⁦⁩⁦✌️⁩متناقض✌️⁩

⁦❤️⁩⁦⁦✌️⁩ دائما أفعل ما يحلوا لي وبفضل الله أنجو ⁦❤️⁩⁦✌️⁩

[smsmzeros]

بتعامل مع تملبر زي النوت وبحسه مكان لطيف بعيد عن تطفل ودوشة المواقع الاخرى ، اعرف البعض عليه من التفاعل بس ومعنديش اصدقاء هنا ولا بكلم حد ، فكل ما يكتب هنا مع هاش #صالح او Smsmzeros# من كلماتي و يعبر عني ، بناءاً على تجاربي وتعاملاتي وقناعاتي الخاصه ، ويمكن اعتباره فضفضه و تفريغ أفكار او مجرد خربشات و وجهات نظر لا تهم احد غيري .. فـ اترك جميلاً و مر لطيفاً .. وتحياتي للجميع ✌️❤️

[smsmzeros]

حوار نخنوخ دا عصفورة لشئ ربنا يستر وميكونش شئ كبير بس العالم دي مش بتدور على حق ولا بتقصقص شر وهذا ما عهدناهم عليه .. ✌️❤️

[smsmzeros]

ضحكوا علينا من ٨ شهور وقالوا ان في أتفاق سلام مع العدو غير ان الهدف ليس السلام بقدر ان يخفت الصوت والا يتلفت احد إلى معاناة غزة والضفة التي لم تتوقف يوم ، بعد اكثر من عامين ونصف على الإبادة والتنكيل نقف على نفس الخط ونفس المشهد قصف عدوان وسلام ملطخ بالدم والاغتيالات غير ان الفارق هو ملل الجمهور والمشجعين في احلك الاوقات و اكثرها احتياجا للزخم ، دخول الطعام والماء والأمان والحرية لأهل فلسطين كل اهلنا فيها ، والحرية للأسرى كل الاسرى ، و مناصرة المجاهدين و المدافعين عن المسرى والارض ، كلها اهداف لابد ان نتحدث عنها ونعيد الزخم لها .

[smsmzeros]

عندى نفس اكتب عن مواضيع متعلقه بالخصوصيه و عن امور زي البصمه الرقميه و طرق حفظ البيانات فالسحب الافتراضية بشكل اكبر بس مش عارف ابدأ منين ✌️❤️🚶🏽‍♂️

هل من افكار او اقتراحات ي اصدقاء

[smsmzeros]

الموضوع دا متكلمتش عنه بس كملت فيه مع نفسي و الحمد لله في ظل سطوة الخورزميات والغباء الاصطباحي على حياتنا كنت مركز على خصوصيتي و أمان بياناتي و تنضيف اثاري وبصمتي الرقمية من اماكن كتير اخرهم تمبلر . وحقيقي فرق كتير معايا الموضوع دة

[smsmzeros]

تس تس هل تسمعني !!

حرب غزة لم تنتهي ، قتلى السودان لم يجف دمهم ، لم يتنتصر الإسلام او الحق بعد في المعركة بالوجه الذي يستحق هدنة والرجوع لدائرة الملهيات التقليدية ، لا تتركوا جبل الرماة ✌️❤️

[smsmzeros]

كل ما اعمل حساب ع موقع او تطبيق ، بحب اسال نفسي سؤال ، يا تري لو توفاني الله هبقى سايب اي للي هيجي يزور الحساب ولو ع سبيل الصدفه ! ، وهل هبقي سايب شيء يتحسب ك صدقه جاريه ولا ك ذنوب جاريه والعياذ بالله ! ، ممكن عشان كده نادرا ما بعمل ريبلوج من صفحة حد ومش بحب اظهر الللى بتابعهم ولا بحب ارشح تمبلر وغيره لحد عشان فيه حاجات مش كويسه كتير ممكن الفضول يوصل ليها او اي تطبيق ربما يكون به جانب سيئ فالعموم .. وعشان كده حتى ممكن تلاقي فكلامي نصيحه للكل انه يحسن الأثر ، بلاش اغاني وموسيقي ، بلاش صور مش كويسه او متبرجه ، بلاش متابعه وريبلوج من صفحات بتنشر حاجات هتاخد عليها ذنوب او مش لطيفه ، وبلاش كلام سلبي مستمر و بشكل اوفر مش هيضيف فعليا ليك او لغيرك عشان الحياه مش ناقصه .. مممكن كلامي متتفقش معاه بنسبه كبيره وممكن انا شخص سيئ ومتناقض بشكل ما ومستور بفضل الله ، بس الأكيد اني اسعى للإصلاح ما استطيع والله الموفق ، ربنا يحسن الختام ويصلح لنا الأثر ويجنبنا الزلل في القول والعمل ..✌️❤️🚶🏽‍♂️

