများက Zoom ညီလာခံခေါ်၍စစ်ဦးစီးဌာနထားလုပ်ဆောင်ရန်(တပ်ဖွဲ့ကြီးသူများက ဦးဆောင်ခေါ်ရန်)

(ဂ)NUG(MOD)တပ်များနှင့်တပ်ပေါင်းစုတိုက်ရန်

(ဃ)အညာဒေသလွတ်မြောက်ရန် အဓိကထားတိုက်ရန်၊ EAOများထံမှလက်နက်၊နည်းပညာရရှိရေးကြိုးပမ်းရန်

၂။EAOများက အကူအညီတောင်းခံလာပါက ငါတို့ပြည်မတပ်တော်စုကလည်း ကူညီတိုက်ခိုက်ပေးရန်

၃။အညာဒေသရရှိလွတ်မြောက်ပါက(သို့)လွတ်မြောက်ရေးတိုက်နေဆဲမှာပဲ EAOများနဲ့မဟာမိတ်စုစည်း၍ နေပြည်တော်သိမ်းရန်

၄။စစ်အာဏာရှင်စနစ်မရှိတော့ပါက(စစ်နိုင်ပြီးပါက) bottom up ဖယ်ဒရယ်ဒီမိုကရေစီအခြေခံဥပဒေကို(၆)လအတွင်း အပြီးသတ်ရေးဆွဲရန်

၅။ပြည်နယ်များကို ကိုယ်ပိုင်အုပ်ချုပ်ခွင့်အပြည့်အဝပေး၍ အာဏာခွဲဝေအပ်ရန်

၆။ဖယ်ဒရယ်တပ်မတော်တည်ထောင်ရန်၊စစ်ဦးစစ်ချုပ်ကို တိုင်းရင်းသား၊ပြည်နယ်၊ပြည်မ တနှစ်တကြိမ် တလှည့်စီအုပ်ချုပ်ရန်

၇။ဖယ်ဒရယ်ဒီမိုကရေစီနိုင်ငံတော် တည်ဆောက်ရန်အတွက် စစ်နိုင်ပြီး တနှစ်အတွင်းရွေးကောက်ပွဲများပြုလုပ်၍ အနိုင်ရပါတီကို အာဏာလွှဲပြောင်းပေးရန်

၈။ပြည်သူများကလည်းတကယ်စစ်အနိုင်တိုက်မည့်တပ်များ၊အစုအဖွဲ့များကို ဘဏ္ဍ‌ငွေတွေကူညီထောက်ပံ့ပေးကြရန်လိုအပ်ပါမယ်

၉။လူ၅၀ကိစ္စဆိုတာ တကယ်လက်တွေ့စုထားတဲ့အဖွဲ့မရှိပါ(လိုအပ်မှသာ)ကမ္ဘာတဝှမ်းမှ တကယ်အရည်အချင်းရှိတဲ့ မိတ်ဆွေများနဲ့(၂)ပါတ်အတွင်း ဆက်သွယ်လုပ်ဆောင်မယ်လို့ ရည်ရွယ်ထားချက်ကိုပြောဆိုခြင်းဖြစ်ပါတယ် အဲ့ဒိ့လူတွေကတော့တကယ်ရှိပါတယ် လိုအပ်လာလျှင် ထို့ထက်မကများပါတယ်

မှတ်ချက်။လွတ်မြောက်ပြီး ဖယ်ဒရယ်ဒီမိုကရေစီနိုင်ငံတည်ထောင်ပြီးပါက ဘာတွေဆက်လုပ်ကြရမလဲ

နောက်ရက်တွင် နောက်ဆုံးအပိုင်း-၄ ကိုဆက်လက်တင်ပြပါမည်

ပြည်သူသို့တင်ပြချက်

အပိုင်း ၄(နိဂုံးပိုင်း)(တနည်း)NUGသို့စိန်ခေါ်ချက်နောက်ဆုံးပိုင်းအဆက်ပါ

လွတ်မြောက်ပြီးဖယ်ဒရယ်ဒီမိုကရေစီနိုင်ငံတည်ထောင်ပြီးပါက ဘာတွေဆက်လုပ်ကြမလဲ

နိုင်ငံတော်ပိုင်းနှင့်ပက်သက်၍တင်ပြချက်များ

၁။ကြားနေဝါဒကို နိုင်ငံခြားရေးမူအဖြစ်ဆက်လက်ကျင့်သုံးရန်

၂။ငါတို့နိုင်ငံသည် ၁၉၄၇အခြေခံဥပဒေကိုမွမ်းမံပြုပြင်ပြီး ဖယ်ဒရယ်နိုင်ငံစစ်စစ် ကိုယ်ပိုင်အုပ်ချုပ်ခွင့်နိုင်ငံအ‌‌နေဖြင့်သွားမလား

ဒါက နိုင်ငံတည်ထောင်တာမြန်မယ်၊ကမ္ဘာကလည်းအသိအမှတ်ပြုထားပြီးဖြစ်တယ်

၃။ဒါမှမဟုတ် အမေရိကန်ပုံစံသွားမလား

-ပြည်နယ်တွေမှာ ကိုယ်ပိုင်အုပ်ချုပ်ခွင့်အပြည့်အဝရှိပြီး ကိုယ့်တရားစီရင်ရေးနဲ့ကိုယ်သွားကြမယ်

-ဗဟိုပြည်ထောင်စုမှာ အုပ်ချုပ်ရေးအာဏာသည်နည်းနည်းပဲရှိမယ် ဗဟိုတရားရုံးချုပ်တော့ရှိတယ်(ပြည်နယ်မှစေလွှတ်သော တရားသူကြီးများလည်းပါမယ်)

-မြန်မာပြည်မကို ပြည်နယ်တခုအဖြစ် တလုံးတစည်းထဲထားမလား (သို့မဟုတ်)

-မြန်မာပြည်မကို ဖယ်ဒရယ်ယူနစ်တွေ(၈)ခုလောက်ခွဲပစ်မလား

ဒါကတော့ လက်ရှိမြန်မာပြည်မရဲ့ လူထုသဘောထားခံယူပြီးမှဆုံးဖြတ်ကြရပါမယ် Bottom up ဖြင့်သွားရမှာဖြစ်တယ် အပေါ်ကတစုတဖွဲ့သဘောဖြင့် ခွဲပစ်လို့မရပါ လူထုကလည်းလက်ခံကြလိမ့်မည်မဟုတ်ပါ

၄။ငါတို့လွတ်လပ်ပြီးပါက-

-လူငယ်တွေကိုနိုင်ငံခြားပညာသင်ခွင့် လွတ်လပ်စွာခွင့်ပြုရန်

-နိုင်ငံခြားမှရင်နှီးမြှုပ်နှံမှုများဝင်လာစေရန်

-ဖြစ်နိုင်သမျှ အလုပ်လက်မဲ့များ မရှိစေရန်

-လူမှုဖူလုံရေးလုပ်ငန်းများကိုအားပေးရန်

-လွတ်လပ်သောအသင်းအဖွဲ့များကိုအားပေးရန်

-တပြည်လုံးလျှပ်စစ်မီးရနိုင်ရေး(မဖြစ်မနေ)လုပ်ဆောင်ရန်

-ထိုင်းကဲ့သို့စိုက်ပျိုးရေးကိုအခြေခံသော စီးပွားရေးအားကောင်းရန် ထိုမှတဆင့်

ကိုရီးယား၊ဂျပန် တို့ကဲ့သို့စက်မှုနိုင်ငံဖြစ်ရန်

-တရားစီရင်ရေးတွင်(တပါးထိုင်စနစ်)ကို ဂျူရီစနစ်ဖြင့် ဖြစ်နိုင်သမျှအစားထိုးလုပ်ဆောင်သွားရန်

-တရားဥပဒေစိုးမိုးရေးကို ဦးစားပေးလုပ်ရန်

-စစ်မှု(မထမ်းမနေရ)ဥပဒေကို ဖျက်သိမ်းပြီး အခြား နိုင်ငံကိုကာကွယ်ရေးဥပဒေဖြင့်အစားထိုးရန်

-ရဲတပ်ဖွဲ့ကိုစစ်တပ်အောက်မှခွဲထုတ်လိုက်ပြီး သီးခြားလူထုကိုကာကွယ်ခြင်း၊အကျိုးပြုခြင်းများပြုလုပ်စေရန်

-မီးသတ်တပ်ဖွဲ့၊ကြက်ခြေနီတပ်ဖွဲ့များကိုလည်း သီးခြားလွတ်လပ်စွာ လုပ်ကိုင်ဆောင်ရွက်စေရန်

-အလုပ်သမား၊လယ်သမားများကို အမှန်တကယ် ကာကွယ်ရန်အတွက် ဥပဒေများ၊အသင်းအဖွဲ့များထားရှိခွင့်ပေးရန်

-ကျောင်းသားသမဂ္ဂများကို အထက်တန်းကျောင်းမှစ၍ တက္ကသိုလ်များတွင်ထားရန်

-တက္ကသိုလ်များကို အစိုးရထိန်းချုပ်မှုအောက်အစား ကိုယ်တိုင်ရပ်တည်နိုင်အောင်အားပေးရန်

ပညာရေးစနစ်တခုလုံးကိုပြုပြင်ရန်(အလွတ်ကျက်ပညာရေးကို အဆုံးသတ်ရန်)

-နိုင်ငံခြားတက္ကသိုလ်များနှင့်ဆက်စပ်/ပူးပေါင်းလုပ်ကိုင်မှုကို အားပေးရန်

-စာနယ်ဇင်းလွတ်လပ်ခွင့်ပေးရန်

-အားကစားမြှင့်တင်ရေးလုပ်ဆောင်ရန်(အထူးသဖြင့်) မြန်မာဘောလုံးအသင်းကို ကမ္ဘာ့အဆင့်မှီစေရန်

-ကျန်းမာရေးစနစ်ကို လုံးဝပြောင်းလဲရန်

ဆေးရုံများတွင် ခေတ်မှီကုသရေးစက်ကရိယာများထားရှိပြီး လစာကောင်းမွန်စွာဖြင့်ဝန်ထမ်းများတာဝန်ထမ်းဆောင်စေကာ တာဝန်ပေါ့လျော့သော၊ဆက်ဆံရေးမောက်မာသော၊ ဆေးဝန်ထမ်းကျင့်ဝတ်စံနှုန်းများဖြင့်မညီညွတ်သောဝန်ထမ်းများအား အရေးယူခြင်း၊တရားစွဲခြင်းများဆောင်ရွက်ရန်။

ဒါတွေဖြစ်ဘို့ကတော့တို့တွေစစ်အနိူင်တိုက်ဘို့လိုအပ်မယ်ဖြစ်ကြောင်းပါဗျား၊👍👍👍

ပုဂ္ဂိုလ်ရေးစဥ်းစားထားချက်များ

၁။လူထုအစေခံပရဟိတထူထောင်မယ်

(-စိတ်တူကိုယ်တူပုဂ္ဂိုလ်များနှင့်အတူပူးပေါင်းလုပ်ဆောင်မယ်)

-ပြည်တွင်း/ပြည်ပ အတွေ့အကြုံရှိသူများ၊ရင်းနှီးထည့်ဝင်ငွေများပါဝင်ဆောင်ရွက်လာရန် အားပေးမယ်

-(အခမဲ့လုပ်ငန်းများဆောင်ရွက်ခြင်းဖြစ်ရမယ်)

ဘာတွေလုပ်မလဲ

(၁)ရပ်ရွာသန့်ရှင်းရေးတွေလုပ်ဆောင်ကူညီမယ်

(၂)သဘာဝပတ်ဝန်းကျင်ထိန်းသိမ်းရေးများကူညီမယ်

(၃)စာကြည့်တိုက်များထူ‌‌ထောင်မယ်၊ဟောပြောပွဲများပြုလုပ်ပေးမယ်(ကဏ္ဍပေါင်းစုံအတွက်၊ပညာရေး၊ကျန်းမာရေး၊လူမှုရေး၊စီးပွားရေး၊နိုင်ငံရေး အစရှိသဖြင့် ဟော‌ပြောပွဲများအခမဲ့ပြုလုပ်ပေးမယ်)

(၄)အာဏာနိုင်ငံရေး(NO)မလုပ်ဆောင်ပါ/ပါတီ နိုင်ငံရေး(No)မပါဝင်၊မလုပ်ဆောင်ပါ

(၅)စားဝတ်နေရေး၊ပညာရေး၊ကျန်းမာရေး တတ်နိုင်သမျှအကူအညီပေးမယ်

၂။မိမိကိုယ်ကို ပါတီနိုင်ငံရေး/အာဏာနိုင်ငံရေးကင်းရှင်းသော Statesman တဦးအဖြစ် ပြုမူနေထိုင်လုပ်ကိုင်ဆောင်ရွက်နေထိုင်ကျင့်ကြံသွားမယ်

၃။ဖြတ်သန်းခဲ့သောအတွေ့အကြုံများ၊လက်ငင်းကြုံတွေ့နေရသော အတွေ့အကြုံများကိုစာရေးသားမယ်

ဖိတ်ခေါ်ပါက(အခမဲ့) ဟောပြောဆွေးနွေးပေးမယ်

၄။ပုဂ္ဂိုလ်ရေး အငြှိုးအတေးအာဃာတတရား လုံးဝမထားရှိဘဲခွင့်လွှတ်ရေးမူဖြင့်နေထိုင်သွားမယ်

၅။Law Firmတခုကိုတည်ထောင်၍တရားဥပဒေကိစ္စရပ်များကို ကူညီဆောင်ရွက်ပေးသွားမယ်

၆။တရားဥပဒေစိုးမိုးရေးလုပ်ငန်းများမှာ(အခမဲ့)ကူညီ၍အကြံဉာဏ်ပေးခြင်းများလုပ်ဆောင်သွားမယ်

