[planet-meem]

[planet-meem]

[planet-meem]

من الحاجات اللي بحب أعملها تفكيك المراوح وتنظيف الريش من الغبار، إذن حركة فك المسامير دي وبعديها التنظيف وبعدين نرجع كل حاجة مكانها واقعد ابصلها كده بعد ما تشتغل وانزاح من عليها الهم بداية لموسم الصيف، دي حاجة بتسعدني جدا.

[planet-meem]

حاسة بالسعادة لمجرد اليوم خلص وهنام.

[planet-meem]

أنا اخدت اليوم من أوله من الساعة خمسة بس أنا عاوزة أنام دلوقتي.

والست بتاعت مسافة الأمان متتكلمش كتشيير صوتها بيتردد في الصدى حواليا😁

[younes666]

"لا تطرق الأبواب التي أُغلقت في وجهك، ولا تطلب لمن استدار عنك، لا تفرض وجودك على أحدٍ لا يهتم لك، ولا تتحدث بأريحيّة مع من لا يُنصت لك، كُن عزيز نفسٍ مُدرِكٌ لمكانتك.

[planet-meem]

ممكن تكون عزيز نفس مع كل ده عادي، تكسر الأبواب على دماغهم وتقعد تشرب شاي معاهم، وتقطم رقبة اللي استدار وبعدها تديله بوسة، واقعد على اللي مش مهتم لحد ما يتقطع نفسه ويقول حرمت، واللي مش سامعك اقعد قدامه وأرغي لحد ما يفرهد وينام منك... اهي رخامة يعني علشان المواعظ دي هتوحدك يا قلبي.

[planet-meem]

🎉🏆🥇🥂

[planet-meem]

مريت على مقاطع من ليالي الحلمية شيء عجيب في صوت علي البدري وسليم باشا وعادل البدري وأنيسة وكلهم مع الموسيقى التصويرية، رتبت حاجة جوايا زي اللي بيدخل مكان مكركب وفجأة يوجد له معنى ويرتبه بأقل مجهود كأنه كان عارف ومتدرب كتير على وضع كل حاجة في مكانها. شوية جه محمود عزب القديم وضحكت من جوه قلبي فعلًا. ثم إيه الناس الحلوة دي بجد يعني هيجي منهم تاني؟

[planet-meem]

فيديوهات تعليم السواقة الرجاله لمراتتهم دي بتخليني لأول مرة اتعاطف مع الرجاله حقيقي، مش ممكن غباء الستات في السواقة والله 😂

[planet-meem]

— ✮𓆩ᥫ᭡𓆪♫

[dreamstars]

[tenephre]

[planet-meem]

في أول تدريب في دورة الرُقعة اللي دخلتها من أجل ملل الأجازات، مفيش تعود ولا انسجام وحماس دورة النسخ يمكن علشان بحبه أكتر يمكن، بعمل اللي عليا وأنا من الناس اللي بتقتل نفسها إهتمام لحد ما توصل الأولى وبس علشان افرح قلبي واحس بنجاح وخلاص. المهم محدش فاهم وكله بيرغي كتير أنا فهمت المضمون من أول ثانية ومشيت عليه بدون ما أوجع قلب المدربة كعادتي بشتغل في صمت. ومع اعلان أول نتيجة وبنقول يا هادي، لقيتها واخده الكل غياب ولو يوم كمان بتخرج منها للأبد، يعني من أول تدريب اتشطفوا كويس بسبب محدش فاهم نظامهم، بشوف الرسايل وانا كالعادة خرساء بدون تفاعل وأقول يسلام عليهم مبيفهموش ليه يحرام وطبعا أنا لاء انا شطورة. لقيت اسم واحد بس اللي متحضر ومش متاخد غياب واحد بس الاقيه ميادة بس مش أنا ومين ابراهيم ده؟ دخلت بقا وطلعت من صمت الذئاب اللي أنا فيه. وكلمتها في تركيا يا ست هدية أنا قصرت في إيه قوللي بس وانا هولع في نفسي 😂 قالت إنتِ بس اللي ملتزمة وشاطرة وصححت لك وواخده ممتاز كمان، طيب مين ابراهيم؟ طلع خطأ في الأسم ومفيش ميادة غيرك، اعتذرت الست مشكورة وقالت هصلح الخطأ فورا، واستعدت الثقة تاني في نفسي وقولت ما طبعا ميمي تغلط أو يتشطب عليها دي القيامة تقوم والله 😂

[planet-meem]

وقعت على بن حلو عجبني واستطعمته، اخدت رشفتين لأن لو أكتر بيجي أرق. أخدت بالي للمرة المليون مفيش فيها راحة الدنيا دي. من كل حاجة نفسك فيها عمرك ما هتطولها إنت جاي تدوق وتمر على لحظات حلوة والباقي معاناة وحيل مهدود.

[planet-meem]

بالك إنت أي ريلز من البيوت العراقية أحب أشوفها حيل، مزاجهم في العيشة والحياة مرة حلو💚

[amediterraneandestiny]

Monemvasaia, Greece

[riverwindphotography]

April waters running clear

(c) gif by riverwindphotography, April 2024