毛言地

你有多久沒去找自己的理想？搏殺一天，回到家，倒頭就睡。 無言，只因生存太累。談理想？妄想； 毛言仍言，只因理想，本就是「理應去想」

[moyinday]

譚德塞幾時去武漢大大啖嗦啲空氣證明冇事？

　　世衛將武漢肺炎全球風險由「高」提升為「非常高」，但仍然拒絕承認武漢肺炎「大流行」，話用依個形容無助控制肺炎，仲話武漢肺炎到而家都係可控制⋯⋯What？ 　 　 　　由中國爆到去義大利、美國、伊朗咁遠，甚至係世衛總部嘅日內瓦，由中國人傳入再到出現疑似社區爆發，我睇唔出邊個國家真係有信心可以企出嚟用中國嘅口吻話武漢肺炎「可防可控」；又如果大流行係要去到歐洲黑死病咁嚴重先可以算係嘅話，到時死咗幾千萬人你先出嚟同大家講「今次真係好大件事」，我洗咩要你依個衛生組織？我有眼睇喇到時，就係要喺未完全失控前由你提醒大家保找危機感啊On9。 　 　 　　世衛嘅宗旨係「使世界各地的人們盡可能獲得高水準的健康」，而佢地嘅其中一個千年發展目標係「與愛滋病毒/愛滋病、瘧疾和其他疾病做對抗」，但就武漢肺炎依件事嚟睇，世衛除咗讚中國Well Done之外就冇做過啲乜嘢實際行動。世衛一直都唔想大家覺得武漢肺炎係好大鑊，企圖淡化全球對今次疫情嘅危機感，依個行為同佢地嘅理念完全係背道而馳。特別係佢地嘅總幹事譚德塞仲想塑造中國係控制疫情嘅英雄（明明就係中國搞依攤蘇州屎出嚟），我真係唔知佢收咗幾多利益，或者痴咗邊條線。　 　　 　　 　　明明譚德塞咁欣賞中國，明明佢講到中國其實疫情唔係咁嚴重，明明世衛有派人去中國調查，點解譚德塞唔跟埋去，除低口罩後大大力嗦一啖武漢嘅清新空氣，然後同大家講咩事都冇？日本福島事件人地官員都會親自食福島產品，用行動去證明啦喂。 　 　 　　就算中國係一個幾大嘅經濟體都好，世衛著眼嘅地方應該係人類嘅衛生同安全，而唔係去諗得罪中國會冇幾多錢（美國Cut完一半錢都仲比緊最大份，中國掛第三炸垃圾）。如果一個理應係世上公信力最高，最有影響力嘅衛生組織因為其他因素而失去佢嘅持平性，你不如摺埋佢，唔好浪費咁多資源，包括出糧比譚德塞嘅錢。 　 　 　　香港政府同警隊有版你睇，只要你誠信破產，重建威信唔會係一時三刻就可以做到。而世衛再任由譚德塞每日坐喺度講埋哂啲廢話，好快就會係同一下場。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

其實黑警先係「暴動」專家

　　黑警成日話示威者係「暴徒」，為咗一己私欲而挑戰法治。不過當我地回顧歷史，了解下廉政公署成立嘅原因，我地就會明白黑警喺「為咗一己私欲而挑戰法治」依方面可以話係專家級。 　 　 　　就好似冇幾耐之前班黑警話如果要成立獨立調查委員會嘅話手足可能會陀槍遊行一樣，當廉政公署喺1974年2月成立並且立即著手調查葛柏案同大量警察嘅貪污後，成個警孩人心惶惶，走佬嘅走佬，自殺嘅自殺。警隊對廉署嘅調查非常不滿，到1977年甚至出現「數千名警務人員及家屬到香港警察總部操場集會，宣洩對廉政公署的不滿，以及要求警務處處長施禮榮主持公道，向香港總督加以反映。」 　 　 　　冇錯，貪污犯法比人拉仲惡到要遊行表達不滿，同而家班黑警濫權濫暴但屌返人地想查佢一樣咁本末倒置。 　 　 　　遊行之後嘅發展更加精彩。「集會過後，數十名警務人員走到廉政公署位於金鐘夏慤道10至12號和記大廈的執行處總部大肆搗亂，又毆傷了約5名廉政公署人員。事件被形容為警廉衝突，英文輿論更指出事件是警察叛亂」。係啊，成日話唔能夠容忍暴徒破壞法治，要將破壞者繩之於法嘅香港警察，喺上世紀七十年代就開始以破壞同暴力去發洩自己心入面嘅不滿。話自己係一流嘅執法部隊？不如話喺漠視法紀方面警隊咁多年都係無出其右好過。 　 　 　　因為警隊擁有嘅武力，港督麥理浩決定讓步。最後出咗條局部特赦令，唔再追究未被調查嘅貪污警察，警廉衝突先得以平息——咁比人拉咗，調查緊嘅警察點算？冇架啦，成為condom囉，你估真係警隊一條心咩？有事上嚟個個都只求自保。 　 　 　　黑警暴動，係因為犯法又唔想坐監。一班擁有自私自利，爛餘性格基因嘅人自然以為而家班示威者同佢地係一樣咁仆街。但係示威者所追求嘅，係成個社會嘅公義，係整個香港嘅未來，單單係動機以經高尚到班黑警望塵莫及。點解每次警察企出嚟都會比人粗口問候，但示威者就係得到無數掌聲？你明，我明，就係得班無知黑警同廢老唔明。 　 　 　　只要睇返香港警察嘅歷史，你就會知「當差正仆街」依句說話真係民間智慧嘅結晶。到底有咩人會以自己係警察，或者支找警察為榮？除咗佢本身係一個仆街，我再搵唔到第二個原因。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