လေးစားမှုဖြင့်

@@@

NUG ဘာလဲဘယ်ရောက်နေပြီလဲ ? ကျွန်တော်ဟာnugစတင်ဖွဲ့စည်းစဉ်ကပင်ဘာမေးခွန်းမှမရှိချွင်းချက်မရှိထောက်ခံခဲ့ပါတယ်တတ်စွမ်းသမျှလည်းစာနယ်ဇင်းများမီဒီယာများမှတဆင့်ထောက်ခံပြောကြားခြင်းအကြံဉာဏ်များလည်းပေးခဲ့ပါတယ်။ အကျိူးဆက်ကတော့စကစဘက်မှနေအိမ်အခန်းကိုအကြီမ်ကြိမ်ဝိုင်းဝန်းပြီးဖမ်းဆီးရန်ကြိူးစားခဲ့ပါတယ်ယခုထိလည်းရှောင်တိမ်းနေရဆဲဖြစ်ပါတယ်။ ၂နှစ်ကျော်ကြာလာတဲ့အခါမှာတော့တော်လှန်ရေးအောင်မြင်ဘို့ဆိုရရင်သတိထားစရာများဆောင်ရန်ရှောင်ရန်များကိုပြောလာဖြစ်ပါတယ်။ အဲဒီမှာကစNUGထောက်ခံသူများရဲ့ဝိုင်းဝန်းတိုက်ခိုက်ခြင်းခံလာရတာခုထိအောင်ပါဘဲနဲနဲလျော့ကျသွားတာဘဲရှိပါတယ်ဒါပေမယ့်ကျွန်တော်ဟာnugကိုရန်သူလိုဘယ်တုန်းကမျှမပြောဆိုမမြင်ခဲ့ပါခုထိလည်းအကြံပေးနေဆဲဖြစ်ပါတယ်။ ဘာတွေအကြံပေးဖြစ်လည်းဆိုရရင်စကစကိုဖြုတ်ချဘို့ဆိုရင်စစ်နိူင်ဘို့ကသာအဓိကျကြောင်း ပြည်သူလှူဒါန်းငွေတွေကိုစစ်အောင်နိူင်ရေးသာအဓိကထားသုံးစွဲသင့်ကြောင်း ရှေ့တန်းကိုထောက်ပို့လက်နက်ရိက္ခာဝတ်စုံကျည်ဆံများလိုအပ်ချက်မရှိအောင်ပို့ရမှာဖြစ်ကြောင်း။ ဒီအတွက်အသုံးစရိတ်တွေလျော့ချရမှာဖြစ်ကြောင်းဝန်ကြီးအဖွဲ့ဦးရေလျော့ပါရုံးဝန်ထမ်းတွေလျော့ပါစာရင်းစစ်ထားပါ တတိယနိူင်ငံကိုnldတွေမိသားစုတွေထောင်ချီပို့နေတဲ့စရိတ်တွေလျော့ပါ LPDFတွေကိုရန်သူလိုသဘောမထားပါနဲ့။ တပ်ပေါင်းစုဖွဲ့ပါအညာကိုသိမ်းပြီးလွတ်မြောက်နယ်မြေလုပ်ပါ EAOတွေနဲ့လက်တွေ့ကျတဲ့တပ်ပေါင်းစုဖွဲ့ပြီးစကစ ကိုစစ်ရေးအရအမြန်ဖြုတ်ချနိူင်အောင်လုပ်စတာတွေတိုက်တွန်းခဲ့ပါတယ်အမုန်းခံပြောခဲ့ပါတယ်။ အ‌ေဖြကတော့ NO. ပါနေရာမရလို့နေရာလိုခြင်လို့‌ေပြာ‌ေနတာစွပ်စွဲခံရပါတယ်NUGလည်းခုထိပြည်သူတွေမျှော်လင့်သလောက်စစ်မနိူင်ပါဘူး။ ။ ရန်သူဘက်ကတော့ရှေ့ကိုတဖြည်းဖြည်းရှေ့တိုးလာနေတာတွေ့ရပါတယ်ပြည်တွင်းမှာရောပြည်ပမှာရောပါ။ ရန်သူကသူ့ကိုထောက်ပေးမယ့်ထောက်(ဒေါက်)တွေကိုပြည်တွင်းပြည်ပမှာအပူတပြင်းရှာနေတာရုပ်လုံးပေါ်စပြုနေပါပြီ။ ပြည်ပထောက်တွေအဖြစ်ရုရှ တရုပ် အာစီယံတခြမ်း ထိုင်းအိန္ဒိယတို့ဖြစ်တယ်အမေရိကန်ထိအောင်လက်တံဆန့်လာတယ်။ ပြည်တွင်းမှာတော့ရွေးကောက်ပွဲဖြစ်အောင်လုပ်မယ်။ တရားဝင်မှု(Legitimacy)ကြိုးစားမယ်။ ဝိုင်းရံသူတွေအဖြစ်နိူင်ငံရေးပါတီတွေထားမယ်။စကမနဲ့အစိုးရအဖွဲ့တွေပြင်ဖွဲ့မယ် ပြည်သူ့စစ်အရှိန်မြှင့်တိုက်မယ်။ ခေတ်မှီလက်နက်တွေနဲ့ထိုးစစ်မြှင့်ပြီးနယ်မြေတွေပြန်သိမ်းမယ် တရုပ်ကမြောက်ပိုင်းကိုမလှုပ်နိူင်အောင်ကူချုပ်ပေးမယ်စကစကတိုက်ပေါ့စသည်ဖြင့်။ ပြန်ချုပ်ရရင်NUGကရောဘယ်အခြေအနေရောက်နေပြီလဲ? ပြန်ဆန်းစစ်ရမယ့်အချိန်ပါကြက်မွေးလေးနဲ့လားဒါမှမဟုတ်Zoom. ပြီးZoom လာ? အကြံပေးခြင်တာတော့ပြည်သူတွေလိုလားတဲ့စစ်အနိူင်တိုက်ဘို့ပါဘဲ စစ်အနိူင်တိုက်ဘို့ဆိုရင်ပြည်သူတွေထံကလာတဲ့အကြံဉာဏ်တွေကိုယူပါနားထောင်ပါလိုက်နာသင့်ပါတယ်။ တပ်မှူးများညီလာခံမကြာခဏခေါ်ပြီးတတကယ်လည်းစစ်တိုက်ပါတော့Lpdfတွေကိုလည်းထောက်ပံ့ပါကူညီပါမဟာမိတ်ပြုပါ အခြားသောစကမ ကိုတိုက်မယ့်အဖွဲ့တွေကိုလည်းကူညီပါမဟာမိတ်ဖွဲ့ပါအချင်းချင်းမတိုက်ခိုက်ပါနဲ့ဘုံရန်သူကိုဘဲမျက်နှာမူပြီးတညီတညွတ်တည်းတိုက်သင့်ကြောင်းပါဗျာ။ ပြည်မကြီးရဲ့ညီညွတ်မှုကိုကြည့်ပြီးတလရ(EAO)တွေကလည်းဝိုင်းဝန်းကူညီတိုက်လာကြမှာမလွဲဟုလည်းယုံကြည်ကြောင်းပါဗျာ။ ငါတို့မုချမသွေနိူင်ကိုနိူင်ရမည်။ လေးစားစွာဖြင့်

@@@

ငါတို့နိုင်ဖို့အ‌ခြေအနေအပေါ်ဆန်းစစ်တင်ပြချက်(မြန်မာနှစ်ဆန်းတစ်ရက်နေ့)၁၇.၄.၂၀၂၅

အားသာချက်များ၊အားနဲချက်များ၊ထင်မြင်ယူဆချက်နှင့်နိဂုံးတင်ပြချက်များအားအပိုင်းခွဲ၍တင်ပြသွားမည်ဖြစ်ပါသည်

အားသာချက်များ

-ပြည်သူ့တော်လှန်ရေးဖြစ်တယ် မူဝါဒမှန်ကန်တယ် (၂၀၀၈ ကိုဖျက်သိမ်းလိုက်ပြီ စစ်အာဏာရှင်စနစ်ကိုစစ်ရေးနည်းဖြင့်သာဖြုတ်ချမှရတော့မှာဖြစ်လို့ စစ်ရေးနည်းဖြင့်သာတိုက်တော့မယ်)

-ပြည်တွင်း/ပြည်ပမှတစ်ခဲနက်သော အလှူငွေများရခဲ့တယ်(သမိုင်းမှာဒီလိုမရခဲ့ဘူးပါ)

-ပြည်နယ်/ပြည်မ ညီညွတ်စွာတိုက်ပွဲဝင်ကြရာမှာလည်း သမိုင်းမှာမကြုံဘူးအောင်ညီညွတ်ကြတယ်

-နွေဦးတော်လှန်ရေးကြောင့် EAOs တွေနဲ့တိုက်ပွဲတွေကိုကြီးစွာအထောက်အကူပြုပေးနိုင်ခဲ့တယ်

ဥပမာ- ညီနောင်၃ဖွဲ့ရဲ့ (ပ) (ဒု)အကြိမ် အောင်ပွဲများ၊

ကရင်နီပြည်နယ်ရဲ့၁၁၁၁ စစ်ဆင်ရေး ၊ KNLA ချင်းပြည်နယ် နှင့် AA တို့ရဲ့အောင်ပွဲများ

-စကစ အာဏာရှင်စနစ် ပြုတ်ကျဖို့ တည်းတည်းလေးသာရှိတော့သည့် အဆင့်ထိရောက်လာခြင်း

-ရန်သူစစ်တပ်အတွင်း မညီညွတ်ပြိုကွဲလာပြီး တိုက်တိုင်းရှုံးရာမှ ခံစစ်အဆင့်အထိရောက်သွားခြင်း

-နိုင်ငံတကာထောက်ခံမှုများဆုံးရှုံးသွားခြင်း

-၆လသက်တမ်းအကြိမ်ကြိမ်တိုး ကတိတွေအကြိမ်ကြိမ်ဖျက်ရသည့်အဆင့် ရောက်ရှိနေခြင်းဖြစ်တယ်

-ပြည်သူတရပ်လုံးနှင့် EAOs တွေအားလုံးကတော့ စစ်အနိုင်တိုက်ရေးသာလိုလားကြသည်

တော်လှန်ရေးမှာ သတိထားစရာအားနဲချက်များ

-(ပြည်သူတရပ်လုံးပါဝင်သော)ဖက်ဆစ်အာဏာရှင်စနစ်ကို ဖြုတ်ချရေးဖြစ်ရမည့်အစား NLD အာဏာပြန်ရရေး၊ တတိယအဆင့်အနေအထားရှိ NLD မှလူများကိုသာ တော်လှန်ရေးရဲ့အဓိကနေရာများ၌ တာဝန်ပေးတိုက်ပွဲဝင်နေတဲ့အနေအထားရောက်နေခြင်း

ဥပမာ-NUG,CRPH နှင့်ပသုံးလုံးနေရာယူထားခြင်းအခြေအနေများ

-ပြည်နယ်တွေလွတ်မြောက်ကြသလောက်နီးပါးရှိချိန်မှာ ပြည်မကြီးမလွတ်မြောက်၊ လွတ်မြောက်ဖို့ဝေးနေဆဲဖြစ်တယ်

-ပြည်မကြီးကိုတပ်ပေါင်းစုနဲ့ဖွဲ့တိုက်ဖို့ ပျက်ကွက်နေတယ်

-တပြည်လုံးလွတ်မြောက်ဖို့ EAOs များနဲ့တပ်ပေါင်းစုကြီးဖွဲ့တိုက်နိုင်အောင် လက်တွေ့ကျကျ အကောင်အထည်မဖော်နိုင်ခဲ့ပါ(NUG ရဲ့တပ်ပေါင်းစုဖွဲ့တာမစောင့်နိုင်တော့ဘဲ တကယ့် မြေပြင်မှာတော့ ညီညွတ်နေကြပြီဖြစ်တယ် ဥပမာ-ကညင်ဓာတ်အားခွဲရုံတိုက်ပွဲ၊ညောင်ကျိုးတိုက်ပွဲ၊ဖလန်းတိုက်ပွဲ၊အင်းတော်တိုက်ပွဲ)

-ပြည်တွင်းပြည်ပမှရရှိသောအလှူငွေများကို စနစ်တကျသုံးစွဲမှုအပိုင်းမှာ ချို့ယွင်းချက်များပေါ်ပေါက်နေတယ်

ဥပမာ-စစ်အနိုင်တိုက်ရေးအတွက် သုံးစွဲငွေထက် NLDအများစု တတိယနိုင်ငံများ (အထူးသဖြင့်အမေရိကန်၊ဩစတြေးလျ၊ဥရောပ)၊ထိုင်းနိုင်ငံများသို့ မိသားစုလိုက်ထွက်ခွာလွတ်မြောက်ရေးကို အကန့်အသတ်မရှိအသုံးပြုခြင်း၊ NLD အများစုကိုဝန်ကြီးအဖွဲ့၊ရုံးအဖွဲ့များစွာတို့တွင် လခစားများ(ဒေါ်လာစားများ)အဖြစ်ခန့်ထားနေခြင်း

-အများအကျိုးအတွက်အနစ်နာခံတိုက်ပွဲဝင်လိုစိတ်ထက် မိမိတို့လွတ်မြောက်ရေး၊မိမိတို့အကျိုးစီးပွားရေးကိုဦးစားပေးစဉ်းစားနေကြခြင်း

-ပြည်သူတရပ်လုံးနှင့်PDF,LPDF,CDM တွေ များစွာပင်ပန်းနေကြပြီ(ကိုယ်ချင်းစာကြပါ) အိမ်ပြန်ချင်နေကြပါပြီ

-စစ်မှုထမ်းလူငယ်တွေ၊ပြည်ပရောက်ပြည်သူတွေ အိမ်ပြန်ချင်လှပါပြီ

ပြုပြင်သင့်သောအချက်များ

-ပြည်မ၊တပြည်လုံးလွတ်မြောက်ရေးတပ်ပေါင်းစုများဖွဲ့ပြီး စစ်အာဏာရှင်စနစ်ကိုစစ်ရေးဖြင့်အပြီးအပိုင် အနိုင်ရအောင်ကြိုးစားလုပ်ဆောင်သင့်သည်

-ဝင်ငွေ၊ထွက်ငွေများကို မယိုဖိတ်အောင် ကြပ်မတ်သောအဖွဲ့အစည်းရှိသင့်သည်

-NUG ဝန်ကြီးအဖွဲ့ကို (၅)ဌာနထက် ပိုမထား၊မဖွဲ့သင့်ပါ တော်လှန်ရေးပုံစံသာဖြစ်သင့်သည်

-ရုံးအဖွဲ့အကြီးကြီးမထားသင့်ပါ(လခစား)

တပ်ဖွဲ့ကြီးအသွင်မှ(လခမစား)တော်လှန်ရေးပုံစံထားသင့်သည်

အဂတိတရားတွေမရှိသင့်တော့ပြီ

-၂၀၂၆ ဇန်နဝါရီ ၃၁ မှာNUG သက်တမ်းကုန်ပြီဖြစ်သည်(၂၀၀၈ အရရွေးချယ်ထားတာ အဆုံးသတ်ပြီ)ဒါ့ကြောင့် "နွေဦးတော်လှန်ရေး တပ်ဦးစစ်စစ် "ကိုNLD ကသာလက်ဝါးကြီးအုပ်မထားတော့ဘဲ ပြည်သူတရပ်လုံးပါဝင်ကိုယ်စားပြုသူများပါပါဝင်နိုင်အောင် လမ်းဖွင့်ပါဝင်စေသင့်သည်

-(ယာယီ)သမ္မတကြီး၊ဝန်ကြီးချုပ်တို့ အထပ်ထပ်ကတိပြုထားသည့်အတိုင်း လက်တွေ့ကျသောစစ်နိုင်ရေး ပြုပြင်ပြောင်းလဲမှုများလည်းလုပ်ဆောင်သင့်ပါပြီ(လေနဲ့ကြေငြာချက်တွေအစား)လက်တွေ့လုပ်ပြသင့်ချိန် ရောက်ရုံမကကျော်တောင်နေပြီဖြစ်ပါတယ်

-ငါတို့စစ်အာဏာရှင်စနစ်ကိုဖြိုချပြီး ငါတို့လွတ်မြောက်လာပါက

(၁)အခြေခံဥပဒေသစ်ကို ၁နှစ်အတွင်းရေးဆွဲအတည်ပြုနိုင်အောင်ကြိုးစားလုပ်ဆောင်ရန် ကတိပေးပါ

