Malalim na hugutan. balon ang pinagkukunan.

Maraming sana pala, maraming sana hindi nalang

[supermicstories-blog]

Lagi kang kasama Sa paglakad habang lumuluha Hindi mo kailanman iniwan Nasisikatan man ng araw Lagi mo kong tinatanaw Sa paglakad ko'y kasunod kita Sa bawat pagtigil ko ay siya ring pagtigil ng iyong yapak Dumating ang dilim, habang ang gabi ay lumalalim Biglang naglaho ka, Di na maaninag ni ano mang pagtingin ang aking gawin Napuno na ng takot ang aking isipan Ang iyong paglaho'y hindi ko inasahan Hinahanap hanap kita sa dilim, ngunit sa bawat pagsikat ng araw lang pala kita makakapiling. Anino ng buhay, nasaan ka kapag kailangan kita?

[supermicstories-blog]

MANHID

Halos hindi na ako makaramdam Buong katawan ko'y wala ng pandama Nakita kitang masaya Nakita kitang tumatawa sa mga biro niyang mas nakakatawa pa ang nararamdaman ko Naalala ko bigla ang ningning ng iyong mata ng makita mong papalapit siya Nang mga oras na yaon nakita ko ang sarili kong basa ng mga luha, damang dama ang pighati't pag dudusa. Sinabi ko sa aking sarili na " Ito na ang huling pagkakataong iiyak ako, uuwi akong wasak. Wasak na puso ang dala ko. " Dumating ang mga taon, hindi ako nagkaroon ng pagkakataong makita ka matapos ang pangyayaring tila ba isang bangungot. Napawi ang mga luha ko ng bumalik ka, humihingi ng isa pang tsansa. Humiling na minsa pa'y tanggapin kita, sagot ko lamang ay " Pasensya ka na, gusto ko mang tanggapin ka ngunit bakit wala na akong maramdaman. Tila ba nag-iba, nag iba ang pusong minsan mong iniwan. " Buo kitang minahal noon, ngunit ngayon puso ko'y manhid na. Manhid na at hindi na kailan man makakaramdam para sayo. Minsan ang pagkakataon ang lumalaban sa pusong umuwing luhaan. Pasensya ka na. Napagod na ako, napagod ng bigyan ng halaga ang taong di ako ang nais makita.

[gamugamosadilim]

IBA KA

Sa bawat pagngiti Sa bawat paghalakhak Sa bawat pagluha Sa bawat galaw at kilos Sa bawat pag-awit at pagsayaw mo Iba ka, iba ka sa kanila Sa paraang napapangiti mo ‘ko Sa paraang napapakilig mo ‘ko Sa paraang sinasaktan mo 'ko Iba ka, iba ka sa kanila Ang bawat tingin at titig Sa bawat pagsulyap ko sa'yong mga mata Sa amoy mong nakahahalina Sa mukha mong nakaaakit Sa kung ano at sino ka Iba ka, iba ka sa kanila Iba sila sa'yo dahil sila MAHAL AKO.

[supermicstories-blog]

Dahil sila MAHAL AKO💔💔💔

[supermicstories-blog]

KIDLAT

Matinding pag-ulan, dulot ay matinding pagbaha. Sa bawat pag haplos ng lamig, sa bawat pakikinig sa himig ng hanging tila ba nanginginig. Isang ilaw na kumikislap ang nanindak sa isang tahanang napuno na ng lamat, lamat na dulot ng nakatitindig balahibong kidlat. Hindi mawari ang nararamdaman, nais na lamang magsilid sa isang sulok upang maiwasan ang pagkanginig sa bawat pagyanig. Kahit ano mang idulot ng pag-ulan, pag kulog at pag kidlat mananatiling nakatindig, hindi papayag na maagos at hindi kailanman matitinag. Mananatiling matatag sapagkat naniniwala tayong ang lahat ng bagay ay nagdadaan lamang.