[smsmzeros]

يظن الانسان أن بإستطاعته مغادرة تمبلر والاختفاء ، لكنه يتكشف مع المحاولات ومرور الوقت انه عالق هنا مع العديد من الروابط و الذكريات والحنين والعابرون .. ❤️✌️

[ma7moud-5allaf]

انظر إلى الحجيج في عرفة.. ثم تخيّل أن ما دفعهم إلى هناك، وكل هذا الشوق الذي تحسّه في قلبك باتجاه مكّة ورغبتك أن تكون معهم، ما هو إلا استجابة لدعوة أبينا إبراهيم.. "واجعل أفئدة من الناس تهوي إليهم".. وتساءل بينك وبين ذاتك أي رجل كان إبراهيم الخليل هذا؟

ثم انظر إليهم مرة أخرى، وتخيل الله عز وجل وهو يقرأ فوق عباده، "ما يفعل الله بعذابكم إن شكرتم وآمنتم".. وكرر الآية حتى يرسخ اسم الله الودود في قلبك.. وتحسّ فعلا بهذا الودّ.. لأنّك متى أحسست به، ستمرّ على كل آيات العذاب الأخرى مرور الكرام.. لأنك توقن أنها ما كتبت إلا تخويفا.. تخويفا كذلك الذي يكون بين المُحبّين.. حين يُخَوِّف المحبُّ محبوبه بالهجر..

وكل عام وأنتم في ودّ الودود..

— كتابات ديك الجن

[smsmzeros]

رحم الله محمود وتقبله في عليين وجميع امواتنا. .. آمين

[smsmzeros]

انت أحمد وابنك اسمه صالح؟

لا اسمي صالح ✌️❤️

[smsmzeros]

ممكن الموضوع دا مخدش حقه بس عموما الحرب على إيران وبعد طوفان الاقصى والافاعيل في غزة والضفة ولبنان وسوريا تنم عن شيء واحد ان العدو بيفقد السيطرة ويحاول لملمة بقايا غطرسته في المنطقة ، خطر مشروع المقاومة في عدم الركون للغرب والارتماء في حضن العدو تحت ٱي بند وهذا نهج الدين القويم المؤسس لكبرياء المسلم والمصين لكرامته ، يأبى العدو المغرور ان يقال له لا وان ترفع الهامات يأبى ان يرى نهضة هذة الامة التي خذلها ولاة امرها وخونة شعوبها ، يكتب لنا نحن ابناء العز ان نقسم ونهان و تحل بنا الحروب والخراب ويخرج لنا كلاب السلاطين ليقنعونا ان الفقراء يدخلون الجنه ويقنعونا بان الصبر على البلاء من شيم المؤمن ويجري على السنتهم قول حق بغي به باطل ، خطر إيران وحركات المقاومة في انها تكسر سردية ان الامان في القرب من العدو والإستسلام له وان التقرب من العدو قد يكفينا شره اذاه ، غير ان العدو لا يفهم سوى لغة القوة والندية وكفى .

[smsmzeros]

لو لسه عندك إمكانية تقرأ كتاب او تكتب وتتأمل من حولك في ظل التعفن الدماغي و الاستهلاك المبالغ فيه للمقاطع المرئية و تلاعبات الخورزميات بافكارنا وتاثيرها على الوعي والقرار ، إحمد ربنا و حافظ قدر المستطاع انك تنمي وتزود وقت الكلام دا

[smsmzeros]

في حاجات زي الانتيك فالمزاد بيكون ملهاش لازمه لحد ما حد يقول كلمة ويعتبرها ذو قيمة ، وساعتها بتظهر المنافسة و الطلب على المعروض .

[smsmzeros]

مش تجميل .. بس فكرة ان الواحد اتعود على التهوين و تبسيط الامور بدون كلكعة بيخلي عنده حساسية ونفور من الأشخاص إللى بتعقد الامور و تصعبها على غيرها حتى لو كان في إستطاعتها تعدي وتسهل ، استغراب على مدى حرمانهم من لذة التفريج على اخوك او فك كرب او حتى كلمة طيبة بتحسس بيها على قلبه بالسلام ومن أبواب خير كتير بتتقفل لما تقفلها على غيرك ، ربنا ييسرها على كل ميسر هين لين ، وينقينا من التعسير و حب التسلط و التجبر على الخلق بخدمة او معروف .