(၂)အခြေခံဥပဒေသစ်အရ လွတ်လပ်သောရွေးကောက်ပွဲများကို( ၆)လအတွင်းပြုလုပ်ပေးပြီး ပြည်သူရွေးချယ်ထားသောကိုယ်စားလှယ်များကို အာဏာလွှဲပြောင်းပေးပါမည် ဟူသောကတိစကားကို စစ်နိုင်ထားသောတပ်ပေါင်းစုကြီးက ကတိပေးရပါမည် (မှတ်ချက်-ဖယ်ဒရယ်၊ကွန်ဖယ်ဒရိတ်များက ထပ်တူတော့ (ယာယီ)အားဖြင့်မဖြစ်နိုင်သေးလျှင်လည်း ရပါမည်)

နိဂုံးချုပ်

-ငါတို့ပိုမိုညီညွတ်ကြရပါမည်

-လူငယ်ခေါင်းဆောင်တွေကို နေရာဖယ်ပေးကြရပါမည်

-NUGကိုချက်ခြင်းပြုပြင်ရပါမည် အသက်ကြီးလူကြီးများကိုအနားယူစေသင့်ပါသည်

-အရည်အချင်းရှိသူတွေက တော်လှန်ရေးကိုခေါင်းဆောင်ပါစေ

-ငါတို့ စစ်ကိုနိုင်အောင် တိုက်ကြပါစို့

@@@

[min-is-king]

⚫ UWSA ဖွင့်ဟဝန်ခံလာတဲ့ တရုတ်ဖိအားနောက်က မြေပြင်အကြပ်အတည်း၊ "တရုတ်ရဲ့ဘက်လိုက် ရပ်တည်ချက်နဲ့အတူ ၁၀၂၇ စစ်ဆင်ရေးအပေါ် သက်ရောက်မှု"

ဒီအခြေအနေတွေနဲ့ပတ်သက်ပြီး မြန်မာ့အရေး ကျွမ်းကျင်သူ ဆွိဒင်ဝါရင့် သတင်းစာဆရာ Bertil Lintner - ဘာတေးလစ်တနား ကို "ဝ" လူငယ့်အသံက ဆက်သွယ် မေးမြန်းထားပါတယ်။

By Pang Poe, သြဂုတ် ၃၀ ရက်

https://t.me/wanewsland24/1040

"ဝ" ပြည်ဟာ တည်ငြိမ်အေးချမ်းတဲ့ ပြည်နယ်အဖြစ် ရပ်တည်ရှင်သန်လာတဲ့ နှစ်ပေါင်း (၄၀) ကာလထဲ တရုတ်ရဲ့ အပြင်းထန်ဆုံး ရှင်သန်ရေး အကြပ်အတည်း ဖိအားကို ရင်ဆိုင်ကြုံတွေ့နေရတယ်လို့ ပြီးခဲ့တဲ့ သြဂုတ် (၂၀) ရက်က ဗဟိုဌာနချုပ်ရှိရာ ပန်ဆန်း (ပန်ခမ်း)မှာ ပြုလုပ်တဲ့ တွေ့ဆုံ ဆွေးနွေးပွဲမှာ ထုတ်ဖော်ပြောဆိုခဲ့ပါတယ်။

ဆွေးနွေးပွဲကို ရှမ်းမြောက်အခြေစိုက်

တိုင်းရင်းသား လက်နက်ကိုင် (၃) ဖွဲ့ဖြစ်ကြတဲ့ တအာင်းတပ်မတော် - TNLA, ကိုးကန့်တပ်မတော် - MNDAAနဲ့ ရှမ်းတပ်မတော် - SSPP တို့မှအကြီးတန်း ကိုယ်စားလှယ်တွေ အသီးသီး တက်ရောက်ခဲ့ကြပြီး "ဝ" ပြည်နယ်အနေနဲ့ ၎င်းရဲ့နိုင်ငံရေး၊ စစ်ရေးဆုံးဖြတ်ချက်တွေနဲ့အတူ လက်ရှိရင်ဆိုင်နေရတဲ့ အကြပ်အတည်းတွေထဲ အချက် (၄) ချက်ကို ဖွင့်ဟဝန်ခံခဲ့တာပါ။

(၁) "ဝ" ပြည်နယ်၏ ငြိမ်းချမ်းရေး ရပ်တည်ချက်မှာ အစအဆုံး ပြောင်းလဲမှု မရှိခဲ့ပါ။

ငြိမ်းချမ်းရေး ရပ်တည်ချက် ခေါင်းစဥ်အောက်မှာ ပြည်သူလူထုတွေ အနေနဲ့ ငြိမ်းချမ်းစွာ ရပ်တည်နေထိုင်ရေး၊ ပညာရေး၊ စီးပွားဖွံ့ဖြိုးတိုးတက်ရေးကို အဓိက ရှေ့ရှု့ကြောင်း ပါဝင်ပါတယ်။

"ဝ" တပ်ဟာ မြန်မာပြည်အရေးနဲ့ ပတ်သက်ပြီး ဘက်မလိုက်မူဝါဒ၊ ကြားနေဝါဒကိုသာ ကျင့်သုံးတဲ့အကြောင်းနဲ့ ဗမာပြည်အရေးသာဖြစ်ကြောင်း အကြိမ်ကြိမ် ထုတ်ဖော်ပြောဆိုလေ့ရှိပါတယ်။

"ဗမာပြည် အရေးသာ ဖြစ်တယ်" ဆိုတဲ့ "ဝ" တပ်ရဲ့အသုံးအနှုန်းဟာ အခြားအဖွဲ့အစည်းအတွက် တစ်ကိုယ်တည်း အတ္တဆန်၊ တစ်ကိုယ်ကောင်းဆန်ရာ ရောက်တယ်လို့ ယူဆရပေမဲ့ "ဝ" လူမျိုး၊ "ဝ" အမျိုးသားတွေရဲ့ သမိုင်းကြောင်း တစ်လျောက် ဖြတ်သန်းလာရပုံ၊ နှစ်ပေါင်း (၄၀) ကာလအတွင်း ယခုကဲ့သို့ အနေအထားရောက်အောင် ကြိုးပမ်းခဲ့ခြင်း ရလဒ်တွေဟာ အတိတ်က နာကျည်းစရာ အဖြစ်အပျက် များစွာကနေ သင်ခန်းစာ ယူခဲ့ကြတယ်လို့ ဆိုနိုင်ပါတယ်။

ဗမာပြည် ကွန်မြူနစ်ပါတီခေတ် (၁၉၆၈ - ၁၉၈၉) မြန်မာ့သမိုင်းတစ်လျောက် အာဏာရှင်စစ်ဗိုလ်ချုပ်တွေလက်ထပ်၊ တစ်ပါတီအာဏာရှင် မဆလ နေဝင်းခေတ်၊ ကွန်မြူနစ်ပါတီ သခင်ဗသိန်းတင်လက်ထက်က ဗမာလူမျိုး အချင်းချင်းတွေရဲ့ လုပ်ဇာတ်၊ ပြသနာတွေကြား "ဝ" အမျိုးသားတွေရဲ့ အသက်ပေါင်းများစွာ သေကြေပျက်စီးခဲ့ရသလို တိုင်းပြည်အတွက်၊ မိမိတို့ အမျိုးသားရေးအတွက် အကျိုးမရှိတဲ့ စစ်ပွဲတွေကို "ဝ" အမျိုးသားများ မလိုလားခဲ့ကြပါဘူး။ ဒါဟာ "ဝ" အမျိုးသားတွေ

ခံယူလိုက်တဲ့ အတိတ်က သမိုင်းတစ်ခုလို့ ယူဆရပါတယ်။ တိုက်ပွဲကြောင့် အသက်၊ အိုးအိမ်၊ စည်းစိမ်းတွေပျက်စီး၊ စစ်ဘေးရှောင်ကြရင်း ရေကြည်ရာ မျက်နုရာ ရွှေ့လျားနေထိုင်တဲ့ဘဝကို မလိုလားတော့ပါဘူး။

တစ်ဆက်တည်းမှာပဲ "ဝ" ဒေသဘက်ကို ဖြတ် (၄) ဖြတ်နဲ့အတူ အနိုင်ကျင့်ဗိုလ်ကျ ရက်စက်မှုနဲ့ "ဝ" တွေကို မသိကျေးကျွန် လျစ်လျူရှုခဲ့ခြင်းကလည်း တရုတ်နဲ့ ပိုမိုနီးစပ်စေခဲ့တဲ့ အဓိက သမိုင်းတရားခံဆိုလည်း မမှားပါဘူး။

၁၉၈၉ ဗမာပြည် ကွန်မြူနစ်ပါတီက ခွဲထွက်ပြီး စစ်တပ်နဲ့ ငြိမ်းချမ်းရေး ယူခဲ့သည်မှာ ယခုပင် (၃၆) နှစ်တိုင်တည်ရှိခဲ့ပါပြီ။

အထူးသဖြင့် "ဝ" ဟာစစ်ကောင်စီရဲ့ စားပွဲဝိုင်းပေါ်က၊ စာရွက်ပေါ်က ငြိမ်းချမ်းရေး လမ်းစဥ်ကို အယုံအကြည်မရှိပါဘူး။ အပြောနဲ့အလုပ်ထပ်တူမကျတဲ့ စစ်တပ်ရဲ့ လုပ်ရပ်တွေကို အထူးသတိပြုနေခဲ့ပြီး စစ်မျက်နှာပြင်တွေကိုလည်း အမြဲအသင့်ရင်ဆိုင်ထားပါတယ်။

ဒါ့ကြောင့် အာဏာရှင်ဆန်တဲ့ စစ်တပ်ကိုမကြိုက်တဲ့ တော်လှန်ရေးသမားတွေနဲ့ တိုင်းရင်းသား လက်နက် ကိုင်ထဲ "ဝ" တပ်ဟာ ထိပ်ဆုံးကရှိနေမှာ မလွဲဧကန်ပါပဲ။ သို့ပေမယ့် "ဝ" ဟာ စစ်အစိုးရနဲ့ ပတ်သက်လာရင် ပါးနပ်စွာ ဆက်ဆံလေ့ရှိပါတယ်။

"ဝ"ပြည်နယ် အနေနဲ့ သမိုင်းက အတွေ့အကြုံ သင်ခန်းစာကိုယူပြီး ပြည်နယ်တွင်းရှိ တိုင်းရင်းသား ပေါင်းစုံရဲ့ အကျိုးစီးပွားကို စဉ်းစားပြီး မည်သည့် အဖွဲ့အစည်းရဲ့ စစ်ရေးပဋိပက္ခကိုမှ ပါဝင်ပတ်သက်မှုမပြုဘဲ စစ်မီးမမွှေးခြင်းဆိုတဲ့ ဘက်မလိုက်မူဝါဒကို ၂၀၂၁ ခုနှစ်ကတည်းက ချမှတ်ခဲ့ပြီး ဒီမူဝါဒကို ပြောင်းလဲမှာ မဟုတ်ဘူးလို့ ဆိုထားပါတယ်။

၂၀၂၁ စစ်တပ်က အာဏာသိမ်းကာစ တစ်နိုင်ငံလုံး အတိုင်းအတာနဲ့ ပေါ်ပေါက်လာတဲ့ နွေဦးတော်လှန်ရေး စတင်ချိန်မှာ ၎င်းရဲ့ နိုင်ငံရေးရပ်တည်ချက်ကို အသိအလင်း ထုတ်ပြန်ခဲ့သလို၊ ရှမ်းမြောက်က ၁၀၂၇ စစ်ဆင်ရေး စတင်ချိန်မှာ တစ်ကြိမ်၊ လားရှိုးကို ကိုးကန့်တပ် - MNDAA က အပြီးသတ် သိမ်းပိုက်နိုင်ချိန် ၁၀၂၇ ဒုတိယလှိုင်း ဇူလိုင် ၃၀ ရက်နေ့မှာလည်း ပြန်လည် ထုတ်ပြန်ခဲ့ပါတယ်။

ယခုအခါ တရုတ်က ဖိအားပေးလာပြီး အကြပ်အတည်းတွေထဲ ရင်ဆိုင်နေရချိန်မှာလည်း ၎င်းရဲ့မူလနိုင်ငံရေး ရပ်တည်ချက် မပြောင်းလဲတဲ့အကြောင်းကို တိုင်းရင်းသား ကိုယ်စားလှယ်တွေဆီ ဆွေးနွေးပွဲ မစတင်ခင် ကနဦးဖော်ပြထားတာ တွေ့ရှိရပါတယ်။

WSTV က ထုတ်ပြန်တဲ့ သတင်းစဥ်အရ "ဝ" တပ်ရဲ့ မြန်မာစစ်အစိုးရနဲ့ တွေဆုံခဲ့သမျှ အကြောင်းရင်းခံကို အခုလိုဖော်ပြထားပါတယ်။

"မိမိတိုင်းရင်းသား အဖွဲ့အစည်းများ အနေဖြင့် အခွင့်အရေးရရှိရန် မြန်မာဘက်နှင့် ဆွေးနွေးဆက်ဆံသည့်အခါ ဦးစားပေးရွေးချယ်မှုမှာ ငြိမ်းချမ်းရေး ဆွေးနွေးမှု၊ စီးပွားရေး ဖွံ့ဖြိုးတိုးတက်မှု ပြည်သူလူထု လူနေမှုဘဝ မြင့်တင်မှုလမ်းစဥ်တွေပဲ ဖြစ်ပါတယ်" လို့ဆိုပါတယ်။

အဲ့ဒီထုတ်ပြန်ချက် မတိုင်ခင်က သြဂုတ်လ ၆၊ ၇ ရက်နေ့မှာ ရှမ်းပြည်နယ်အစိုးရ ဝန်ကြီးချုပ်ဦးအောင်အောင် ဦးဆောင်တဲ့ အဖွဲ့ကိုယ်စားလှယ်တွေဟာ "ဝ" ပြည်နယ်ထိပ်သီးခေါင်ဆောင်တွေနဲ့ သွားရောက်တွေ့ဆုံခဲ့ပါတယ်။

(၂) အဖွဲ့အစည်း အသီးသီးကို ကာလအသီးသီးတွင် မိမိတို့တတ်စွမ်းသမျှ ကူညီထောက်ပံ့မှုများပေးခဲ့ပါသည်။ ယနေ့မှစ၍ "ဝ" ပြည်နယ်သည် မည်သည့် အခြေအနေမျိုးတွင်မဆို လက်နက်များ၊ စစ်ရေးလမ်းကြောင်း သို့မဟုတ် အဖွဲ့အစည်းများအား စီးပွားရေး အကူအညီများ ပေးအပ်မည်မဟုတ်။

အသိပေးကြေငြာချက် (၂) အရ "ဝ" ဟာ ၁၀၂၇ စစ်ဆင်ရေးထဲ တိုင်းရင်းသား လက်နက်ကိုင်အပြင်၊ အဖွဲ့အစည်းအသီးသီးကို လိုအပ်တဲ့ကူညီထောက်ပံမှုတွေ ပေးခဲ့တဲ့အကြောင်း ဝန်ခံထားပါတယ်။

ရှမ်းမြောက်မှာ ညီနောင်မဟာမိတ် သုံးဖော် (TNLA, MNDAA, AA) က ဖော်ဆောင်လိုက်တဲ့ ၁၀၂၇ စစ်ဆင်ရေး ပထမလှိုင်းထဲ စစ်ရေးဆင်ရာမှာ လွယ်ကူချောမွေ့စေဖို့ လက်နက်ပစ္စည်း၊ လမ်းကြောင်းတွေ သုံးခွင့်ပြုခဲ့ပါတယ်။

