ساڤا @savaahmad - Tumblr Blog

وەرە ئەمشەو..

ئەمرم و سا کە خۆشتدەوێم

لە پرچەکانتا بمنێژە

ئەو پرچانەی کە ڕۆژانێ..

لە جۆگەلە درێژتربوون

ساڵۆن (تارا) و، (تریفە)یان نەئەناسی

خەم بوون وەک (با)

- بەکر عەلی

«شەو هەر شەوە، بەڵام شاد نییە بێ تۆ!»

لەنێوان تۆ و چاومدا

ئەڵێم تۆ

ئاخر تۆ جوانتر دونیام پیشان ئەدەی

لەنێوان تۆ و دڵمدا

هەر تۆم هەی

چونکە ئەو کاتەی ئەشمرم

تۆ لەنێو سینگمدا... وەک دڵم

لێئەدەی

- دلاوەر قەرەداغی

من ڕووبار بووم

بەخوڕ هاتم

کەنارەکان خیانەتیان لێ کردم

- نەزەند بەگیخانی

«مرۆڤەکان دەگۆڕێن، هەستەکانیش هەروەها؛ بەڵام ئەمە مانای ئەوە نییە ئەو خۆشەویستییەی سەردەمانێک لەنێوانیاندا بووە ڕاستەقینە نەبووە.»

🎬 (500) Days of Summer (2009)

«ئەو ساتەی کە مرۆڤ دەوەستێت و لە خۆی دەپرسێت: ئایا ئەو کەسەی خۆش دەوێت؟ لەوێدا عەشق کۆتایی دێت؛ چونکە هەرگیز جارێکی دیکە ئەو هەستەت تێدا دروست نابێتەوە.»

سێبەری با

— کارلۆس ڕوئیز زافون