《我們的音樂》

音樂不屬於我，也不屬於你，是屬於我們的。 無論大家喜歡的音樂是流行樂、搖滾樂、古典樂、藍調、爵士樂、靈魂樂、獨立音樂還是如網主薰的摯愛金屬樂；聽開 DSD、DXD、24-bit、WAV、FLAC 定係 MP3 (最好唔好啦)，都歡迎來到我們的音樂 (Our Music) 打躉，留下一地腳毛。 詳情請參閱「關於我(們)」。

[om-hk]

My Molten Tears

歡樂嘅時光過得特別快，又係時候講拜拜。 天下無不散之筵席，再鋒利嘅刀都會有生銹嘅一日，有緣大家共事，係小弟嘅榮幸，所以喺呢個 #谷主引退 嘅 moment，分享埋最後一次音樂～

為達至最佳享受，除非你套 audio system 犀飛利，否則我極度建議你戴定耳機，同埋記得 play 之前，揀返 1080p/720p (如果有得你揀)，GO!!!!

痴撚線

每個人心底裏都有種癲狂，只係唔係人人都識得 or 夠膽將呢份人之常情徹底發揮。 會發揮出嚟嘅人，可能係因為佢痴Q左線，更可能係佢明白一個人文社會嘅基本道理：唔正常先係最正常！

Give me the sense to wonder To wonder if I'm free Give me a sense of wonder To know I can be me

▲Can I Play with Madness // 自古以來，由石器時代 -> 中世紀 -> 今時今日，英國佬都係有種霸氣，連痴線都霸氣過人！連出場揈旗嗰下都炒埋 #Su99er時刻 嗰味嘢！This is MADNESS!!!!!!

夠 RAW，夠原始，外加聰明伶俐風流倜儻瀟灑溫柔，先令我可以喺成班瞓醒等瞓覺、瞓覺等瞓醒嘅廢中青面前，依然不失霸氣，屌佢老味！

呢種霸氣生活，有幾多人夠膽試，又有幾多人可以，誰明浪子心？

Give me the strength to hold my head up Spit back in their face Don't need no key to unlock this door Gonna break down the walls Break out of this bad place

▲想當年，叱吒風雲嘅 #Webssup戰隊戇鳩Rangers 已經不復存在鳥，鳳凰大廈 20樓嘅安全就靠留底嘅大家合力守護啦！

▲Seventh Son of a Seventh Son (1988) – Iron Maiden

Can I play with madness?

火花

要有火花，首先要有火。

講得美輪美奐，由sell屎到政客，係人都識。只係齋講唔做，不如入時光隧道。如果成世人都只係識得齋吹，咁係咪成世人都可以齋吹唔做就夠皮？博攞貞節牌坊有好多種方法，對住真實世界嘅人齋吹水，點睇都唔係一個好選擇～

望下樓下條街，好多無料扮四條嘅人喺到行緊，不過原來覺得自己好有料嘅人有更多。其實科學已經證實咗：覺得自己知好多嘢嘅人，原來係會唔知更多嘢：i.e. 自己係幾咁戇鳩。呢種認知偏差，我哋有個科學啲嘅 term，叫做 D-K effect。

▲Fire Made Flesh // 你會如何形容崩潰？事實上，人嘅情感豈可能用三言兩語講得清？星星之火，足以燎原，情感如潮水一歩一歩推進，一層又一層地堆疊上去，係意志力？抑或係自虐？唯有一切都傾瀉而出，先可以有機會知道，其實自己呢個葫蘆入面賣嘅係嘜春藥。

If you're going to try, go all the way. Otherwise, don't even start.

This could mean losing girlfriends, wives, relatives and maybe even your mind. It could mean not eating for three or four days. It could mean freezing on a park bench. It could mean jail. It could mean derision. It could mean mockery--isolation.

Isolation is the gift. All the others are a test of your endurance, of how much you really want to do it. And, you'll do it, despite rejection and the worst odds. And it will be better than anything else you can imagine.

If you're going to try, go all the way. There is no other feeling like that. You will be alone with the gods, and the nights will flame with fire. You will ride life straight to perfect laughter. It's the only good fight there is.

― Charles Bukowski

▲張生曾經私底下問過我：「綠色衫嗰個哥哥係咪平時都唔講嘢㗎？」我事後同 #綠色衫嗰個哥哥 講返張生呢個疑問：「有咩好同佢講？」我諗咗陣，又好似有啲道理喎！

了解完咩叫 D-K effect，又係時候問下自己同身邊人，其實自己真係有幾戇鳩？再進一步，你覺得你已經花盡洪荒之力去做？我覺得好多人花喺撚廚之後坐喺馬筒上面屙屎嘅力可能仲多。

改變世界，其實唔難：每日講多啲廢話，吸一口氧，排兩口二氧化碳，分分鍾你對全球暖化嘅貢獻比巴西農場嗰堆一日到黑都放屁嘅基因牛仲大。See? It’s that easy~

Fire Made Flesh，有火先會有火花。人類演化二百幾萬年，普羅米修斯為人類帶嚟火種，令人類可以駕馭火，導致慢慢學識直立嘅小小黑猿，變成今日嘅「萬物之靈」，犀飛利。

▲Waking Season (2012) – Caspian

人一生如果無火，生活無火花，黑猿會唔會比我哋呢群現代智人存在得更有意義？

理所當然

理所當然，到底一年有幾多人因為呢四個字而死。 好多人覺得，有麝自然香係理所當然，但其實小弟可以喺呢樹玩足一年，係一個偶然。

想當年，如果唔係因為 Connie 姐姐見到個名好奇，打個電話嚟約見個面，再加上有個見工率先破功爆粗嘅腦細睇中我講嘅嘢佢一句都聽唔明，然後請咗我，其實呢一世好大可能我哋都未必會在一個咁痴線嘅 Avengers 班底。

▲The Spirit Carries On // Rock 嘢大情大性，狂可以比人狂，感性起上嚟同樣可以比 Pop 用情更深；因為佢有嘅，係深度，同埋真情流露。

From this day to the ending of the world, But we in it shall be rememberèd— We few, we happy few, we band of brothers; For he today that sheds his blood with me Shall be my brother; be he ne'er so vile, This day shall gentle his condition.

― William Shakespeare, Henry V

返工時精力充沛，因為同我一齊努力嘅係你哋， 放工返歸想瞓覺，因為我真係好撚柒攰。

▲每過一年，生命就接近死亡多一點。當我自己其實都唔知生日有嘜好興祝嘅時候，大家已經 book 咗兩圍去物以類聚生日撚廚，然後再唔知邊到嚟幾十個白兵 (計埋企喺隔離開緊會嗰啲，i.e. Maggie) 分批同我玩，送畫送酒送劍送餅.... 如果我今年生日都係喺到過，會唔會送車送樓送千歲鷹？痴撚線公司！

▲Metropolis Pt. 2: Scenes from a Memory (1999) – Dream Theater

生命無 take 2，做人、做兄弟、有啲嘢真係有今生，無來世！連續返三個星期工而唔 AL SL CL 呢個壯舉，未必係因為社會福利好，但就肯肯定係我身體好！唔知之後仲會唔會有機會咁玩多鑊，但今年玩嘅都無咩令人後悔。 好多人 (如果唔是全部) 覺得我講嘢痴線，我覺得嗰班人先係痴撚線，因為我講出口嘅嘢都唔知有無佔我諗到正常嘢嘅兩成。唔知日常嘅廢噏有幾人聽得入耳，不過如果小弟喺檯跑跑跳跳對你嘅建設係大於破壞，至少我死都死得有意義啲～

If I die tomorrow I'd be alright Because I believe That after we're gone The spirit carries on

如果答案係相反嘅話，只可以講一句：「You're not alone」。

追求

做人梗要有所追求，只不過人之所以痛苦，在於追求錯誤事物。 一句老套都不得之了嘅說話，但如來好多年紀大一大嘅人都未必睇得化呢句說話....

▲Restless (Extended Mix) // 做咗幾十年人，生埋仔之後復出，要重新看待自己，實在唔容易。做人固之然，做音樂就更加係。同一班人，將一首明明四分鐘長、八分電子嘅歌，改成十分鐘長、十二分搖滾嘅音樂，憑咩？感覺同經驗是也～

生活勞勞碌碌，到底窮一生係想追求啲咩呢？有啲人好清晰，所以始終如一；有啲人都唔知做緊嘜，所以戇撚鳩鳩。

Restless I am so restless And this changing world Leaves me speechless

無論係 3 歲細路哥定 80 歲伯伯好，做腦細定掃地都好，每個人都可以選擇去選擇自己想做嘅嘢，如果你選擇久唔久就揾下藉口去做擋箭牌，就唔好怪人唔小心一下篤穿你個盾，因為好老實，呢啲咁嘅盾，畀把生誘青銅劍一下都已經廢武功。

▲由第一次 Interview 已經講想做 Studio Live session，雖然搞下修橋搞下補路，都唔知過先正式開到個頭，但既然最難落嘅決定 － 行動都已經做緊，其實剩底就只係堅持；而堅持到一個地步，唔止人哋會主動揾，仲會多謝你叫埋佢一齊玩。做人要除咗要有前有後，更要有內有外。呢隊 Live Team 2.22，功不可沒！

▲Complete Music (2016) – New Order

羅馬不是一天建成，但龐貝只需一晚覆滅。

To live is to suffer, to survive is to find some meaning in the suffering.

― Friedrich Nietzsche

當自己選擇唔去選擇，就無得怪命運殘酷，因為宇宙好公平，大家每日都得 24 小時，所有人都係咁過日晨，如果一日到黑都只想有天外來客嚟打教，畀人打鳩嘅機會可能仲大啲。

I am lost for words But I kept my nerve But it's not hopeless If you take rest

生活就梗係有起有跌，與其被恐懼、疲累蠶食自己，不如選擇相信自己，四圍鳩噏下，休息夠、精神好，自然寶寶都可以打底老虎乸！

我不關心

因為深明「你永遠不會能夠討好全世界」呢個宇宙真理，所以從來都唔多關心人點諗，後果就係其實有啲難相處。 儘管我不關心，但小弟都真係衷心多謝各位嘅忍讓、接納。雖然每個人都可以自己獨立生活，而且一個人行得仲快，但要行得遠，就要一班人一齊行。可以機緣巧合地遇到可以一齊癲癲喪喪、戇鳩渡日嘅同伴，的確可以令難捱嘅日子好過一啲。

▲Everytime // 好睇可以好簡單，捉對用神，好 pure 好 true 地拍一個 MV，就算掁眼到成個 MV 都一線眼，都已經夠晒過癮。不過香港人想鶴立雞群、雕龍琢鳳，最後原來人人都只係東施效顰。 慘~

話咁快就係我有我既生活，你繼續你嘅忙碌，俗語都有得你講：#人走茶涼。但我哋都可以得閒飲茶，不過記住唔好約我飲天仁茗茶就算，因為我至少都要飲長島冰茶，just like everytime we did~

如有長島冰茶，歡迎大家透過以下方式聯絡小弟：

Mobile: 你估下 Facebook: Getter Vader Facebook Page: 薰 Instagram: @vader.666 Website: OurMusic.hk Skype: 點解仲會有人用 ?_? Discord: Lord Vader#2255 E-mail: 歡迎 Facebook inbox 查詢

▲ROY PABLO (2017) – boy pablo

如果第一任谷主在位其間有做過些少好事，對人有過絲毫正面影響，係因為有你哋同小弟一齊披荊斬棘。所以喺呢個咁特別而平淡嘅 moment，我想將所有光榮同大家分享，因為沒有你哋，谷主嘅生活應該慘過食爛屎。

Sorry I am no good. 我聽啲音樂未必啱你聽，所以我講嘢你都未必啱聽，無論點都好，拜拜你條尾～

[om-hk]

test

[om-hk]

反烏托邦前，先認識一下《Rust in Peace》的藝術

Megadeth 新碟《Dystopia》(反烏托邦) 舊年推出，普遍評價都係中中挺挺。原因都係一貫老 band 問題：音樂勁揪，內容九流。

▲唔講真係未必有人知，其實《Rust in Peace》嘅主題係「反核武」。

呢個評價，基本上我是認同的。不過《Dystopia》(反烏托邦) 優勝之處，就係比 Pop 得過分嘅前作《Super Collider》金屬感強得多，同時聽得出 Megadeth 重新一次走出自己嘅 Thrash Metal 之路。

不過如果要認識真正嘅 Megadeth，要尋根！就算唔由第一隻大碟聽起《Killing Is My Business... and Business Is Good!》，都應該揀 top 3 之一嘅《Rust in Peace》做切入點～

小時候，我就已經 Rust in Peace

話說在前頭，小弟雖然係 Megadeth 嘅忠實擁躉，但論深入認識，可能還不及十八區嘅 Metalhead。薰的厚愛，全因小學時聽到《Tornado of Souls》，一聽上癮，久久不能自拔。Loop 咗好一段單時間之後，先聽返全碟。繼而返聽之前幾隻碟。

▲Rust in Peace (1990) – Megadeth

想當年，回到尚未有 Megadeth 嘅時候，屬於 Metallica 嘅結他手 Dave Mustaine 同 bandmates 鬧大交，毅然離開之後發展如日方中嘅 Metallica，自立門戶成立 Megadeth，自此身兼團長、結他手同主音。

Megadeth 的原罪

受「出身 Metallica」之名所困，每次 Megadeth 出碟，大眾樂迷少不免會將佢哋拎嚟同 Metallica 比，話 Megadeth 又跟住 Metallica 行。但所謂「學無前後，達者為先」，大家都係玩 Thrash Metal，其實沒有誰比誰高尚。放下江湖事，以音樂論音樂，《Rust in Peace》切頭切尾絕對都係一張隻精彩嘅專輯，甚至時至今目，依然可以保持喺唔少人心目中 Top 3 Megadeth 大碟嘅地位。

雖然同為 Thrash Metal，但聽深一點，其實 Megadeth 風格走向與 Metallica 大不同！

▲爽、勁、過癮、歌詞明朗中帶點悲傷就係《Tornado of Souls》嘅精髓！唔怪得之連小學生都一聽上癮！！ 

Metallica 嘅 Thrash 傾向重覆性高嘅 riff，夠狂躁、控訴力，但有時道力下下一樣咁大力，聽得多就有種力量崇拜嘅感覺。Megadeth 呢？編曲上就比較技術性重啲，重力感相對地少一啲。

▲《Hangar 18》歌詞其中一個參考部分，就係呢齣 1980 年嘅同名 Cult 片～

雖然「Riffs make a shit song better」，不過我會有上述感覺，反而覺得唔係因為技術高底之別，而係因為大家主題唔同。

而係因為 Metallica 專注於個人，同埋對現實社會嘅抨擊 (符合當時社會風氣嘛)，而當時沉迷黑魔法嘅 Dave，寫嘅歌自然都會有帶點宗教、外星人、超自然意味；連帶控訴力都會輕咗幾分，不過就換來多三分神秘學色彩，是好是壞，就睇個人口味～

▲《Hangar 18》恥笑軍事係人類最無腦嘅建設之一，因為除咗研究外星人之外，其主要用途只係用嚟對付打自己人。時至今日，呢首歌似乎越嚟越啱用 lol

不願只做時代的「直必腸」

除咗旋律性豐富嘅《Tornado of Souls》之外，《Hangar 18》、《Five Magics》明顯地充滿玩味，而玩味喺舊式 Thrash Metal 係唔常見，因為配合當時社會風氣 (經濟差，生活迫人，社會無向上流空間)，Thrash Metal 基本上都係「直必腸」：有事就屌，有屎就屙。

▲碟名《Rust in Peace》唔是「歌頌死亡」，而係源自於呢張反核武嘅車身貼紙。

全碟入面最直接屌柒當時社會嘅應該非《Take No Prisoners》莫屬～ 負責打頭陣嘅《Holy Wars...The Punishment Due》就唔係講當時美國嘅社會問題，反而係已經擾攘 20 幾年，多次爆發流血衝突嘅北愛爾蘭問題；《Punishment Due》更只係向 The Punisher (Marvel 心口有個骷髏個男人) 致敬。如果真係要講，以嗰個年代嘅準則而言，Megadeth 整體其實唔算係最 Thrash 嘅 Metal band...

Megadeth 的金屬因子，叫 Megadeth 

不過正正係因為上述原因，再加上 Dave「特別」嘅個人經歷，令 Megadeth 變成一隊長期被人認為活喺 Metallica 影子下嘅樂隊。實情係，雖然有小部分音樂技巧：例如《Hangar 18》嘅 D minor opening 同 Metallica《The Call of Ktulu》有幾分相似 (因為兩首都係 Dave 寫嫁嘛)，而之後啲碟有時又失手。

但無可否認，Megadeth 正正係因為有包袱，所以更努力活出自己，將眼光放得更闊、更廣，殺出一條唔知算係奇怪，定係另類嘅路線 (sosad)

《Rust in Peace》就正正係一個好例子；正因為我 (哋) 愛 Megadeth，所以我 (哋) 都 Rust in Peace！

by 薰

[om-hk]

《One Step Closer》，談周柏豪十年的音樂路

周柏豪出道都 10 年了，十年前誰能預料到他能在新一代男歌手中完全地脫穎而出，並於不太長的時間內，便真正躍居到香港樂壇一線位置呢？(07年我最看好的樂壇男新人其實是洪卓立...)

