WARNING: wag na pong basahin. walang kwenta.
ayun, nung linggo ako ng May24 nakapunta sa bahay ng lola ko. eh, namali pa nga ng lusot si manong tricycle driver papunta dun sa bahay ni lola kaya naman ibinaba nalang ako dun sa destination kung saan yung dating bahay nina lola dahil yun lang ang alam kong way. tapos ay nilakad ko nalang pabalik kung saan lumusot si manong. buti na nga lang at ang bait ng panahon sakin dahil saktong pagkauwi ko sa bahay ay bigla naman nitong buhos ng ulan. sakto at wala akong payong nun. malakas-lakas din ang ulan nung gabing iyon.
nung gabi ding yun, umuwi si kuya nang may dalang nissin noodles na ang flavor ay spicy seafood. syempre mahilig ako sa maanghang kaya hindi na din ako umayaw pa. kinabukasan naman, umuwi naman si kuya nang may dalang hinog na mangga. kasama niya yung girlfriend niya nun. dun din nakitulog. bali ilang days din dun natulog si ate nina, which is yung girlfriend nga niya. para akong sirang plaka. tapos nung araw ng sweldo nila, umuwi nang may dalang pagkain na binili pa sa jollibee. kawawa sa tyan ko nun dahil marami-rami ang kain ko pa naman nun ng hapunan sa mismong gabing yun dahil masarap ang ulam, tapos sasabayan pa ng ganun. tiba-tiba talaga sa tyan ko mga pare! at sumunod ang mga gabi na nanonood kami ng movie at bumibili ng snacks. favorite ko yung dinala nila nung nakaraang gabi nun na yema pastillas na iba-iba flavor. sakit sa ngipin eh. parang ewan ko lang.
so ayun, lunes nun nagpaligo ako ng pusa. hindi na din naman bago sakin ang gawaing yun dahil may alaga din naman kaming pusa sa bahay. hindi ko naman masasabing gamay ko na ang pagpapaligo sa pusa, nandun parin yung kaba kasi sariwa parin sakin yung alaala nung pinapaliguan ko si kaikayi, yung pusa naming kulay orange na mailap. nagtamo ako ng mga kalmot at muntik pa kong sunggaban sa mukha. ayun, nung pinaliguan ko naman yung pusa ng pinsan ko, thanks God at hindi ako nagtamo ng kalmot pero nandun yung pagkakataon na muntik na din akong sunggaban sa mukha. ang teknik lang pala dun ay paliguan siya sa may lababo. susyal kasi may pinaka lababo sa cr nila lola.
pansamantalang ako ang naging washer dun. tagahugas ng mga ginamit na pinggan, mangkok, kutsara't tinidor at baso sa pagkain. ako din ang sweeper. tagawalis mula sa may bandang kusina papunta sa mga bawat kwarto at daretso sa labas. may pinagkakaabalahan din ako dun kumpara sa paglilinis. yun ay ang pagbabasa ng pocketbooks na hiniram ko pa galing kay joynamie. basta pagkatapos kong maglinis, sinasabay ko sa pagpapahinga ang pagbabasa. atsaka pampatulog ko din yun sa gabi kapag di makatulog. pinapagod ang mata sa kakabasa. eh, sa totoo nga lang pwede naman akong magpaload at magtext nalang, o kaya gm-gm lang... pero mas pinili ko nalang na wag at itigil nalang dahil sayang lang din. pwede din naman akong mag-fb sa phone ko dahil registered naman ako sa may free data, kaso dineact ko nga pala yung facebook ko dahil gusto ko lang para di maging sagabal ang pagbabasa ko. para din matapos ko tong mga to. biruin mo ba naman, labindalawa? haha. oo konti lang to no? wala eh, di ako masyadong palabasa. haha sabe.
aside from reading, nagpupunta din ako sa may playground pagkatapos kong maligo. kung saan nagkaroon ako ng sugat sa siko. eh, sino ba naman kasing tanga ang na-out balanced sa swing at tinungkod ang siko sa lupa. eh kasi baliw nakahawak sa may upuan. wala pabebe ako eh. joke. deh kasi trip ko lang. ayun tuloy napala ko. wow na wow lang sa mga nakakita nang kaganapang pagkahulog ko na nakapatong pa yung paa ko sa may upuan ng swing. sobrang hiya ko nun at parang gusto ko nang magpalamon sa lupa kung may bunganga lamang ito. pero alam mo ba kung anong ginawa ko? umakto lang naman ako na kunwari walang nangyaring pagkahulog at nagswing parin ng pagkataas-taas but that time, nakahawak na me sa may bakal na nagsisilbing hawakan ng swing. oha. sabihin na nating napaka-great pretender ko. alam ko na yon. haha biglang ganon. pero gusto ko na talagang umiyak nun dahil sa hapdi, eh bigla lang naman may nagsalita tong isip ko na wala pa tong hapding nararamdaman ko na nanggagaling sa sugat ko sa siko kumpara sa puso ko. sabay ganon no. kaya naman tumingala ako sa langit at pinagmasdan ang nagkukumpulang maiitim na ulap sa kalangitan na may kasamang spark pa mula sa kidlat. woah. daldal ko no?