ကိုးကန့်တပ်မတော် - MNDAA ကဦးဆောင်တိုက်ခိုက်ခဲ့တဲ့ ကွမ်းလုံ၊ ချင်းရွှေဟော်၊ လောက်ကိုင် တိုက်ပွဲအတွင်း UWSA ထိန်းချုပ်ဒေသ နမ့်တစ်ကတဆင့် စစ်ရေးအကူအညီ၊ လမ်း ကြောင်း၊ နယ်မြေငှားရမ်းကာ စစ်သင်တန်းပေးစေသလို မြို့နယ်အသီးသီးက သိန်းနဲ့ချီတဲ့ စစ်ဘေးရှောင်တွေကို အကူအညီပေးခဲ့ပါတယ်။

MNDAA ရဲ့ဦးဆောင်မှုနဲ့အတူ အာရက္ခတပ်တော် - AA, ပူးပေါင်းတပ်တွေဖြစ်ကြတဲ့ စစ်ကိုင်းနဲ့ ပဲခူးတိုင်းက ပြည်သူ့ကာကွယ်ရေးတပ် pdf လူငယ်တွေရဲ့တက်ညီလက်ညီ အတူတကွပူးပေါင်း တိုက်ခိုက်ခဲ့ခြင်းကြောင့် စစ်ရေးမှာ အဓိက ဗျူဟာကျတဲ့ ကွမ်းလုံမြို့ရက် (၄၀) မြန်မာ့သမိုင်းကိုပင် ပြောင်းပြန်လှန်နိုင်ခဲ့တဲ့ထိ မြို့သိမ်းတိုက်ပွဲတွေ အသီးသီးဖော်ဆောင်နိုင်ခဲ့ကြပါတယ်။

(၃) တရုတ်အာဏာပိုင်များသည် 'ဝ' အဖွဲ့များ၏ ကုမ္ပဏီများနှင့် လူပုဂ္ဂိုလ်များ ပိုင်ဆိုင်သည့် ပိုင်ဆိုင်မှု ဒေါ်လာဘီလီယံပေါင်းများစွာကို ရပ်တန့်ထားပြီး နယ်စပ်ဂိတ်၌ ကန့်သတ်ချက်များ ချမှတ်ထားကာ လက်ရှိဖြစ်ပွားနေသော ပဋိပက္ခတွင် ပါဝင်နေသည့် လက်နက်ကိုင်အဖွဲ့များကို ထောက်ပံ့မှု မရပ်မချင်း ပြင်းပြင်း ထန်ထန် အရေးယူမည်ဟုဆိုသည်။

ရှမ်းမြောက်က ၁၀၂၇ စစ်ဆင်ရေးဟာ တရုတ်နိုင်ငံရဲ့ ကျားဖျန်ဂိုဏ်း နှိမ်နင်ရေးကြောင့် မီးစိမ်းပြလိုက်လို့ ပေါ်ပေါက်ခဲ့သလို ယခုမီးနီပြလာတဲ့အပေါ် တိုင်းရင်းသား လက်နက်ကိုင်တွေ အနေနဲ့ရောက်ရာ အရပ်နေရာမှာ စစ်ရေးဆက်လက်မဖော်ဆောင်ပဲ ရပ်တန့်လိုက်ဖို့ တရုတ်က ဖိအားပေးလာပြန်ပါတယ်။

၁၀၂၇ ပထမလှိုင်းထဲ အသံတိတ်နေပေမဲ့ ဒုတိယလှိုင်းထဲ ကိုးကန့်တပ်မှ ကွမ်းလုံကို ကျော်လွန်ပြီး ပြည်ထောင်စု လမ်းမကြီးတစ်ကြော သိန္နီ၊ လားရှိုးကို သိမ်းပိုက်လိုက်ချိန်၊ တစ်ဖက်မှာလည်း တအာင်းတပ် - TNLA မှ သီပေါ၊ ကျောက်မဲ၊ နောင်ချို၊ မိုးကုတ်အပြင် တော်လှန်ရေးတပ်တွေနဲ့ပူးပေါင်းကာ မန်းလေး၊ ပြင်ဦးလွင်၊ မြန်မာပြည် အလယ်ပိုင်းထိ စစ်မျက်နှာ ဖြန့်ကျက်လာနိုင်ချိန်မှာတော့ တရုတ်က မျက်ခုံးစတင် လှုပ်ခတ်လာပါတော့တယ်။

ကိုးကန့်တပ် - MNDAA ရဲ့ကွမ်းလုံကို ကျော်လွန်ပြီး အရှေ့မြောက်တိုင်း စစ်ဌာနချုပ် (ရမခ) တည်ရှိတဲ့ လားရှိုးထိ နယ်မြေစိုးမိုးလာနိုင်တဲ့အပေါ် တရုတ်ဟာ ဘယ်လိုနည်းနဲ့မှ လက်မခံသလို စစ်ကောင်စီခေါင်းဆောင် မင်းအောင်လှိုင်ကိုယ်တိုင် တရုတ်ကိုသွားတွေ့ပြီ ဒီအခြေအနေအပေါ် ဆွေးနွေးခဲ့ပါတယ်။

အဲ့နောက်မှာတော့ တိုင်းရင်းသား လက်နက်ကိုင်တပ်ဖွဲ့ထဲ အင်အားအကြီးဆုံးနဲ့ လက်ရှိ FPNCC အဖွဲ့ရဲ့ ဥက္ကဌတာဝန်ကိုယူထားတဲ့ "ဝ" တပ် - UWSA ကတစ်ဆင့် MNDAA, TNLA အဖွဲ့တွေဆီ နားချစေခဲ့ပါတယ်။

တရုတ်ဟာ ၎င်းမျော်မှန်းထားသလို ဖြစ်မလာပဲ ရှမ်းမြောက်မှာ စစ်ရေး၊ တိုက်ပွဲအရှိန်တွေ ပိုအားကောင်းလာချိန်မှာတော့ "ဝ" ကိုခေါ်တွေ့ပြီး အကျပ်ကိုင် ဖိအားပေးခဲ့ပါတယ်။

တရုတ်ရဲ့အစောပိုင်း အကျပ်ကိုင် ဖိအားပေးမှုဟာ ၁၀၂၇ စစ်ဆင်ရေး ဒုတိယလှိုင်း သြဂုတ်လထဲ စတင်ခဲ့ပြီး "ဝ" - တရုတ် နယ်စပ်ဂိတ်ကြီး (၄) ခုမှာ ကုန်စည်တင်သွင်းခွင့်တွေနဲ့ လူအဝင်အထွက်တွေကို စတင်ကန့်သတ် ပိတ်ပင်လိုက်ပါတယ်။

နယ်စပ်ဂိတ်တွေထဲ "ဝ" ဘက်က နယ်စပ်ဂိတ်ကြီးတွေဖြစ်တဲ့ မုန်းအား(မုန်းစီးဂိတ်)၊ ဆောဖာ (ပန်ဝိုင်ဂိတ်)၊ မန်ခါး (နမ့်တစ်ဂိတ်) နဲ့ ယုံးဟော့

ဂိတ်တွေအပြင် ၁၀၂၇ ထဲတိုင်းရင်းသား လက်နက်ကိုင်တွေ ထိန်းချုပ်လိုက်တဲ့ နယ်စပ်ဂိတ်တွေလည်း ပါဝင်ပါတယ်။

အခုလို "ဝ" နယ်စပ်ဂိတ်တွေ ကန့်သတ်ပိတ်ပင်လိုက်တာကြောင့် "ဝ" ပြည်နယ် ခရိုင်လေးခု (ဟိုပန်၊ မိုင်းပေါက်၊ မိုင်းလင်း၊ မိုင်းမော) အောက်မှာနေထိုင်ကြတဲ့ ပြည်သူတွေဟာ ဒေသတွင်း စားသောက်ကုန်၊ လူသုံးကုန်၊ အခြေခံဆေးဝါး၊ လျှပ်စစ်ပစ္စည်း၊ အိမ်ဆောက်ပစ္စည်းနဲ့ ဓာတ်ဆီပြတ်လပ်တာတွေနဲ့ ရင်ဆိုင်ကြရပါတယ်။

ကုန်ပစ္စည်းတွေ သယ်ယူခွင့်ကန့်သတ်လိုက်တာကြောင့် လူတစ်ဦး၊ မိသားစုတစ်စုကို တစ်ပိုင်တစ်နိုင် ခြင်းတစ်ခြင်းစာသာ စျေးဝယ်ခွင့်ရတဲ့ထိ အကြပ်ရိုက်စေခဲ့သလို ဒေသတွင်း သီးနှံစိုက်ပျိုးကာ စိုက်ပျိုးရေးလုပ်ငန်းနဲ့ အသက်မွေးကြတဲ့ ပြည်သူတွေအတွက် တရုတ်ကိုတင်သွင်းခွင့်မရတော့တာကြောင့် ဝမ်းစာရေးမှာ အခက်တွေ့လာကြရပါတယ်။

"ဝ" ဟာစီးပွားရေး၊ လူမှုရေး အစစအရာရာမှာ တရုတ်ကို မှီခိုနေရသလို "ဝ" လူမျိုး၊ အမျိုးသားတွေ အများစု တရုတ်ပြည်မှာ နေထိုင်ကြပါတယ်။

ယခင်က "ဝ" မှတ်တင်နဲ့ တရုတ်ပြည်ထဲကို ဖြတ်သန်း သွားလာနိုင်ပေမဲ့ တရုတ်ရဲ့ နယ်စပ်ဂိတ်မှာ လူအဝင်အထွက်တွေ ကန့်သတ်လိုက်တဲ့နောက် အချိန်တစ်ခုကြာ သွားလာမှုတွေ ရပ်တန့်စေခဲ့ပါတယ်။

ဒီအခြေအနေတွေဟာ "ဝ" လူမျိုး၊ အမျိုးသားတွေအတွက် တရုတ်ပြည်မှာရှိကြတဲ့ မိဘ ဆွေမျိုးများ၊ စီးပွားရေး လုပ်ငန်းများ သွားရောက်ကြည့်ရှုဖို့အတွက် သွားလာရေးမှာ အခက်အခဲတစ်ခု ဖြစ်လာပါတယ်။

ဒါ့အပြင် ဒေသတွင်း စက်သုံးဆီပြတ်လပ်တာတွေ မကြာခဏဖြစ်ပေါ်ခဲ့ကာ လျှပ်စစ်ပစ္စည်း၊ အိမ်ဆောက်ပစ္စည်းတွေကိုလည်း အကန့်အသတ်နဲ့သာ သယ်ယူခွင့်ပြုတာကြောင့် ဆောက်လုပ်ရေး လုပ်ငန်းတွေ ရပ်တန့်လိုက်ရသလို စီးပွားရေးလုပ်ငန်းမှာ ရင်းနှီးမြှပ်နှံကြတဲ့ တရုတ်လုပ်ငန်းရှင်တွေ ထွက်ခွာခဲ့ကြပါတယ်။

တစ်ဖက်မှာလည်း ကိုးကန့်တပ် - MNDAA ထိန်းချုပ်ဒေသဘက်ကို (ဆန်တစ်စိ၊ ပန်းသီးတစ်ကိုက်၊ ဟင်းတစ်ပွဲမျှ) စားသောက်ကုန်၊ ဆေးဝါး၊ လက်နက်ပစ္စည်းတွေ မစီးဆင်းစေဖို့ တရုတ်ဟာ "ဝ" နဲ့ ကိုးကန့်တပ် ထိန်းချုပ်ဒေသကို ဆက်သွယ်ထားတဲ့ ဖောင်ဆိပ်တံတား၊ ညီနောင်တံတားတွေမှာ လုံခြုံရေး၊ ထောက်လှမ်းရေးထားရှိကာ အဝင်အထွက်စာရင်းတွေကို သေချာစီစစ် စေခဲ့ပါတယ်။

အရေးကြီးဆုံးတစ်ချက်မှာ "ဝ" တပ်ရဲ့ ဘဏ်ငွေကြေးစနစ်တွေကို တရုတ်ထိန်းချုပ်ခဲ့ပါတယ်။ ငွေကြေးစနစ်အရ ယွမ်ငွေသုံးစွဲတဲ့ "ဝ" အတွက် အခုလိုဘဏ်တွေ ထိန်းချုပ်ခံလိုက်ရတာကလည်း ကြီးမားတဲ့ စိန်ခေါ်ချက်တစ်ခုဖြစ်လာခဲ့ပါတယ်။

တစ်ချိန်တည်းမှာပဲ "ဝ" တပ် - UWSA ရဲ့

မျိုးဆက်သစ်ခေါင်းဆောင်၊ ဒုတိယ စစ်ဦးစီးချုပ် ပေါက်ကျွင်းဖုန်း (ခေါ်) အာချန်ကို တရုတ် အစိုးရအာဏာပိုင်က “၁၀၂၇ စစ်ဆင်ရေး” စတင်တဲ့ အောက်တိုဘာလထဲမှာပဲ ကျားဖြန့်ဂိုဏ်းနဲ့ ပတ်သက်တယ်လို့ဆိုကာ တရုတ်နိုင်ငံထဲ ဖမ်းဆီးခဲ့ပါတယ်။

"'ဝ' အဖွဲ့များ၏ ကုမ္ပဏီများနှင့် လူပုဂ္ဂိုလ်များ ပိုင်ဆိုင်သည့် ပိုင်ဆိုင်မှု ဒေါ်လာဘီလီယံပေါင်းများစွာကို ရပ်တန့်ထားပြီး နယ်စပ်ဂိတ်၌ ကန့်သတ်ချက်များ ချမှတ်ထားကာ လက်ရှိဖြစ်ပွားနေသော ပဋိပက္ခတွင် ပါဝင်နေသည့် လက်နက်ကိုင်အဖွဲ့များကို ထောက်ပံ့မှု မရပ်မချင်း ပြင်းပြင်း ထန်ထန် အရေးယူမည်ဟုဆိုသည်" UWSA/ UWSP ဒုတိယ ဥက္ကဌဦးကျောက်ကော်အန်း ပြောဆိုချက်ထဲ ဒီအချက်ဟာ "ဝ" တပ်ရင်ဆိုင်ရတဲ့ အကြီးမားဆုံး အကြပ်အတည်းဖြစ်ပါတယ်။

၁၀၂၇ စစ်ဆင်ရေးစတင်တဲ့ ၂၀၂၃ ခုနှစ်ထဲမှာပင် "ဝ" ဟာ တရုတ်အလိုကျ ၎င်းဒေသထဲက ကျားဖျန်နဲ့ပတ်သက်တဲ့ လုပ်ငန်းတွေ ဖမ်းဆီးတာ၊ ကျားဖျန်လုပ်ကိုင်ကြတဲ့ တရုတ်နိုင်ငံသားတွေ လွှဲပြောင်းပေးတာ ဆက်တိုက်ဆိုသလို တက်ကြွစွာနဲ့ ဖမ်းဆီးလွှဲပြောင်း ပေးခဲ့ပေမဲ့ တရုတ်ဟာ ဒီရလဒ်ကို မတင့်တိမ်နိုင်ခဲ့ပါဘူး။