公平地說，周柏豪在初出道時至 2013 年之前的音樂作品也閃過不少靈光，搖滾味的《同天空》於《Beginning》的 Beginning，便樹起了他「有態度」的旗幟。2011 年的《本體分裂》，更確立了他的「黑色」風格路線，《黑》、之後的《斬立決》，顯現出 Pakho 不安的靈魂；《只有一事不成全你》寫友情，卻在後面用了 post-rock 的編曲，熱血悲壯、蕩氣迴腸，在香港主流男歌手作品中，實屬罕見地大膽。

大膽的主流男歌手

周柏豪的另一條音樂支線，是「煞食」的情歌：《六天》、《Smiley Face》……然後是一系列近似《我的宣言》式的「叫糊金曲」(成為大熱流行的潛力作品) 出現；雖然令 Pakho 吸納到更多樂迷，只是同時亦不斷磨平了他的音樂棱角。直至《White》，問題已經到達不可忽略的地步。

多元性是周柏豪音樂的優點，像舊時的《報告總司令》、《乞丐王子》……他的歌曲不僅曲風多元，題材也多元化；而今年的新專輯《One Step Closer》依然秉承這優點，第一首不是大多樂迷能接受，但正正就是要擺出態度、更傳達出「我行我素」精神的《囂》；要型要潮的，可以選第二首動感系的《How Do I Look》，完全就是他個人形象的一面鏡。

▲新碟中，《囂》稱得上最代表到 Pakho「我行我素」精神的。

想要回到《想太多》年代，那種真摯味道的，又有 Pakho 寫給自己團隊的《怒花》可供選擇；當然少不了，順耳動聽、又不太「罐頭」的「叫糊金曲」系列——《有生一天》、《終於我們》，或是令人想起《每一句說話》、《陪著你走》等經典的《近在千里》，完全屬於大眾喜歡的音樂類型，符合大家喜歡的 Pakho，絕對有助鞏固他的樂壇地位。

▲One Step Closer (2017) – 周柏豪

周柏豪 = 短暫快慰

但周柏豪的EP/專輯，亦因此總是會出現「本體分裂」的感覺，他張張聽似多元的作品，可音樂路數其實不會差太遠，並難以繼續地「深化發展」。這就像在床上跟你 (聽眾) 玩樂，Pakho 出動了震震蛋、dildo… 多不勝數的道具，卻只能夠給你短暫的快慰，沒有一種很持久、很深入的感覺，因缺乏了前戲的醞釀或有層次的刺激。

▲不深入、不持久的快慰，可能就是吃慣快餐都市人的唯一渴望。

而且，他的那些抒情情歌、「叫糊金曲」，愈來愈令其形象模糊過《Imperfect Collection》的、那高仿 James Blake 同名專輯的封面。周柏豪天生較粗…………的聲線，已經令他在處理情歌時總顯得不夠細膩、表情單一，他的「真摯」不能拯救、唱功亦無力挽回多少次...... 只要一個張敬軒走出來與他作對比，Pakho 演繹上不止跟軒仔差一個level的「老底」 (內情、底細) 便現形。

▲James Blake (2011) VS imperfect collection (2012)

柏豪的 Next Step：做自己

可是，周柏豪的粗獷、男人味，又適合走流行搖滾路線（只要不是刻意擺態度的音樂就可以了），始終香港主流樂壇太多奶油小生，Pakho 其實可以嘗試下揚自己的「長」、避自己的「短」，他的 next step 應該專注做做「麻雀檯」(樂壇) 上少見的「牌」，而不是掛著叫容易吃的、且令這場「遊戲」樂趣大減的「糊」。

唯獨是這一次，新碟首選歌曲：無。

by 田小百合

[om-hk]

從自憐到自愛

華研的企劃能力之強大，簡直已達教材示範級別，他們可以將偶像團體成員，成功變身為「文青」歌手，更可以在祭出 Wisława Szymborska (有「詩歌界莫扎特」的波蘭女詩人) 的《渺小》中，將 Hebe 的特點「Be格」再提昇之餘，又能夠兼顧流行元素，讓兩方面有機統一到極致。

而最新的《日常》，同樣體現出華研團隊的高明；《渺小》是「平衡」方面的高位之後，他們又嘗試更換「畫風」，做出有點偏離主流的口味，但又是他們預計之內，主流會 buy 的專輯。

生活就是無常

外冷內熱的矛盾，是上一張大碟《渺小》之重要線索，而這次《日常》明顯有意不再將情感的糾結與拉扯放大，Hebe 的心境似乎也更放得開。映照著〈無常〉的〈日常〉，像人生的又一回「進化」；當目睹或經歷了太多的無常，你會習慣這其實是種「正常」。編曲的黃韻仁把〈日常〉的音樂變成了甜品，聽著就令人放鬆、無壓力，輕巧地襯托出一種不以為然、「管明天的天空會是怎樣」的態度。

▲日常 (2016) – 田馥甄

接力的〈人間煙火〉有點澀谷系樂派的風格，如延續了陳珊妮《I Love You, John》內的某些作品脈絡。不過〈人間煙火〉和上首〈日常〉一樣，都是以較輕盈的姿態，無視著無謂傷感。Hebe 的演繹，有時候會令人聯想起王菲，而被迷離夜色籠罩的〈無用〉，更是像王菲〈情誡〉的姊妹。

流行情歌都可以文藝化

現今不少的輕熟型或成熟型女歌手，都會於自己的作品中唱到對情感 / 分手的看化 / 看淡，Hebe 的「文藝流行情歌」(請容許我這樣定義)，自然也離不開類似的主題。

就如〈靈魂伴侶〉、〈餘波蕩漾〉，前者以卑微的態度去面對一個不愛自己的人，但也選擇了內化和接受這痛苦 (有人認為此歌是寫沒有美滿結果的同性戀)；而後者去回首舊愛，卻知道那過往或任何的一段感情，亦能令自己從中獲得收穫。

雖然〈餘波蕩漾〉依然可歸入「治愈系」的範圍，不過音樂方面少了以前那些傳統 K 歌易於記憶的旋律化節奏，取而代之是並未被刻意強調的副歌部分 (小音程)；可是當她加上了雙簧管、長笛和弦樂等的烘托之後，又令樂曲帶著令提高情緒的張力，且跟一般遵循著某種固定格式的流行音樂比較，顯得更慢熱耐聽。而〈靈魂伴侶〉優美的 melody，前段琴音和後來進入的弦樂，頗帶出「雅」的意境，加上歌詞文字上本身就俱詩意，更為此歌營造出一種朦朧、或曖昧的美感。

單身宣言

《日常》除了「日常」的「文藝流行情歌」之外，亦有不少較為新鮮的嘗試：電音風格的〈念念有詞〉，飄出了仙氣；〈獨善其身〉帶有的空靈、平和之感 (讓人想起了 Sarah Brightman 等女「精靈」歌手的作品)，卻在副歌段落轉調，就如向鏡一般的湖面投下了石頭。個人覺得《日常》中的 Hebe，愈來愈掌握到「鬆」的要領，能利用其氣音和清澈的嗓音為歌曲增色，而不是強加入如些元素來降低作品的質素。微醺的〈慢舞〉裡也可以見到她不錯的表現，成功地跟音樂融合，蓋了一個頗私密的個人世界，努力挖掘、或傳達出較深沉的情緒。

要愛別人先要愛自己，《日常》最終還是拉起了獨身主義的橫額，比起 Hebe 以前的對失戀痛苦得不得不說出「那又怎樣」的作品 (如〈寂寞寂寞就好〉) ，《日常》更是走前多一步 (通俗點說句，就是從「自憐」來到了「自戀」)。靈感取自吉本芭娜娜短篇小說集的〈身體都知道〉，以日常描述入手，講的其實就是「妳自己騙不到妳自己」；陳珊妮舉重若輕的編曲，與字句平白可意涵和專輯中心緊扣的內容配合，歌曲優雅地掃走不必要的多愁善感，擁抱最真實的自己。而民謠般的〈什麼，哪裡〉，在編曲上加了較豐厚的管弦樂演奏，又不破壞到整首作品的「單純」感；作詞的周耀輝透過大自然的意象構築，為我們送來了清風，或者更重要是，化解了我們的煩惱。

《日常》就是要為自己而活

專輯《日常》前面所提到的「身體」(〈身體都知道〉) 和「靈魂」(〈靈魂伴侶〉)，竟於〈獨善其身〉裡匯合；細心再聽就會察覺到她的主歌帶著漂浮、懸空的狀態，不過副歌就顯得較為踏實，亦意味著已經找到了自己的歸屬，以及獲得對情感的領悟 (「先善待這身體，靈魂再相遇；先善待這顆心，再懂別的心」)。Hebe 的《日常》對於她自己，就像《浮躁》對於王菲一樣；帶著雲淡風輕的感覺，也強調自主的意識。

《日常》這專輯亦採用了相對地不「大眾化」的曲風，通過較為私密的音樂 (〈慢舞〉) 與演繹之處理 （〈靈魂伴侶〉甚至除去了和音部分，更加突出「自敘」的感覺)，來反映「自我」和營造一個趨向「獨立」的空間。

嗓音變得更靈活的 Hebe，其轉型並不僅停留在「外表」之上，而是更內在、深入到靈魂的變革；她的《日常》聽似「日常」，其實更有一種「個人經歷」的感覺，令她的音樂「個性」的方面嶄露頭角。

by 田小百合

[om-hk]

今天我，仍在聽〈今天我〉，明天我....

一句「今天我」，香港人唱足二十幾年，每年謥有幾次被一大班香港人拎返出嚟唱，連 2008 年四川大地震賑災籌款都用〈海闊天空〉改編做主題曲，出咗 23 年依然會被傳唱，就知「今天我」對香港真係有莫大意義。

只係即使前衛如 Beyond，都無可能寫到一首廿幾年後都仲啱香港用嘅嘅歌；正如即使籮記把聲再好聽，〈獅子山下〉意義再深遠，都已經唔係今時今日嘅主題目。好彩總有人活在當下，為香港創出另一種「今天我」；褪下〈海闊天空〉式豪情壯志，〈獅子山下〉式感嘆，無奈哀愁的「今天我」。

哀愁年輕化

心血管病年輕化、子宮頸癌年輕化、在職貧窮年輕化、自殺年輕化，而家連哀愁都年輕化，難怪父母交合尚未成功就已經要先爭論下一代勝負。

有人話談論人生，係中年人先會做嘅事。老實講，我覺得只要生活夠資歷，8、90 後就已經有資格談論；正如只要你一日可以聽一、兩隻碟，人人都可以係一個識行識走嘅 CD wiki。再講，就連凡事都慢幾拍嘅香港政府，上年都開始力推中學嘅「生涯規劃」，所以話中年人先會想談論人生，或多或少都有點 old fashion。

聽到林海峰呢首新作，係有種矛盾情感；如果稍為有出席過近五年任何一場由香港傳統社會運動主辦機構發起嘅集會，應該唔會對〈海闊太空〉、〈年少無知〉、〈無盡〉、〈睜開眼〉之類嘅「潮歌」陌生。呢張「社運 playlist」夠晒激昂，可惜嘅係，每次隨住歌聲而嚟嘅，係一句同樣激昂嘅「下年再見」，中年人/上咗年紀嘅人對某部分事有一種不能解釋嘅使命感，其實可以理解；但就同一件事「無盡抗命拒絕倒數」，無意義地拉布，為咗最低消費滿足自己嘅使命感，虛耗新一代嘅青春壯年，條數應該點計?

包袱薪火相傳

抗命層次可以好深，層面又可以好廣。問題係，不斷就住同一個問題、喺同一個層次上面躊躇，其實有何意義呢? 咁多年嚟，除咗 2003 年果次有成 70 萬人去遊行，行到有人見到都覺得腳痛，要落台抖下之外，之後咁多年事無大小嘅組織活動都更加似係「疊馬」、「晒冷」；諷刺嘅係，呢兩種多數出現喺賭檯上面嘅行為，香港人似乎都無咩點實際贏過，除非「階段性勝利」都計埋入去啦....

人生，只有兩個階段

古今中外各地文化都努力試圖將人嘅一生分為好多唔同嘅階段，再加以諸如割禮、法律賦予嘅權利與義務、年齡、學業晉升、結婚、生兒育女、買樓之類，將短短嘅一生人斬開再斬開，成為一個個「階段性勝利」里程碑。

但計薰話，其實一生人，就只有兩個階段；生，同埋死。

雖然我認同訂一啲里程碑係有助我哋更有效咁朝住目標進發，但「階段性勝利」其實就同「法律」一樣，最多都係作為一種基準，或者係一種底線；超額達標就最好，做到其實就只係啱啱好，做唔到就要好好檢討。每次大合唱完就開開心心咁生活落去，其實係一種最底標準嘅成就，嘻皮笑臉咁永無休止的抗爭，到底邊個最開心?

以前可能仲會覺得，年少多好，可以風雨中抱緊自由，但喺上一代繼續理想海闊與天空之際，年輕一輩除咗焦慮惶恐之外，仲可以得到啲嘜?

焦慮到終老

如果要說人匆匆一生中最無意義的事，大概就是背負屬於他人的理想，然後一生都活在瀕死之人的影子之下，到人都死光後，才焦慮地發現自己原來沒怎樣活過自己的生命。屆時可以做的，就是說服自己之前都過得很有意義，所以要傳承上一代的偉大理想。當局者迷，從此你永遠都不會知道的是，其實由始到終，上一代掛在口邊的理想其實連當時人都不太清楚是什麼來着。

一生人的命運抉擇，憑什麼由一班自己都未清楚目的地為何的老餅舵手去舖排、判斷? 話語言辭可以好風光，但現實生活中，就是不能太形以上學，亦只能靠自己拼搏。

為無限提前起跑線，走捷徑的風氣已經漫延到家長一輩，不難想像下一代會產出一堆什麼樣的兵器。如果現在我們仍只會聽人指揮，留守馬路，延續上一輩的美麗生活國度，最後可以留給下一代的除了一個會計師社會之外，還有什麼?

我們的明天

雖然生活是挫折，也是無限妥協，但與其上人哋架林寶堅尼坐順風車，我寧可努力踩自己部 BMW 單車，趁仲有時間就盡量好好欣賞沿途風景之餘，學下點揸好自己架車。

不變仍是變，無論係已經走晒樣嘅香港夢，金融風暴之前訂落嘅老套工廈政策，定還是由前人日日坐喺到擬定嘅空想大計，都已經唔值得再花時間討論。班老人家鍾意圍威喂守護過去係佢哋嘅事，因為對於拓展展來，我哋仲有好長嘅路要行，每個人都總有一日要啟航去尋找屬於自己嘅寶藏。

We only live once，然後你我霎眼抗戰二十年；我哋人生有幾多個二十年，又有幾多個可以用嚟抗戰。

by 薰

[om-hk]

林宥嘉新店開張　《今日營業中》架上的好與更好

林宥嘉早前的音樂小說專輯《大小說家》已收錄了多元風格的作品，就如繽紛主題公園內有不同類型的景區般，滿足參觀者的各種慾望。明顯地，他不想過份重複過往專輯的製作「路數」，所以《今日營業中》除了不像從前般「概念化」之外，其音樂色彩也不像過去的專輯那麼豐富；或者換個角度去形容，就是《今日》的色調顯得更加地統一。從前努力建構的天真樂園慢慢於此毀滅，「一頁一頁回憶，不知不覺泛起焦黑」。《今日營業中》更貼近成人世界，也許這個出發點就意味著 Yoga 闊別多年以後，想要展現出的「成熟」之感。

踏入成人世界

〈天真有邪〉承接著第一首的內容，寫到了靈魂被污染、純真被毀滅，取材平淡，連林宥嘉所作的曲也沒有固執地跟俗氣的時代衝撞著，橋段與轉折上，亦沒有帶來太多的新鮮感，少了年輕人的偏鋒，更顯得四平八穩。同樣地，Yoga 嘗試用粵語演唱的所謂驚喜之作〈壞與更壞〉，雖然其旋律流暢、動聽，卻未脫出典型港式抒情流行的軀殼；儘管黃偉文想換個角度去寫，為已經被寫濫的題材加一點新意，但終究失敗，令歌曲仍像一碗味道變化不大的心靈雞湯。

儘管嚮往著要做創作型歌手的林宥嘉，在《今日營業中》的製作過程上手握部分話語權，但他在接受馬世芳訪問時也承認，乏味的當兵生活，讓他體會到容易入耳、能直覺地帶來愉快的音樂仍被需要，相信當兵生活是導致原本更加「獨立」的 Yoga，抗拒令新專輯變得更「偏鋒」的一個重要原因。

豪華巨星陣容，建樹不大

然而顯得「親民」的《今日營業中》，卻在以往處理得更成熟的演繹、音樂氛圍的營造上，帶著更為「個人化」的一面。編曲陣容鼎盛的 Soft Jazz 作品〈我已經敢想你〉，於金曲獎得主許郁瑛、東京事變結他手長岡亮介等人的介入下，搭建了一座很堅實的房屋，屋內有著較私人化的空間，給 Yoga 更大的空間去表現更加細膩的 vocal，來跟自己內心對話。

若是換在以前，逆風仍要飛翔的勵志歌〈飛〉或會被編得像〈感同身受〉之類的熱血 Band Sound 作品，可是這次音樂上只以質樸的木結他為伴奏的主幹，令林家謙的旋律創作功力，及林宥嘉聲音的細節雙雙被突出。

▲今日營業中 (2016) – 林宥嘉

至柔至剛的成熟美

跟〈飛〉一氣呵成的〈我夢見你夢見我〉，也是點起文火，透著失落情緒，又有感觸之後所獲得的瞭然，清晰視野。包括帶著陳珊妮那獨特「輕觸式」美感的〈一點點〉在內，《今日營業中》的不少歌曲，都有種隱約要「低調」的感覺，從這可看出 Yoga 在專輯於製作思路上的改變；希望用較緩和、舒適的微光，去照亮生命。

一個成熟的人，就是剛柔並重，所以《今日營業中》仍會收錄節奏較強烈的音樂，來起調劑作用。旋律充滿起伏的〈白晝之月〉，一聽就知道是典型的「陳惠婷風格」；其編排和歌詞總帶著流浪的氣味；與整張專輯串連起來，就〈白晝之月〉的「讓一切悲傷都能終結」就成為第一首〈讓世界毀滅〉裏負面情緒的中和劑。寓意主角在經歷過不斷的探尋和磨練，終能夠克服某些，由於人變得成熟後會遭遇到的挫折或困擾。

爽朗的〈熱血無賴〉，明明是一首與〈飛〉類似主題，鼓勵人不怕跌倒、勇往直前的作品，但偏偏就令我不太提得起勁 (可能因為音樂不突出)，連作詞的林夕都有點隨隨便便、敷衍了事，感覺上他被大材小用了。

堆砌班底是偶然嗎?