做人莫如陳肇始。 　 　 　　上至政府，下至警隊，謊話連篇已是常態。欺騙不了別人也要瞞過自己良心，由踢變推、存心殺人變保護市民、製暴的說要止暴。仍然在做警察的大多泯滅人性，當官的戀棧權位不惜滿手鮮血仍要為虎作倀。一眾高官當中有一人不管看她的履歷與職位都不應該成為其中一員，卻三番四次在廣大民眾面前說出一個又一個荒謬至極的謊言，甚至在自身不知成份下說出催淚彈很安全，理應以市民健康為首要的食物及衛生局局長陳肇始，實在是敗類中的極致。 　 　 　　《論語·泰伯》有云「不在其位，不謀其政」，但以陳肇始的經驗，她絕對可以勝任守護香港人健康的工作：在香港及倫敦接受普通科及兒科護理培訓、美國哈佛大學公共衛生碩士、1977年加入瑪麗醫院任學護，3年後成為註冊護士、1995年加入香港大學護理學系任講師，其後出任護理學教授和系主任，至2004年出任香港大學醫學院助理院長。學歷及經驗無可挑剔，奈何一個醫者不但毫無父母心，連基本人性及良知都欠奉，為極權而棄人命於不顧。她曾經致力推廣禁煙工作，力拒加熱煙在港合法化；如今卻大呼毒性強千萬倍，含山埃的催淚煙安全。這樣的雙重標準，叫廣大市民如何信服她當初禁止加熱煙的理由？ 　 　 　　以往曾在網絡上看見一則中國新聞，標題寫著「有毒物質『無害』」，當時從沒想過這樣的謊言居然會出自一個問責制的香港高官口中，更沒想話香港會在傾刻之間便淪落至此。抗爭已經超過半年，現今的香港紀律部隊最缺紀律，問責官員最不負責任。香港市民除了各自爬山繼續一同對抗暴政之時，還請緊記一句說話。 　 　 　　寧當仗義屠狗輩，做人莫如陳肇始。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

錯而不認，存心滅口的政權。

　　打著「珍惜」這個口號，卻派遺武裝部隊強攻自己大學，香港政府的瘋狂一次比一次誇張。 　 　 　　自己盡享港英時代的美好，卻為了中共而出賣整個香港；當高官同時為全家安排好大英祖國的護照，自己也是為參選到最後一刻才被迫放棄；如同警隊高層一樣死不認錯，擺出一副「我講你就要聽」的臉孔。她根本不會理會香港的最後下場，那怕香港從此永不翻身，她也只會在完成「任務」後舉家離開，享受著七百萬香港人被迫用血為她帶的來的清福。 　 　 　　她以為香港人都會視上班為最大目標，她以為憑三萬名喪心病狂的累警即可鎮壓一切。慶幸香港仍有一班未被洗腦的人，滿腔熱血的學生，慶幸這五個月完全撕破了她與警隊醜惡的一面，讓我們還有機會在崖邊醒覺，未至於在踏空一刻才懂後悔。 　 　 　　警隊一次又一次以更激烈，更兇殘的方法冒求我們屈服，反而激起更強烈的民憤，更激烈的反抗。他們太小看香港人，比起金錢，更多人把「自由」、「公義」、「民主」放到更前面，不管是自願還是被迫——就像中環受到催淚彈攻擊後反而讓一班白領拿著咖啡站了出來。警察賠上了自己的名聲、人性、還有未來，換來的是讓自己徹頭徹尾成為一件只會姦殺市民的渣滓，還有過街老鼠一樣的待遇。 　 　 　　攻打中大是想要滅掉一整代沒有盲目的人，想要滅掉香港未來的希望。有人說警隊未來十年只會請由中國來，完全臣服於政權的人，直到現在於小學只會說普通話的那一群成長為止。三千發子彈不是一個應該對自己市民發射的數目，由政府到警隊根本沒再當示威者是人。在如此的政權之下除了反抗，有良知，不甘成為傀儡的香港人再沒有另一條路。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