တစ်ဆက်တည်း ၂၀၂၄ ခုနှစ်၊ ၁၀၂၇ ဒုတိယလှိုင်း စစ်ဆင်ရေး အရှိန်ကောင်းလာချိန်မှာတော့ ဝါးလုံးရှည် ဒုတ်နဲ့ပတ်ရမ်းသလို "ဝ" တပ်ဟာ ညီနောင်မဟာမိတ်တွေဆီ စစ်လက်နက်နဲ့အခြားအကူအညီတွေ ဆက်လက်ထောက်ပံ့နေတယ်ဟု စွပ်စွဲကာ "ဝ" ဒေသထဲ ကျားဖျန်အပြင် အခြားသောစီးပွားရေး လုပ်ငန်းတွေ လာရောက်ရင်းနှီးမြှုပ်နှံကြတဲ့ တရုတ်နိုင်ငံသားအကုန် ပြန်ဆင့်ခေါ်ခဲ့ပါတယ်။

"ဝ" ပြည်နယ်ထဲ အမျိုးမျိုးသော စီးပွားရေးလုပ်ငန်းတွေကို ရင်းနှီးမြှပ်နှံပြီး လုပ်ကိုင်ကြသူတွေ အများစုဟာ တရုတ်နိုင်ငံသားတွေ ဖြစ်ကြပြီး အခုလို တရုတ်ဘက်က ပြန်လည်ဆင့်ခေါ်လိုက်တာဟာ "ဝ" ပြည်နယ်ရဲ့ဝင်ငွေရရှိမှုကို တစ်နည်းတစ်ဖုံ အဟန့်အတားဖြစ်စေခဲ့ပါတယ်။

(၄) တရုတ်နိုင်ငံသည် မြန်မာနိုင်ငံမြောက်ပိုင်းတွင် နောက်ထပ်တိုက်ပွဲများ ထပ်မံဖြစ်ပွားခွင့်မပြုပါ။ ယခုတရုတ်နိုင်ငံရဲ့ အရေးယူမှုတွေဟာ "ဝ" ပြည်နယ် ခံနိုင်ရည်ထက် ကျော်လွန်နေပြီး တရုတ်က ဒီထက်ပိုပြီး ဖိအားပေးတင်းကြပ် လာပါက မိမိတို့ "ဝ" ပြည်နယ် အနေနဲ့ရလဒ်ကို မှန်းဆရန်ပင် ခက်ခဲလွန်းပါသည်။

UWSA/UWSP ဒုတိယ ဥက္ကဌ၊ ပြင်ပဆက်ဆံရေးဝန်ကြီး ကျောက်ကော်အန်း ပြောဆိုချက်အရ မဟာမိတ် အဖွဲ့တွေကို လက်နက်အပြင် လမ်းကြောင်း ပံ့ပိုးကူညီပေးမှုကြောင့် ရှမ်းပြည်မြောက်ပိုင်းမှာ အခုလို တိုက်ပွဲတွေ အရှိန်မြှင့်လာရခြင်းဖြစ်ကြောင်း ဘေဂျင်းအစိုးရက "ဝ" တပ်ကို စွပ်စွဲပြောဆိုထားသလို အဲ့ဒီအပေါ် "ဝ" တပ်အနေနဲ့ တာဝန်ရှိပြီး ဖြစ်ပေါ်လာသမျှ အကျိုးဆက်တွေကိုလည်း တာဝန်ခံရမှာဖြစ်တယ်လို့တရုတ်က ခြိမ်းခြောက်ဖိအားပေးခဲ့ပါတယ်။

- အခုလို "တရုတ်ရဲ့ဘက်လိုက် ရပ်တည်ချက်နဲ့အတူ ၁၀၂၇ စစ်ဆင်ရေးအပေါ် အကျိုးသက်ရောက်မှု"

ဒီအခြေအနေတွေနဲ့ပတ်သက်ပြီး မြန်မာ့အရေး ကျွမ်းကျင်သူ ဆွိဒင်ဝါရင့် သတင်းစာဆရာ Bertil Lintner - ဘာတေးလစ်တနား က

"အခြေခံအားဖြင့် UWSP (ဝပြည်နယ် သွေးစည်းညီညွှတ်ရေးပါတီ) ဟာ တရုတ်ရဲ့ ဖိအားကို လိုက် လျောလိုက်တာပါပဲ။ ဒီအချိန်ကိုက်ကျတဲ့ဟာက ကြိုတင်တွက်ဆမှုရှိပါတယ်။ တရုတ်အစိုးရက ဒီကနေ့အချိန်မှာ စစ်တပ်က အာဏာဆက်ထိန်းနိုင်တော့မယ်လို့ ကောက်ချက်ချလိုက်ပြီး၊ တော်လှန် ရေးဘက်က (တိုင်းရင်းသား လက်နက်ကိုင်တွေရော၊ ဗမာ နိုင်ငံရေးအဖွဲ့တွေပါ) မအောင်မြင်နိုင်တော့ဘူးလို့ ယူဆလိုက်တာပါ။ ဒါဟာ အထူးသဖြင့် စစ်ကောင်စီက ကျင်းပမယ့် ရွေးကောက်ပွဲတွေကြောင့် အရေးပါနေပါတယ်။ စစ်ကောင်စီက ဒီရွေးကောက်ပွဲကို ကျင်းပပြီး သူတို့အုပ်ချုပ်မှုကို တရားဝင် ရစေမယ်လို့ မျှော်လင့်နေပြီး၊ တရုတ်ဘက်ကလည်း ဒါကို "မှန်ကန်တဲ့ လမ်းကြောင်းပေါ် ခြေလှမ်း" တစ်ခုလို့ မြင်နေတာပါ။ တရုတ်ဘက်က စစ်ကောင်စီရဲ့ ရွေးကောက်ပွဲ ကျင်းပရေး အစီ အစဉ်ကို ထောက်ခံကြောင်း ကြေညာပြီးသားဖြစ်ပြီး၊ အခြားသော လွတ်လပ်တဲ့ လေ့လာသူ အဖွဲ့အစည်းတွေကတော့ ဒီရွေးကောက် ပွဲကို အသိအမှတ်မပြုကြပါဘူး"

"UWSP ရဲ့ ဆုံးဖြတ်ချက်ဟာ (တကယ်တော့ တရုတ်ရဲ့ ဆုံးဖြတ်ချက်ပါ) TNLA နဲ့ MNDAA တို့ရဲ့ တိုက်ခိုက်နိုင်စွမ်းအပေါ် သက်ရောက်မှုရှိလိမ့်မယ်။ TNLA ကို မန္တလေး-မူဆယ် ကားလမ်းမကြီး (တရုတ်နိုင်ငံဆီသို့ အဓိက ကုန်သွယ်ရေး လမ်း ကြောင်း) တလျှောက်က သိမ်းပိုက်ထားတဲ့ မြို့ငယ်တွေကနေ ဆုတ်ခွာဖို့ တရုတ်ဘက်က ဖိအားပေးနေပြီးသားဖြစ်ပါတယ်။ AA (ရက္ခိုင့်တပ်တော်) ကတော့ သိပ်မထိခိုက်နိုင်ပါဘူး။ AA ဟာ UWSP/UWSA (ဝတပ်တော်) ကနေ လက်နက်တွေရရှိခဲ့ပေမယ့်၊ မြန်မာစစ်တပ်ဆီကနေလည်း လက်နက်ပစ္စည်းတွေ အမြောက်အများ သိမ်းပိုက်ရရှိထားတာကြောင့် TNLA နဲ့ MNDAA (သူတို့နဲ့အတူ တိုက်ခိုက်နေကြတဲ့ ပြည်သူ့ကာကွယ်ရေးတပ် အဖွဲ့အချို့) တို့လို UWSP/UWSA ရဲ့ လက်နက်ထောက်ပံ့မှုကို မှီခိုနေရတဲ့အဆင့် AA မှာမရှိပါဘူး" ဟု ပြီးခဲ့တဲ့ သြဂုတ် ၂၆ ရက်နေ့က "ဝ" လူငယ့်အသံကို ပြောပါတယ်။

၁၀၂၇ စစ်ဆင်ရေးနဲ့အတူ "ဝ" တပ်ဟာ တရုတ်ဖိအား၊ ညီနောင်မဟာမိတ်ကြားနဲ့ FPNCC အဖွဲ့ဝင်ကြား သွေးကွဲပျက်ပြားယောင် ဖန်တီးလာတဲ့ တရုတ်ရဲ့ဘက်လိုက် ရပ်တည်ချက်၊ ရှမ်းမြောက်တစ်ခွင် ဘက်ပေါင်းစုံ စစ်မျက်နှာကို ဖြန့်ကျက် ရင်ဆိုင်ထားနေရတဲ့ "ဝ" တပ် - UWSA အတွက် ရေရှည်မှာ ကြီးမားတဲ့ စိန်ခေါ်ချက်တစ်ခုဖြစ်နေသလို လက်ရှိနွေးဦးတော်လှန်ရေး ပေါ်ပေါက်လာရခြင်း အကြောင်းတရား အရင်းခံဟာ အာဏာရှင်ကို ဆန့်ကျင်ကြတဲ့ ပြည်သူတစ်ရပ်ကြောင့်သာ ဖြစ်တယ်ဆိုတဲ့ အချက်ဟာ "ဝ" တပ် - UWSA အတွက်သာဓက တစ်ခုအဖြစ် တည်ရှိနေပါတယ်။

Photo - Social Media

#Wanewsland Independent

#UWSA

#RejectMilitaryCoup

#Chinese #Pressure

[min-is-king]

လက်ရှိ မြန်မာ့ရေးရာ

[min-is-king]

"ILO က အဓမ္မ စစ်မှုထမ်းခိုင်းခြင်းသည် အဓမ္မလုပ်အားပေးမှု မြောက်ပါတယ်လို့ ပြောထားပါတယ်။ စစ်အုပ်စုရဲ့ နိုင်ငံတကာမှာ ရှိတဲ့ International Financial Transaction ကို လုံးဝပိတ်ဖို့ လိုပါတယ်။ အဓိကကျတဲ့ စစ်အုပ်စုရဲ့ ငွေကြေးကို ဖြတ်လိုက်ဖို့ ILO အဖွဲ့က ချမှတ်တဲ့ Article 33 ကို အသုံးပြုပြီး ပိတ်မယ်ဆိုရင် တစ်နေရာတည်းမှာ တစ်ချက်တည်းနဲ့ နိုင်ငံအလိုက် Sanction ချထားတာကို အားဖြည့်ပေးမယ့် လုပ်ငန်းပေါ်လာပါမယ်"

မြန်မာနိုင်ငံလုံးဆိုင်ရာအလုပ်သမားသမဂ္ဂများအဖွဲ့ချုပ် (CTUM)၏ ဥက္ကဋ္ဌ ဦးမောင်မောင်နှင့်တွေ့ဆုံခြင်း

By ရန်ကုန်ခေတ်သစ်

မြန်မာနိုင်ငံတွင် စစ်တပ်က အဓမ္မစစ်မှုထမ်းခိုင်းစေခြင်း ၊အလုပ်သမား၊ အလုပ် ရှင်နှင့်လူ့အခွင့် အရေး ချိုးဖောက်နေမှုများ ကျူးလွန်နေကြောင်း ILO ကမ္ဘာ့အလုပ်သမားအဖွဲ့ချုပ် က ထပ်မံအတည်ပြုလိုက်ပြီး ILO၏ Article 33 အရ အလုံးစုံ စီးပွားရေးပိတ်ဆို့မှုဖြင့် အရေးယူရေး အတည်ပြုရန် စာတမ်းတင်ပြခိုင်းသည့် အခြေအနေများနှင့်ပတ်သက်ပြီး မြန်မာနိုင်ငံလုံးဆိုင်ရာအလုပ်သမားသမဂ္ဂများအဖွဲ့ချုပ် (CTUM)၏ ဥက္ကဋ္ဌ ဦးမောင်မောင်ကို ရန်ကုန်ခေတ်သစ်သတင်းဌာနက မေးမြန်းထားပါသည်။

မေး ။ ။ ကမ္ဘာ့အလုပ်သမားအဖွဲ့ချုပ် ILO အစည်းအဝေးမှာ မြန်မာအကြမ်းဖက်စစ်ကောင်စီကို အရေးယူဖို့ ဘယ်လိုဆုံးဖြတ်ချက်တွေ ချခဲ့လဲ။

ဦးမောင်မောင် ။ ။ ဟုတ်ကဲ့။ မနေ့တုန်းက နိုဝင်ဘာလ ၆ ရက်နေ့က ကမ္ဘာ့အလုပ်သမားရေးရာအဖွဲ့ချုပ်ရဲ့ ၃၂၅ ကြိမ်မြောက် အုပ်ချုပ်ရေး ကော်မတီကနေပြီးတော့ ဆုံးဖြတ်ချက်ချလိုက်တာပါ။ ဆုံးဖြတ်ချက်ချလိုက်တာက မြန်မာပြည်မှာ အလုပ်သမားအခွင့်အရေးတွေ ချိုးဖောက်တာတွေ ရှိတယ်၊ အဓမ္မလုပ်အားပေးတာတွေ ရှိတယ် ဒါတွေကို စစ်အုပ်စုက ကျူးလွန်တယ်။ ကျူးလွန်တာကို ၂၀၂၁ ခုနှစ်ကတည်းက တောက်လျှောက် ကမ္ဘာ့အလုပ်သမားရေးရာအဖွဲ့ချုပ်ကို တင်ပြပါတယ်။

၂၀၂၃ မှာတော့ ကျွန်တော်တို့က အလုပ်ရှင် အလုပ်သမား အစိုးရဆိုပြီးတော့ ၃ ပွင့်ဆိုင်အနေနဲ့ တင်ပြပါတယ်။ ဘာလို့လဲဆိုတော့ အခြေခံအခွင့်အရေးချိုးဖောက်ခံရတာက အလုပ်သမားတင်မကပါဘူး။ အလုပ်ရှင်တွေလည်း ပါပါတယ်။ ခဏနေလို့ရှိရင် လုပ်ငန်းတွေကို သိမ်းလိုက်တယ်။ ခဏနေလို့ရှိရင် ရွှေလုပ်တဲ့လူတွေကို ဖမ်းတယ်။ ခဏနေလို့ရှိရင် ငွေလဲလှယ်တဲ့ လူတွေကို ဖမ်းတယ်။ ခဏနေလို့ရှိရင် စပါးကုန်သည်တွေ ဖမ်းတယ်။ ခဏနေရင် လောင်စာလုပ်တဲ့လူတွေကို ဖမ်းတယ်ဆိုတာ ဒါ အလုပ်ရှင်တွေလည်း ချိုးဖောက်ခံရတာဖြစ်တဲ့အတွက်ကြောင့် ကျွန်တော်တို့က အလုပ်ရှင်တွေရော အလုပ်သမားရော အစိုးရရော NUG နဲ့ တွဲပြီးတော့ တင်ပြပါတယ်။ တင်ပြတဲ့အပေါ်မှာ ကမ္ဘာ့အလုပ်သမားရေးရာအဖွဲ့ချုပ်က အခုလို အုပ်ချုပ်မှုကော်မတီကနေ ဆုံးဖြတ်ချက်ချပေးလိုက်တာ ဖြစ်ပါတယ်။