其實《今日營業中》很多參與者都有相近的問題，他們的加入更大程度是唱片公司出於商業賣點的考慮 (華研很喜歡用這招，但也可能是林宥嘉真的很想跟如此星級團隊合作)，卻沒有發揮到各人自己的最大「效能」；相較不太出名的林家謙，反而表現出一定的創作慧根。

話說回來，這也許是幕後團隊或林宥嘉本人，想扶持創作新星的一個策略，就像之前為〈自然醒〉作曲的李拾壹，可以藉自己的知名度而被更多聽眾認識一樣。

好與更好，尚有點距離

林宥嘉所開的這間「新店鋪」，總體上並未推出令人耳目一新的新貨品；他說過容易入耳的音樂仍被需要，可在這年代，個性鮮明的音樂也是被需要。好與更好，Yoga 林宥嘉雖在新專輯中嘗試改建過去的樂園，唱出更成熟的聲音，但我對這位，音樂品味一向不錯的歌手的期待，還遠遠不只如此。

by 田小百合

[om-hk]

我們的 AM2015 (期間生産限定盤) Bonus Disc　《E=mc3》

話說，L域隻 Awesome Mix 2015 初回生産限定盤都有隻 Bonus Disc《柯貪飛佛》，薰呢隻期間生産限定盤又點可以得一隻碟咁呃秤。所以就算只係延續上一隻碟咁亂鳩咁嚟、得隻 3吋 single 碟都要跟埋先得啦。

Disc 1已經首首好歌，呢隻碟點執好呢? 突然在兩個字喺我腦海閃過，就係「最緊要好玩」。一係唔玩，一玩就當然要玩盡佢，玩到突破埋物理規限，E=mc3 都無所謂~

01.〈The Imperial March〉– Galactic Empire

▲The Imperial March (2015) – Galactic Empire

作為一個沙鍋粉絲，見到沙鍋相關嘢會心心眼係再正常不過。呢隊突如其其來嘅 Galactic Empire 其實只係做緊一件咁多年嚟喺 Youtube 久唔久都會見到嘅事，但認真咁做，就係不一樣。

Darth Vader 上一首 MV 用 ESP 而唔係 LTD 我就已經覺得佢好有品味，新歌仲要換埋 PRS！未聽都知正啦。 (逃)

Galactic Empire 由上年年底話出碟，出到而家先出咗第二首歌，早牌仲喺 Kickstarter 搞眾籌想 touring，雖然 tour 就未必搞得成，但而家籌到啲錢粗粗地都夠出隻碟，唔好走數呀你班友仔！

▲每一段 MV 都有趣味，今集喺 Han Solo 變石板嘅場地到出 Live，Chewie 都忍唔住衝上去唔係要打 Boba，而係話正，連黑帝都話 “GOODDDD!!!!”，就知道即使唔啱 Djnet 嘅都肯定忍唔住笑出嚟，話晒 Star Wars 都係一種流通咗幾十年嘅世界語言嚟嘛~ (喺外國)

02.〈Progenitor〉– Mechina

▲Progenitor (2016) – Mechina

講到 Death Metal，好多人會被個 Death 字嚇到腳震，其實除咗死亡之外，題材仲有好多可能性，例如外太空，例如人性，呢啲主流音樂基本上承載唔到，亦做唔好嘅題材；就好似 Pop Art 同其他主義有唔同嘅影響力一樣；望下咁多年嚟出到幾多個 Andy Warhol 就會明白。

玩 Symphonic / Industrial Death Metal 嘅樂隊唔少，Mechina 會被編入碟嘅原因就單單係因為佢哋夠膽去 Think Big；香港班歌手年年都出隻得幾首歌嘅 EP，好多時仲要有啲歌係翻炒，就知道一年出一隻大碟 (Album) 已經唔係一件易事。Mechina 喺無簽唱片公司，玩 Symphonic / Industrial Death 嘅前題下，大大聲講到明每年元旦都要出隻新碟，年中又會出至少一隻「SIngle」；所謂 Single 郁下就十幾二十分鐘，剩係呢份執着，都已經要拍手掌。

Mechina 另一樣 Think Big，就係一開始已經話要整個八部曲，計埋今年啱啱出呢隻已經有九隻碟，但個故事先講咗一半。老實講，其實我都有小小擔心佢哋係咪真係可以最少玩多三四年而唔散 band 或者爛尾。

今集《Progenitor》個故事講起源，論排場、論內容、論多變化都應該係 title track〈Progenitor〉最黐線。我覺得，如果只有時間聽一首，就一定係聽〈Progenitor〉先。

▲唔講可能估唔到，其實呢段片係 fans made，整片位人兄近牌都表明生活忙碌，所以只可以一隻碟揀一首歌嚟整；段片整得咁靚，呢位網友有幾咁鍾意呢首歌，可想而知。

03.〈True Survivor〉– David Hasselhoff

▲Kung Fury OST (2015) – VA

上一隻碟講過，我同 Jazz 嘅關係某程度上係偶然，但其實我同 Kung Fury 呢齣籌期 (crowdfunding) 而拍嘅功夫微電影先係最偶然；如果唔係一位古靈精怪程度同我有得揮嘅朋友凌晨臨訓前一秒 - 大概係凌晨兩三點左右 send 畀我 (夠古靈精怪未)，我諗可能真係會 miss 咗呢齣礦世鉅著！

KF 鉅著在嘅地方係呢齣電影實在太撚 cult！有齊「The Best of 80s」嘅元素：維京、恐龍、忍者、功天、納粹、街機、警匪、黑客、林寶堅尼、爆炸、皮褸。但佢哋點樣將呢堆完全唔挐經嘅元素炒埋一碟? 事實上，係唔多駛理~

因為就正如初初揾人科水之時，個個都對導演 a.k.a. Kurg Fury 耍手擰頭，仲話：

點知 crowdfunding 反應好到不得之了，班生意人嘅口風就當然係 180° 改變啦。可能正正係因為咁，所以除咗 Kung Fury 架林寶堅尼可以有 80 年代不知幾咁受歡迎、充滿男人味嘅 David Hasselhoff 去聲演之外，仲可以請埋佢嚟唱呢首老套到爆嘅主題曲〈True Survivor〉，令一套觀眾就係投資者嘅戲都可以有一首四四正正嘅 theme song，之後甚至可以出埋黑膠 (而且只有黑膠，80年代嘛~)，呢位瑞典導演點睇都唔似玩玩下。

▲就咁睇段 MV 其實係唔會知套戲噏嘜，呢個時候就可以上 Youtube search 下「Kung Fury」，花 30 分鐘嘗試對呢個咁深奧嘅故事了解多啲；例如係 disarm 嘅解釋~ Between，為咗配合返 80 年代嘅科技，建議將解像度調教至最低清嘅 144p 觀賞 (笑)。

04.《DAY AFTER翌日》– VA

▲DAY AFTER翌日 (2015) – VA

創作尺度原來真係可以好闊，今次唔止用錄音聲帶，直情就錄環境聲做音樂。其實與其話係音樂，更不如話係素材，尤其是如果有聽開 Prog，呢種素材真係聽唔少。

但係呢隻碟特別在嘅地方，就係同我哋聽開嘅音樂好唔同，無重複、預先編排好嘅拍子，其實係嘜都無，但就係我哋身處呢個地方最自然嘅聲音。人人都只有一副殼、一套五官、一日24小時，所以就算係我都唔可能同時間聽勻全港 18 區嘅聲音，尤其是果陣大概人人都會有自己關注緊嘅事，更加唔會有心情。

所以今次我想貪心啲，將成隻碟 23 首歌都收晒落我呢隻《E=mc3》到，因為 23 首歌加埋就係 2014.9.29 - 12.12 時嘅香港，作為重新履行音樂原始嘅意義－紀實，實在好難將佢分割。

諷刺嘅係，每聽一次，我就會諗一次「勿忘初衷」對香港人嘅意義，然後一笑置之。

▲呢隻碟最古怪嘅地方，就係只會得部分香港人先有興趣聽，所以募資成功，某程度上都係一件奇蹟嚟。

05.〈翼をください〉– 林原めぐみ

▲ヱヴァンゲリヲン新劇場版:破 OST (2009) – 鷺巣詩郎

因為將成隻《DAY AFTER翌日》收編，所以隻碟已經無咩位剩，不過貪心嘅薰點都要加埋呢首感人肺腑嘅老餅歌，先夠完滿。

EVA (中譯：新世紀福音戰士) 真係經典得毋須多講，因為其實都無咩好講；明就明，唔明就唔明，有好多嘢就算連終極補完再補完嘅 fans 都未必解釋到，呢樣真係多得庵野唔少。不過自 1994 年第一話出街開始，二十幾年嚟大家都習慣晒。

所以就算新劇場版每集都延期又延期，每次預告劇情都唔多一樣，大家都唔會介紹。等了又等，第四集「FINAL」都係上映無期，所以舊歌聽了又聽，好彩 EVA 新劇場版嘅 OST 都有大師級嘅鷺巣詩郎製作，所以啲歌聽極都唔厭。

其實講到新劇場版張 playlist 入面薰最鍾意嘅，「破」嘅插入曲〈翼をください〉其實只算第二，「Q」首主題曲〈桜流し〉先係首位；除咗因為意境美麗，仲係因為首歌實在太襯「Q」嘅劇情，齋聽都已經會回想返啲情節。

但要講到最感動嘅，反而係因為真嗣要救綾波，無知的小孩一下長大，所以初號機完全覺醒果時果首〈翼をください〉。EVA 一般都鍾意用西洋古典樂都襯托情節，製造極大反差，但新劇場版就明顯加重日本傳統民謠嘅參與；將一首 1971 年嘅老餅坊間民曲嘅編曲稍改，再搵另一位歌手重新演繹，其實更能夠「活化」一件事－至少畀咗個機會我呢種腦囟都仲未生得埋晒嘅𡃁仔，認識到呢首比起〈Y.M.C.A.〉更老套嘅歌。

用西洋樂器，和歌女聲再，充滿無力感嘅歌詞，再加上播呢首插入曲果幕有幾咁感人－係睇十次十次都會眼濕濕果種，所以會放編呢首而唔係〈桜流し〉入碟其實都唔係咁難理解~

▲要欣賞一首插入曲，我永遠都建議要用返原作嘅情節一同服用，因為我上面講咗咁耐，其實都係得個故事我先會咁鍾意呢首歌，所以如果無視段情節就去聽呢首歌，其實同去北角睇 Joan Cornellà 展覽果班傻豬港女&港男一樣，連人哋講緊嘜都唔知。

薰係….

膠人一名，喜歡音樂，喜歡摔角，喜歡搪膠，喜歡頭髮，喜歡女人，喜歡質感，喜歡金屬，喜歡木頭，喜歡美麗，喜歡典雅，喜歡設計，喜歡時尚，喜歡自然，喜歡文史哲，喜歡幾百萬樣嘢；可憐我只有一副軀殼，24 小時，同埋《我們的音樂》。

by 薰

[om-hk]

薰：「我都唔係剩係聽 Metal 嘅....」　我們的 Awesome Mix 2015 (期間生産限定盤)

嚟到呢樹嘅人，個個都以為薰剩係聽 Metal；其實唔係囉，我都有聽好多其他歌囉，OK? 例如 Jazz 啦、Indies 啦、電子啦、Prog 啦、東瀛嘢啦、本地嘢啦，連美式口水 Pop 都有㗎~

不過要揀十零首出嚟原來真係有啲難度，度咗好耐，根本都唔知點揀好，所以索性諗到邊首就放邊首落去，亂鳩咁嚟就無煩惱啦~

01.〈Austin〉– Marcin Wasilewski Trio w/ Joakim Milder

▲Spark of Life (2014) – Marcin Wasilewski Trio w/ Joakim Milder

好多嘢嘅發生都係出現喺產生火花嘅一刻，雖然我同 Jazz 嘅關係千絲萬縷，但我同呢一隻由四位嚟自幾個歐洲慢活城市嘅爵士樂 supergroup 大碟《Spark of Life》所產生嘅火花，就真係由一剎那間開始；時間、情緒、精神嘅調和。不過我相信稍為鍾意聽音樂嘅人聽完第一隻歌〈Austin〉之後，都好難抗拒繼續聽落去。

02.〈The Other Side〉– Public Service Broadcasting

▲The Race for Space (2015) – Public Service Broadcasting

創作尺度原來真係可以好闊，以前覺得無返三五個人，點樣做音樂。但 Public Service Broadcasting 呢兩條友就狠狠地摑咗我好多巴；因為兩個人，加幾件樂器，再加埋 8 次人類太空之旅嘅聲帶就做到一隻咁有趣嘅碟出嚟。

你無端端會唔會去聽太空人喺太空到嘅紀錄? 我就唔會啦。但呢兩位英國人就將 Apollo 8 飛到去月球後面，斷咗訊號果 69 個鐘 (都成三日) 份 log 入面太空人被隔離嘅孤獨感、宇宙嘅浩瀚同埋之後得到回應嘅希望都變成好似電視劇情節一樣咁精彩；只係其實所有錄音都係真嘅。所以話，剩係果種氣氛感，都已經令人聽得入神。

▲成檯樂器，得兩個人要同時間玩晒其實真係有難度，所以 Live 通常都會請多位朋友嚟夾下 session；無論係兩個人定三個人都好，見到原音樂器同電子樂器原來可以咁樣夾，已經足以令人拍案叫絕啦。

03.〈Kids〉– YOUR ROMANCE

▲BUSINESS (2015) – YOUR ROMANCE

「日本真美好」，呢種觀點完全係一種第三身嘅遊客 (注意：唔是旅客) 先會講得出；日本都有自己積存嘅社會問題，而且完全唔輸蝕鄰國。所以日本算係其中一個最常見會懷念舊日美好，突然復興舊時音樂嘅地方；成軍於 2014 年嘅 YOUR ROMANCE 就正正係重塑 80 年代音樂嘅樂隊之一。濃厚嘅 80 年代復古浪漫情懷、Synthesizer 嘅溫暖特效，直率樸實嘅鼓同埋結他加就係四個字：青蒽歲月果陣醉人嘅豪邁感啊~

80年代最吸引人嘅地方就係果種開放，毫不掩飾造作嘅風氣，所以有時真係想請時下班人諗下自己想做嘜先；因為當你諗住想做文青之時，其實已經失去咗做文青嘅資格，着咩衫都掩蓋唔到果股渠味。

▲唔止首歌，連套 MV 嘅衣着、鏡頭、色tone、後製都咁重 80 年代味道，如果喺 Youtube 見到段 MV 出現喺「新片上架」，可能大家都會忍唔住講句：「又不是80年代」~

04.〈榴槤乜乜乜〉– 雞蛋蒸肉餅

▲榴槤乜乜乜 (2015) – 雞蛋蒸肉餅

本地音樂近年有越嚟越多內容貼地嘅歌，但往往不受普羅所重視，原因永遠都被歸咎於「太地下」；但其實 Post-Rock 同 Math-Rock 都已經受追過氣潮流嘅本土文青所青睞啦，即係都已經流行咗全一段時間，但依然未上到主流平台....

硬頸地認為流行樂只係一種風潮，而唔係一種固有曲風嘅薰，仲係未明白，到底係香港年輕一代真係已經唔太喜歡音樂，定抑或係大家都仲係抱住一種 Clockenflap 式；「來佬貨就正，本地嘢就硬係差咁啲」嘅優越感去聽?