[supermicstories-blog]

Kahit na nakikita ko sa iyong mga mata na hindi na ako ang gusto mong makita, bibigyan ko pa rin ng dahilan para sabihing ako pa rin. Kahit alam ko sa sarili ko na pagod na akong maniwala sa kasinungaling sa puso mo ako pa rin ang dahilan ng bawat pintig nito, ipaglalaban ko pa ring ako lang sayo. Sa bawat iwas ng mata mo habang sinasabi mong " Ikaw lang ako mahal ko, ikaw lang hanggang dulo. " nararamdaman ko yun, nasasaktan ako pero dahil mahal kita, hindi ko kayang bitawan ka. May isang tao na pilit pumapalit sa pwesto mo, tao na kayang pasayahin ang puso ko higit pa sa kakayanan mo. Ngunit sa bawat bulong na ginagawa ko sa sarili ko, siya naman balik nito na IKAW LANG, IKAW LANG ANG GUSTO KO. Kahit na alam kong masasaktan ako sa huli, ipaglalaban pa din kita. Sapat na sa akin na makita kang masaya, sapat na sa akin na marinig kang tumawa kahit hindi na ako ang dahilan. Mahal, ipaglalaban kita.

[gamugamosadilim]

PATALIM

Hinahasa para tumalim Gagamitin para kumitil? Laging hawak ang patalim Hindi mabitawan, hindi maiwanan Ngunit ano ang gagawin dito kung ika’y makikipag-salamuha naman? Isang hayop na mabangis ba ang iyong kakausapin? Nangamba ako ng maraming beses, napaisip ng malalim Subalit isinawalang bahala ko na lamang ang nadarama Oo, gusto kitang tanungin, gusto ktang harapin at kausapin Ngunit natatakot ako, labis akong nasisindak Ang puso ko’y punong-puno ng pangamba Sa tuwing dadaan ka sa harapan ko Sa tuwing magkakatinginan ang ating mga mata Sa tuwing lalapit ka Kinikilabutan ako sa tuwina, tila ba’y isa kang anino na nagpapakita lamang sa dilim Hindi ko alam kung bakit, pero takot na takot ako Hanggang sa dumating ang araw na ibinigay mo sa’kin ang patalim at sinabing hasain ko ito Lumipas ang mga araw at ‘di ka pa rin bumabalik Natunaw na ang mga niyebe, wala ka pa rin Nainip ako sa katagalan at tinabi ko muna ang patalim Kumatok kang bigla kaya sumilip ako sa bintana Nakita kong nakangiti ka, nakita ko ring may dugo ang ‘yong mga kamay “Sino? Sino ang pinatay mo?”, ‘yan ang mga katagang nais kong tanungin ngunit nanatiling tikom ang aking bibig Pinapasok kita, kasabay nito ang pag-andap ng aming ilaw Pagpasok mo’y agad kang umusal, “Nasaan na ang patalim?” Nanlaki ang aking mga mata sa gulat, napaisip kung anong gagawin mo dito Umakyat ako at tumungo sa aking kwarto, kinuha ko ang patalim at pagtalikod ko’y nasa harap na kita Hindi ako nakaimik, kinuha mo ang patalim at walang pag-aatubiling sinaksak sa’kin Hinatak mo ang aking damit, hinagis ako’t sumalampak Napatingin ako sa’yo ngunit ika’y nakapiring Binuhat ako patayo at sinaksak muli ng paulit-ulit Umaapaw na ang dugo, dumadanak sa sarili kong kwarto Damang-dama ko ang paghiwa sa aking laman at ang pagpatak ng dugo Hindi ako makaiyak, hindi ako makalaban Hanggang sa ako’y binawian ng buhay Hindi matahimik ang kaluluwa ko, patuloy ko pa ring nakikita ang pagsaksak mo sa likuran ko “Tama na!”, ang dalawang mga salitang mahina kong naibulong Kawawa na ang nilapastangang kong katawan Gusto kitang sumpain, ngunit ako’y lumisan na lamang kasama ang patalim.