မေး ။ ။ ဘယ်လို ဆုံးဖြတ်ချက်မျိုးတွေလဲ။

ဦးမောင်မောင် ။ ။ ဆုံးဖြတ်ချက်ချတဲ့ဟာက အဓိက ကျတာက ကမ္ဘာ့အလုပ်သမားရေးရာအဖွဲ့ချုပ်ရဲ့ အခြေခံဥပဒေ အမှတ် ၃၃။ အတိုကောက်ပြောရင် အင်္ဂလိပ်လိုတော့ Article 33 ပေါ့။ Article 33 က ဘာကို ပြောတာလဲဆိုရင် ကမ္ဘာ့အလုပ်သမားရေးရာအဖွဲ့ချုပ်ရဲ့ အဖွဲ့ဝင် အလုပ်ရှင်လည်း ရှိတယ်၊ အလုပ်သမားလည်း ရှိတယ်၊ အစိုးရလည်း ရှိတယ်။ ဒီအဖွဲ့ဝင်တွေက ကမ္ဘာ့အလုပ်သမားရေးရာအဖွဲ့ချုပ်မှာ အဖွဲ့ဝင်ထားပြီးတဲ့ နောက်မှာ ကမ္ဘာ့အလုပ်သမားရေးရာအဖွဲ့ချုပ်က စံထားတဲ့ နှုန်းတွေကို မလိုက်နာဘူး ၊ အကြံပြုပြီး ပြုပြင်ပြောင်းလဲပါလို့ ပြောတာကို မလိုက်နာလို့ရှိရင် Article 33 အရ အရေးယူလို့ရတယ်ဆိုတဲ့ အခြေခံဥပဒေရှိပါတယ်။

အဲဒီအခြေခံဥပဒေကို စတင်ပြီးတော့ လာမယ့် ၂၀၂၅ မတ်လမှာ လုပ်မယ့် ကမ္ဘာ့အလုပ်သမားရေးရာ အဖွဲ့ချုပ်ရဲ့ အုပ်ချုပ်မှုကော်မတီ အစည်းအဝေးမှာ အတည်ပြုဖို့ကို စာတမ်းရေးပါလို့ ပြောထားပါတယ်။ အဲဒီလို စာတမ်းရေးပြီးတဲ့ နောက်မှာ ၂၀၂၅ ဇွန်လမှာ လုပ်မယ့် ကမ္ဘာ့အလုပ်သမားရေးရာအဖွဲ့ချုပ်ရဲ့ ညီလာခံမှာ ဒါကို အတည်ပြုပြီးတဲ့နောက် စစ်အုပ်စုပေါ်မှာ အရေးယူဖို့ဆိုတာကို ပြောထားပါတယ် ခင်ဗျာ။

မေး ။ ။ ဒီ စာတမ်းသာ အတည်ပြုပြီးသွားရင် ၂၀၂၅ မှာ စစ်ကောင်စီက အရေးယူခံရတော့မှာပေါ့နော် ဆရာ။

ဦးမောင်မောင် ။ ။ ဟုတ်ကဲ့ပါ ။ ကျွန်တော် တင်ပြချင်တာက အခုအချိန်က ရှက်ဖို့တော့ ကောင်းတာပေါ့နော်။ ကျွန်တော်တို့ နိုင်ငံက နိုင်ငံအနေနဲ့က ဒီလို Article 33 ကမ္ဘာ့အလုပ်သမားရေးရာအဖွဲ့ချုပ်ရဲ့ အခြေခံဥပဒေ ၃၃ အရ အရေးယူခံရတာ ဒုတိယအကြိမ်မြောက် ဖြစ်ပါတယ်ဆိုတာကို ပြောချင်ပါတယ်။ ၁၉၉၆ ဗိုလ်ခင်ညွန့်တို့ SLORC(န၀တ) ဘဝနဲ့ ရှိတုန်းကလည်း အဲဒီလိုပါပဲ။ အဓမ္မလုပ်အားပေးတွေ ခေါ်တယ် ၊ ပေါ်တာတွေ ဆွဲတယ်။ ရွာသူ ရွာသားတွေအပေါ်မှာ ဒုက္ခပေးတဲ့ အပေါ်မှာ မူတည်ပြီးတော့ ကျွန်တော်တို့ အဲဒီတုန်းကတော့ အလုပ်သမားအဖွဲ့ချုပ်အနေနဲ့ ကမ္ဘာ့အလုပ်သမားရေးရာ အဖွဲ့ချုပ်ကို သတင်းတွေ တင်ပို့ခဲ့ပါတယ်။ တင်ပို့ပြီးတဲ့နောက်မှာ သက္ကရာဇ် ၂၀၀၀ မှာ ဒီလိုပဲ ကမ္ဘာအလုပ်သမားရေးရာ အဖွဲ့ချုပ်ကနေပြီးတော့ Article 33 အရ စစ်အုပ်စုအပေါ်မှာ အရေးယူခဲ့ပါတယ်။ အဲဒီအရေးယူတဲ့အပေါ်မှာ မူတည်ပြီးတော့ ဖိအားပေးခဲ့တယ်။

စီးပွားရေးပိတ်ဆို့မှုတွေ လုပ်ခဲ့တဲ့အတွက်ကြောင့် တဖြည်းဖြည်းနဲ့ ပြောင်းလဲလာတဲ့ အနေအထားဖြစ်သွားပါတယ်။ အခုလည်း မျှော်မှန်းတာကတော့ စစ်အုပ်စုသည် အဓမ္မလုပ်အားပေးမှု၊ ရွာတွေကို ဗုံးကြဲမှု၊ ကလေးအလုပ်သမားတွေ ခိုင်းစေမှု၊ ဒီဟာတွေ အားလုံးကို ဆက်လက်ပြီး ကျူးလွန်နေတယ်။ လာမယ့် ၂၀၂၅ ကျရင်တော့ ဆက်လက်ပြီးတော့ ကမ္ဘာ့အလုပ်သမားရေးရာအဖွဲ့ချုပ်ကနေ တစ်ဆင့် Article ၃၃ ကို အသုံးပြုပြီးတော့ စီးပွားရေး ပိတ်ဆို့မှုတွေ၊ ဒီ အပြည်ပြည်ဆိုင်ရာ ခုံရုံးတွေမှာ တရားစွဲတဲ့ အမှုတွေ ၊ နောက်ထပ်တစ်ခါ သူတို့နဲ့ ပုဂ္ဂိုလ်ရေးရာဆိုင်တဲ့ ကိစ္စတွေကို ဆက်လက်လုပ်သွားလို့ ရမယ်လို့လည်း ကျွန်တော်တို့က မျှော်မှန်းပါတယ် ခင်ဗျာ။

မေး။ ။ လတ်တလောမှာရော စစ်ကောင်စီဘက်က သူတို့ အရေးယူမခံရဖို့ ကြိုးပမ်းမှုတွေ ရှိနေလား။

ဦးမောင်မောင် ။ ။ စစ်ကောင်စီဘက်က ရှိပါတယ်။ ၂၀၂၃ မှာဆိုရင် စစ်အုပ်စုရဲ့ အလုပ်သမားဝန်ကြီး ဒုဝန်ကြီးကနေပြီးတော့ လှိုင်သာယာမှာရှိတဲ့ ကနောင် ခန်းမမှာ အလုပ်သမားတွေကို ခေါ်တယ်။ ခေါ်ပြီးတော့ ဘာပြောလဲဆိုတော့ ခင်ဗျားတို့က အလုပ်သမားတွေပဲ ဒီအလုပ်သမားသမဂ္ဂတွေ ဖွဲ့ပေါ့။ ဖွဲ့တဲ့နေရာမှာလည်း ကျွန်တော်တို့ရဲ့အဖွဲ့ချုပ် CTUM ဟာဆိုရင် မှတ်ပုံတင်ထားတဲ့အဖွဲ့ချုပ်ဖြစ်တယ်။ ၂၀၁၅ မှာ မှတ်ပုံတင်ကျထားတဲ့ တစ်ခုတည်းသော အဖွဲ့ချုပ်ဖြစ်ပါတယ်။ အဲဒီထဲက ပုဂ္ဂိုလ်တွေကတော့ အပြည်ပြည်ဆိုင်ရာကို သွားပြီး မဟုတ်မမှန်တဲ့ သတင်းတွေ ပေးတဲ့အတွက် ကျုပ်တို့ကတော့ အရေးယူလိုက်ရတယ်ပေါ့ဗျာ။ ဒါပေမဲ့ အဖွဲ့အစည်းကတော့ ရှိနေတယ်။ အဲဒီအဖွဲ့အစည်းက မပျက်သေးဘူး။ အဖွဲ့အစည်းမှာ ခင်ဗျားတို့ အစားထိုးပြီး ဝင်ပါလားလို့ ကိုဝင်းရှိန် ကိုယ်တိုင်က ပြောတဲ့ လုပ်ငန်းပေါ့ဗျာ။

ဘာလို့ဆို ကျွန်တော်တို့ အလုပ်သမားအဖွဲ့ချုပ် CTUM ဆိုတဲ့ နာမည်နဲ့ ကမ္ဘာ့အလုပ်သမားရေးရာအဖွဲ့ချုပ်မှာ ဝင်ချင်တဲ့အတွက်ကြောင့် သူတို့လုပ်တဲ့ လုပ်ငန်းဖြစ်တယ်။ ပြီးခဲ့တဲ့ လပိုင်းကဆိုလို့ရှိရင် သန်လျင်မှာ ရှိတဲ့ ကျောက်စိမ်းစက်ရုံမှာဆိုရင် အလုပ်သမားတွေကို ခေါ်ပြီးတော့ အဲဒီက မန်နေဂျာကနေ တစ်ဆင့် သူတို့က ဒီမြို့နယ်ခန်းမမှာ ခေါ်ပြီးတဲ့နောက်မှာ Article 33 လုပ်လို့ရှိရင် အလုပ်သမားတွေ အလုပ်ပြုတ်မယ်ဆိုတဲ့ သူတို့ ပြောတယ်ဆိုတဲ့ ကိစ္စတွေ ရှိပါတယ်။

ဒါ့အပြင် သက္ကရာဇ် ၂၀၀၀ တုန်းက အမှုသွားအမှုလာကို နားလည်တဲ့ ပုဂ္ဂိုလ်တွေကို သူတို့ကနေပြီးတော့ ILO ကနေ ပါဝင်ပြီး ပတ်သက်လို့ မရအောင် လုပ်တဲ့ လုပ်ငန်းတွေ ရှိပါတယ်။ စစ်အုပ်စုက အသံတော့ မထွက်ဘူးဗျ။ နိုင်ငံတကာကို ဂရုမစိုက်ဘူးလို့တော့ ပြောတယ်ဗျ။ ဒါပေမဲ့ တကယ်ကျတော့ သက္ကရာဇ် ၂၀၀၀ တုန်းက ဘယ်လိုခံခဲ့ရလဲ သူတို့အတွက်ကြောင့် အကြိတ်အနယ်အောက်မှာ ပြင်နေတဲ့ ကိစ္စတွေ ရှိတယ်။ ပြီးတော့ ကမ္ဘာ့အလုပ်သမားအဖွဲ့ချုပ်ကို သူတို့အစီရင်ခံစာ တင်ပါတယ်။ ဘယ်နေရာမှာတော့ ဘယ်လောက် အလုပ်သမားသမဂ္ဂဖွဲ့ပြီးပါပြီတို့ ဘာတို့ ။ တကယ်ကျတော့လည်း အဲဒီအလုပ်သမားတွေက အလုပ်သမားတွေ ရွေးကောက်ပြီးတော့ တင်မြှောက်တာ မဟုတ်ဘဲနဲ့ အလုပ်ရှင်က ဖွဲ့ပေးတဲ့ အလုပ်အဖွဲ့တွေသာ ဖြစ်ပါတယ်။ ဒါကြောင့်မို့လို့ စစ်အုပ်စုကတော့ ဒါကို အကြိတ်အနယ် အသံမထွက်ဘဲနဲ့ လုပ်နေတယ်လို့ သိရပါတယ်။

မေး ။ ။ CTUM အဖွဲ့အနေနဲ့ စစ်ကောင်စီကို Article 33 နဲ့ ILOက အရေးယူဖို့ ဘာတွေကြိုးပမ်းလုပ်ဆောင်သွားဖို့ ရှိလဲ။

ဦးမောင်မောင် ။ ။ ဟုတ်ကဲ့ ကျွန်တော်တို့က CTUM က ကျွန်တော်တို့ တစ်ဖွဲ့တည်း မဟုတ်ပါဘူး။ ကျွန်တော်တို့မှာ ကဏ္ဍအလိုက် အဖွဲ့ ၉ ဖွဲ့ရှိပါတယ် အပြင်ကို ကျွန်တော်တို့မှာ ၂၀၁၉ က ဖွဲ့ထားတဲ့ မြန်မာနိုင်ငံအလုပ်သမား တပ်ပေါင်းစုဆိုတာ Myanmar Labor Alliance ဆိုတာ ရှိပါတယ်။ ကျွန်တော်တို့ Myanmar Labor Alliance က ဒီအမျိုးသားညီညွတ်ရေးကောင်စီမှာ အဖွဲ့ဝင်တစ်ခုဖြစ်ပါတယ်။ ကျွန်တော်တို့သည် ကျွန်တော်တို့ရဲ့ ဒီကွန်ရက် အပြည်ပြည်ဆိုင်ရာ ကွန်ရက်ကနေ စစ်အုပ်စုကို နည်းမျိုးစုံနဲ့ ဖိအားပေးဖို့ ကြိုးစားပါတယ်။

ဒီနေရာမှာ ဘာရှိလဲဆိုတော့ ကျွန်တော်တို့က စီးပွားရေး ပိတ်ဆို့မှုပေါ့။ အပြည်ပြည်ဆိုင်ရာမှာ ရှိတဲ့ အလုပ်သမားတွေကို ဟေ့ ငါတို့ မြန်မာနိုင်ငံမှာတော့ ဒီလိုပဲ အလုပ်တွေ ခံရတယ်။ နောက်တစ်ခါ ဖေဖော်ဝါရီလ ၁၀ ရက်နေ့က လုပ်တဲ့ မတရား စစ်မှုထမ်းတဲ့ ဥပဒေ ။ ဒါကလည်း အဓမ္မလုပ် အားပေး မြောက်ပါတယ်လို့ ILO က ပြောထားပါတယ်။ ILO က အဓမ္မစစ်မှုထမ်းခိုင်းခြင်းသည် အဓမ္မလုပ်အားပေးမြောက်ပါတယ်လို့ ပြောထားပါတယ်။ ဒါကြောင့်မို့ ငါတို့ လူငယ်တွေ အလုပ်လုပ်တဲ့ အရွယ်တွေ ထွက်ပြေးနေရပါတယ်။ ထွက်မပြေးရင် ဘာဖြစ်မလဲ။ ထွက်မပြေးရင် တပ်ထဲဝင်ခိုင်း သေမှာပေါ့။ သွားပြီးတော့ စစ်တိုက်ခိုင်းရင် လူငယ်တွေ သေကြမှာပေါ့။

