بالنسبة لي دي أجمل رسالة حب وعتاب كتبت بالحياة❤️
"ودايمًا بالآخر في آخر.. فيه وقت فراق."
رسالة زياد الرحباني إلى دلال بعد ما سافرت وتركت بيروت وراحت على لندن وكتبتله رسالة بتقول إنها سافرت وقررت ما تحبه مرة تانية..
أول شي كيفك؟ كيف أحوالك؟ كيف أيامك؟
إن شا الله مش عم تلاقي صعوبات كتير بالعيشة..
كيف درسك؟ كيف الطقس؟ ان شا الله مش مزعج..
كيف راسك؟ كيف ضهرك؟كيف معدتك؟كيف أعصابك؟كيف شرب القهوة..ان شا الله عم تشربي كتير قهوة؟
ان شا الله بتمنى، كيف صحتك؟
ليكي أنا بلغني في المكتوب العظيم اللي تركتيلي إياه قبل ما تزمطي إلى لندن إنك قررتي إنو ما بقى بدك تحبيني، ورجع بعد فترة بلغني من الأستاذ رفيق نجم انو بلشتي تكرهيني..
هيدي شغلة ع بعضها بتفزع!!
بكل الأحوال أنا ما إلي علاقة بهالشغلة، القرار قرارك انت وأصلا ما كان في مجال للمناقشة لأنك فليتي!
والأصح "هربتي" أو إذا بدك "زمطتي"
بالنسبة لما يتعلق فيي، نتيجة قرارك الحاسم وسفرك إلى لندن جربت إنو أفتش على إنسان جديد حبو وبعد البحث والتدقيق عن هالإنسان، تبين إنو ما لقيتو..ما بعرف.
هلأ بالنسبة لما يتعلق فيكي، إذا حصل وإنك لقيتي هالإنسان إلي أنا فتشت عليه وما لقيتو، كان بها.
هلأ إذا ما لقيتيه ، ما بعرف شو رأيك ؟
أنا رأيي إنو بيكون من الأفضل إنك ترجعي ومش بعد شهر، بكرا ع بكرا، لأنو كل الوقت إللي راح، راح ضيعان..
وهالسوء التفاهم معي صارلو فترة حاصل بيني وبينك قد ما يكون وشو ما يكون، منقعد على طاولة ومنحلو..
ليكي ولا يهمك في عندي ٣، ٤ طاولات رح نضل نقدر نحلو ع شي واحدة منهن..
أنا أكيد ، انو بيني وبينك ما في ولا مشكلة ما بتنحل، كلو بينحل..
على فكرة أنا هيدا المكتوب ببعتو، وقصة المكتوب إللي وصلني منك شوي غريبة أو في شغلة من شغلتين..
١ـ يا إنك كنت طارڨة شي ٦،٧ سواغير قبل ما تكتبي هالشغلة؟
٢ـيا انو قصدك تفهميني انو ما تجرب تبعت مكتوب لأنو ما راح جاوب!!
بالحالتين هاي مش طريقة لحل شي..
وليي إنتي حمارة..يا حمارة يخرب بيتك شو حمارة، ليكي ديري بالك ع حالك لأنك حمارة
حمارة كبيرة بس ما تخلي حدا يعرف..
annaxmalina
snowghoul
theartofmadeline
blakekathryn
yousharknotpass
2087
