Beauty in the ordinary @papalolya - Tumblr Blog

رحنا على متحف المستقبل

دايما منمر من عنده فقلت خلص لازم أفوت و أشوفه من جوّا لانه بصراحة المبنى كتير حلو من برّه و شكله غريب.

المبنى حلو كتير من الداخل،كله نقوش بالعربي و طبعاً كل غرفة و طابق فيهم إشي عصري و جديد.

من ضمن الأشياء اللي كانت هناك ، كان في تجربة العطر، تعمل عطر إلك إنت و بكون مميز...هو فعلاً كان مميز ... سألوني أسئلة عن شخصيتي وذوقي وأشياء ما كنت أعرفها عن حالي أصلًا، وكنت متحمسة أشوف كيف رح يترجموا كل هالحكي لعطر.

والله و بعد إنتظار...طلع العطر...

طلع ويا ريته ما طلع....خلّاني أعيد التفكير بشخصيتي كلها 🤣

بس للأمانة، المبنى بيجنّن وبيستاهل الزيارة لحاله. أما العطر؟ خلّينا نقول إن المستقبل مش دايمًا بيكون وردي... ولا ريحته حلوة 🌚😂