အဲဒီလိုမျိုး ရှောင်လာတဲ့အချိန်မှာ ငါတို့လူတွေကို မဖမ်းပါနဲ့ဆိုတဲ့ ကိစ္စကို ကျွန်တော်တို့ ပြောပြတယ်။ ပြောပြတာ ဘယ်လိုပြောပြလဲဆိုတော့ စစ်အုပ်စု မတရားလုပ်တာကို ထုတ်ဖော်ပြီး ကျွန်တော်တို့ ပြောပြပါတယ်။ ကျွန်တော်တို့ ပြီးခဲ့တဲ့ ဇွန်လပိုင်းကနေ စက်တင်ဘာအထိ ကောက်ခံရရှိထားတာကို ကမ္ဘာ့အလုပ်သမားရေးရာကို တင်ပြပါတယ်။ ဒီအပြင်ကို ထိုင်းမြန်မာ နယ်စပ်မှာ ဖေဖော်ဝါရီလ ၂၈ ရက်နေ့နောက်ပိုင်းကနေ စက်တင်ဘာ လကုန်အထိ ကောက်ခံတဲ့ စာရင်းက အားလုံးပေါင်း လူ ၇၇၀၀၀ ကျော်ပါတယ်။ အဲဒီ စာရင်းတွေလည်း ကျွန်တော်တို့ တင်ပြပါတယ်။

အိမ်နီးချင်းနိုင်ငံကိုလည်း ကျွန်တော်တို့ ပြောပြပါတယ်။ ငါတို့ လူတွေက အထောက်အထား မရှိဖြစ်ရတာက အထောက်အထားလုပ်ဖို့ အချိန်မရှိဘူး ထွက်ပြေးရတာ ။ အိမ်တွေမှာ လိုက်ဖမ်းတယ် မဖမ်းနိုင်ရင် တပ်ထဲဝင် ။ မဝင်နိုင်ရင် ပိုက်ဆံပေး။ အဲဒီလို အနေအထားဖြစ်တဲ့အတွက်ကြောင့် ငါတို့ကို ရန်မလုပ်ပါနဲလို့ ကျွန်တော်တို့ အကူအညီတောင်းတာ ရှိတယ်။ နောက်ပြီးတော့ စစ်အုပ်စုဟာ ဒီအလုပ်လုပ်တဲ့ အင်အားစုကို မောင်းထုတ်နေတာပါ။ ကျွန်တော်တို့ နိုင်ငံမှာ ဘယ်လိုမှ စီးပွားရေး ပြန်လည်ပြီးတော့ ဦးထောင်လာဖို့ဆိုတာ မလွယ်ဘူး။ ငါတို့က ဘယ်လောက်ပဲ နိုင်ငံရေးတည်ငြိမ်ငြိမ် စက်မှုကုန်ထုတ်ကတော့ ခက်ခဲနေမှာပဲဖြစ်တယ်ဆိုတာကိုတော့ ကျွန်တော်တို့က လိုက်လံတင်ပြတယ်။ ပြီးတော့ စစ်အုပ်စုကို ဒီလိုနေလို့ မရအောင် ဖိအားပေးဖို့ဆိုတာ ကျွန်တော်က တိုက်တွန်းပါတယ် ခင်ဗျာ။

မေး ။ ။ ၂၀၂၅ မှာ Article 33 က အတည်ပြုသွားပြီဆိုရင် စစ်ကောင်စီ ဘယ်လောက် အထိနာသွားနိုင်လဲ။ အဓိက ဘယ်အချက်က သူတို့ကို အထိအနာစေဆုံး ဖြစ်မလဲ။

ဦးမောင်မောင် ။ ။ အဓိကကတော့ ကျွန်တော်တို့ ကြိုးစားခဲ့တာ ၂၀၂၁ ကတည်းက ကြိုးစားတယ်။ ၂၀၂၂ မှာလည်း ပြောပါတယ်။ စစ်အုပ်စုရဲ့ အပြည်ပြည်ဆိုင်ရာမှာ ရှိတဲ့ ဝင်ငွေပေါ့။ စစ်အုပ်စုက နည်းမျိုးစုံနဲ့ အပြည်ပြည်ဆိုင်ရာမှာ ရှိတဲ့ ငွေကို ဘဏ်တွေက မကိုင်တွယ်အောင်ပါ။ ကျွန်တော်တို့က စီးပွားရေး ပိတ်ဆို့တယ်ဆိုတဲ့ နေရာမှာ အမေရိကန်က လုပ်တဲ့ Sanction ဆိုတာ ရှိပါတယ်။ အင်္ဂလန်က လုပ်တဲ့ Sanction ၊ EU က လုပ်တဲ့ Sanction ဆိုတာ ရှိပါတယ်။ ဒါပေမဲ့ အဲဒီ Sanction တွေက Sanction ဆိုတဲ့ စီးပွားရေး ပိတ်ဆို့မှုကို သတ်မှတ်လိုက်ပြီးတဲ့ နောက်မှာ ကျွန်တော်တို့က enforcement mechanism လို့ခေါ်တဲ့ ဖိအားပေးပြီးတော့ ကျူးလွန်တဲ့ လူတွေကို အရေးယူဖို့ဆိုတာကို လုပ်ဖို့ လိုတယ်။

အခု ILO က ဒီလို ဆုံးဖြတ်လိုက်ပြီဆိုတဲ့အတွက်ကြောင့် ကမ္ဘာမှာရှိတဲ့ ကုလသမဂ္ဂအဖွဲ့ဝင်တစ်ခုက ဆုံးဖြတ်လိုက်တဲ့ ဆုံးဖြတ်ချက်သည် ခုန တစ်နိုင်ငံချင်းက ချထားတဲ့ Sanction တွေကို ဖိအားပေးတဲ့ ကိစ္စ။ အမေရိကက သူ့ဘာသာသူ ဆုံးဖြတ်ချက် ချတယ်။ ဒါပေမဲ့ အဲဒါကို ဆက်ပြီး လုပ်လား မလုပ်လားဆိုတာကို ကျွန်တော်တို့က ကြည့်ဖို့ လိုတယ်။ ဘာလို့ ကြည့်ရမှာလဲဆို ဒီ Sanction ဆိုတဲ့ နေရာမှာ နောက်ဆက်တွဲ Sanction ဆိုတာ ရှိပါတယ်။ Secondary Sanction ဆိုတာ ရှိပါတယ်။

အဲဒါက ဘယ်မှာ သွားလေ့လာရင် ရပါသလဲဆိုရင် ရုရှားဖြစ်တဲ့ ကိစ္စမှာ ရုရှားကို အမေရိကတို့ ၊ UK တို့ ၊ Euro တို့က လုပ်တဲ့ Sanction က တိုက်ရိုက်ကြီးအထိ သက်ရောက်တာ ရှိသလို ရုရှားကို ဘာလို့ တရုတ်ဘဏ်တွေက မကူညီသလဲဆိုတဲ့ မေးခွန်းကို ကြည့်ဖို့ သင့်ပါတယ်။ တရုတ်ဘဏ်တွေက ပြောထားပါတယ်။ သတင်းစာတွေမှာလည်း ရှိပါတယ်။ ငါတို့ ရုရှားကို မကူနိုင်ဘူးတဲ့ ။ ကူလို့ရှိရင် အမေရိကန်က ပိတ်ဆို့မှုမှာရှိတဲ့ Secondary Sanction ဆိုတဲ့ ဒုတိယ သက်ရောက်မှုမှာ ရှိတဲ့ စီးပွားရေး ပိတ်ဆို့မှုက လာထိရင် ငါတို့က တစ်ကမ္ဘာလုံးနဲ့အလုပ်လုပ်တာ ပျက်သွားလိမ့်မယ်တဲ့။

ဒါကြောင့်မို့လို့ မလုပ်ဘူးဆိုတဲ့ဟာကို ပြောထားပါတယ်။ ဒါကြောင့်မို့လို့ ILO ကနေ ဆုံးဖြတ်ချက်ကျတယ်။ စီးပွားရေး ပိတ်ဆို့မှုဆိုတဲ့ အထဲမှာ အထူးသဖြင့် အထူးပြုပြီးတော့ စစ်အုပ်စုရဲ့ ငွေကြေးရဲ့ လည်ပတ်မှုကို ကျွန်တော်တို့က ရပ်တန့်ဖို့ ထပ်ပြီးတော့ ဖိအားပေးနိုင်တဲ့ အနေအထားမှာ ရှိပါတယ်။ အဲဒီတော့ စစ်အုပ်စုက ဒီငွေကြေးမရှိဘူးဆိုရင် ဘာဖြစ်မလဲ။ သူတို့ လောင်စာ ဝယ်တာ မရတော့ဘူး။ လောင်စာဆိုတာ ဂျက်လေယာဉ်ပျံဆီ တစ်ခုတည်း မဟုတ်ပါဘူး။ ကျွန်တော် ရှင်းပြပါမယ်။ လေယာဉ်ပျံဆီက ဆိပ်ကမ်းကနေ လေယာဉ်ပျံထဲကို လမ်းလျှောက်ပြီး မသွားဘူးဗျ။ လေယာဉ်ပျံဆီကို ဒီဇယ်တင်တဲ့ ကားနဲ့ ပို့ရတယ်။ သူ့ကို ဆီကား ဘောက်ဆာနဲ့ ပို့ရတာ ။

အဲဒီ ဘောက်ဆာက သွားတာ ဘာနဲ့သွားလဲဆို ဒီဇယ်နဲ့ သွားတာပါ။ အဲဒီတော့ ဒီဇယ်ကိုပါ ဝယ်လို့ မရအောင် ပိတ်မှ ရပါမယ်လို့ ။ အဲဒီတော့ ပြောစရာရှိပါတယ်။ ဒီဇယ်ကို ပိတ်လို့ ရှိရင် ပြည်သူ ဒုက္ခရောက်မယ်လို့ ။ ကျွန်တော် တစ်ခါ ထပ်ပြောပါမယ်။ ဒီဇယ်ရောင်းတဲ့ ဆိုင်တွေကို ကြည့်ပါလို့ အားလုံးက ခရိုနီတွေပါ။ ရောင်းတဲ့ဆိုင်တွေ မြဝတီဆိုတာ ဘာလဲ စစ်တပ်ပိုင်တဲ့ ဆိုင်ပါ။ ထူးတို့ ဒီဇယ်ဆိုင်တွေ အားလုံးဟာ ကျွန်တော်တို့ ကကကြည်း ပေါ့ဗျာ။ တပ်မတော် ထောက်ပို့က သုံးတဲ့ လောင်စာ၊ ရေတပ်က သုံးတဲ့ လောင်စာ။ အဲဒါတွေ အားလုံးက ဒီဇယ်တွေပါ။ လေယာဉ်ပျံဆီကို ပိတ်ဖို့က တစ်ခုချင်းလိုက်ပို့ဖို့က မပြီးနိုင်ဘူး။

ကုမ္ပဏီတစ်ခုချင်းလိုက်ပို့နိုင်ဖို့က မပြီးနိုင်ဘူး။ ကျွန်တော်တို့သည် အဓိကကျတဲ့ စစ်အုပ်စုရဲ့ ငွေကြေးကို ဖြတ်လိုက်ဖို့ရယ် ILO အဖွဲ့က ချမှတ်တဲ့ Article 33 ကို အသုံးပြုပြီး ပိတ်မယ်ဆိုရင် တစ်နေရာတည်းမှာ တစ်ချက်တည်းနဲ့ နိုင်ငံအလိုက် Sanction ချထားတာကို အားဖြည့်ပေးမယ့် လုပ်ငန်းပေါ်လာပါမယ်။ နောက်တော့ ပိတ်ဖို့ ဆိုတဲ့နေရာမှာ စစ်အုပ်စုရဲ့ နိုင်ငံတကာမှာ ရှိတဲ့ International Financial Transaction ကို လုံးဝပိတ်ဖို့ လိုပါတယ်။ ပိတ်လို့ရပါတယ်။ ဘာကြောင့်အရေးကြီးတာလဲဆိုတော့ လေယာဉ်ပျံဆီ တစ်ခုတည်း ပိတ်လို့ မရဘူး။ လေယာဉ်ပျံဆီသယ်တဲ့ ဒီဇယ်ကိုပါ ပိတ်မှ ရပါမယ်။ အများက ပြန်ပြောမှာပါ။ ခင်ဗျား ဒီဇယ်ပိတ်ရင် လူတွေ ဒုက္ခရောက်မယ်လို့။ အခုရော လူတွေ ဒုက္ခမရောက်လို့လားလို့ ကျွန်တော်က ပြန်မေးချင်ပါတယ်။ ကျွန်တော်တို့က ဆီရောင်းတဲ့ ဆိုင်တွေကို ပြန်ကြည့်ပါ။ Denko ကိုပဲ ကြည့်ကြည့် ထူးကိုပဲကြည့်ကြည့် စစ်တပ်နဲ့ သက်ဆိုင်တဲ့ လူတွေပဲ ဖြစ်ပါတယ်။ ခင်ဗျားတို့ တစ်ဂါလန်ထည့်ရင် သူတို့က တစ်ဂါလန် အမြတ်ရပါတယ်။ ပိုဆိုးတာက ကျွန်တော်တို့ဆီကို ဒီဇယ်သင်္ဘောတစ်စီးဝင်တယ်ဆိုရင် တစ်ဝက်ကျော်က ကက ထောက်ပို့က ယူသွားပါတယ်။ ကျန်တာကိုလည်း ကက ရေက ယူသွားပါတယ်။ အဲဒီတော့ ဒီဇယ် သင်္ဘောတစ်စင်း ဝင်လာရင် ကျွန်တော်တို့က ကက ထောက်ပို့က ဘယ်လောက် ယူသွားလဲ ကျွန်တော်တို့ ဘယ်သူမှ မသိပါဘူး။

ကျွန်တော်တို့က ကိုယ့်ကားကိုယ်ထည့်ဖို့ပဲ စဉ်းစားနေတယ်။ နောက်ထပ်တစ်ခါ ခင်ဗျား ထည့်တဲ့ ကားကနေပြီးတော့ ခရိုနီက ပိုက်ဆံ ဘယ်လောက်ရလဲ ခင်ဗျား စဉ်းစားဖို့လိုတယ်။ စီးပွားရေး ပိတ်ဆို့တယ် ပြောပေမယ့် ဒါကို ဘယ်သူမှ စောင့်မကြည့်ကြဘူး။ ကျွန်တော်တို့က မော်နီတာ လုပ်ဖို့ လိုတယ်။ ကျွန်တော်ကတော့ မော်နီတာ လုပ်တယ်။ ဒါကြောင့်မို့လို့ တင်ပြနေတယ်။ အခုလည်း Article 33 ပေါ်လာလို့ရှိရင် ဒါက ၂၀၂၅ မှာ ကျမယ်။ ဒါ အာမခံနိုင်တယ်။ ကျတဲ့ အခါ ဘာကို ပိတ်ဆို့မှုလုပ်မလဲဆိုတာ ကျွန်တော် တင်ပြတာ အဲဒါကိုပဲ။