Gel甲嘅女仔唔係人人受得起。

　　我唔係話歧視，但如果你想搵個普普通通，簡簡單單嘅嘅女仔拍拖，Gel甲嘅女仔就未必係你要搵嘅類型。 　 　 　　千祈唔好睇少Gel甲依件事，要整得靚唔易，要襯自己之餘仲有特色就難上加難。好多女仔以為Gel咗塊嘢上去就係靚，結果搞搞下個結果仲衰過油啲鬼五馬六嘅指甲油⋯⋯好似講遠咗。至於點解我會話Gel甲嘅女仔唔係人人受得起？因為會Gel甲嘅通常都會係依幾個類型之一：蒲開、飲開、玩開。當然如果你都係抱住今晚有酒今朝醉嘅心態，或者你自問你能夠食住依幾類型嘅女仔，你要去馬緊係冇問題；不過如果你自問係個情竇初開小男孩，或者夜晚十點就眼瞓或者唔飲得嘅，Gel甲嘅女仔對你嚟講個難度真係幾大架。 　 　 　　Gel甲嘅通常蒲開玩開唔係我亂講架，無論係你落一落太子酒吧街，等你一經過就會同你講「幾多位吖？我地做緊$198半打啤酒喎」嘅MK妹，定係去到蘭桂坊坐喺度食住煙對對面個男人拋媚弄眼嘅女人，好多人雙手都會有唔同造型嘅Gel甲。不經意咁伸一伸手指出嚟，唔覺意咁用Gel甲掃一掃過你嘅Body，Gel甲帶嚟嘅妖媚效果對男人嚟講又真係好似有種吸引力。 　 　 　　一個女仔打扮自己愈多愈有心思，理論上對男性嘅吸引力就愈大，依點係就算佢拍緊拖都冇改變，咁你要面對嘅壓力就愈多。當然而家香港只要係一個正正常常嘅女仔都會有吸引狗公嘅能力啦，但有個Gel甲嘅女仔，仲要係鐘意飲酒夜生活嘅，做咗佢男朋友你都唔好話可以放心比佢出去玩。除非你有彭于晏咁嘅身形樣貌，或者晚晚陪佢玩之餘仲可以千杯不醉嘅能力。 　 　 　　睇完仲覺得受得起？咁就去馬啦，依個時間佢地都差唔多出門口架啦， 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

《每次去飲，佢都會溝到個姐妹》

　　好多人收到囍帖，第一時間都係覺得又要破費；偏偏佢就會好開心好期待，不過唔係為新郎新娘嘅大婚之喜，而係因為自己獵食有期。 　 　 　　佢容易食女唔係冇原因，個樣斯斯文文白白淨，著埋套西裝甚至有幾分意大利型男嘅感覺，去飲嗰陣有個有樣又識打扮嘅男人出現喺人群當中已經係姐妹們喺苦悶嘅一日當中難得嘅好處，更何況個靚仔仲會不時望返自己報以微笑？自己本身有識女仔嘅本錢，加上婚宴依啲唔係個個落嚟為搵食，少咗咁多競爭對手，此消彼長之下佢直頭係要風得風要雨得雨。 　 　 　　曾幾何時，佢同好多未玩夠嘅男仔一樣會喺蘭桂坊等地方搵食，但好快就覺得落得去蒲嘅女仔都有一種俗氣嘅感覺。雖然佢自己都唔係話想拍長拖一生一世，但大家都有自己個人口味，散拖都唔一定要搵MK妹架係咪？就喺佢開始厭倦去蒲同時又想搵個地方去識女仔嘅時候佢收到一張朋友嘅囍帖，然後又比佢喺嗰次識到一個啱佢心水嘅姐妹拍咗一排拖，自此之後人地嘅婚禮就變成佢個另類搵食場。 　 　 　　點解佢一定會揀姐妹？佢話因為喺依啲喜慶節日姐妹們都會冇咁大戒心，只要搵啱機會埋去傾幾句計，適當時候去遞下杯水，咁就已經係一個打開話題嘅好方法。而且姐妹裙雖然冇婚紗咁靚，但經過一番打扮又有邊個女仔唔想有人讚自己靚？當好多人將目光都放喺兩位主角身上，依個時候有人咁留意自己，心入面點都會有啲開心嘅感覺。試問又有咩第一印象會比開心更好？佢咁樣反問我。 　 　 　　由佢第一次喺婚禮識女仔到而家，大大話話經歷過十個八個婚禮，然後佢啲女朋友就真係轉足十次八次。將人地個婚禮咁樣玩法而又咁成功，我諗佢都真係無出其右。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

