Diaries

[mohamedshaltoot]

Sea GIF - Find & Share on GIPHY

Discover & Share this Sea GIF with everyone you know. GIPHY is how you search, share, discover, and create GIFs.

:D 

[mohamedshaltoot]

النهاردة كان اول مرة ادخل مول من فترة كبيرة و مش فاهم ايه الاحساس الغير طبيعي و مش فاهم هل انا الوحيد اللي حاسس ان الولاد و البنات نسخ بلاستيك من بعض بيضحكوا نفس الضحك و كلهم نسخ طبق الاصل من بعض كلهم كوبي بست حرفيا!!؟؟

[mohamedshaltoot]

نازل من البيت نضيف و مستحمي. واحد داس عالجزمة هالجزمة بتاعتي (لف و بصلي و قالي معلش انا متأسف) بس انا هعمل ابه بمعلش بتاعتوا مخلاص الجزمة اطينت و اتربت و باظت مهما حاولت اعدلها مش نافعة. يلا قولت مش مهم هكمل اليوم و النهاردة لسة في اولوا و دا يوم جميل و بتاع رايح اركب الاوتوبيس واحد كان نازل منة خبطني خلاني اخبط في الاوتوبيس و هوا كلو مطين و هدومي كلها بقت طين(برضو لفلي و قالي معلش و غبتسم كدا) بس خلاص هدومي بقت مطينة مهما حاولت اعدلها. انا فقدت كل التفاؤل و الحماس و فكيتني من الجو دا و روحت منعكش شعري و اي حد هشوفو او هلمحوا بيبصلي و يبرق او يضحك هقولوا مالك يا **********************

[mohamedshaltoot]

الراجل في الاوتوبيس و الكلمات المتقاطعة

[mohamedshaltoot]

النهاردة علي طريق اسماعيلية في حادثة. في حد دخل بعربيته في عمود نور قدام نقطة الجيش اللي علي الطريق. اللي عمل/ت الحادثة اتوفي و الاسعاف جات عشان تاخدوا. الكلام دا كان الساعة ٧ الصبح. يعني دا حد نزل من البيت زي كل يوم و رايح شغلوا عادي و مكنش يعرف انو مش راجع تاني للأسف. اربطوا حزام و انتوا سايقين و خافوا علي نفسكوا و اعرفوا ان اكيد حياتكوا بتفرق مع ناس معينين و مفيش حد كبير علي حاجة

[mohamedshaltoot]

Donia ElHassan <3

there’s something that I wanted to say about you in the last check-out fel workshop. I just didn’t do it back then for god only know’s what reason :D. it’s very rare especially in our society to find a truly free soul. I admired you from the very first time we talked together. when u talked bout ur daily struggles and how do people perceive you. I felt something very alive within ur soul wallhy <3. on top of all of that u r not restricted by society and how do they look at you. I really enjoyed your company for those few days for real.

I just had to spit it out of my chest. u r a wonderful person and u deserve all good things in life <3 for ur enjoy the rest of ur life ya donia and isa I hope we will meet soon :D and go on and enjoy living :D

[mohamedshaltoot]

عندي دايما مشكلة ابدية و بتطاردني علطول. بعد الثورة في 2011 و مع ظهور الاهمية الرهيبة للسوشيال ميديا ظهرت حوارات مشاركة المعلومات و ان اي حد عندو معلومة لازم ينزلها و الناس تعملها شير. و هنا الفكرة الازلية ان انتشار المعرفة بيقلل من قيمتها لكن لما تكون في ايد مجموعة معينة من الناس فبتكون قيمتها عالية اوي. انا فاكر في اول 2012 السفارة الامريكية عملت حاجة اسمها ال. IRC جوا السفارة و مكنش في حد عارف عنو اي حاجة غير احنا تقريبا حوالي 100 او200 واحد و مكنش في غيرنا رايحين جايين. لحد ما بدأت بقي تظهر صفحات علي الفيسبوك زي رادي المشمش و هكذا و قعدوا يقلوا للناس تروح تسجل و انهم هيستفيدوا. المكان بقي زحمة بطريقة غير طبيعية و بقي في طوابير علي الدخول و بقت كل حاجة مرهقة اوي. انا فاكر الاول الكارنية بتاع الاشتراك كان بيبقي عليه صورتي و اسمي بالانجليزي و محطوط عليه علم مصر و علم أمريكا. حرفيا الكارنية دا من اعظم الحاجات اللي كانت موجودة عندنا. انا فاكر ان في واحد صاحبي كان بيسوق العربية من غير رخصة و كان اي حد بيوقفوا بيطلعلوا الكارنية ده حاجة عليها اسمي و صورتي و علم امريكا انتا مجنون متقدرش تكلمني. و كانت الغالبية العظمي مننا بتمشي من غير يطايق و اي حد يكلمنا بنطلعللوا الكارنية و لا كان في حد بيقدر يقولنا حاجة. دلوقتي بعد حوار نشر المعلومات و الكلام ده الكارنية بقي ابيض مكتوب عليه هذه بطاقة غير رسمية 😯😯. نفس الكلام برضو علي التدريبات او اي سفريات الاول خالص مكنش حد يعرف اي حاجة و لا حد فاهم و كانت الدنيا اللي بيفهمها بيخلي المعلومات عندو و خلاص فكانوا كام واحد هما اللي رايحين شمال و يمين و هما اللي مقسمين الدنيا دي عليهم. بدأ حوار الشير و لازم ننشر المعلومات يا جماعة دلوقتي بدل ما كانت بتبقي فرصتك 1/50 بقت 1/12000 الفرص تقريبا بقت شبه معدومة و بقي صعب اوي ام اي حد يتقبل في اي حاجة. و مازال عندي نفس المشكلة هل نشارك كل حاجة مع بعض و لا نخلي المعلومة متركزة عند ناس معينة هما اللي بيسفيدوا بس.