then... ano pa bang ganap ko dun? ah ayun, panay lamon na din. dun kasi kina lola, di talaga nauubusan ng pagkain. yung tipong kakatapos mo lang magtanghalian, makalipas ang isang oras ayan na kain na naman uli para sa merienda. kung minsan kapag tanghalian, bigla-bigla nalang naglalagay pa ng isang sinandok na kanin sa may plato ko at sasabihing "ubusin mo yan". eh sino ba naman ako para tumanggi no kung gayong inilagay na sa plato ko. kaya naman kabisado ko na si lola kapag magbabalak na naman siyang maglagay ng kanin pa sa plato ko kapag malapit nang maubos ang laman nito. inuunahan ko na kagad ito ng "tama na po, 'la". ayun, mabait naman si lola kaya pakikinggan naman niya yung pag-ayaw ko. pero maya-maya, bibigyan naman niya ko ng hinog na mangga na tira pa nung kinagabihan at sasabihing "oh. magdessert ka muna riyan.". at ayun, wala akong nagawa. tinatanong ko sarili ko kung kaya pa ng sikmura kong pagkasyahin ang isang hinog na mangga sa kabila ng kabusugan ko. kaya naman pansin ko talaga yung cellulite sa tyan ko kapag naliligo ako. tsaka lalong hindi ako aware dun sa hitsura ko dahil wala kasing salamin dun. buti nga nakadegits ako ng salamin dito sa bahay na maliit lang. saktuhan lang sa mukha. hindi ko pansin na bumibilog na pala yung mukha ko lalo. kaya laking gulat at mangha ko lang nung nagpasukat si lola ng salamin niya nung last day ko dun. sa pinakaloob kasi ng clinic ba tawag dun? ay may malaking salamin. tumambad kaagas yung buong ako, mula ulo hanggang paa. grabe lang talaga dahil kitang-kita ko po yung bilugan kong mukha at ang tyan ko pong malaki. ayun, pero di ko 'to kinahihiya at sa halip proud to be ako dahil tumaba ako. nagulat lang ng medyo kasi parang nasobrahan naman, pero keri langs.
gusto ko ring ikwento dito na nagkaroon ako ng masamang panaginip. ginambala talaga ako ng panaginip na iyon kaya hindi na ko nakatulog. ang aga ko pa naman nun nagising, mga alas kwatro palang yun ng madaling araw. sinasampal-sampal ko yung sarili ko na di totoo yun at panaginip lang ang lahat. na ayaw kong mangyari yun. pilit kong nilalabanan ang isip ko para di na muling bumalik pa yung mga pangyayari sa panaginip ko. at buti nalang din ay nakayanan ko at nakaidlip ako ng medyo pero maaga paring nagising. nang magliwanag na ay agad-agad akong nagpaload at tinext sina mama nun. ayun, pumanatag ang loob ko ng marinig ko ang boses ni mama. at sumunod ding gabing yun ay nanaginip uli ako ng pagkasama-sama. psh. yoko na pong ikwento dahil di ko ata makakayanang itype. basta yun na yun. ok? hahaha. alam ko namang wala kayong paki.
lastly.. isisingit ko na din tong ginawa ko nung mga araw na nandun ako. out of my curiosity ko kasi, nakita ko ang kamay ko na hawak ang isang violet na notebook at binabasa na ang nasa loob nito. ay grabe!!! diary pala yun ng pinsan ko. huhu. alam ko naman na hindi dapat pinakikialaman ang mga bagay na hindi naman pag-aari pero... waaaaahhh! nag-eenjoy lang naman akong basahin. kaya nung may31, inaantay kong umuwi yun. kaso sabi ni lola baka gabi na daw yun makakauwi, at ang uwi ko dapat sa mismong araw na yun ay bago magtanghali. sabi kasi ni mama may pupuntahan daw kami kaya kailangan ko nang umuwi, na bigla rin namang hindi na natuloy dahil hindi ko alam kung bakit. basta, magsisine dapat kami dahil treat ni ate vilma. haha wala kong kwenta magkwento no? mwehehe.
gusto ko sanang magsorry ng personal dun sa pinsan ko sa ginawa kong pagbabasa ng diary niya na walang pahintulot sa kanya. hanggang ngayon, hindi ko parin sinasabi sa kanya ang tungkol dun. sinikreto ko nalang ang lahat. di ko naman ipagsasabi kung anu-ano yung nakapaloob dun eh. hahaha!
i guess, naikwento ko na ang lahat. mwa!!~
hanggang ngayon po ay hindi ko parin tapos tong binabasa ko. pero kating-kati na yung mga daliri kong magpipindot dito sa keyboard ng laptop para isalaysay ang lahat. hahaha! ang ewan ko ba, basta namiss ko lang.
wag kang manghinayang sa pagbabasa nito dahil simula palang sa title binalaan na kita. hahaha mwa ulit.
yousharknotpass
blakekathryn
stormborns
vaporwave
titsay