05.〈猿の惑星〉– ASIAN KUNG-FU GENERATION

▲Wonder Future (2015) – ASIAN KUNG-FU GENERATION

我細細個就聽過 ASIAN KUNG-FU GENERATION 啲歌，事實上由佢哋第一隻碟已經聽起 (我都唔知點解咁細個就已經曉聽日文歌)，風格一直都無咩特別大轉變。不過佢哋近年的確係積極試新元素，可能係因爲佢哋自己都已經厭倦咗日本地上嘅音樂規範，所以又想靠攏返地下風格多一啲？不過呢隻碟變得最大嘅係個封面，無咗以前用開果種由漫畫家中村佑介畫嘅 album cover，好睇唔慣。

唔係話呢隻碟唔好聽，而係呢隻對於聽足佢哋咁多隻碟嘅人嚟講只稱得上係不過不矢；會揀呢隻歌嘅原因純粹係因爲〈猿の惑星〉係一套好好睇嘅搞鬼日劇「REPLAY＆DESTROY」嘅主題曲，有幾搞鬼? 你睇連首歌個 MV 都咁重玩味就知道。

▲ASIAN KUNG-FU GENERATION 啲歌其中一樣咁多年都吸引住我嘅地方，就係果種充滿日式搖滾味道嘅音樂；唔止係編曲，連啲樂器出嚟嘅聲都係。有機會去聽返佢哋舊啲嘅碟，或多或少都會感受到啲~

06.〈Perfect Life〉– Steven Wilson

▲Hand.Cannot.Erase (2015) – Steven Wilson

雖然有印象聽 Prog 果時已經係小學，但唔知係當年腦囟都未生埋，定係藝術修養太低 (我覺得兩樣都係)，聽 Prog 係只會聽頭果兩層，所以碟入面啲故事其實唔係太關我事。

可能因為而家個腦囟生咗多啲，去得多藝術館扮睇畫又識多咗小小鐵以外嘅嘢，所以就算面對借喺屋企伏屍近三年，但身邊完全無人察覺嘅 Joyce Vincent 案，去探討「因為我們都如此孤單，所以我們並不孤單」呢個永恆嘅哲學問題時，我都終於開始聽得明。

〈Perfect Life〉算係成集碟最少以往 Steven Wilson 嘅 Rock、Metal 元素嘅歌之一，反而更似一首電子音樂；不過掛上 Steven 嘅大名，其實唔令人意外。亦係因爲呢首，所以令到成隻碟嘅起伏更清晰，故事發展脈絡都更易明。

從前總係美好，令我哋可以堅持落去嘅好多時都係因為令人回味嘅過去；從前總係傷感，因為我哋都清楚知道，過去就係過去，永遠都無可能再重覆。我哋可以有將來，就係因為大家都有自己先會明白嘅過去，一個完美嘅過去。

又，唔知有無直接關係，我 (同好多外國網友) 覺得因為《Hand.Cannot.Erase》實在太多層次同霧氣 (Steven Wilson 招牌之一)，所以畀你有再貴噚嘅喇叭同 Hi-Fi 玩意，效果都未必有用一對好嘅耳機嚟聽咁傳神，同埋理解透徹。

▲Steven Wilson 嘅歌－其實多數 Prog 嘅作品都係，聽落已經唔錯，但戴埋 headphone 聽，細節享受真係會豐富一大截，唔好講得遠，就呢首已經係咁啦！

07.〈Demon of the Fall〉– Opeth

▲My Arms, Your Hearse (1998) – Opeth

作為 Opeth 首隻有完整故事，仲要係一個愛情故事嘅概念專輯，其實錄音未算完善，再加上 Mikael Åkerfeldt 當時正值重感冒，把聲其實有啲曳。

但篇故事就係講到死鬼老公返嚟尋妻，相處返唔知幾多個四季。死鬼老公把聲固然就有啲期待，有啲傷心，有啲怨恨，再加多小小愛；正值入秋，似乎就係一把夠厚，夠深，又帶點乾澀沙啞，即係重感冒嘅聲。

雖然所有客觀因素都唔係咁完美，但出到嚟個效果偏偏就係咁檸完美，再加埋曲末 30 秒果兩支結他追逐嘅 riff，聽落就好似老公不斷想捉住老婆隻手，只係不斷撲空；呢幾分淒美，仲美麗過睇戲。

08.〈The Loneliness of the Long Distance Runner〉– Iron Maiden

▲Somewhere in Time (1986) – Iron Maiden

Iron Maiden 咁多年出咗咁多隻碟，其實隻隻都真係有返咁上下水準。《Somewhere in Time》入面首〈The Loneliness of the Long Distance Runner〉就係其中一首我百聽不厭嘅歌，唔係因爲首歌同個歌名一樣咁長，而係因爲 Bruce Dickinson 把英式嚎叫唱腔好聽，中段結他 solo 精彩之餘，首歌本身已經意味深。

Determination Makes you run never stop Got to win got to run 'til you drop

8、90 年代發跡嘅金屬樂隊有好多，但好多都只喺一味屌鳩制度，大聲話要擺脫束縛，即使紅如 Metallica 首〈Master of Puppets〉都僅此而已。而 Iron Maiden 就已經諗緊現在同將來，再加送多樣「做人要內省」畀你，所以當同年代嘅 Band 而家都已經習慣咗收錢做嘢，或者打完交就散 band 之際，Iron Maiden 仲咁襟聽係有原因嘅~

睇得明歌詞其實唔難，識字就可以，但要理解字裏行間嘅意思，就絕對唔係睇完就算；事實上，近年亦都唔係太多歌可以做到「每次聽都感受更深」呢種層次。

有時生活就係咁諷刺，全心全意做一件事嘅附帶條件，就係孤獨。

Run on and on Run on and on The loneliness of the long distance runner

09.〈Stronger (What Doesn't Kill You)〉– Kelly Clarkson

▲Stronger (2015) – Kelly Clarkson

Pop，尤其是係美式有嘢唔好，就係好多都畫公仔畫到出晒腸，聽得多就會略嫌通俗，但顯淺易明亦係佢嘅最大優點。 Kelly Clarkson 呢首 Stronger 喺音樂上嚟講其實都係無咩新意，之前喺全球各大電台亦已經播到爛。

What doesn't kill you makes you stronger Stand a little taller

不過我份人就係咁簡單，一句啱聽嘅歌詞就可以引到我去買。雖然 Stronger 主題都係美式情歌，但愛情就係生命一部份，亦都只係生命其中一部分，無需無限放大，亦不需忌諱封口；呢種 Stronger 放喺生活中每一個角落，都同樣適用。

What doesn't kill you makes a fighter Footsteps even lighter

10.〈Pay My Debts〉– Sharon Van Etten

▲I Don't Want to Let You Down (2015) – Sharon Van Etten

掛上 Sharon Van Etten 之名嘅作品就係有趣，作品主題雖然比中文流行曲更情情塌塌，但音樂就分分鐘比本地不少獨立樂隊來得更 indle。雖然只有接近 23 分鐘長嘅《I Don't Want to Let You Down》無論如何都稱唔上 Sharon 嘅最佳作，但〈Pay My Debts〉果種直白嘅真情流露就肯定有一種窩心：令人不自覺地放鬆一直用力掩藏嘅傷口，赤裸裸暴露喺陽光之下。

11.〈Run Dry〉– Caspian

▲Dust And Disquiet (2015) – Caspian

Post-Rock 嘢近年話聽得少又唔算少，多又唔係真係好多，50 隊都無。但其實有好多都含有強烈前輩嘅影子，甚至好多歌都非常「致敬」，就算彈得再好，都已經缺乏創新，就正好失去咗當年 Post-Rock 出現要革新嘅意義。

搖滾亦並非一味只有激昂，總有人只做自己鍾意嘅事，Caspian 就係一個例子，正如今次個封面一樣，遠望一片漆黑，要行近睇先會見到當中細節。佢哋隻隻碟我都有幾首特別鍾意，新碟就不得不提下首完全擺脫 Post-Rock 一貫生澀、憤世嫉俗情感嘅〈Run Dry〉；除咗更成熟、簡單咁輕輕講出一種由 20 歲到 60 歲都可能會有嘅無奈之外，仲證明咗就算唔嗌，Caspian 一樣可以好唱得。即使唔被一開始果下擦弦吸引住，一路聽落去唔多唔少應該都會有啲感觸。

From the time that we were young We were wild-eyed dreamers And now we cautiously raise our eyes

趁後生就唔駛怕醜，如果淚線仲未乾，其實用多幾次都無妨。

So weep til you drown Or until you run dry

▲Caspian 其中一樣最與眾不同嘅地方就係膽大心細，歌唔會過份矯情造作，濫用 Post-Rock 系最常見嘅「步步推移法」，編曲入碟亦都明顯見到心思；比起彈歌，編碟更加考藝術同音樂造詣。

12.〈Learning to Live〉– Dream Theater

▲Images and Words (1992) – Dream Theater

講得現代 Prog Metal，一定唔會無 Dream Theater 個大名。雖然近年幾張大碟都少咗 DT 嘅重要特點 - 「創造力」；但由無人睇好 Prog 到成為一陣潮流，DT 嘅努力同埋魅力的確功不可沒。當年成名大碟《Images and Words》果首〈Metropolis - Part I〉令人驚艷，成為 DT 永不褪色經典之一，甚至令日後樂迷嘅呼聲高到可以說服唱片公司肯畀 DT 出多隻完整專輯講埋 Part II。

但最得我心嘅唔係永恆經典〈Metropolis〉與易於入口嘅〈Another Day〉，反而係「Last but not Least」嘅〈Learning to Live〉。成首歌充滿力量及生命力；vocal、結他、Bass、keyboard、鼓 5 種元素互相支撐，唔容許任何一秒缺乏能量，一班頭髮長長嘅年輕人就用各自嘅專長刻畫出一幅生澀、充滿憧憬嘅畫面。

生存與生俱來，生活卻要學習，望下年中有幾多人臨終都唔知何謂生活就明白，呢樣嘢唔單只係考起好多年輕一輩 (包括我) 嘅課題。

薰係….

膠人一名，喜歡音樂，喜歡摔角，喜歡搪膠，喜歡頭髮，喜歡女人，喜歡質感，喜歡金屬，喜歡木頭，喜歡美麗，喜歡典雅，喜歡設計，喜歡時尚，喜歡自然，喜歡文史哲，喜歡幾百萬樣嘢；可憐我只有一副軀殼，24 小時，同埋《我們的音樂》。

by 薰

[om-hk]

我們的 AM2015 (初回生産限定盤) Bonus Disc　L域的《柯貪飛佛》

而家買碟，原來無嘢送就賣唔到，所以執好隻 2015年度之選後，被命令執多隻 All time favorite，呢個頭痛喇，簡直係人臨終時如果回想一生的走馬燈，要我諗返晒都可以要好幾年。

01.〈Can't Buy Me Love〉– Beatles

▲A Hard Day's Night (1964) – Beatles

我諗鐘意呢首歌係因為家人經常聽 Beatles，而我開始識聽歌同印象最深刻的就係呢首 (第二首就係小鄧嘅〈漫步人生路〉)，當然人大了就知道其實用錢可以買到愛，無錢就難攪D。

▲成日都聽人講，如果當年喺現場聽 Beatles，通常都只會聽到四方百面傳嚟嘅尖叫聲，多數都係高音果種；睇完呢段現代終極高清修復版嘅 Live MV，都仲聽到背景咁多尖叫，先知前輩原來唔係講笑。

02.〈Endless rain〉– X Japan

▲Blue Blood (1989) – X Japan

好似話鐘意聽 Band 嘅都唔特別喜歡日本樂隊，其實係好樂隊樂手都唔太蒲面。不過小弟膚淺又扮型，話比人聽 X Japan 會型少少，我鍾意佢地將鋼琴、小提琴甚至古典入曲，而〈Endless rain〉就一聽就想跟住唱，慶幸當年我有份係亞博大合唱（B’z 同埋東京事變都有）。

03.〈Hammerhead〉– Jeff Beck

▲Emotion & Commotion (2010) – Jeff Beck

古語話「三人行必有我師」，好彩我識得比我年長嘅朋友都教好多好嘢過小弟，包括個人最喜歡的結他手 – Jeff Beck。佢手結他可以話係無限制，Metal、Blue、電子乜都有，爽勁快準仲玩味十足，絕對有個人風格。

04.〈Voodoo Child〉– Jimi Hendrix

▲Hendrix in the West (1972) – Jimi Hendrix

另外一首經常想聽，亦最有感覺嘅係〈Voodoo Child〉。細個聽 Jimi Hendrix 覺得佢好怪，不過大個開始明白佢嘅迷幻係獨一無二，唔 take 嘢齋聽都夠晒 high；可以話係前無古人，可惜死得太早。

05.〈Smells Like Teen Spirit〉– Nirvana

▲Nevermind (1991) – Nirvana

其實最開始係因為首歌起鼓而觸動，年少輕狂就係鍾意呢種節奏，而且都幾夾個歌名。當時的 Kurt 亦一樣有細路，但果種不安嘅躁動正係佢的魅力。而我以為大個咗就無咁鍾意呢首歌，點知原來我都無長大過。

▲如果有聽開 Rock，應該會覺得個鼓手有幾分面善。因為佢就係 Dave Grohl - Foo Fighters 嘅創辦人兼結他手；如果你有聽過 Foo Fighters 呢個名嘅話。

06.〈Don’t Look Back In Anger〉– Oasis

▲(What's the Story) Morning Glory? (1995) – Oasis

其實當年英國 Band 我偏向 Blur 多少少 （延伸，其實我鍾意 Gorillaz)，Oasis 我就覺得點都有少少想玩 Beatles，尤其是〈Don’t Look Back In Anger〉嘅 intro 刻意玩〈Imagine〉感覺，而且都幾收效；不過其實我亦只鍾意呢首，one and only。

07.〈The Red Shoes〉– IU

▲Modern Times (2013) – IU

我強調 K-pop 係要嚟睇唔係聽，少時好 Sistar 又好，如果純聽其實聽唔過三次。不過睇睇下原來 IU 都有可聽成份。泡菜國民妹妹 IU，作為唱作女歌手自然唔係跳唱女團可比，佢頭兩張碟都仲好少女，不過《Modern Times》開始有變化，其中〈The Red Shoes〉中演出更加令叔叔我愛上呢位妹妹。

08.〈First Love〉– 宇多田光

▲First Love (1999) – 宇多田光

幾時聽〈First Love〉都有毛管戙感覺 (另一個會令我毛管戙嘅係 Misia)，完全是個人問題，一聽到女聲去到氣聲位我就有此反應。宇多田光好歌唔需要多介紹，而《First Love》就係我買得最多嘅「同一張」專輯之一。

09.〈多得他〉– 王菲

▲You're the Only One (1990) – 王菲

其實我係由第三張碟先開始鍾意我女神，同樣有「毛管戙」元素，當中〈多得他〉可以話係奠定了她的地位。而全碟 10 首歌我又真係無一首唔鍾意，所以你話監製選曲可以對歌手有莫大影響，Alvin Leong 的確係堅。(愛屋及烏，我都喜歡原版 Karyn White 的〈Superwoman〉。)

▲以前嘅香港流行音樂係咁嘅，有內容、在味道、有個性；但有班人坐吃山崩，將一切都公式化，玩爛左搞到收唔到科，所以人人都話「Hong Kong Pop is Dead」。事實係，流行只係一種文化，而唔係一種規範；Dead or Alive，其實都只係一種轉化。

10.〈時代曲〉– 陳奕迅

▲陳奕迅 (1996) – 陳奕迅

最後一 CUT，因為上面首首都有各自的過去，有代表性，所以都係時代曲。當然，〈時代曲〉亦是我臣曲中十大，我當時的解讀是，其實佢一開始就已經講到明佢係唔迫得，就好似有D 馬匹，你唔理佢反而跑得仲快仲遠。

L域係…. 撈傳媒十幾年，潮流、玩具、影音、音響都寫過，最近學人攪網站成立 hogar.hk 寫家電。作為音樂雜食者，其實又真係乜都聽一餐，最怕人分乜分物，因為心目中音樂只有「好聽」同「唔好聽」之分，最怕人用聽乜歌來突顯自己品味。

by L域

[om-hk]

L域：「我唔 L聽 Metal 嫁喎！」　我們的 Awesome Mix 2015 (初回生産限定盤)

原來要為 2015 年選十首歌來做一張個人精選是一件好困難的事；相信不止是 2015 年，任何一年都難。講真唱片業的怪已非一朝一夕的事，大家都太習慣在年中後期出碟，樂迷消化不良，但要寫總不是沒辦法，就是忍痛割愛，十首就十首。

01.《心驚膽戰》– 王菲

▲敷衍 (2015) – 王菲

今年最神奇的一張專輯，一位學生取下版權把當年慘被肢解的《浮躁》重新合體再現凡間。其實無論之後已經有人解讀再教大家自行合體都好，都始終不及原件原生的一體有靈魂，一次過聽我女神的「最後廣東碟」，完來概念幾完整，而當中好歌再多，都唔及《心驚膽戰》中張亞東帶來王菲的另一面。

02. 《Stay》– The Corrs

▲White Lights (2015) – The Corrs

10 年時間有成家立室的，亦有個人發展，到最後還是走回一起。The Corrs 回歸作《White Lights》無論音樂及聲線還是始終如一，亦即是驚喜不多但這絕對是一種安慰。回歸專輯的而且確把多年的元素來一次重溫，最喜歡《Stay》是因為輕快而又有他們簽名式 Celtic Rock 編曲。

03. 《麻醉式快樂》– 鍾氏兄弟

▲極 (2015) – 鍾氏兄弟

如果只選一張本地唱片的話，《浮躁》亦未必入圍，因為《極》絕對是今年年度之選，一路走來鍾氏兄弟已經明確了解如何把他們喜歡的 Jazz、Blue，加入不明顯的傳教內容以及時事元素，平均度高而且曲式豐富。喜歡《麻醉式快樂》係因為佢地夠膽唱。

04. 《Rehash》– Kurt Cobain

▲Montage of Heck: The Home Recordings (2015) – Kurt Cobain

大概喜歡 Nirvana 的人都一定喜歡 Kurt，今年有他的傳記電影《Montage of Heck》之餘，亦把他的自錄的錄音帶 Demo 選曲出了這碟，當中的粗糙及赤裸似乎是Kurt最真一面：而《Rehash》就好似大家平時悶到顛顛地時發神經大唱一樣，當然你又會被他的結他吸住。

05. 《羅生門》– 麥浚龍、謝安琪

▲Addendum (2015) – 麥浚龍、謝安琪

談唔上好喜歡麥浚龍，其實量是唔討厭中又有些微欣賞，人妻 Kay 倒是由鋼牙年代愛上。所以《羅生門》亦不是神曲因為我無聽到流眼淚，但論玩概念同音樂又的確是廣東流行中少見，而且太耐無好聽合唱所以入圍，而我的確 loop 咗好長時間。