點解冇人用自己對男朋友幾好嚟曬命？

　　「噚晚啊，我男朋友買咗個最新限量版手袋比我，都叫佢品好咁破費啦。」 　　「早兩日我男朋友訂咗間餐廳同我慶祝週年記念，佢居然專登自己請個人嚟拉小提琴，真係好浪漫囉。」 　　「講開又講吖，我男朋友⋯⋯」 　 　 　　唔知點解，當有一班女人圍埋一齊，曬命就好似係一個基本動作：男朋友愈破費，做嘅事愈骨痺，身為女朋友嘅佢地就愈有曬命嘅價值。男朋友對自己好固然高興，但香港有一個好扭曲嘅價值觀：男朋友對女朋友好係一定要，但女朋友對男朋友好呢？係恩賜。當好多女仔千方百計諗緊點樣「令到」男朋友可以做啲比自己足以喺姐妹們面前曬命嘅行為嗰陣，佢地又有冇諗過好好咁對自己男朋友呢？ 　 　 　　身為一個好男友，唔單止要風趣幽默、唔可以樣衰、入得廚房做得家務、工作穩定又有上進心之餘仲有好多時間陪自己、最好係多高尚興趣、唔宅再加上能文能武，當然唔可以酗酒但又要飲得啦⋯⋯真係聽到都覺得辛苦。但點為知一個好女朋友呢？我諗只要你唔似黃心穎有仔就溝、容許男朋友有打機嘅時間、有煮過公仔面比男朋友食，基本上你已經係個好女仔。 　 　 　　公平咩？（當然啦，部份係男人自己攞嚟。） 　 　 　　個個女朋友都要求男朋友對自己好，要浪漫要肯洗錢，啲要求一山還有一山高；但佢地又有冇諗過自己都會按照返對男朋友嘅標準去盡一個做女朋友嘅責任呢？男朋友願意為自己落廚，願意為一餐浪漫晚餐大花心機，但又有幾多個女朋友會願意去為男朋友廚房煮返幾味？明明週年記念係兩個人都有份，又有幾多個女朋友試過喺依日為男朋友計劃返行情？二月十四同三月十四依兩日係咪有試過其中一日送返嘢比男朋友呢？ 　 　 　　喺香港做女仔真係好舒服，拍拖差唔多所有時間都係等嘆等享受等變禮物。 　 　 　　正當一班女仔好興奮咁去講男朋友有幾錫佢，突然有一個講咗句「我男朋友真係好好架，所以我見佢個銀包舊咪買個比佢」之後，全檯靜哂。 　 　 　　係啊，會對男朋友咁好嘅女朋友，係連女人都會嚇親。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

「你已被接駁到」

　　去到某些時候，你會知道剛才就是你們之間最後一通電話。 　 　 　　一輪罵戰過後，突然電話傳來已經掛線的聲音。你打了回去，只是響了一會，那道冰冷，毫無感情的聲音便出現了。 　 　 　　「你已被接駁到⋯⋯」 　 　 　　你心裡一涼，因為你知道這次不是一時意氣，而是永遠不再想聽到你的聲音，不想再看到你。盡管你知道這不是個好方法，但你還是忍不住一直打著那個熟悉的電話號碼，希望電話能再次接通，或者是讓對方感受到你的關心——當然這只會有反效果。 　 　 　　一次又一次的致電，換來一句又一句的機械式錄音。終於你扔下了手上的電話，在單獨一人的房間中大叫一聲——思念、愛、恨、緊張、害怕，只有歇斯底里的叫喊才能釋放你心裡的情緒。呆望著天花，你回想起你們由當初情意綿綿的對話，到剛才最後那不堪入目的對罵。你不禁想起「如果能回到以往」或者「我真的不應該這樣」，只是一切已成訂局，後悔只能換來難受，沒有以外的作用。 　 　 　　看著電話中連續數十通的撥出電話，然後再看看較早前的，長個多小時的通話記錄。同一個名稱，同一組電話號碼，只是在同一個頁面的距離，卻見證了你們由相愛到分手的時刻。一段感情，原來可以這樣脆弱。 　 　 　　「你已被接駁到」這句說話，到底宣佈了多少對情侶的死刑？ 　 　 　　而我，又死了多少次？ 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

