!

فيا صديقي، الانسان عاديّ حتّى يُزيَّن رأسه بتاجٍ فيصبح ملكًا

[personal-blue-thoughts]

مخاطبة انسان ما بقاش موجود هو أمر مُرهِق ووحيد حقيقي. افتقاد لصورة الحياة الحقيقية أو الحلم اللي لمسته مرة.

[personal-blue-thoughts]

محدش قدر يشوف؛ غيرك.

[personal-blue-thoughts]

زمان كنت بحلم ألاقي الشريك اللي يشيل عني الأكياس زي ما كان بابا بيعمل معايا؛ ولما حصل جت الدنيا وحدفتني أنا و الأكياس بعيد أو يمكن بعدت الطرق وخالفت الاتجاهات بطريقة مش مفهومة ولا مبررة ونسيت أنا حلم شيل الأكياس لغاية ما وصلت للوقت اللي بساعد بابا في الشيل وأوقات بشيلها كلها مكانه.. يمكن لدرجة إني نسيت إن أنا اللي شايلة أو يمكن لو في يوم ما شيلتهاش يختل توازني وأقع..

معقول أكون وقعت!

[personal-blue-thoughts]

إيه إحتمالية إن أكبر إنجاز أو مكسب أو انتصار في حياة الانسان هي ذكرياته؟

[personal-blue-thoughts]

لفترة مش قليلة بحياتي كنت واثقة تمام الثقة إني شخص يستحق أن يكون سعيد، ومهما كانت عثرات الحياة فإن ميعاد سعادتي جاي لا محالة؛ لأني انسان ألطف وأرق من أن يُكسَّر قلبه. كنت بحبني وبعتبرني انسان بالمعنى الحرفي للانسانية وبحاول اراعي دا مع غيري.

بس؛ على ما يبدو إني بعرف أعرف عن الآخرين وجمالهم ورحماتهم ولطفهم ورقتهم والوداعة فيهم لدرجة أوهمتني إني واحدة منهم.

لأ!

بمراجعة كسرة القلب لوهلة توهمت -تاني- طب وأنا عملت إيه عشان ما أسعدش؟ بس عملت. أنا السبب في كل سيء بيكسّرني.

[personal-blue-thoughts]

النهاردة حسيت إني فاقدة احساسي بالاستحقاقية للكويس وإنه مجرد لحظات اللطف والطيبة اللي ممكن الدنيا تسيبهالي مابقالهاش وجود أو يمكن حتى مش فاكراها..

من خمس سنين قلت للدنيا مالكيش عليا حاجة يا دنيا؛ اخدتي كل حاجة وصفّيتي حسابك معايا على الآخر.

[personal-blue-thoughts]

أنا مالحقتش..

[personal-blue-thoughts]

أنا مفتقداني أوي..

[personal-blue-thoughts]

ترجع الأمور لنصابها فقط حين تكون على المحك.

[personal-blue-thoughts]

كل مرّة الانسان بيتصرّف فيها على إنه يملُك بيكتشف فيها إنه لا يملُك أي شيء على الإطلاق.

[personal-blue-thoughts]

أنا مُشفقة على قلبي أوي.

[personal-blue-thoughts]

عندي بلاي ليست اسمها "كي لا تشعر بالوحدة" تعتبر من أكتر الأشياء-بعد بضعة أمور أخرى- اللي بتخلّي إحساس الوحدة يتفاقم جوا قلبي؛ أظن إن كان غرضي من الاسم دا وقتها إنك لست الوحيد الذي يشعر بالوحدة.

[personal-blue-thoughts]

جُبِل المرء على العودة إلى البيت.

[personal-blue-thoughts]

أوقات بأكون أرق من الدنيا..

[personal-blue-thoughts]

"قلبك يكون أرق."

[personal-blue-thoughts]

يحدُث أن تبدأ أنت الحكاية ويكملها سواك.

[personal-blue-thoughts]

الانسان غلبان أوي يارب

[personal-blue-thoughts]

الانسان بيفقد كينونته وقيمته في حياة نفسه وحياة الناس بصورة وسرعة مرعبة