06. 《The Falcon》– John Williams

▲Star Wars: The Force Awakens OST (2015) – John Williams

作為一條星戰L，呢張 OST 一定係今年必聽，而《The Falcon》一幕又是星戰L 最有感情，又唔知點解成為「著草必備」的千歲鷹出場的配樂，真係聽到特別有感情。仲有，大師即係大師，John Williams 從無忘記自己為星戰是創作的主旋律，無時無刻都提提你係聽緊星戰 OST。

07. 《漫天紛飛的銀杏森林》– 陳珊妮

▲如同悲傷被下載了兩次 (2015) – 陳珊妮

每次都好期待在陳珊妮的碟中，找到有趣的電音或概念。今次專輯音樂由她包辦，詞卻找了 10 位「文字人」填，明顯講故事為主調。似乎有人覺得沒之前的好，有時好唔好唔係聽一次半次就可以，如同被下載了兩次的《悲傷》就絕對需時酵。

08. 《Another Brick in the Wall (Part II)》– Roger Waters

▲Roger Waters: The Wall (2015) – Roger Waters

今年好多老 Band 友重出江湖，包括呢位我細個成日口痕叫水哥的 Roger Waters，演唱會電影《Roger Waters: The Wall》的 OST，人老收火但唔代表回堂：細緻、流暢、感情更勝當年。所謂好歌係無時間性，《Another Brick in the Wall》特別適合今時今日聽，留意歌詞。

09. 《Stardust》– Jean Michel Jarre

▲Electronica 1: The Time Machine (2015) – Jean Michel Jarre

法國的電子實在是信心保證，Jean Michel Jarre 的厲害，今時今日張刀都仲鋒利非常，《Electronica 1: The Time Machine》就找來不同音樂人合作，除左有 Air、Moby 同 John Carpenterny 外，最有趣是郎朗都有份，不過最喜歡還是《Stardust》，因為有一種穿過黑洞之後睇到另一番景象感覺，以及想起一句對白：「化作宇宙的星塵吧！」

10. 《他舉起右手點名》– 蘇打綠

▲冬　未了 (2015) – 蘇打綠

我有好多朋友都唔鐘意聽青峰把聲，好，我只可以講句：你走寶了。我最鐘意痴線佬，做音樂搵到錢，又將錢拎去做音樂，《冬　未了》可以話係完成了 Vivaldi 的四季。最成熟的一章，不過亦是最沈重的一章，阿龔為流行樂曲結合管弦的平衡非常出色。充滿死亡、憂鬱味的《他舉起右手點名》就是講德軍集中營的故事。

L域係…. 撈傳媒十幾年，潮流、玩具、影音、音響都寫過，最近學人攪網站成立 hogar.hk 寫家電。作為音樂雜食者，其實又真係乜都聽一餐，最怕人分乜分物，因為心目中音樂只有「好聽」同「唔好聽」之分，最怕人用聽乜歌來突顯自己品味。

by L域

[om-hk]

田小百合：「比起 Metal，我更喜歡聽流行曲。」　我們的 Awesome Mix 2015

撰寫華語歌曲樂評多年，不是因為不喜歡外語歌曲，只是因為我更喜歡聽中文歌。一次在咖啡店的閒聊中，被薰問到如果我要製作一張屬於自己的 2015 精選碟，會有什麼歌被納入其中？一個聽了 10 幾年歌的人就被如此一條問題難倒，往後一星期都為此答案想得頭昏腦脹...

音樂之貴，在乎分享，難得整理好如此精選的 Awesome Mix 2015，獨樂樂不如眾樂樂；分享之餘，順道發掘一下臭味相投的人。

01.《REALiTi》– Grimes

▲Art Angels (2015) – Grimes

一向很愛 Synth Pop 的我，最近被 Grimes 的新碟洗腦，她的這張總體上比上一張出色，而當中我聽得最多的，可能是這首主打《REALiTi》。這歌在碟內雖然不屬於很大膽、實驗的作品，但它流暢得來又不大路，各方面都平衡得很好。值得一提是歌曲的 MV 內有出現香港的街景，以及尖東與尖沙咀地鐵站之間的行人「輸送帶」，被洗腦的我每次經過，都自必然會想起這首歌。

02.《This is The Girl》– Patti Smith

▲Banga (2012) – Patti Smith

可能因為看了 Amy Winehouse那套紀錄片，所以最近不是都會想起已經離開了我們 5 年的她；而我懷念她的方式除了從櫃上取下 Amy 的唱片外，還有經常播 Patti Smith 的《This is The Girl》；每次聽到這首不知怎地讓我feel到有種看透生命力量的歌，百感交集情緒就這樣鋪天蓋地地湧來……

03.《快樂很慢》– 黎曉陽

▲上上下下左右左右 B A Start (2015) – 黎曉陽

一首唱給年輕世代聽、有關成長的歌曲，很微妙地對應了後雨傘時代下，年輕人的一種迷惘，又希望與上世代的父權社會割裂的矛盾感。

04.《Thank You》– 雷光夏

▲不想忘記的聲音 (2015) – 雷光夏

雖然雷光夏的《Thank You》主體是寫她的舊房子，但歌曲的框架卻可以套入太多的東西 (例如前度情人)。歌曲後段文靜的小號演奏，令我想起 Ennio Morricone 的那些經典電影配樂，因為兩者都同樣輕易這感染到人。

05.《Runaway》– Kanye West

▲My Beautiful Dark Twisted Fantasy (2010) – Kanye West

歌曲一開始即用琴鍵奏出不安的聲音，隱喻人的孤僻和隔絕，Kanye West 唱出自己對女人犯下的錯誤，似乎他生來就要與魔鬼共騎，看盡了世間的昏暗。Runaway 就折射出 Kanye 的懺悔，Kanye West 要逃離物質和罪惡感形成的困囚，才能更清楚地認識愛情、認識自己。

《Runaway》主體結構的鼓點似曾相識，有人猜測原因採樣來自同樣由 Pete Rock 製作的《The Basement》，才會令人毫不意外。但我更欣賞個是猶如心情獨白的琴音，因為它本身就是一種簡約主義的美學風格；延伸至「電流」上升的 outro 中，不同的音層更交疊出更多情緒。

06.《妳》– 田馥甄

▲My Love (2011) – 田馥甄

音樂很奇妙，以往聽過未必很喜歡的舊歌，在某個特定時刻又會被它感動得稀里嘩啦。之前在路上偶然重聽田馥甄的專輯《My Love》，就突然被她送給好姐妹 Selina 的《妳》擊中，峰姐 (蘇打綠主唱青峰) 的音樂，有時依然是華語流行中的一道清泉。當有一日我們的情感突然同步起來，或許你就會感受到這首歌的美妙。

07.《60's Cardin》– Glen Check

▲Haute Couture (2012) – Glen Check

我本身很少聽韓國的音樂，因為我特別討厭刻板複製的洗腦 K-Pop；但最近就竟然破例地喜歡了 Glen Check 這隊組合。他們充滿復古味、歡快的電音作品《60's Cardin》非常適合跑步時聽。

如果大家「盲聽 (blind listening)」的話，或可以如我放下對 Made in Korea 的偏明，被其高質素擾亂誤判成來自歐美大國的 Synth Pop！

08.《Wake Up》– Arcade Fire

▲Funeral (2004) – Arcade Fire

屬於 My all time favorite 的其中一首歌當然有其獨到之處；強烈的鼓擊，昂揚飽滿的編制，彷彿帶出自由況味，可歌又標誌著人的成長，幾時聽都咁令人激動。

「Our bodies get bigger but our hearts get torn up」；當純真的勇氣已經不再，你愈清醒看這世界便愈感到它的冷酷。人愈大，就愈感受到固中意味，幾時聽都咁令人感嘆。

田小百合係….

自幼患有音樂癡迷症，異常沉迷流行音樂，一直相信音樂可以令世界變得更美，日常不務正業。大學時期起開始寫所謂的「音樂評論」，一寫就一發不可收拾；先後擔任過中港台的音樂獎項評審，而文字則散見於港澳大陸的報紙和網路媒體。

by 田小百合

[om-hk]

薰是來「聽音樂」的　致我部 AK120 II 的輓歌

曾幾何時，我都有部 cassette 機，等收音機班 DJ 播歌、電視播 MTV、卡通唱 OP ED 果陣隊部機埋 speaker 到錄下歌仔；進化到有部 CD 機，我就真係會袋住三五七隻碟喺身，行行下街悶起上嚟隨時換碟聽。

之後喺 256MB USB 手指索價 300 大洋嘅年代，屋企人買電器送左部唇膏咁大嘅 128MB mp3 機，威到不得了！不過果陣識條鐵咩，唔好話層次音場立體感，我連咩叫樂器係咩聲都未知道晒啦，所以識聽梗係聽 128 kbps - 頂盡 192 kbps 嘅 mp3….

之後理所當然地越買越貴，先係一百幾十，再嚟一千幾百，之後就.... 有部 AK120 II。話晒部 AK120 II 都陪左小弟年幾兩年，渡過左唔少時刻，加上連呢個價錢都捨得會買，所以都可以話部機喺小弟生命中算有一席位。

▲其實除左價錢之外，買之前我都個有另一個 concern，就係呢個壽星公額..

只係時至今日，聽歌仔已經唔同往日；player 選擇多，耳機選擇更多，容量多到用唔晒，連 iPhone 都出到 128GB 就知 memory 真係平到你唔信。

撞啱部機入面果 192GB 都畀我用爆晒，思前想後，橫掂都係要更新套架生，不如就與時並進，砍掉重練；重新出發前先寫下畀我部 AK120 II 的輓歌。

想昨天

我只係得兩餅 (定三餅) cassette 帶，磁帶係線性編碼，即係無得好似而家咁樣首首歌跳住嚟聽，一定要順住由第一首，或者上次停低果到聽落去；可能係第三首個尾，可能係第六首中間，唔可以話聽第 5 首就聽第 5 首是一定的，不斷 play、pause、play、pause 咁就只係想完完整整咁聽一首歌。

錄落去都一樣原理，錄落去餅帶喺邊個位就邊個位，如果餅帶之前錄過嘢，稍一不慎就會食左之前一截，或者兩段之間有個 gap….因為我屋企唔係 studio，加上我又無得選擇電視收音機播嘜畀我聽，所以所以錄之前其實要做好多前期工作，因為果一餅帶放咩歌落去同較啱個位去錄新歌係好很重要，唔係我又要成餅重新玩過。

▲之後興左牌 MD，但太貴了，仲讀緊書嘅我又無咁多錢可以拎住週圍去 show off，所以就算到今時今日都仲有人話 MD 係最好聲，我都唔知好成點；這些機會，大概不是屬於我的。(幅圖來源)

因為首首歌都係自己辛苦錄返嚟嘅金曲，所以無論用咩機聽，都一樣咁好聽；薰聽的是音樂，不是播放器。

之後轉到去 CD 年代，成個世界簡單左幾多！2 蚊隻 CD-R 就可以將電腦入面來自五湖四海嘅 mp3 燒晒落去呢 700MB 之內；邊首歌行先，邊首歌排後都可以隨手就襟幾下就搞掂！

望今天

用過兩部 CD Walkman 之後就係轉左用 mp3 機，無錯，就只係一部雜牌 128MB mp3 機。呢個時間通常都會有人話「CD 好聲啲喎」，我都知，但當時小弟可以有幾大，對耳 (其實係成個人) 發育完未都成問題啦~ 加上再長期咁揹半打一打碟出街嘅話，我條腰應該再挺唔直啦....

之後都換過幾部 player：MEIZU、iRiver、JVC、Kenwood、Sony、Sony 仲有 Sony，Sony 啲機靚嘛~~

▲最後一部用嘅 Sony Walkmna，係我買左之後開心到要寫返篇文紀念下嘅 EVA 版 F887，Sony 果次最聰明嘅地方係一改以往 crossover 只肯出 8GB、16GB 之類最細容量嘅版本，一嚟就出 64GB，加埋要你硬食到少一隻 24Bit 新劇場版 OST 嚟推 Hi-Res 音樂，啱晒我呢種只想聽無損 file 嘅用家。(幅相來自當年由我寫嘅 review.)

可以令我放低 Sony 部 EVA 版 F887 嘅機差極都有個譜，而部 AK120 II 又的確係唔差，有齊當時最新嘅功能，同當時部 AK 旗幟幾乎同級嘅硬件，聲底又靜又清，靚仔之餘仲成部都係鐵造 (好重要)，聽果時又有大大幅 Album Art (好很重要)，連跟機個皮套都係意大利製，靚仔到一個極點。加上當時真係有心出 player 嘅牌子唔多，iRiver 一時之間出個咁樣樣嘅牌子出嚟，唔多唔少有點架世。

▲用到原裝皮套，加個 Made in Japan 嘅 vannuys 專用內袋，再加多個都係 Made in Japan 嘅 Yoshida Porter 袋去裝住部機，就知我幾鍾意呢部機~

買之前其實都仲有啲猶豫，貴嘛大佬！雖然畀錢前都唔係聽左好多次，但之前聽過上一代 AK100 同 AK120，所以信心係有嘅；加上我一定要「一機走天涯」，所以就把心一橫，唔檸好煩，諗住買完部 AK120 II 之後就一了百了，專心買碟。

▲AK120 II (100 II 都係) 最好嘅其中一個地方，就係有幅四四正正嘅 Album Art 喺個幾 sharp 嘅熒幕到，聽覺同視覺都唔錯。

▲作為一個有要求嘅人，邊樹製造當然都係重中之重；AK 一很都係 Made in Korea，小弟自認傳統派，雖然 Korea 唔夠 Japan 好，但點都好過 China。

一開盒就聽左年幾，果時不時有其他機聽，但無論身邊有幾多 player，起身、搭車、行路、放工都一定係聽返部 AK120 II；我嘅時間大部分都用喺 rip 碟，執碟同過 file 到，因為好地地真係無必要換機。

直至....

若然有明天

直至我越嚟越唔願帶袋，連細細個嘅型棍 Porter pouch 都懶得帶，同時隨住係街遊蕩嘅時間多左，部電話無論響手定喺褲袋，我都係同人傾緊計，其實可以認真聽歌嘅時間真係少左好多，所以音質同便攜性嘅平衡又可以再重整一次。

又自從 LG 出左部 V10 之後，部 AK120 II 簡直就被人打左入冷宮，兩星期都開唔到一次機，唔係因為 AK120 II 差左，部 120 II 一直都好好，只係因為世界已經變左，香港都已經唔再係兩年前戇下戇下果個香港，而佢亦都已經不合時宜。

▲雖則話 V10 已經好唔錯，但如果身痕想玩下 2.5mm 平衡頭，短期內都係要買返 player 先有得玩。

而 G5 配個 B&O Play DAC 亦係其中一個小弟幾有興趣試嘅嘢，唔係因為信一部無時無刻都喺到收緊訊號嘅手機真係可以好似 LG 發布會張「飛機 slide」咁講，可以超越人哋部定價近三萬嘅 player，但薰同好多人一樣，都絕對有興趣睇下到底 LG 呢間完全無音樂相關產品背景嘅泡菜國企業，可以將「手機聽歌」呢個題材延伸到幾遠。

呢樣嘢除左係因為 AK 嘅新機已經完全畀唔到一個理由我去「花錢做大爺」、覺得巧威威之外，更係因為我從來都毫不掩飾地讚嘅 V10 將流動聽音樂又再推前左一步。

我是來「聽音樂」的

比起用咩嚟聽歌，更重要嘅係到底自己想點樣聽歌；鍾意聽音樂嘅人絕對唔少，當中發燒嘅佔一部分，有錢去「買藥解毒」嘅人又再少啲，所以好多人都係唔想再煩，收工放飯食個 M 記就算，行路搭車簡簡單單用 earpod 咪得。可能被發燒友界定得太多，或者係啲舖頭唔多唔少，都因為想滿足想成為「專業人士」嘅客仔而成日 sell 勾耳式耳機係好專業，但其實點解勾耳式耳機唔可以駁電話聽歌？點解駁電話聽歌對耳機用原裝線就夠？

▲買左部機之後，我就真係好專心買碟同 rip 碟；就算平均一日 rip 一隻，我個 waiting list 都只會不斷升，積到今日都仲係咁，唔係講笑。

近牌我朋友 (不是我) 問左我一個問題，提醒左我一件事：「我對 SE846 用開果條 (鍍) 銀線壞左，雖然我聽都未聽過 ORB 呢個牌子，但喺舖頭換左上 846 到放入耳仔之後，真係聽多咗好多嘢，我都唔係好知點講，總之聽落就係細節多左，聽演唱會以覺得豐富左咁，」

事實已經證明，如果真係鍾意聽歌，呢樣嘢根本就不值一提。

因為我哋在意嘅，係音樂隨身，而唔係音樂播放器隨身；音樂播放器無容置疑地可以令我哋聽到更多細節，更有助去感受 artists 想表達嘅情感。但就算無左貴一貴嘅器材，其實影響都唔會話好大，最多都係畫好條龍無得點睛，但唔會成條龍走鬼左。

又，因為用電話駁 ORB 線 + SE846 聽都好過用跟機耳機聽，所以其實真係無咩所謂；做人固然要向上望，但我哋岳高頭望到嘅唔係更貴、更高階嘅 player，而係更多嘅好音樂，值得我哋響其實訓覺都無咩時間嘅 24 小時入面抽時間去聽、去細味嘅音樂。

▲另一樣手機暫時都比唔上 player 嘅地方係操縱：實體 forward/play/pause/backward 掣，音量用 0.5 做單位，同埋旋鈕 volume 掣。

越嚟越多人以爲我屋企好似試音室咁，就算無返對座地喇叭，都有套望落就知架世嘅音響器材，晚晚喺到炸機。事實係，我得對幾百蚊嘅喇叭，加套有 CD tray 嘅床頭音響，再加多隻藍牙喇叭，連屋企人都話我啲樂器仲霸得多位過啲喇叭；與其話似試音房，不如話更似 band 房，因爲我從來都唔拘泥於點聽歌，只要係首好歌，就算只係喺 MTV (或者而家嘅 Power Tracks) 到聽到，我都唔會介意用電視果對會出聲嘅 speaker 嚟聽。

▲雖然 AK 啲機都係用 Linux-based 系統，即係 Android 啲朋友，但至少你都會見到 AK 肯大執下個 system 同加多啲自己原素嘢落去，例如呢個開機畫畫簡單得嚟都叫做有啲嘢睇；點都好過用 Android 嘅機連 apps 都裝唔到，返到屋企想聽下 TIDAL 都唔得，都什麼年代了....