「我跟他先走了，再見」

　　在週末的一個晚上，他與一班朋友來到蘭桂坊的一間夜場，為的只是同行一個心儀的女生。他們相識了一段時間，每次一班朋友出來時二人也形影不離，親密得令不太相熟的人甚至以為他們是情侶關係——當然他也在等待能以一吻定情的時刻。 　 　 　　在夜場的電音節拍下，她很快就進入了這狂歡的氣氛當中，而他則是在一邊的位置上與一兩位朋友聊聊天說說笑，然後不時望向她的方向，確保她相安無事。酒過三巡，人間妖域除著時間愈接近深夜而更見熱鬧，夜店中的舞池早已擠得水洩不通。他們已經無法像當初一樣閒聊，即便大家都在耳邊大聲吼叫，依然要三分靠聽，七分靠猜的去理解對方意思。他伸手指一指門口，示意自己到門外吸煙同時清靜一下耳根，同時另外兩位友人都指著手錶，示意他們到了回家的時間。一同走出門口，他向友人們揮手告別，然後獨自在夜店門口旁邊點起香煙。抬頭望著夜空，他打了個呵欠，睡意漸濃，但他放心不下她一個人在夜場，而且他覺得今天晚上送她回家就是讓二人關係更進一步的時機。 　 　 　　手上香煙燃盡，正當他準備回到夜店看看她情況如何，她卻同時與一個陌生男人走了出來——雙眼半閉，緊緊靠在他的臂彎，帶點醉意的她就像靠在男朋友身上一樣。還未等他開口，她搶先說出了一句讓他心碎的說話。 　 　 　　「我跟他先走了，再見」 　 　 　　音樂依舊，熱鬧依然，但他的心情卻無比空洞。曾經他以為自己與她一起只是時間關係，曾經他以為今晚過後就能正式向朋友介紹「她是我的女朋友」。如今看著二人身影遠去，他才明白到一切只是自己一廂情願，對她而言，他只是一個普通朋友，甚至是飯腳，酒友。他一個人走在那條斜路，隨手截了一輛的士回家。他努力讓自己集中精神看著窗外風景，不敢讓自己想著她此時此刻在做著甚麼。 　 　 　　兩個月後，他們再次在一個大型飯局會面，她依舊隻身前來，依舊熱情的向他說著最近發生的趣事，只是他總感覺有一點點的不同。 　 　 　　那句說話，依舊在耳邊揮之不去。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

偷食都要揀地方先得架

　　偷食係一種罪，唔識揀地方偷食直頭係連偷食嘅資格都冇。 　 　 　　偷食嘅原因不外乎兩種：一種係對自己現有嘅伴侶再冇戀愛嘅感覺，一種係純粹享受偷食帶嚟嘅刺激同快感。但無論係邊種都好，你揀得偷食依條路，你就應該有返相應嘅警覺性。好似香港嘅流出始祖希爺咁樣，食咁多女都相安無事，點知咁大頭蝦拎部有咁多相嘅電腦去整，佢嘅傻同天真其實唔差得過天真嬌。 　 　 　　喺的士又好、Uber又好、一架換咗個替工司機嘅保母車都好，喺有外人嘅情況之下居然可以調情調足十幾分鐘（甚至唔止），依個行為已經唔係傻，而係蠢到不可救藥。大佬啊，你咁樣不如喺凌晨嘅後巷互摷打野戰仲好啦，甚至不如前後腳上去時鐘酒店，點都好過有個司機坐喺前面隨時隨地望實你下話？ 　 　 　　男嘅有個天后級唔介意你成世人冇嚟出色，女嘅有個公認娛樂圈清泉男肯認你做女朋友，偏偏兩個都唔知足，係要繼續偷食尋求刺激。泊得好碼頭都唔識珍惜，要偷食都唔肯比多少少腦去諗下要點食同埋衰咗嘅後果，而家落得如此下場，唔通你怪肥佬黎啦喎？ 　 　 　　條佬都算死得有價值嘅，而家冇乜名氣都仲可以食到件細自己廿年嘅大台姐仔；條女就慘啲啦，唔止比全香港公認做臭雞，仲要比人知佢啲口味咁獨特，最緊要係難得依排叫多啲Job接，而家乜都冇啦。 　 　 　　都唔係嘅，取代家燕姐賣安全套預防性病嘅廣告，仲叫食到個時效性。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

《童顏冇你諗得咁正》

　　我有個朋友啱啱喊住咁打比我，話佢又一次失戀。 　 　 　　講一講佢份人先，又冇港女格、又唔爛玩、仲識煮返幾個好餸，不過最後一個唔少人覺得係優點嘅地方偏偏就係佢大部份失戀嘅主因：童顏。佢嘅童顏唔係「比真實年齡睇落細幾年」咁簡單，而係今年都廿中嘅佢每一次去馬會買六合彩或者同朋友落酒吧飲嘢都一定會比人查身份證——冇錯，係「每一次」。記得有次我地一班人飲飲吓嘢遇著差人查牌，有個便衣一見到佢個樣就講「𡃁妹，你落得嚟酒吧飲酒咩」，直到見到佢張身份證之後就冇再出聲即刻行開。 　 　 　　佢話好幾個男朋友當初都覺得佢個樣咁童顏有一種好可愛嘅感覺，不過當一齊咗一段時間就發覺自己好似拖住個妹出街，甚至比朋友笑佢戀童癖。有一個前任男友生得比較成熟，甚至比侍應當咗係佢老豆。又好難怪啲人咁諗嘅，我同佢講過如果我見到佢喺街度喊而我又唔識佢嘅話，我可能會買支波板糖比佢，再問「小妹妹係咪唔見咗爸爸啊」。極度童顏再加埋唔知有冇150嘅身高，唔望身份證邊會有人知佢已經係一個做緊嘢嘅OL。 　 　 　　曾經有女性朋友話不知幾羨慕佢睇落比真實年齡細咁多，但佢只係搖搖頭，嘆一口氣再講「林志玲嗰種叫不老傳說，鄭多燕嗰種叫美魔女，但佢自己依種根本就係發育障礙咁，永遠只會令人覺得個女仔好可愛，但唔會有人當佢係女人去愛慕」。其實都啱嘅，而家廿中嘅佢莫講話女人味，甚至連十八廿二嗰種青春氣質我都唔覺有，有時我都會懷疑到底當初佢啲前任男友點解會同佢一齊——當然我冇講到出口啦。 　 　 　　依位永遠嘅小妹妹，大概係所有同年齡層女性入面唯一一位想老快啲嘅人，因為咁先有可能搵到一個有穩定關係嘅男朋友。 　 　 　　又或者佢而家就搵個金魚叔叔比較快。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

