@nochnicht - Tumblr Blog

thepowergame-deactivated2015091

localfag-deactivated20160506

Akuma Aizawa

المُشكلة في فعل السقوط ان الإدراك بيفشل معاه تماما. مستحيل تُدرك انك سقطت غير بعد ما تكون سقطت بالفعل. مش بتُدرك انك سقطت غير بعد ما تبدأ تحس بالألم اللي خلّفه السقوط، مش بتُدرك انك سقطت غير بعد ما تكتشف انك مش هتعرف تطلع للسطح تاني، مش بتُدرك انك سقطت غير بعد ما تتوغّل في العتمة وتبعد نهائي عن مصدر النور. مفيش أي انديكيشنز أولية، مفيش نوتيفيكيشنز أو اليرتس قبل السقوط، فجأة، وبدون أي مقدمات، تلاقي نفسك تايه في قلبه.

والمشكلة الأكبر انك ممكن تبقى واثق تماما انك مستحيل تتعرض للسقوط لكن بدون ما تحس هتلاقي نفسك سقطت. الموضوع أشبه بضربة برق أو بإحساس الإصابة بطلق ناري، لحظة واحدة بس هي اللي بتفصل بينك وبين السقوط، لحظة مستحيل تقدر ترصدها قبل ما تحصل، ومستحيل تعرف تتفاداها.

هتعرف انك سقطت في الحفرة بعد ما تكون وقعت فيها بالفعل، وهتعرف انك سقطت في الحب بعد ما تكتشف انك بقيت متعلق بنبرة صوت أو ريحة شخص أو حتى حضوره. وهتعرف إنك سقطت في فخ الأمل بعد ما تكتشف انك فقدت الأمل في كل حاجة.