之前已經講過，一出新就買嘅原因唔係因為你好叻叻，而係因為現有嘅根本唔多啱聽，所以一出新咪又要追；用晒啲時間嚟追機追線，搞到聽來聽去都係果幾首歌，終有一日追到攰，唔再追新機嘅附帶條件就係連歌都唔多聽；咁樣樣，邊個最開心？

我想聽嘅，係首歌，而唔係對喇叭，或者係對耳機，或者係部 player；因為由始至終，我是來「聽音樂」的，how about you?

by 薰

[om-hk]

後海大鯊魚奏出一種青蔥歲月應有的態度：《心要野》

後海大鯊魚《心要野》的唯一訴求，就是要讓你暫時忘記煩惱、放逐遠方、放任自流、享受現在。乍聽之下，大家或會對他們仿似小學生水準般的歌詞不斷搖頭 (不是指甩頭)，但我反而覺得這樣這更符合到當下，很想召回像童年時代那樣無需有太多顧慮，無需有什麼負擔的感覺。

聽後海大鯊魚的作品從來都是以「樂」為先，你若是本性太嚴肅、或會較在意歌詞內容，這種後海大鯊魚帶來的「咸水」相信永遠都不會是你「杯荼」。

「野」就是難以歸類

要說《心要野》整張碟最吸引我的部分，應該是裏面亮點多多的編曲；打頭陣的專輯同名歌，在那「閃閃發光」的小號吹奏下，簡直教人舒筋活絡、心情舒暢，好比於野外無頭無腦地亂跳了一陣的爽！《猛獁》的編曲就如放了一枚絢爛的煙花，也如多彩的油漆被潑下來，令你的「精氣神」迅速提升！《後海衝浪手》第二段副歌部分加快加重的鼓擊節拍，更讓歌曲錦上添花；而《Bling Bling Bling》的口哨聲，更加製造出「曠野」的氛圍以及想象空間。

▲心要野 (2016) – 後海大鯊魚

後海大鯊魚這次為我們帶來了印度風情的《喜馬拉雅》，又有迷幻加爵士的《偷月亮的人》，專輯內多變的樂風、西塔琴、色士風、低音提琴、手鈴等等多樣的樂器，產生一場精彩的「混交」，但最重要是它們雜而不亂，帶給聽眾如同唱片主題所說的一樣——放縱、無束的聽覺體驗。

青蔥活力大爆發

全碟中個人較喜歡的是「任性」的《88奧林匹克》，歌曲強勢的 intro 像要發力準備起跑，誰知 verse 風格一變，就忽然疲軟得堪比上班族加班後的疲憊精神狀態；這樣一式一樣也不由自主的生活，既如比賽帶來競爭考驗同時又帶來限制，你要活出精彩，就必須勇敢衝破常規。2分 41秒處開始的實驗性編排，成功產生了「轉折」的效果，後海大鯊魚在「奧林匹克」裡面玩得如嗑了藥般的瘋狂和盡興，成功體現出他們對自己音樂要破格的決心。

《心要野》的歌曲有放又有收，其內的一首《時間之間》雖然算不上很「搶耳」類型，但正因如此而更耐播耐聽。它在長時間的醖釀後，有一種如旭日昇起的感覺，猶若令人在爐邊慢慢驅去焦躁的濕氣，得到了暖心之感；而海灘上的「我們」，就像專輯的封面般點起了火把，這時「永恆」猶如海浪一樣退去，「此刻」才是需珍惜和享受的唯一；《時間之間》凸顯付菡與曹璞合作的譜曲能力，其足可以感動人的旋律，如天邊落霞的美。

是抄襲還是致敬？

有人指專輯最後的《Bling Bling Bling》是抄襲 Amanda Jenssen 《Happyland》的作品，這點我也是同意；再者其實專輯內不少作品都可以找到相應的熟悉參考對象，例如主打的《猛獁》就是向《Viva la Vida》或《Mylo Xyloto》時期的 Coldplay「致敬」，《今夜留給今夜吧》又聽到了 Daft Punk 的影子。

可是又不得不承認，積累數年的後海大鯊魚，透過不斷向各方借鑒和自己的積極嘗試後，確實令到他們的音樂造詣昇華得更快，也令到他們的音樂思維被擴得更闊。《心要野》就可謂一張「集大成」的專輯，或者是一張近年音樂生涯的成績表。

後海大鯊魚燦爛繽紛的之音樂部分，讓我能夠隨輕鬆音樂而行，離開一種總要去咀嚼歌詞才明白歌曲意義的環境，重新回到一個更純粹的聽歌狀態；畢竟，純粹的生活總是最美好的。

▲3月才推出《心要野》的後海大鯊魚旋即起行巡迴演出，更會在距離不足兩星期後的 4月 5日 (星期二) 到達香港站！試聽全碟後想離開在房間裏戴着耳機的環境，重新回到一個更真實的現場感受音樂的話，相信依然為時未晚~

by 田小百合

[om-hk]

識於微時，愛在深秋　《Blackwater Park》是 Mikael 與 Steven 的邂逅之地

成日都想寫下 Opeth，因為佢哋算係少數樂團可以得閒換下人，但 26 年嚟出嘅每一隻碟都係精品，唔會用「成功方程式」去刻意模仿上一隻受歡迎、好賣嘅碟，同時亦唔會為左要與別不同、要型就格硬去做啲唔屬於自己嘅音樂。

但正正就係因為隻隻都係精品，加上音樂以及團員們都同樣前衛，每出一隻碟風格都略有唔同，所以要揀隻做開頭，代表 Opeth 就更加頭痕。

思前想後，不如就回到最基本，由第一隻「正式出道」嘅碟，同時亦都係前衛死亡金屬樂團 Opeth 嘅團長 Mikael Åkerfeldt 同玩開前衛迷幻搖滾嘅 Steven Wilson 邂逅嘅《Blackwater Park》開始講起。

樹前的戀人

黑水園入面有啲咩呢？入去之前我都唔知，跟隨住一段隆隆響起嘅前奏，慢慢行過果度半掩嘅大閘；喺一大片霧入面，我見到一棵樹；《The Leper Affinity》個名有啲深，大概就係指一班痲瘋病人。

▲2010 年 Opeth 慶祝《Blackwater Park》推出 10 週年，威威豬成為第一隊喺倫敦 Royal Albert Hall 到唱 Live 嘅 Death Metal 樂隊，Live 唱晒全碟；除左聽到興奮之外，亦都聽到唱左 20 年死腔嘅 Mikael 把聲開始衰退。

痲瘋到底是一種點樣嘅病？痲瘋歷史悠久，雖然傳染性並唔高，可能比傷風感冒更低，但由於痲瘋患者身上唔同部分會出現肉芽腫，小則失去痛覺感知而唔識痛，大則出現喺眼，影響視力，甚至會因為唔識痛整到個身體傷晒而出現壞死組織，需要截肢。

但點恐怖法，都唔夠人類對痲瘋患者嘅歧視恐怖，因為社會對痲瘋嘅誤解同歧視更令早期發現個案唔膽敢去求助，到最後迫於無奈要切手切腳先去求醫。除左 Death & Taxes 之外，生命中其他嘢我哋都可以有好多選擇，但因為環境使然，痲瘋病人就只可以日日隱隱耳語咁，飽受歧視之下等死；所以今日死同聽日死其實都無分別，諗諗下喺黑水園入面一班同路人一齊，可能仲開心。

▲Blackwater Park (2001) – Opeth

清脆結他在迷離的環境中格格作響，令站在樹後傾計的一對男女更顯吊詭，他們耳邊細語內容條理所當然地聽不到，只見兩人神情嚴肅；氛圍結他延音造成嘅迷霧越嚟越厚，加上令 Mikael 把聲猶如喺流聲機播出嚟嘅「電話錄音」特效，一聽就知係 Steven Wilson 喺到搞搞震。

Plunging towards bereavement faster yet Clearing thoughts, my mind is set

《Bleak》中段轉入清腔似乎就是兩口子嘅對話？作為路人嘅小弟不得而知，唯一知道嘅係唔係事事都會有大團圓結局。

Mist ripples round your thin white neck And draws me a line Cold fingers mark this dying wreck This moment is mine

Help me cure you Atone for all you've done Help me leave you As all the days are gone

一切一切，就只令到我感受到身邊寒風以外的一陣蒼涼，金屬樂最特別 - 亦都係重要原素之一嘅就係果陣粗獷原始味，就好似我地披上因為要順應潮流、要喺到生存嘅華衣禮服之前個真摯衰樣咁，如果連面對自己最原始嘅面貌都唔敢，仲點叫人信你係你自己？

Slight twist, shivering corpse Ornated with water, fills the cracks Clasped in my limbs by tradition This is all you need

一對對歧視嘅目光，一個個美麗的謊言，如此令人失望的場面，難怪《Blackwater Park》內頁有棵佈滿屍骨，瀕危枯萎嘅樹。因為喺呢種環境，唔好話人，連樹都死。

收成期的陽光

小心翼翼行過棵樹，免得踩中樹邊爬行的蛆蟲，眼見一班人圍住個長方形木箱哀嘆哭泣，終於發現黑水園柔婉的一面；破音收起，穩定甩動的頭顱，清腔演奏逝者心中的剖白 - 一顆害怕孤獨的心。混合爵士和前衛搖滾的溫暖結他 solo 中和苦澀的空氣，舒緩一下各人的赤鼻，讓大家都可以專注在木箱裏色彩鮮艷的花圈，而非泛白萎縮的面容。

營營役役一生，為的大概是一個可以總結一生功過的答案，就好似放榜收到張成績表，陽光明媚午後落田收割一樣，檢視自己幾十年嚟嘅收成，《Harvest》是也。

呢種場面地係唔適宜望太耐，就算周圍氣氛幾溫暖，望得多自己個心都寒埋，所以都係繼續向前行。行行下無端端又刮大風，打埋嚟嘅啲雨水凍到塊面都就快結冰，真係要去揾個瓦遮下頭先….

▲反觀 2003 年個 Live show《Lamentations》，無論係現場錄音，定係 Mikael 把聲都更野性，更原始，金屬味更重。順帶一提，2003 年呢個班底同錄《Blackwater Park》果時係一模一樣，唔知會唔會有加乘作用？

有如暴風雨般的 intro，卻在 Mikael 開腔前就靜下來的《The Drapery Falls》擁有令人難以歸類的特色；前衛 (Progressive) 的編曲、強烈的動靜切換，還有少不了的死腔，一切都如此格格不入，卻又意外地順理成章；因為這是 Opeth 的作品，所以如果無這樣「出奇」的配搭才會先教人意外。

歌曲集前衛和死亡金屬於一身，歌曲偏長是肯肯定的，而作品結構出名複雜多變的 Opeth 在《The Drapery Falls》的表現反而略為收斂，結構相對地簡單；除了招牌的清腔、死腔、樂器的動靜轉換外，氣氛感更是前所未有要強烈，聽上去就像薰在只有迷霧和暴風雨的園裏奔跑到掛滿裹屍布的地方避風的旅程。何解係裹屍布？難道你會期望來自波斯的綾羅綢緞出現在只有霧和悔恨的地方嘛？

層次豐富的芝士漢堡

可能因為已經歷經無數咁耐嘅風吹雨打咩都沖走，或者可能因為無端端返風，我個鼻都塞塞地，所以坐左係裹屍布下面咁耐都唔覺得有咩異味，但既然我都未成屍，見細雨啲就走啦。

《Dirge for November》可以話係小弟全碟最鍾意的一首歌，唔係話其他歌唔好，只係呢首特別好。原因好簡單，因為首歌似我最鍾意的食物：多層漢堡，多層滋味。

▲死腔從來都唔係 Opeth 嘅唯一賣點，如何用得傳神、準確先係 Opeth 最令人 (我) 着迷嘅地方。

即是.. 即是聽下咪知囉~ 首歌開頭先用輕掃木結他做背景，襯以 Mikael 三分愁緒，七分無奈的聲線，之後豐富、平穩地步步推移的中段成為殘暴失真電結他的舞台，主音聲音雖然頓時變成死腔，但完全沒有之前幾首歌般的尖銳呼叫，或者低沉咆哮；只有充滿無奈悔疚，暗得不見天日、平白的死腔。

It sheds upon the floor, dripping into a pool Grant me sleep, take me under Like the wings of a dove, folding around I fade into this tender care

以為「嘈吵」的失真人聲是最強的控訴？之後的單結他在夜闌人靜裏的獨奏才是最沉重，佈滿情感的時刻。

能夠將自殺都描繪得如一幅實實在在的畫般抽像豐富，但又不至於生澀難明呆望前方眼看前面呢個景象，已經唔知係被嚇得不知所措，定係美得突然失語。就憑如此會令人感觸得流淚的美麗畫面，不難理解為何 Opeth 多年來的專輯作品風格每每推陳出新，地位都依然迄立不倒。

Opeth 的原始面貌

面對專輯同名歌曲的前奏之前，先來一首死亡金屬味重的《The Funeral Portrait》為大家洗塵。Intro 同樣充滿 Opeth 特色，12 弦結他的導入隨即就換上粗糙的破音牆，令人毫不懷疑他們的金屬本質。編曲舖排與第一首《The Leper Affinity》的確有點相似，只是這首大碟中的 Track 6 是唯一一首暫時褪去大部分的藝術面紗，露出兇狠、侵略性一面，接着接近中段 acoustic 結他鬼魅的邪惡笑容是毫不修飾，放任亂飆的結他和鼓。再配以 Mikael 絲毫不留力的咆哮；這不是死亡金屬，還可以是什麼？

放在層次分明，猶如一幅油畫的《Dirge for November》之後，更顯 Steven Wilson 清楚理解何謂金屬樂的心思。

生機勃勃的死亡組曲

《Patterns in the Ivy》應該是黑水園中唯一一首充滿色彩的歌曲，長春藤自石縫溪澗爬出，纏滿一整堵牆。原音木結他獨奏帶來幾分恬靜，keyboard 加入絲絲細語，就算主唱都沉默起來，在這充滿色彩的 2 分鐘好好欣賞這種格格不入的翠綠。只是甫坐下，她就以其優雅翠綠的藤開始在我手上織一層羅綺，稀釋眼前吹不起半點漪淪，靜物畫般的沉默。

▲剩係聽呢一首，真係無人會信 Opeth 嘅音樂分類會係「Progressive Death Metal」！

涼風偶爾送來數塊落葉，雲間不時飛來幾隻白鴿，如黑夜中的曇花：只是當靠近鐵色的海洋時，倒影卻都是烏鴉。睇完風影望返瓜自己，赫然發現全身已被染成翠綠。

身體一瞬間就被纏繞，養分被慢慢吸收；無故出現的 2 分鐘小品成功撫平之前嘅毛骨悚然，倒下望着似乎從未試過落山的太陽，以為都將落幕，但聽到遠處傳來引人入勝的泛音，我就明白原來長春藤只是黑水園的序曲。

▲薰買碟通常都傾向買第一版，但呢隻就例外，原因只係因為我更鍾意再版嘅封面畫風。

同名歌曲《Blackwater Park》重回到死亡金屬的懷抱，，雖然有飄零靈 (沒有燕) 出沒，但聽到一段又一段的 drop D riff 真係會令人以為 Steven 唔得閒理呢首歌就由得 Mikael 自由發揮。不過唱左唔夠幾句之後就知道 Steven 又發功；清幽園林、石頭滾動．往樹枝打的風、迷霧裏的呼吸，統統都是 Steven 到不得之了的味道；可是大玩特效，清聲木結他，偶爾的 bass line 就絕對是不折不扣的 Opeth。

▲想當年，其實我本身無特別聽 (更莫講鍾愛) 死亡金屬，但聽到《Blackwater Park》之後，就有種「如果這就是 Death Metal，我可以聽下去啊」嘅感覺啦~

一輪尋幽探秘之後，Opeth 全班人馬就重出接手，用最原始、欺文但粗獷的聲音去導賞黑水園；明明在荒蕪園林，但就建構出典堂級的氣勢，有如在聽《In the Hall of the Mountain King》，這功力是怎麼樣的一回事？？？？

說 title track 是一個導賞團絕對不誇張，因為幾句就歌詞就已經可以勾畫到黑水園成個畫面：

Lepers coiled neath the trees Dying men in bewildered soliloquies Perversions bloom round the bend Seekers, lost in their quest Ghosts of friends frolic under the waning moon

2016 年嘅香港，無論係政治、經濟、社會、書生以致其他範疇都的而且確係 the year of death..