「我冇唔比你做啊，不過你會激嬲我囉」

　　我個FD有一個女朋友，經常都話自己好講道理，但只要唔合佢心意佢就會要我個FD生不如死。 　 　 　　以前我個FD喺自己屋企鍾意坐邊就坐邊，瞓喺梳化打機又得，喺床用電腦做嘢又得。但自從佢女朋友搬咗嚟住之後成日都招呼佢啲朋友上嚟玩，唔單止侵犯咗我個FD依個戶主唔少空間，有時連梳化都冇位佢坐，想坐客廳地下都比女朋友話佢阻住條路。我個FD有同依位女朋友反映過，但佢又話每日只係固定叫三個朋友上嚟玩，個個都經佢批准過又係自己人，叫我個FD包容下佢地咁話——雖然間屋明明就係我朋友嘅。 　 　 　　有一日，我個FD終於頂佢女朋友唔順，佢決定工都唔返，全日瞓喺客廳嘅地下，要捍衛返自己嘅地方，想日後嘅決定都由大家投票咁話。佢女朋友嘅朋友話我個FD一啲都唔好客，話如果唔係佢地成日上嚟玩，我個FD同佢女朋友一早就完蛋咁話。結果佢女朋友當然發哂脾氣，話我個FD咁樣做好錯，唔應該影響過嚟玩嘅人嘅心情，更加唔應該阻住條路——雖然間屋明明就係我朋友嘅。 　 　 　　經過咗一段時間嘅抗爭，我個FD失敗咗，仲要比佢女朋友嬲埋。佢女朋友唔單止搵埋自己啲朋友一齊去鬧我個FD，佢甚至喺屋企拎住把雞毛掃指住我個FD，問我個FD知唔知錯，點解傷害佢同朋友們嘅感情。我個FD話佢只係別無他法之下先要出佔領客廳依個做法，希望比佢女朋友知道佢嘅決心，亦都希望女朋友可以聽下佢嘅訴求。點知佢女朋友就爆咗句金句出嚟：我唔係唔比你表達你嘅意見，但你唔應該做得咁偏激囉——但我個FD曾經同佢好聲好氣講咗好多次，不過佢唔聽。 　 　 　　最後我個FD有咩下場？我唔知住，不過我曾經同佢女朋友講過「我個FD都只係想表達佢意願比你知」，不過佢又用另一句金句答我：「我冇唔比佢做啊，不過佢會激嬲我囉」 　 　 　　佢真係好撚仆街。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

「再冇藉口比自己懶」

　　依個星期三就開始返工，我個自製嘅大假就快放完。 　 　 　　由我裸辭到開始返新工相距三個星期，比起我之前兩個月起跳嘅廢青生涯短咗好多，亦唔需要望住銀行戶口得返三位數。記得搵到上一份工之前一路望住銀行啲錢有出冇入，到後期連拎三百蚊出嚟都覺得肉赤，食個老麥都係高消費。而家？好彩劈炮之前總算留咗幾個錢旁身（年頭飛完大半個月日本，我專登推遲咗我辭職嘅日子回返小小血先），噚晚我仲同女朋友講不如喺我返新工之前飛多轉台灣玩幾日，因為我都幾有信心上星期見嘅其中一份會請我——只係我估唔到佢今日打嚟就叫我星期三返工咁快。 　 　 　　今朝得知自己已經脫離失業大軍嘅我並冇話即刻瘋狂打機慶祝一下或者搵人今晚食餐勁，而係要準備今日同聽日合共三個嘅Interview——有個Offer喺手，再拉高少少叫價，搏多三個機會都唔係壞事。雖然冇得再瞓到十二點之後先起身，不過而家嘅我已經唔可以Hea，唔單止要好好計劃之後要行嘅路，亦都要向同我一齊嘅女朋友負責：冇理由要佢養返我架，我肯佢都唔肯啦。 　 　 　　第一次裸辭，因為我同自己講依份唔係我理想嘅工作；第二次裸辭，因為我同自己講依份工冇咩好出路；第三次裸辭，因為我同自己講份工學唔到嘢。事不過三，嚟緊依份工我唔可以再比自己到走嗰陣都唔知學到啲咩、唔可以上網搵工嗰陣覺得好多嘢我自己做唔嚟、唔可以再覺得自己唔夠班去入一間公司。後生可以咩都試，但係我已經試夠三次，我唔可以再比自己一個「仲後生」嘅理由去輕言放棄。決定得要做邊行，就要抱住點都要搞掂佢嘅心態。 　 　 　　我份人好懶，但為咗我嘅未來、為咗個女朋友、為咗我地往後嘅路，我唔可以再用「懶」同「遲啲先」做藉口。嚟緊依份工，我最希望可以做夠三年：為升職加人工又好，為經驗同執靚CV也罷，仲有幾年就踏入三字頭嘅我唔想下一份工依然要對Senior依個字敬而遠之，唔想叫高少少個價都比人問「點解覺得自己值依個價」。 　 　 　　瞓先，聽日仲要一早起身Interview。各位仲有夢同火嘅讀者們，共勉之。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