[mohamedshaltoot]

و انا راكب في الميكروباص النهاردة كنت قاعد في الكنبة اللي ورا. المهم طلعت زبدة كاكاو عشان في الشتا الدنيا عندي بتبقي بايظة. الراجل اللي جمبي بمنتهي الاستغراب بصلي كدا من فوق لتحت و قالي ايه يابني اللي بتعملوا ده. و واح ساب الكنبة و طلع قعد قدام. بعدها بشوية طلع بنت وولد و الاتنين قعدوا جمبي ورا. الولد راح مطلع برفان و واح حاطط منه و البنت راحت بصالوا و راحت مطلعة كريم قعدت تحطلوا علي رجلها. كل دا و انا باصصلهم و فجأة هما الاتنين بصولي. بحركة طبيعية و عريزية خالص روحت فاتح الشنطة بسرعة طلعت زبدة الكاكاو و قعدت احط منها. كلنا قعدنا نبص لبعض و نضحك اوي. لأن دا غالبا كان صالون تجميل متحرك مش ميكروباص خالص.

[mohamedshaltoot]

واحد من الحاجات اللي دايما بفكر فيها هو حوار مشاركة المعلومات ‘ ان كل ما زاد الناس اللي عارفين المعلومة كل ما قلت قيمتها

[mohamedshaltoot]

احنا مش في ميكروباص دا صالون تجميل متحرك

[mohamedshaltoot]

البنات اللي مش بتتعامل مع ولاد دول. لما بتيجي تكلمهم بيبقي علي وشهم مرشوم ضحكة بلهاء كدا شكلها مثير للاعجاب جدا 😊😃

[mohamedshaltoot]

مش عارف ليه دايما لما باجي احط بوست بعمل في اعتباري الناس هتقول ايه و هل اسلوب الكلام دا مناسب و لا لأ و هل الكلمة دي مش مناسبة و بقعد اتخيل بقا يا تري هيجيب كام لايك و كام انتراكشن. ايه المرض النفسي دا 😥😥😥

[mohamedshaltoot]

ممكن نمشي بمبدأ "شيل دا من دا يرتاح دا عن دا" يعني كل واحد يخلق لنفسو الدنيا اللي هوا مبسوط فيها و يعيش جواها بقا. اللي متفائل و شايف المستقبل اخضر في اخضر و اننا ام الدنيا و اد الدنيا ياريت يخليه مع الناس اللي بتقول كدا و الصفحات اللي علي الفيس اللي بتقول كدا و ميوجعش دماغنا و يخش علي صفحات تانية او ناس بنتكلم في حاجات هو مش موافق عليها. كل واحد يخلق لنفسو الدنيا اللي هوا عايز يعيش فيها و يحاول يفصل نفسو عن الواقع لأن الواقع بقي مش مكان عارفين نعيش فيه.

[mohamedshaltoot]

هو لما كل الناس اللي في وظايف سنهم صغير. فين الناس الكبيرة اللي مش معاش و مش صغيرة بتودوهم فين انا مش فاهم.

[mohamedshaltoot]

ألمع الافكار الجهنمية البوذعية بتجيبلنا و احنا قاعدين فاضيين, و احنا في الميكروباص او و احنا قاعدين مستنيين دورنا.

[mohamedshaltoot]

بطلوا تلبسوا بدل بتلمع في عز النهار كدا. ايه شغل المخبرين ده.

[mohamedshaltoot]

لو انتا حد متفائل ياريت متعملش لايك للصفحات اللي ممكن تجيبلك كآبة و لو انتا مش شايف الدنيا و شايف السمتقبل غم متابعش اي صفحة بتتكلم عن ان المستقبل حلو و تتريق علي كلامهم. لو انتا مش بتحب شخصية معينة متابعش بروفيلاتهم و لا تعمل لايك للصفحاع بتاعتهم و تقعد تعمل شير و تتريق عليهم. يعني يا ريت نشيل دا من دا عشان يرتاح دا عن دا.