It is the year of death Wielding his instruments Stealth sovereign reaper Touching us with ease

Mikael 低沉而又清晰的咆哮唱腔可為只此一家，就算出現於純粹貪好玩而組成的副團亦有同樣的特色，令 Mikael Åkerfeldt 毫無疑問地成為死亡金屬界最優秀的主音之一；優秀得唔係話學就學得嚟，睇我練左咁耐都無佢 7、8 成功力就知，原來「嘔泥」都要講天份....

以為一到 Death Metal 部分，Steven Wilson 就可以繑埋雙手等收工？一個真正的音樂人係會不停主動嘗試新事物的；例如 Steven 係整張大碟除了參與監製之外，更有於結他 solo，合成器、鍵盤彈奏，唱和音，更有唱高音部分獻唱！

▲Mikael 同 Steven 好朋友到一個可以兩個人自己去出隻碟嘅程度..

話說回來，其實薰小弟都是聽左隻碟好幾年先知呢樣嘢，順便解開左點解無論聽邊個時期嘅 Opeth Live 都唔會聽到 Mikael 唱到果種高音；雖然 Steven 之後都未試過自己嘅作品上唱任何類型嘅金屬腔，但之後響多張專輯入面都見到佢加入明顯份量嘅金屬元素，到今時今日更係用得爐火純青，要金屬就金屬，要電子就電子，要爵士就爵士，遲下有機會再講呢位痴線音樂人~

被人捉住導賞完一輪之後，才搞清楚一個事實：

The sun sets forever over Blackwater Park.

以為漆黑一片，伸手不見五指就叫黑暗、絕望？太陽永恆高掛天上，迷霧裏一片灰暗，久久未見曙光，永世不得安息，在清脆綠葉的陪襯下，蒼白的手漸漸成為黑水園的其中一角，然後再不會離開這個美麗的地方。

Opeth 的生活態度

金屬樂從來都唔係一種平易近人，適合時刻四圍播的音樂，作為死亡金屬樂團的 Opeth 由創團之今 (2016年)，賣的不是一首歌，不是一種固定音樂風格，或者份量強勁的團員陣容。

他們賣的，是一種對音樂的態度。

由處男作《Orchid》到最新的《Pale Communion》，每一張專輯聽落都明顯有所不同，但又一聽就知道「呢隻係 Opeth 嘅作品」。

話《Blackwater Park》係 Opeth 第一隻「正式出道」嘅碟原因無他，只因為黑水園係第一隻令全球樂迷知道原來世界上有一隊如此優秀樂隊的作品；毫無疑問，Opeth 言行合一，都在表現出熱愛音樂，專心做自己喜歡的音樂，所以就算風格有變，甚至只係因為轉左唱片公司而令到本來已經優秀的作品大賣，而被保守的早期樂迷指責 Opeth 已不再地下 (?)、不再金屬 (??)，Mikael 就只會報以一句「哦」。

▲自 Steven Wilson 參與《Blackwater Park》嘅製作起，之後都有參與 Opeth 的其他專輯製作，甚至玩到同 Mikael 兩個人自己出隻新碟；雖然 Mikael 有 Mikael 嘅生活，Steven 有 Steven 既忙碌，但就算各自去左世界巡迴，但生日正日都可以一齊慶祝.... 難怪兩邊 fans 都成日叫兩位大叔唔好咁黐纏。

因為墨守成規不會帶來任何變化、進步和好音樂，這點 Opeth 感受至深，所以 Opeth 存在的原因並非要創作出樂迷、市場喜歡的音樂，而是寫出自己滿意的音樂。Opeth 的味道就是清新，超越死亡金屬和黑金屬的限界，提供豐富的創作闊度，「我哋嘅責任只係創作好音樂，而唔係做人哋想聽嘅音樂，而市場呢家嘢就交返畀唱片公司個 marketing 部門做啦。」

▲ Mikael Åkerfeldt 從來只係一個喜愛彈結他，熱愛音樂嘅小子 (而家係有兩個女嘅大叔)，甚至試過窮到連續幾個月都係一日只可以食一個罐頭，無錢錄 demo 碟咪就咁用張紙畫幾條線上去，mark 低啲音符，寄去唱片公司；過一牌就收到電話叫佢去簽約。

Opeth 26年來嘅路從來都唔易行，自《Blackwater Park》專輯張張備受期待，隻隻都毀譽參半，如果唔係因為單純出於對音樂嘅熱誠，我相信實在無幾多人會願意堅持過呢種生活，就算我都唔得。

佢窮過，有錢過，全家有飯開大概已經足夠有餘，唯獨是音樂，佢絕不放過；呢種純粹嘅行為係如此簡單，又係如何不簡單。

利申：無自殺傾向，寫食人題材碟唔需要先食人，唔好叫我簽「不自殺契約」。

by 薰

[om-hk]

就讓這個和弦 sustain 下去：謝安琪《K sus2》

自 K歌當道開始，香港流行樂壇就像再沒有大碟這回事，舉目除一系列「新曲＋精選」，就是氾濫成災的 EP (Extended play：全碟長度介乎於單曲 (single) 與專輯 (album) 之間)。既然音樂本質已不及新鮮感重要，短期內密集發放只收錄數首派台歌的 EP，絕對比需長時間製作的大碟更具商業與市場效益，對 EP 之印象從來不正面，正是這背後的投機因素，所以第一眼看到《K sus2》，實在擔憂：同樣是幕後精英如雲、周博賢全力拼死鑄造、Ban Ban Music 製作、Avex Trax 發行，但相隔一年，眼前兩樣。

「謝安琪也要出 EP 了。」

老實說，有點怕。

令人意外的「情歌 EP」

事先張揚的「性感彩照」成為這新專輯的重點之一，還要附送巨型 Kay 美貌海報，實力歌手也要向市場潮流靠攏賣弄一點姿色吧？一張只有六曲 EP，《跟我走》早已收錄於《Kay One》第二版，再加一首是混音作品，即是整張 EP 只得四首新曲，完全是 K歌歌星的發唱片模式吧？只是張 EP，卻要再送一張 VCD；我戰戰兢兢地打開這豪裝 digibook，首先是掉滿一地的宣傳品與換領券，附帶周邊彷彿比音樂更重要，還有那佔了歌詞本一半的美輪美奐謝安琪寫真集，豈不和唱功實力不夠包裝禮品搭救的偶像歌手唱片一模一樣......？

經驗指出，這會是一張「不好聽」的唱片，

「真的有需要這樣精美嗎？」

由豐富華麗包裝汎起的一堆問號，更令我更加害怕。

《Kay One》的包裝絕不美麗 - 甚至粗糙，卻正正是那令人回味無窮的內涵，更顯其實而不華的欣賞價值。多加一曲再換華麗包裝的再版《Kay One Plus》，已甚具商業意味；而《K sus2》的嫌疑更重：

「連謝安琪＋周博賢亦只得一作便要向現實低頭嗎？」

▲Ksus 2 (2006) – 謝安琪

按下播放鍵，(幸好) 我發現我錯了，因為我實在不應對這對拍檔生疑。《K sus2》甚至比《Kay One》更進一步，無論音樂還是詞意都要具焦點得多。如果覺得之前先後派台的《跟我走》和《愁人節》曲詞對口味，就已經不需再猶豫。因為整張專輯走的曲風都是這種輕搖滾路線，缺少如上作的玩味，卻成就一張百聽不厭的情歌小專集。

沒說錯《K sus2》是情歌專集，但放心不是連 Kay 也要「淪落」到唱情歌；因為這個情不是失戀苦戀的情，而是人情味的情。其實 Kay 在發布前的訪問已經透露此作主題是「珍惜」，在流行曲通通都是愛得生離死別和見勢先走為妙的香港，會選擇聚焦在這主題的作品可謂絕無僅有，個別歌曲的題材在香港來說更是「奇異」。

非典型「情歌」

第一首《跟我走》帶點藝術搖滾風格，這份民謠韻味在本地音樂中相當罕見的，是 Kay 對所有支持她的朋友之一個答謝，大概會成為將來謝安琪演唱會中，台上台下大合唱的謝幕曲吧？

一個開朗的開場，第二首氣氛卻急轉直下，換來一首《菲情歌》。這開宗明義的情歌是寫給居港菲律賓傭人。雖然他們已成為香港一部子，卻一直被香港人忽視輕視，受盡僱主差遣呼喝，在港日出而作日入而息的生活淡然無味；唯一的樂趣，就是週日和一眾同鄉聚首皇后像廣場，和睡夢中與相隔千里的家人相會。雖然故事主角不是你和我，但細膩的第一身歌詞還有口琴、口哨和木結他等憂怨不插電樂器，聽者第一秒已被代入角色中，切身處地感受到那一份人情淡薄，不夠灰嗎？

再來沉重的 power ballad《愁人節》，歌名雖像情歌，但同樣地不是情歌。這次你我大家都做回自己了 - 就是嚮往物質娛樂的典型都市人。在享樂之際，有否想過在香港社會的下層，很多人連日常需要、生活溫飽這些基本條件都達不到？整天在埋怨收入不夠高、未能買到心頭好的我們，每逢節日都要奢華慶祝的我們，其實是否身在福中不知福呢？此曲的主題相當貼身寫實，還有全 EP 最激動的演唱，令人細味。就此兩曲，已能夠能輕易取得「2006年度香港最感人粵語流行曲」之位。

聽著聽著，喜歡 Kay 的人或會問上作那份跳脫與趣味去了那裏？

還在。承接《跟我走》的喜慶，打圓場的《我愛茶餐廳》那老搖滾風格會令日本樂團 Love Psychedelico 的粉絲雀躍吧？Kay 故意壓低聲線的唱法和周博賢親自獻聲的和聲，還有精彩的即興獨奏，令全曲都洋溢著熱鬧的氣息，正好配合對茶餐廳這香港特色食府致敬之意。

市井的歌詞實在聽得人會心微笑，完全道出香港人心聲！這也是風格和氣氛最接近《Kay One》的一曲。雖然專輯中段鬱鬱寡歡，序結兩幕還是聽得愉快，沒有埋沒到謝安琪活潑一面。

虛幻的「情歌」

留至文末的兩首，就是全張專輯最特別的《亡命之途》；這首歌的兩個版本分別置於《我愛茶餐廳》前後，與別不同在這是全碟唯一的電音作品。講述夜遊香港人必得經歷過的超速亡命小巴的《亡命之途》原版編曲相當豐富，特別是多聲道和音的迷離效果；但與其他流行曲相比即見「另類」的作品顯然地會令好些人聽不慣。

▲連原版都接受不到的朋友，聽到子斌的 downtempo 搭上 Seaons Lee 迷幻結他的《亡命之途 4AM Electro Mix》只會覺得迷幻得受不了。

兩個版本氣氛各異，原版相當虛幻，混音版正如其名地散發凌晨時份天灰地暗的低迷，截然不同但同樣出色。歌詞本中透露的玄機，似乎說原版是在兩年已寫成？也因專輯的方向，我硬是覺得這兩首作品都是 remix 版，而原版應是首搖滾來的；或者在演唱會 live 的《亡命之途》會有新一番演譯？

香港音樂核心是「生活化」

聽完一趟又一趟，就明白到香港音樂還有希望。先說幕前，謝安琪的唱功進步了，嗓子裏蘊藏濃郁感情，沒有多少挑戰高音的時候卻對音準與運氣下了一番苦功，唱法方面試驗更多變化，假以時日必可留芳，只因實力始終比外表更具持久說服力。另一令人鼓舞的，自然是最大幕後功臣周博賢了，全碟五首歌曲的所有作曲、編曲和填詞都是出自他手，歌詞沒落俗套，也更具諷刺和寫實意味，如《菲情歌》，為菲傭出頭的一曲，當中對香港家庭的冷漠描寫，即使家中沒有菲傭、自己又不是菲傭都會有所共鳴，除了些較獨立的單位如林海峰，有誰會選擇這種題材？《亡命之途》的題材可說是空前絕後了，還要望見司機化身「拓海」、從一程小巴反思過錯思念所有，又有一份幽默感。《愁人節》告訴無病呻吟的一群，與無家可歸、飢寒交迫相比，失戀苦戀又算得上甚麼？而《我愛茶餐廳》的「獨立」氣味就更重了。

▲正是周博賢一段又一段生活化、本地化而道盡香港地人情冷暖的文章，親切而不流於老土，令謝安琪的音樂從來耐聽，對於現在只會想到愛情的年情聽眾，也是讓他們醒過來對生活再次思考的一記當頭棒喝。

與小池石良共同監製的音樂同樣動人，雖不像以往多變，倒過來看是沒有過份修飾，予人真摯可親之感，也直接提昇歌詞和謝安琪的演唱層次。假如謝安琪不是由 Ban Ban Music 這樣義無反顧地設計營造，無論唱功有多好實力有多高，也只會被糟蹋成「另一個 K歌之王」；例如《愁人節》交到其他人手中監製，相信結他和鼓的部份會大幅減少而換來厚厚的煽情弦樂，結果只會流於庸俗；更加不會有《亡命之途》這類電音之作。周博賢絕對是謝安琪的最佳拍檔，音樂感固然了得，就連填詞功力亦不下於當今香港任何一位著名填詞人，但他就更勝一籌地涉足其他人沒有 / 不會涉足的領域；光這 (兩) 作的曲編詞彈，已能視他為當今香港音樂最敢作敢為幕後工作者之一。

音樂和娛樂的差異，在於向市場妥協與否

只是尚有一個隱憂：謝安琪這「樂壇公認好聲音」需要向市場妥協嗎？可人兒絕對是賞心悅目，但似乎這次以美貌掛帥得有點過火了，不只封面、海報和寫真，就連《愁人節》的 MV 都是標榜美人美服，雖然 MV 主題是「華裝之下方是真實」，但這種典型偶像女歌手 MV 拍攝手法似乎不達詞題，中段字幕的一條問題更能貼切形容：「This is Kay?」

對，這是 Kay 嗎？

Kay 都需要靠這些來吸引群眾嗎？都是《臭男人》的自然，和《跟我走》貼題的演出片段和花絮照片順眼得多。所以我更期待日後出現完全沒有 Kay 面容的謝安琪唱片和 MV。

對，這是一張 EP，而我最討厭 EP；但《K sus2》是一張重質不重量、贏盡所有 EP 歌手的 EP。音樂有味道，歌詞更有味道，有多久未聽過一張香港唱片會如此津津有味？只寄望這個別具一格的 K sus2 和弦，是 sustain 而不是 suspend。

by 劉Sïr

[om-hk]

以《武德》進入立法院的 Freddy　告訴我們「和理非非」只是鵪鶉

台灣總統選舉結束，除了出現第一位女總統當選人蔡英文之外，其實同時間在「深藍」台北市萬華中正區亦首次出現了華人地區的金屬政治人物 - 閃靈樂團主音 Freddy 林昶佐當選立法院委員。

▲這位被國民黨對手林郁方批評「頭髮比女人還長、心理不正常」的金屬樂歌手成功在藍營國民黨手上搶得立法院委員席位。

所謂「有人的地方就有政治」，政治、社會百態一直都是主流和非主法歌手常用的題材之一，但其實好多作品的觸及都只流於話題性和宣傳，只有少之又少的人真係可以勿忘初衷。唔係我睇死人，你行過國際人權組織街站果時收起隻手、放慢腳步拎五分鐘同班人傾兩句就會知實情的確如此。

連食串魚蛋都要得到批準之時，應該就係大家要反撲的時候。年輕勢力反撲的時代到底係一個點樣的時代？聽下閃靈隻《武德》就可以略知一二。

「武德」的概念是闡述暴力的正當性，思考在不同環境下靈活運用「和平」與「不和平」方式解決問題。透過台灣史上諸多次被稱為「暴力」的民間武裝械鬥事件，認清事件的本質，以及因為「官逼民反」而動武的「理念」與「倫理道德」。

▲題外話，以前寫中文字的方向是由右至左。

《武裝》只是開始

《武裝》以號角聲呼喚起一個時代的覺醒，呼喚受夠白色恐怖中的人民去起義。軍鼓為準備好反撲的人鼓掌，keyboard 為場面加入幾分史詩感，成為大家武裝時的 BGM。最後再次獨奏的號角正式宣告，策劃已久的事件終於都來臨。

▲成首歌一刀一刀刺下去，爽快硬直、毫無修飾；MV 畫面靚、編排一流、張力極強之餘，武打拳拳到肉，現代舞編得貼題又爽朗，指示劇情急轉入直路的結他 solo 更是一絕。兩個字：好檸正！

隨原木製琵琶聲而來的，是在《破夜斬》準備好轟天動地的電子金屬樂器。厚重的結他 riff 疊出了層層積怨，在當時酒池肉林、貪污腐敗、民不聊生的台灣發起目標為 1970 年中國國民黨主席蔣中正 (蔣介石) 長子蔣經國的刺殺行動。點解要刺殺咁暴力呢？唔係因為奶粉太貴、廢青唔讓座，又或者因為炒燶 iPhone，而係因為當時台灣「若連聲音攏毋准發，咱用銃聲來揣正義，若連蠟燭攏毋准點，咱點炸彈來揣光明」，理性的盡頭就是暴力；在禮樂崩壞的時代，只有最原始的方法才有可能奏效。

▲武德 (2013) – 閃靈

當香港今日依然仲要年復年咁為「香港人」、「中國人」、「香港中國人」、「中國香港人」討論、爭議個一年半載時，台灣早在 1970 年就已經會講「Let me stand up like a Taiwanese」。近年成日聽到台灣會用「今日香港，明日台灣」形容當下，貼切非常。但如果想講「今日台灣，明日香港」呢？這肯肯定會笑大人地個口。

雖然當年黃文雄的「四二四刺蔣案」失敗告終，但《破夜斬》MV 裏 Freddy 就在月琴與七弦結他交織的背景下成功刺殺，今日又成功帶住同一份破格、具侵略性的精神進入立法院，大概稱得上是一脈相承吧。