從何時起，你把快樂與金錢掛勾。

　　買到限量版波鞋、買到新推出的手袋、買到最新款式的手提電話，一切都是如此讓人興奮愉快。只是你否發現，由何時開始你的快樂只能由金錢構成，買一件愈昂貴的物品會讓你愈有開心的感覺？ 　 　 　　以往小時候，一班同學在放學後跑到附近公園玩捉迷藏或者到籃球場打上半天籃球，玩到大家都大汗淋漓後互相告別回家；又或者是回家玩Online Game時打個電話作三人甚至四人會議，一同組隊戰鬥至某某要吃晚飯或者家人高聲斥責才甘願完場，雖然花不上一分錢，但那種快樂卻是實在的。 　 　 　　當我們都長大了，當大家都有了自己的工作與薪水，金錢在我們的生活中也變得更加重要——由必須的衣食住行與家用，到出外玩樂拍拖的消費，金錢都是不可或缺——金錢的確很重要，沒了它你的生活會出現很大問題，但快樂與金錢之間不應該有一個等號。你可以花上一大筆錢為女朋友買一個名牌手袋，也可以花盡心思準備一份不用太多錢但更為難忘的禮物；你可以帶她到高級餐廳晚膳，也可以親自下廚為她準備普通卻充滿著愛的晚飯。金錢可以為你提供更多選擇，但最昂貴的選擇卻未必最能令人快樂——魚子醬與三文魚子，我就不能選擇後者嗎？ 　 　 　　快樂的來源應該是來自對方對你的愛，或者是做到你自己想做的事。要一個收入不錯的人帶你吃一頓二三千元的晚飯不難，但要一個人甚少下廚的人為你花上大半天在廚房準備一切卻不是如此容易。也許我們在一個凡事講求金錢與物質的社會生活了太久，所以忘了快樂的本義，也忘記了快樂其實可以很簡單——有一個愛你的人、有一班合得來的同事、有能夠無所不談的朋友、有著能夠自由自在的假日，即使不用花上一分錢，你依然能夠很快樂。 　 　 　　就像小時候的你一樣。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

唔再係謝師嘅謝師宴

　　到咗今時今日，搞謝師宴真係慘過食屎。 　 　 　　想當年我中五畢業（會考年代，你話幾老），有人提議過不如全級一齊搞個謝師宴，只係傾咗一排大家都意見不合最後唔成事。最後我地自己嗰班同兩個班主任喺學校附近酒樓食咗餐晏，仲要因為上菜慢而集體遲到，好彩兩位啊Sir出面，我地先唔洗比學校罰。而家諗返起都覺得係開心嘅。 　 　 　　有一班玩得埋嘅同學，加埋值得多謝嘅啊Sir，再去一個中學生都仲可以負擔得起嘅地方食飯，我諗依個先係謝師宴應該有嘅意義。 　 　 　　香港經濟壓力大嘅家庭好多，依個係人所共知嘅事實。比成千蚊去酒店搞、仲要洗錢買套戰衣去出席、女仔可能仲要搵人幫手Set頭化妝，唔好話謝師宴啦，平時自己屋企大時大節都未必肯洗咁多錢。仲要而家啲老師愈嚟愈多人將教學變生意，視學生成績為生意額，為咗追數無所不用其極。當然依個少不免源於學校壓力，但當一個教學制度去到唔會理解唔同學生嘅要求，當愈嚟愈多學生返學覺得係壓力，又有幾多人真心想多謝老師依幾年嘅教導？ 　 　 　　以往謝師宴都仲算係學生自發搞嘅一個活動。而家居然會有埋學校回條簽要參加，唔去都仲要比錢又係咩玩法？去飲唔出現，如果唔熟嘅都可以WhatsApp一句祝你永結同心就算啦，而家同個老師有親？人唔到禮都到？如果唔係由學校收，而係學生家長一個個返學校封利是比個老師，咁就真係同中國一模一樣。乜嘢春風化雨有教無類我Feel唔到，利字行頭先係事實。 　 　 　　最慘係嗰啲屋企經濟唔係好之餘喺學校又唔係多朋友嗰啲學生。比你交足錢，搵到套老西去食飯，坐埋位又冇人搵你影相，得嗰兩三個同學搵你傾幾句。成晚望住風頭躉先係今晚嘅主角一樣滿場飛，周圍同人影合照，而自己就喺位食成千銀嘅菠蘿腸同楊州炒飯。嗰刻個學生就會知道咩叫現實。 　 　 　　謝師宴，講到尾只係人生第一場真正嘅比面派對。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

