Recorder
Recorded at 11:25PM, December 20, Sunday.
Ito ay para sa taong nais ko pa sana ipaglaban, ngunit mismong ang puso ko ay sumuko na. Ang mga salitang ipinahayag ko dito ay ang saloobin na ninais kong sabihin sayo. Ngunit dahil sa mga di maipaliwanag na rason, hindi mo na ito maririnig ng personal. Kaya heto, ni-record ko na lang. Wala na kasi akong lakas ng loob na kausapin ka. Wala na akong lakas ng loob na ipaglaban ka.
""Hello?
Ano ng nangyari sa'yo?
Di ka na nagtetext.
Di ka na din tumatawag.
Alam mo ang unfair mo.
Kasi buong araw akong naghihintay ng text mula sa'yo,
Magdamag akong naghihintay ng tawag mo,
Pero wala naman.
Kasi napaka-inconsistent mo.
Ang unfair mo kasi.
Kasi nung panahon kung kelan sobrang okay na ako,
Nung hindi na ako nabo-bother kapag hindi ka nagtetext o tumatawag,
Nung halos nabura na kita sa isip ko,
Saka ka naman nagparamdam ulit.
At nung nakita ko 'yung pangalan mo sa cellphone ko,
Nanghina na naman ang puso ko,
Biglang bumalik ang lahat ng alaala mo sa isipan ko,
At ang inakala kong matatag na puso ko
Ay biglang bumigay,
At dali-daling nag-sink in sa akin ang katotohanang ilang buwan kong ikinaila sa sarili ko,
Na sobra na kitang miss. SOBRA.
At umasa ulit ako.
Sobrang unfair mo.
Kapag inaalala ko,
Ikaw naman ang lumapit sa akin.
Ikaw ang unang nag-""hi""
Ikaw ang nagpakita ng motibo,
Pero pakiramdam ko, ako ang may kasalanan.
Dahil ang ginawa ko lang naman ay maniwala sayo.
Maniwala sa pag-ibig na akala ko ay totoo.
Maniwala sa ideyang akala ko ay posibleng magkaroon ng ""tayo"".
Bumigay ako sayo.
Napakalaking kasalanan ang nagawa ko.
Ang unfair mo.
Naiinis ako sayo.
Dahil sobrang gago mong tao.
At sa di na mabilang na pagkakataon,
Ay ipapangako ko sa sarili
Na kakalimutan na kita.
Kakalimutan ko 'yung araw na nakilala kita.
Kakalimutan ko 'yung pagkakataong nakausap kita.
Kakalimutan ko 'yung tuwa na minsan kong naramdaman dahil sayo.
Kakalimutan ko 'yung halaga, na minsan kong inakala na meron ako para sayo.
Kakalimutan ko na halos magkaroon ng ""tayo"".
Kakalimutan ko ang pangalan mo.
Kakalimutan ko na nabubuhay ka sa mundong ito.
Kakalimutan kita.
Kakalimutan kita dahil ang sakit sakit na.
Kahit na wala naman akong karapatan na masaktan, ang sakit sakit na.
Dahil kung kelan nahulog na ako sayo,
Saka mo ako iniwan.
Bullshit ka.
s-u-f-j-a-n-s-t-e-v-e-n-s
stormborns
vaporwave
romaincrisis
discoholicmusic
snowghoul
turnnoffyourmind
kianamaiart
theartofmadeline
amandla