海賊王的世界非由靜坐得來

劈頭蓋臉就「給規身軀的束縛敨開，拆破腐敗的規矩」，還以為《尼可拉斯》是何方西人革命家，卻原來是東方海賊王 - 鄭成功老豆鄭芝龍，而尼可拉斯 (Nicholas) 就是鄭芝龍的天主教受洗名。

所謂行行出狀元，無論身處邊個時空都好，都唔會只得會計師、產業測量師、金融才俊之類專業人士先叫有為。台灣祖先閩南人早在明朝已經唔再受所謂「大明王朝」招募，以「理撚得你」的姿態對政府，再聯同宗族集資買海船；《尼可拉斯》以無盡而密度不一的鼓聲建構出「乘風破浪航向大世界，予海鳥帶領咱的夢」的豪邁壯麗畫面，離開殘缺的大陸舊家園，開展大航海時代，打出屬於自己的自由新天地。

▲稱鄭芝龍做東方海賊王絕對不是誇張，因為如果不是鄭在料羅灣海戰 (崇禎明荷海戰) 中擊退荷蘭東印度公司，中國早就要割地賠款，二百年後才施施然抵達「香噴噴嘅港口 (香港)」的英國人食到的大概不會是蛋撻，而是萄撻。

副歌中鼓和歌詞梅花間竹的合奏，令「海風 海湧 海連天，追雲 追夢 追勝利、搶船 搶錢 搶查某、爭名 爭利 爭權威」在腥風血雨以外加入幾分英偉。競爭永遠都激烈，「一仗功成萬骨枯」其實已經好保守；日日都要留意住班老海鮮的一舉一動，又怕失去道德高地，扒啖飯都要顧住邊個最開心，有無得閒成咁？

《共和》自古以來就係社會中不可分割的一部分？

近幾代都生而享有「民主」，加上太多人係「識字文盲」，咩都唔睇唔理，起個火堆就叫做暴動，不免就會以為《共和》自古以來就係社會中不可分割的一部分。但實情係「民主，總是由沒禮貌的暴徒掙來，卻斷送在有禮貌的鄉愿 (沒有立場，昧於是非的偽君子 (註)) 手中。」禮樂已不復存在的時候談禮貌 - 亦即係香港獨有的「和理非非」，與災難時怕被人踩污糟對鞋無異，都係「傻的嗎，多膠餘」。

還以為《共和》只是一首單談體制的政治歌，但閃靈的歌曲又豈會咁簡單；為建立台灣未來的《共和》編曲相當精神，激勵人心。逢 Live 一定灑溪錢的閃靈在《共和》裏更召來「抗日三貓猛」：簡大獅、柯鐵虎、林少貓和台灣獨立運動先驅：廖文毅、黃昭堂與史明，藉由台灣抗日戰爭起，至早前選舉中大敗的國民黨白色恐怖管治的事件，將「共和」兩個字背後由無數人屍體累積而來的沉重背景娓娓道來，提醒嬌生慣養、自以為有禮有德的現代人，「新共和，新國家」並非上天欣賜的禮物。

歌詞中提及的 6 位台灣民主革命先鋒有 5 位都已陣亡，餘下的一位，就是在《共和》開首獻唱「台灣民族主義」的老人 - 史明。

毫無自我地存活，還不如亡命

嗩吶 (中樂的小喇叭) 吹小調開場的《大械鬥》不是單一宗「械鬥」，而是指由政府挑撥造勢而成的民變事件，例如清朝統治間的三大民變：「朱一貴事件」、「林爽文事件」和「戴潮春事件」。加上台灣各地不同的義民信仰鬥爭，令各地街頭不時成為殺氣騰騰的械鬥現場。亂象橫生全因滿清政府會將台灣官員「三年一調」，台灣遂成為清官搜刮飽囊的過境地，三年後就拍拍籮柚坐洗頭艇走。

▲閃靈近年其中一個特色為，所以專輯都會分別推出台語版和英語版，讓全球人都可以聽得到台灣的故事。薰自己覺得還是台語版聽上去好 feel 啲。

《大械鬥》的編曲變調較少，整體相對地平伏，可能因為民間的情況根本就是一個僵局？但 Freddy 帶點粗獷沙啞的嘶吼唱腔就絕對傳神地滲透出居民退無可退的無奈，與之後背水一戰的聲勢。「官逼民反」可謂不意外的結果；因為要麼「刀 保庄頭 顧鄉土」、「劍 斬貪官 刜汙吏」，要麼「土地 隨我封 山河 隨我開」、「人民 隨我起 歷史 隨我改」。

《大》背景墊底的嗩吶完全不覺突兀，反而多添幾分貼地的東方鄉土風味，有時真係不得不佩服閃靈全方位的創作功力，因為唔係識幾個音符同彈到幾個 chord 就可以寫得出呢種作品。

二胡與電結他的衝鋒式轟炸點出了《亡命關》的主題 - 亡命。(廢話。) 《亡命關》講述的是發生在 1970 年的「台東泰源監獄起義事件」；唔好話香港人，連台灣都唔係有好多人知道呢件歷史事件；原因係行動被國民軍短時間內鎮壓，國際能見度 0 之餘，連台灣國內的消息都被壓制。

▲《亡命關》副歌充滿感情、solo 夠狠勁、編曲富動態；不以政治成份主導，只有坦蕩蕩的追求自由，令《亡》成為我全碟最鍾意的作品之一。

雖然電結他激昂，但襯上二胡的柔婉後不會過份激動，反而將情緒都統統內斂地壓抑收起，吞咬入腹，更突顯起義的淒美。強橫的結他在中後段更有如被二胡「感化」，輕柔起來，一同唱着給被鎮壓者，也是給這個時代的輓歌。就有如起義六子之一江炳興的無標題文章指：

經過二十多年的等待，我們發現， 等待，唯有死亡； 祈求和平，唯有被侮辱； 低聲下氣懇求諒解，唯有被譏笑； 盼望正義援助，唯有被誤解我們甘願被奴隸。 國際間並沒有正義存在，相反的，強權正被歌頌， 我們在一切希望都消失時，只好正告國際人士， 我們並不是缺乏勇氣，我們並不是貪生怕死， 我們現正遵從你們歌頌的方法，追求我們台灣的完整獨立， .... 但是國民黨所加給我們的慘痛不願停止， 流淚、忍耐被視為軟弱， 現在我們已沒有眼淚可流，我們已沒有耐心可忍， 剩下的只有鮮血，這是多年來我們所珍藏的。 現在我們亦把它獻給敵人，獻給世人。我們並不準備讓你們歌頌， 但求苦難的同胞，不再被壓迫與奴隸， 求世人對我們苦難的同胞，賜給他們獨立、自由與幸福， 我們深信壓迫與奴隸存在時，自由與幸福等於奢談。 唯有壓迫與奴隸消失時，自由與幸福得以保障， 人權得以伸張，世界能夠和平。

多秀麗宏大的文字，如果香港人睇得明第一段已經足夠賺人熱淚啦。亂象成因除左可以歸咎飛行的磚頭，熾熱的營火堆，更應該問下同掌權者理所當然地濫職有無關，導致稍遇反抗就嚴重得要拔槍解開保險鎖對着你頭顱。

▲作品出自畫家 Hello Wong 之手。

▲《美國獨立宣言》前言提及：「當發生因追逐同一目標的一連串濫用職權和強取豪奪，就證明政府企圖把人民置於專制統治之下時，那麼人民就有權利，也有義務推翻這個政府，並為他們未來的安全建立新的保障。」

血總是要流；不流一滴血，焉得新時代？

「Death & Taxes」，人人都會死，一切都只是時間、地點、原因的分別。殺貪官，剿流匪，熱熱鬧鬧的打一場，痛痛快快地死去；因為就算會死，都是為路見不平、為保家衛園、為自己的庄頭而死，死得其所，死得極有價值。正正就係因為呢種充滿血性的扎根，才可以做到真正的「台學為體、西學為用」；單是這種深受原住民文化薰陶、充滿血性扎根的「台灣魂」，就已經足以要走難民族 - 香港人學習五年、十年的課題。

「總知放火就係唔啱！」

燒垃圾燒出個火堆確實好不該，薰黑地下之餘又嚇親訓練有素的警務人員。講起火堆，《火薰時代》的主角就是在國民黨白色恐怖時期依然大聲呼喊言論自由、台灣獨立的鄭南榕。

歌曲開首的一下燃火聲，燃起了可算是全碟最「規律」的前奏，但一進入主歌又再聽到《武德》式的轟炸節拍。鄭南榕創辦的《自由時代周刊》自國民黨大規模言論審查的 1984年 3月 12日發行開始發行，成為當時其中一本少有地專門批評中華民國國軍、情治單位和蔣中正家族的黨外雜誌。

▲為左貫​​徹始終創刊口號「爭取百分之百的自由」，發行共 302 期之間改左近 50 次名，以避過國民黨查禁封鎖。歌詞中的「捍衛！公論！爭鳴！自由！」、「獨立！先鋒！發展！民主！」、「戰鬪！新聞！開拓！天地！創新！台灣！寶島！」以及「全元！新潮！發揚！人權！創造！進步！鄉土！」的詞語全部都係當年《自由時代周刊》的雜誌名。

1989年 4月 7日，面對 200名受過訓練軍警 (速龍小隊？) 追捕，鄭南榕決定在總編房燃點一早準備好的汽油，在一片火海中兌現最後的承諾；「國民黨不能逮捕到我，只能夠抓到我的屍體。」

最後唱「迎亂世狂風，做自由鳳凰」的女和音是代表 1989年以遺孀身分進入立法委員選舉，高票當選台北市立法委員的鄭妻葉菊蘭嗎？歷史告訴我們的是，中華民國刑法第一百條 (內亂罪) 在 1992年正式被立法院廢除，以保證各種言論自由。

一開始的燃火聲，算得上鄭的遺言；這個遺言直至今日，依然被不少人傳承下去，世世代代都記憶猶新。

同樣用火燒，但《火燒島》就只是台東綠島的別名，當年綠島上的監獄主要用作囚禁「一清專案」中拘捕的黑道中人，但因為發生《亡命關》中的事故，所以國民黨政府就決定將所有「政治犯」和「台獨異議份子」集中拘禁到綠島監獄，統一羈押管理。

▲綠島 (圖中紅點) 位於台南右邊 。

綠島監獄其中一樣特色係，在內的人都是未經正常司法程序而被無限期囚禁、受刑；眼看自己要行入嚟，躺出去當然不爽；但受刑人連絕食抗議都又會被獄卒打斷手腳，導致 1987年的大規模的暴動，大家合作嘗試「劫回咱的自由」。所以歌曲入面除左瀰漫一股江湖味之外，更可以感受到受刑人的怒氣。而副歌交由曾與人打殺並因吸毒而入獄過台灣男歌手 - 蔡振南緩緩唱出，就最適合不過。

「暴力」都有其正當性

終於都來到全碟我最鍾意的一首歌，亦係《武德》主題曲 (Title track) 的《暮沉武德殿》；首歌同隻碟明明都唔同名，點解我會話係主題曲呢？因為如果之前所有歌都係講述從前富有「武德」的事件，《暮沉武德殿》就係完完全全地點出何謂《武德》的作品。

《暮》絲毫不拖泥造作，keyboard 襟幾下就換上猛烈的結他 riff 入正題，激烈影像如在眼前；低音結他、雙踏板低音鼓隆隆作響，清脆不帶水。有別於其他歌，《暮》的吉他 Solo 沒有特別花巧，直率、硬橋硬馬的迎面打來；就算唔可以打到入心，都必定會震懾到靈魂。

▲被台灣政府納入國家文化資產，位於台南的武德殿現況。

「武德殿」來自崇尚「武士道」的日本，歷代政府在傳統建築藍圖幾乎都會存在「演武場」、「武德殿」；主要為劍道、柔道、弓道等帶有藝術文化氣息的體育活動舉辦的場所；而受日本管治半世紀的台灣，當然亦有為數不少的武德殿。各縣市的武德殿更先發生如弱勢原住民對日本皇軍統治武裝反抗、2011年曾被拍成電影《賽德克·巴萊》所描述的「霧社事件」，二戰後國民黨趕走戰敗日本、國共內戰後接收台灣，因「228事件」而引起的抗爭，以及國民黨白色恐怖統治間大大小小的武力抗爭和肅清鎮壓，都幾乎發生在日治時遺留的武德殿中。

《暮》令主題由單純的「二元式」探討係唔係動武就唔啱，發展成使用「暴力」的本質、起因與動機，以歷史事件在嬌生慣養現代人面前重申：「在核心價值為『和平』的前題下，『暴力』依然不失其正當性。」

《暮》中段話鋒一轉，節奏稍稍放慢，減一點暴戾，多一分浪漫；就這樣竄出來的背景女聲更是由歌仔戲 (台灣民間傳統戲曲) 名伶唐美雲來演繹，令白色恐怖下的畫面更有血有肉，用勇抗欺壓市民的日本皇軍、貪官污吏、政府特務「暴徒」的凄美去掩蓋「千年也萬年」的血腥味，聽到我雞皮疙瘩。

▲閃靈用最不主流的金屬樂， 最難聽得明的黑金屬唱腔，最無人識欣賞的屍妝，配上最老套的地道台灣歷史，不時攜同采風樂坊 15 人中樂團一同上台唱台灣的故事；唱勻日本三大音樂祭，唱到歐洲一樣受歡迎；證明只要有實力，不用流行都可以風靡全球。

閃靈再一次用過來人的身份，做一個現代創作人只要願意、就可以做到的事；自己化作媒介，將歷史，自己雙腳聯繫着的土地上發生過的事，以自己的方式演繹成為大眾能夠消化、吸收到的故事 (而非資料)。

例如，以台灣人的歷史去點出「理性的盡頭就是暴力」，或者用上面提到的電影《賽德克·巴萊》的中心思想台詞去展釋，就是「如果文明是要我們卑躬屈膝，那我就讓你們看見野蠻的驕傲！」去為今日的香港提供參考，或者響亮地摑大家一巴：想享受呢份身在民主國家的驕傲，香港人仲有非常長遠的路要走。

▲聽聞爆頭「少女」(事後證實為男) 已經醒返，但仍被警方拘留，期間更阻止家屬接觸少男；相信一切只是個開始。

台灣千百年來受盡內患外敵的煎熬，無盡的浴血輪迴，堅持着「仁者武德，勇者無敵」的天真白痴想法，才幸運地捱到今天可以每個人都有自由選擇與認同的權利，無須為此感到不好意思、擔心、質疑，順自己意向選擇的自由。因苦難而恰巧走到香港、從未扎根的一代人，無興趣為呢個地方籌謀是理所當然的事；但在新下一代明白呢個基本前題之前，所有行動其實最後都會自動瓦解，因為大家都根本未清楚自己的目標同要求。就算讓再多磚頭飛都於是無補，慢慢就只會變成盲目的讓頭顱飛。

在武德殿上戰個你死我活後，歷史已告訴我們仁心、武德兼備的「暴徒」才是最後勝利者。一聲變調，低沉的竹管風琴將亂象一掃而空，留下一份禪的恬靜：磨練，視之為「武」；修身，視之為「德」。笛聲為疲憊的身軀重新注入能量，《重殖武裝》；靜待下一次需要挺身而出之時，一躍而進。

沒有盡頭的理性是傻豬

小弟朝朝坐底都會抹下檯頭、拍拍張櫈、清清鍵盤上面啲塵先肯做嘢；即使潔癖至此，都未必可以講得出「總之暴力就係唔啱」咁不負責任的說話；當一種方法失效，自然就要尋找另一種可行方法。但今時今日竟然仲有人探討「非暴力抗爭之路如何走下去？」

這問題與「被強姦果時應該唱邊支歌仔去感化對方」一樣荒謬；面對強權，我們是否只可以坐低客客氣氣慢慢傾，唔啱傾到啱？

拒絕武裝是一回事，但自動繳械就是另一回事；你要中立，要苦行，我尊重你的自由，但請不要阻頭阻勢，不然屆時你會被燒的，不只是春袋 (陰囊，雄性哺乳動物生殖系統其中一部分)，亦不會「做火薰化鳳凰」。

香港上一代走難到香港，所以賺夠又想走唔出奇，但如果新生代香港人因為見西貢淪陷了，鳳凰山要被夷平了，南生圍又就快無了，所以又打算郁下就走；見到早年被人稱為「香港人後花園」的台灣環境好、靚女美食多、生活水平低、社會制度發展成熟就「起痰」想移過去的話，其實你同班老海鮮無咩分別，都只係走難民族。講白一點，就只是無家可歸的蝗蟲一隻。

冰凍三尺非一日之寒

香港人雖然無「武」，但至少有「德」；有網友指年初二凌晨 4 點左右，係麥花臣球場外見住一個手持一舊磚的口罩男喺 7-11 入面四圍求救，想揾人幫手揸住舊磚，等佢可以騰空隻手攞銀包俾錢。然後口罩男就去排隊畀錢。你有無見過暴徒入便利店求人幫手揸住舊磚，排隊畀錢買水？見過，真係見過。

講左咁多，我唔是想屌柒你；而係想講，「武德」二缺一，總比窮得只有錢好。所以我地仲要努力，要好努力準備當再一次被「有誠意」但毫無能力承擔的香港政府壓迫之時，能夠實踐自己知道要做的事，先有機會避免下一代都要咁樣生活。

因為，理性的盡頭就是暴力，沒有盡頭的理性只是傻豬。

註：鄉愿出自論語．陽貨篇：「鄉原，德之賊也。」

by 薰