[smsmzeros]

الناس في مصر نوعين

نوع بيتعامل مع الفلوس انها متداولة مش هيخزنها ولا يجمعها عشان هتبيضله عملات صغيرة هو عادي يخدها مقطعه ملزقة محروقة معرقة مغسولة .

ونوع بيتعامل معاها انها بتكمل شياكتو يحب الجديدة النضيفة المستحمية قبل ما تخرج من محفظة إللى جمبه القطع إللى فيها دا بيمس كرامته اول ما يخدها يفردها تحت الميكرسكوب ويعمل لها كشف هيئة وبعدين يقولك بمنتها الحنكة معلش غيرهالي .

[smsmzeros]

تصدير حياة الاغنياء على السوشيال وسعي الجميع بلا استثناء لاكتناز الفلوس والدهب و البيوت والاطيان والسيارات الخ من نعم الحياة الدنيا ، عمل هوس عند كتير ، الحياة وضغوطتها خلت كل الناس همها تعمل حاجه تنططها تعليها تشعبطها في حياة مش حياتها لمجرد ان السوشيال بينت ان السعادة هنا فالمجتمع والحياة دي ، حتى المسلسلات والأفلام ومحتوى فئة المؤثرين بقت كلها في إطار محدثي النعم إللى اول ما الفلوس تجري فايدهم حالهم بيتشقلب بيقلعوا توب الااصول والأخلاق والدين ويلبسوا لباس التريند والاضواء وتوب يعر اكتر ما يستر ، اللهث وراء الفلوس والسعي السريع للثراء أكسب الكثير من الناس السخط وعدم القناعة بما تملك ، بقينا مفرغين من اي شيء إنساني مفيد ونافع لغيرنا ، حياة محورها احنا وبس وأهم شئ فيها احنا وبس و الرابح الوحيد فيها احنا وبس حياة خاملة ملهاش اعتبارات حتى لما تضيق او تقفل مبنبقاش شايفين انها ضاقت وقفلت غير علينا احنا وبس ف حين هي مش كدة الحياة فيها امور واحداث اصعب كتير من حالنا ، لابد على الأنسان ينظر للاقل والادني منه لان مش كل الرزق فلوس ولا مكسب دنيا ، في الاقل ف الفلوس والمال والأشغال و العلم والصحة والدين ووو الخ .. من الحاجات إللى ربنا بيفضلنا بيها عن غيرنا وبيفضل بيها غيرنا عننا ، لما تلف فدايرة نفسك بس مش هتشوف غير الوحش بتاعك ونفسك هتستفرد بيك و الاكتئاب يركبك ويقودك ويهلكك ، الانسان لابد يكون سوي ويعرف الحكمة من رزق ناس دون ناس وقوله عز وجل: ( وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الْأَرْضِ وَلَكِن يُنَزِّلُ بِقَدَرٍ مَّا يَشَاءُ إِنَّهُ بِعِبَادِهِ خَبِيرٌ بَصِيرٌ ) و قوله تعالى :( وَلا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ وَرِزْقُ رَبِّكَ خَيْرٌ وَأَبْقَى ) وقول رسول الله صلى الله عليه وسلم إذا نظر أحدكم إلى من فُضّل عليه في المال والخلق فلينظر إلى من هو أسفل منه ممن فُضل عليه  .. كلها امور تقينا شرور الفتن والافتتان والحسد و النفوس عموما .. بس احنا نتعظ .

[smsmzeros]

السلام تحت ازيز النيران ، لا يجوز

السلام الممزوج بالدماء ، لا يجوز

السلام الذي يسعى له العميل والمهتز ، لا يجوز

لانه لن يكون سلام مع الذئاب فلا يصون العهد من هدد او اباد .. ولا يؤتمن العدو مهما عاهد .

[smsmzeros]

هي الناس إللى بتعمل جرائم او تجاوزات دي بتعلمها ازاي وبتكون متبلدة او باردة كدا ازاي ، يعني الواحد بيتلحف بستر ربنا وبيحاول قد ما يقدر يمشي عدل وصح وميغلطش ومع ذلك بيخاف وبيتعظ وبيقلق .