International Financial Transaction အပြည်ပြည်ဆိုင်ရာမှာ လည်ပတ်နေတဲ့ စစ်အုပ်စုရဲ့ ငွေရေးကြေးရေး စီးဆင်းမှုကို ပိတ်မှာပါလို့ အဲဒါကို အဓိက ထားလုပ်ပါမယ်လို့။ ဘာကြောင့်လဲဆိုတော့ လောင်စာ လုံးဝမသွားအောင် ပြောချင်ရင် လောင်စာ လောင်စာပဲ ပိတ်လို့ မရပါဘူး။ လောင်စာကို ဂျက်လေယာဉ်ပျံလောင်စာကိုပါ သယ်တဲ့ ဒီဇယ်ကိုပါ ကျွန်တော်တို့ ပိတ်ရမယ်။ ဂျက်လေယာဉ်ပျံဆီက ဒီတိုင်းမသွားဘူးဗျ။ ဒီဇယ်နဲ့ ပို့တာ။ ဗုံးတွေက ဒီတိုင်း မသွားဘူးဗျ။ ဒီဇယ်မောင်းတဲ့ကားနဲ့ ပို့တာ။ ကျည်တာတွေက ဒီဇယ်မောင်းတဲ့ ကားနဲ့ ပို့တာ ။ အဲဒီလို ပြောရင် SME တွေ ထိခိုက်မယ်လို့ ပြောမယ်။ ဟုတ်တယ် ထိခိုက်မယ်။ ကျွန်တော်လက်ခံတယ်။ ကျွန်တော်တို့ တာဝန်ရှိတယ်။

ဒါပေမဲ့ တစ်နိုင်ံငံလုံးကို ပြင်ဖို့ဆိုရင် Zero factor ချမှ ရမယ်။ စစ်တပ်က လမ်းလျှောက်သွားလို့ မရဘူးဗျာ။ အခု လမ်းလျှောက်သွားတော့ ရခိုင် ဖြစ်ဖြစ်၊ ချင်းဖြစ်ဖြစ် လမ်းလျှောက်သွားရင် သေတာပဲ။ ကားနဲ့ သွားလို့ ဖြစ်တာ။ ကားကို သွားလို့ မရအောင် ရပ်ပစ်ရမယ်။ သင်္ဘောသွားလို့ မရအောင် ရပ်ပစ်ရမယ်။ လေယာဉ်ပျံလောင်စာ တစ်ခုတည်းနဲ့ မပြီးပါဘူး။ ဒါကြောင့် international financial transaction ကို အပြည်ပြည်ဆိုင်ရာမှာ လည်ပတ်နေတဲ့ စစ်အုပ်စုရဲ့ ငွေရေးကြေးရေး အားလုံးကိုပိတ်လိုက်ဖို့ကို Article 33 ကို သုံးပါမယ်လို့‌ ပြောချင်တာပါ ခင်ဗျာ။

မေး။ ။ ဖြည့်စွက်ပြောချင်တာမျိုး ရှိပါသေးလဲ။

ဦးမောင်မောင် ။ ။ ခုန တင်ပြသလိုပဲ Article 33 ကို သုံးပြီးတော့ ကျွန်တော်တို့ ဖိအားပေးတဲ့ ပိတ်ဆို့မှုကို သက္ကရာဇ် ၂၀၀၀ တုန်ကလည်း အားလုံး စာပြန်လှန်ကြည့်ရင် တွေ့မှာပါ။ ဒါတွေက မှတ်တမ်းအနေနဲ့ကို ရှိပါတယ်။ အလုပ်သမားသမဂ္ဂအနေနဲ့ Institution Memory အဖွဲ့အစည်းဆိုင်ရာမှတ်တမ်းတွေရှိပါတယ်။ ကမ္ဘာ့အလုပ်သမားရေးရာမှာလည်းမှတ်တမ်းတွေ ရှိပါတယ်။ အပြည်ပြည်ဆိုင်ရာအလုပ်သမားရေးရာအဖွဲ့ချုပ်မှာလည်း ရှိပါတယ်။

ကျွန်တော်တို့က အဲဒီတုန်းက လုပ်ထားခဲ့တဲ့အတိုင်း လုပ်တာပါ။ စနစ်ရှိပါတယ်။ ရမ်းပြီးတော့ လုပ်တာ မဟုတ်ပါဘူး။ ဒါကြောင့်မို့လို့ စစ်အုပ်စုက တအားကို ကာနေတာ ။ သူတို့ အသံတော့ မထွက်ရဲပါဘူး။ အသံမထွက်ဘဲ ကာနေတာ။ ကျွန်တော်တို့ ဒါကို ဆက်ပြီးတော့ လုပ်ပါမယ်။ ကျွန်တော်တို့ တိုင်းရင်းသား ညီအစ်ကိုတွေ အားလုံး PDF တွေ အားလုံး ၊ GZ တွေ အားလုံး လုပ်ထားတဲ့ အလုပ်မှာ ကျွန်တော်တို့ အလုပ်သမားတွေက ကျွန်တော်တို့ လုပ်ပေးနိုင်တဲ့ ကိစ္စကို လုပ်မှာပါ ။ အပြင်းအထန်လုပ်မှာပါ။ စိတ်ချပါ။ ထို့အတူ CDM တွေက ကျွန်တော်တို့ အလုပ်သမားတွေ ဖြစ်ပါတယ်။ CDM ဆိုတာက တိုက်ပွဲဝင်တဲ့ အလံဖြစ်ပါတယ်။ လူတွေ အားလုံးသည် အလုပ်သမားတွေ ဖြစ်ပါတယ်။ အဲဒီလူတွေ အားလုံးအတွက်ကို ကျွန်တော်တို့ ထိုက်တန်တဲ့ လျော်ကြေးရအောင် ကြိုးပမ်းနေတယ်ဆိုတာ တင်ပြချင်ပါတယ်။ ဟုတ်ကဲ့ပါ။ ကျေးဇူးပါ။

မေး။ ။ Article 33 က ၂၀၂၅ မှာ ဘယ်အချိန်လောက်မှာ စအသက်ဝင်မလဲ။

ဦးမောင်မောင် ။ ။ ကမ္ဘာ့အလုပ်သမားရေးရာအဖွဲ့ချုပ်ရဲ့ လုပ်ငန်းစဉ်က ဘယ်လိုလဲဆိုတော့ အခု နိုဝင်ဘာမှာ ပြီးသွားတာက ကမ္ဘာ့အလုပ်သမားရေးရာအဖွဲ့ချုပ်ရဲ့ အုပ်ချုပ်မှု ကော်မတီ Governing body meeting ပေါ့။ မတ်လ ၂၀၂၅ မှာလည်း နောက်ထပ် Governing Body Meeting အုပ်ချုပ်မှု ကော်မတီ အစည်းအဝေးရှိပါတယ်။ ဒီအစည်းအဝေးမှာ Article 33 နဲ့ ပတ်သက်တဲ့ စာကြမ်းကို ရေးပြီးတော့ မတ်လမှာ တင်ဖို့ကို ညွှန်ကြားချက်ပေးလိုက်ပါပြီ. ညွန်ချုပ်ကို။ အဲဒီတော့ မတ်လမှာ တင်ရပါမယ်။

တင်ပြီးတဲ့ နောက်မှာ ဇွန်လမှာ လုပ်မယ့် ၂၀၂၅ ကမ္ဘာ့အလုပ်သမားရေးရာအဖွဲ့ချုပ်ရဲ့ ညီလာခံ Conference မှာ ဆုံးဖြတ်ချက်ချမှာ။ ဒီညီလာခံသက်တမ်းက ၂၀၂၄ ဇွန် ၂၀၂၅ ဇွန် အဲဒီ ကြားထဲမှာ လုပ်တဲ့အလုပ်ပါ။ သို့သော် ဒါကို တင်သွင်းတာကတော့ ၂၀၂၁ ခုနှစ် ဇွန်မှာကတည်းက တင်သွင်းတာပါ။ ကျွန် တော် ပြောသလိုပေါ့ process လုပ်ငန်းစဉ် ရှိပါတယ်။ ကမ္ဘာ့အလုပ်သမားရေးရာအဖွဲ့ချုပ်ရဲ့ လုပ်ငန်းစဉ်ထဲမှာ ဒီအလုပ်သမားသမဂ္ဂအနေနဲ့ ပါဝင်တယ်။ သုံးပွင့်ဆိုင်ဖြစ်တဲ့အတွက်ကြောင့် ပါဝင်တယ်။ ပါဝင်တဲ့ နေရာကနေ တဖြည်းဖြည်းနဲ့ လိုက်လာတယ်။ ၂၀၂၁ ၊ ၂၂၊ ၂၃၊ ၂၄ ၊ ၂၅ ဆိုရင်တော့ ရလဒ်ရပါပြီလို့ အဲဒါကိုတော့ ပြောနိုင်ပါပြီ။

[min-is-king]

[min-is-king]

LISTEN – BEYONCE performed by PHOEBE HTIKE at Open Mic UK music competition

Her artist name is #PHEPHE, born in #Myanmar and blossoming in the UK. She shines as an artist, singer, and model @thealchemissus #မြန်မာ မော်ဒယ်တေးသံရှင် PHE PHE

[min-is-king]

[min-is-king]

Phe Phe - Next Bitch [Music Video] | GRM Daily

[min-is-king]

ဥပဒေပညာရှင် နိုင်ငံရေးတက်ကြွလှုပ်ရှားသူ မျိုးထိုက်တန်သိန်းနှင့် တွေ့ဆုံမ...

[min-is-king]

Key UK immigration changes expected in 2025:

Here are some key UK immigration changes expected in 2025:

Increased Immigration Fees: UK Visas & Immigration (UKVI) has confirmed increases to immigration fees, covering visa, sponsorship, and nationality services. 1

Substantial Amendments to Immigration Rules: The new Statement of Changes to the Immigration Rules includes significant changes to sponsorship and Skilled Workers. 1

Border Security, Asylum and Immigration Bill: This bill creates a framework for new powers and offences to improve UK border security and strengthen asylum and immigration processes. 1

Focus on Training and Visas: There are discussions about linking visas with training, which may impact future immigration policies. 1

Official Documentation: The specific changes to the Immigration Rules were published on 12 March 2025, detailing various amendments. 1

These changes reflect ongoing adjustments to the UK's immigration system and are important for anyone planning to navigate the immigration process in 2025.

[min-is-king]

Global Call to Action: International Complicity Must End: Myanmar Lives Matter Too

Myanmar Military Airstrike on Village School Kills Over 20, Including Children and Teachers, in Depayin Township (Yangon, May 12, 2025)

In one of the deadliest airstrikes in recent months, a Myanmar military MiG-29 fighter jet bombed a school in Ohtein Kwin village, Depayin Township, Sagaing Region, on Monday morning, killing at least 22 people—mostly students and teachers—and injuring over 40 others.

According to local news sources, the attack took place at approximately 9:35 a.m., while classes were underway. The victims include children as young as eight and two female teachers aged 23 and 24. Several bodies were dismembered in the explosion, consistent with the use of cluster munitions, which are banned under international law.

“This wasn’t a battlefield. It was a school. The children were preparing for exams,” a local official said. “Now, we’re burying them. Their only crime was attending school.”

Military Targeting of Civilians Escalates

This airstrike is part of a wider pattern of escalating violence by the Myanmar military (also known as the Tatmadaw), which has increasingly relied on air power to suppress resistance and terrorize civilian populations. Since the February 2021 military coup, over 5,000 civilians have been killed and more than 20,000 arrested, according to rights groups.

Amnesty International and the UN have documented a sharp rise in aerial bombings targeting schools, hospitals, places of worship, and civilian homes—often in ethnic minority regions. Airstrikes have devastated communities in Chin, Kachin, Kayah, Karen, Shan, and Rakhine States, as well as Sagaing and Magway Regions.

In April 2023, a military airstrike on Pazigyi village in Sagaing killed over 170 people, including entire families. In October 2023, an airstrike on a Kachin music concert killed over 80 civilians. In Kayah and Chin States, churches and IDP camps have been hit repeatedly.

Attacks on All Ethnic and Religious Communities

The military’s brutality transcends ethnic and religious lines. Buddhist, Christian, and Muslim communities have all suffered under the junta’s campaign of terror. Mosques and churches have been desecrated. Buddhist monasteries have been shelled.

International Complicity Must End

Despite overwhelming evidence of war crimes and crimes against humanity, the Myanmar military continues to receive indirect international support. The junta still has access to:

1. Aviation fuel supplied through international supply chains, enabling deadly airstrikes.

2. Dual-use technology and weapons parts imported via loopholes or third-party countries.

3. Training and equipment from foreign sources, including drones, surveillance systems, and aircraft maintenance technology.

International civil society, including organizations such as Amnesty International, Global Witness, and Justice For Myanmar, have repeatedly called for an immediate halt to all arms transfers, aviation fuel sales, and financial flows to the military.

Global Call to Action: Myanmar Lives Matter

Activists, lawmakers, and survivors are now urging world leaders to stop enabling the junta’s war machine:

1. End the supply of aviation fuel that powers warplanes used to bomb civilians.

2. Impose comprehensive arms embargoes and shut down weapons supply chains.

3. Freeze financial assets and impose targeted sanctions on military-linked businesses and cronies.

4. Support Myanmar Freedom Movement

“World leaders must act. Myanmar lives matter too,” said a human rights defender in hiding. “Every day of silence costs more lives. Schools should never be battlegrounds. Children should never be targets.”

Despite the junta’s claim of a ceasefire during May, indiscriminate airstrikes and ground offensives continue across Myanmar. The international community must respond not just with words, but with action.

The world must say enough is enough.

#Myanmar

#မြန်မာ

#MyoHtikeTanThein

#မျိုးထိုက်တန်သိန်း

#myanmarlivesmatter

[min-is-king]

Full list of changes to UK immigration rules announced by the UK Prime Minister Keir Starmer

Full list of new immigration rules

Work reforms

1. The level for skilled workers coming to the UK will be raised to RQF6 and above, meaning they must have a degree

2. The salary threshold will also rise

3. Immigration Skills Charge, which employers must pay when they sponsor someone applying for a skilled worker visa, will increase for the first time since it was introduced in 2017

4. Social care visas will be closed to new applications from abroad, though visa extensions will be permitted for a transition period until 2028

5. Key sectors where there are high levels of recruitment from abroad will be required to come up with strategies for more domestic hiring

6. A new Temporary Shortage List will be created, which will allow time-limited access to the points-based system for occupations where there are long-term shortages

7. Employers may be restricted from sponsoring skilled visas if they are not committed to increasing skills training for domestic talent

8. Routes for hiring the very highly skilled will be opened up

Study reforms

1. The length of time graduates are able to stay in the UK will be reduced from two years (or three years for PhDs) to 18 months

2. It will become harder for sponsoring institutions to recruit international students, with the pass requirement of the Basic Compliance Assessment raised by five percentage points

3. Institutions will have to demonstrate they are ‘considering local impacts’ when making decisions on international recruitment

Enforcing immigration rules

1. It will become easier to refuse entry or asylum to those who ‘break the rules or break our laws’

2. The rules for deporting foreign national offenders will be made simpler

3. eVisas will be rolled out for all overseas citizens to tighten up border security

#credit

[min-is-king]

မြန်မာတွေ ပြန်အပို့မခံအောင်/ပြန်လို့မရရင် ဘာလုပ်သင့်လဲ? #မြန်မာ #Myanmar...

[min-is-king]

"သူတို့လိုချင်တာက ဒေါ်အောင်ဆန်းစုကြည်ကို ၀ရမ်းထုတ်နိုင်ခဲ့ပြီဆိုတာကိုပါ...