《暖水》

　　「你啱啱先病好，飲多啲暖水啊。」 　 　 　　曾幾何時，我聽到有女仔講「病咗都淨係識叫人飲暖水都唔識關心人」，但當兩個人唔係一齊住，透過電話除咗叫你飲暖水休息多啲都真係冇咩可以做——你估有咁多情侶真係住喺對面，五分鐘行到去咩。 　 　 　　至於依句「飲多啲暖水」係窩心定係敷衍，就好睇你平時對另一半係有幾好。 　 　 　　人係一種感情動物，特別係女仔。如果你平時有好好疼愛佢，令佢感受到你對佢嘅關懷同愛護，依句「飲多啲暖水」當然係暖過暖水；但如果你平時都係愛理不理，冇乜聽過佢講嘢，冇點顧過佢感受，「飲多啲暖水」自然成為佢眼中敷衍嘅一句說話。一段感情由好多因素組成，亦需要做好多嘢去維繫，大至生日同周年紀念嘅種種驚喜，小至平時出街會主動搵冇風口位嘅位置，無論係愛、安全感、信任，全部都要一點一滴累積而嚟。 　 　 　　當你知道佢病咗，當你想關心佢，要佢好好調理身體，要佢飲多啲暖水確保保充水份，佢感受到你嘅心意當然最好啦，但如果佢覺得你只係嗰個「病咗都淨係識叫人飲暖水都唔識關心人」，或者你就要留意下平常係咪真係冷落咗佢，係咪你地當中缺少咗情侶應有嘅親蜜同埋信任。千祈唔好睇少依個好似好小問題嘅抱怨，如果過咗一段日子有啲爭吵，依啲平時睇落微不足道嘅小事就可以無限放大，甚至影響一段關係嘅發展。 　 　 　　當然啦，如果你發現自己已經再冇真正關心對方嘅動力，或者對方真係去到貪得無厭嘅地步，或者你係時候考慮下依段關係仲可唔可以行落去。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday

[moyinday]

裸辭後的悠閒

　　昨天，我正式離開了我工作了一年半的公司，這也是我自畢業踏出社會工作後的第三次裸辭——我從未試過找到下一份工作後才跳槽的「工駁工」。 　 　 　　沒有工作的煩憂，不用每天定時定候強迫睡意仍濃的自己離開床鋪梳洗上班，這久違的感覺確實讓我懷念。一下子退出了二十多個工作群組，手提電話清靜不少，不會無時無刻都有一堆信息需要關注。起床後能玩一下以往一個月用不了幾次的Switch，過一個放鬆悠閒的早上，然後才上jobsDB尋找一下適合自己的工作，也有機會讓自己重拾閱讀這個習慣，時間突然全歸自己安排，很奢侈。 　 　 　　但是沒了以往裸辭後馬上很放鬆的感覺。 　 　 　　以往年輕，裸辭後當上一兩個月廢青，直到山窮水盡才開始認真找工作也不覺得是怎樣一回事；現在於舊公司還有半個月才離開時，我已經在準備Send CV的事宜。昨天第一天閒在家中，已經看了好幾頁jobsDB，遞了幾封電郵到心儀的公司，這是以往我最少在家遊手好閒大半個月後才會施施然做的事。人大了，不再有太多時間讓自己悠閒的浪費掉，也不想自己出現太長的空白期，所以這次裸辭後，心裡比以往多了一份的不安感。 　 　 　　這算是成熟嗎？我不知道。 　 　 　　沒再能完全享受不用工作的日子，悠閒的日子多了幾分暗湧，畢竟要在剛榮穫全球生活指數最高之一的香港中生存，一份收入真的很重要。也許這會是我最後一次裸辭，也許這一兩個星期，或者一個月會是我最後可以無所事事的日子，直到我往後六十五甚至七十歲以後退休。只是我仍然未能好好享受這樣的日子，直到我確認自己找到工作之後。 　 　 　　也許人大了，真的不配擁有裸辭後的悠閒，特別是生存在香港的我們。 　 　 FACEBOOK：https://www.facebook.com/MOYINDAY 小心輕看：https://readwithcare.com/EditorRelated/毛言地 TUMBLR：http://moyinday.tumblr.com/ Fanpiece：http://women.fanpiece.com/moyinday/ Medium：https://medium.com/@moyinday