[supermicstories-blog]

You nailed it!💔 Na broken ako dto teh, damang dama ko

[gamugamosadilim]

DAUNGAN

Umaga, hapon at gabi Halos araw-araw akong naghihintay sa pagdating Binibilang ang bawat pagpatak ng oras Iniisip kahit sa pagkain at pagtulog Dala-dala ang isang pangarap hanggang panaginip Dumating na ang araw, subalit biglang akong naguluhan dahil sa nalaman kong balita Nagdadalawang-isip kung tutuloy ba o hindi Nanahimik at humupa ang aking labis na kagalakan Tinigil muna ang komunikasyon at sumandal sa sulok ng aking kwarto Umaawit at hinihintay ang pagdating nito Nagdaan ang minuto at oras, ngunit wala man lang nakaalala Oo, aaminin ko, nalungkot at nasaktan ang puso ko dahil dito Kaya tumindig ako at kinuha ang aking mga gamit Kumain muna bago pumunta sa sakayan Malakas ang hangin at makulimlim ang kalangitan Humahangos ako, sapagkat alam kong wala na ‘kong maaabutan Napatigil na lamang ng makitang kayo'y lumisan na Hindi man lang hinintay Hindi man lang nagpaalam Hindi man lang nakapag-usap Napaluha akong mag-isa sa daungan, dahil alam kong may bagyo Masakit, masakit sa damdamin kong kahit alam niyo ng hindi tama’t di napapananahon, tumuloy pa rin kayo Uuwi na lamang ako, maghihintay sa balita Ipapanalangin na sana maging mabuti kayo sa desisyong hindi ko alam kung ginusto niyo ba talaga

[supermicstories-blog]

SO DEEP

[supermicstories-blog]

Pinipilit kong ipikit ang aking mga mata Iniisip ang kasinungalingang sa pagdilat nito ikaw ay akin ng kasama. Hindi pa sapat ang bawat letra na iyong binitiwan Kay hirap maniwalang wala ka na sa piling ko. Kay tagal ko na ring hinahangad na masilayan ang iyong mga ngiti Umaasa ako na sa paggising ko isang umaga, wala na akong mararadamang dusa, wala na akong mararamdamang pagsisisi. PAGSISISING HINAYAAN KONG MAWALA KA, IKAW NA TAONG DAHILAN NG AKING LAKAS.

[supermicstories-blog]

SAPAT

Sapat na sa akin na makita kang masaya. Sapat na sa akin na makita kang tumatawa. Hindi man ako ang dahilan, hindi man ako ang nakakagawa ng mga bagay na ikasasaya mo. Sapat na sa aking makita kang nakakamit ang tagumpay, sapat na sa akin na makita kang nakakamit yung mga pangarap na sabay nating pinangarap. Sapat na sa akin na sa panaginip nalang kita mahagkan. Sapat na sa akin na malamang hindi na ako ang mahal mo. Sapat na sa akin na makita silang masaya sa pinili mong tao, tao na handa kang alagaan hindi gaya ng kakayanang mayroon ako. At higit sa lahat, sapat na sa aking maaalala mo kong ngitian sa tuwing magkakasalubong tayo, kahit ngiti lang. Ngiti na nagpapatunay na tanggap at masaya na tayo para sa isa't isa.

[supermicstories-blog]

Nagbabakasakali.

Hindi ba't kapag tayo ay nagmamahal normal lamang na tayo ay nagbabakasakali? Iiwas, umiiwas at umiwas ako Baka sakaling maramdaman mo na ang halaga ko. Nagbitaw ako ng masasakit na salita Tiniis ko ang hapdi na kumukurot sa aking mga puso ng sabihin ko sayong " Hindi naman kita gusto. " Baka sakaling isigaw mo at isampal mo sa aking mga mukha ang mga katagang " Hindi ako manhid, oo nararamdaman ko, oo nasasaktan ako kapag nasasaktan ka. " Baka sakaling nararamdaman mo din ang tibok ng puso na gaya ng tibok ng aking puso. Baka sakaling bigyan tayo ng pagkakataon ng oras na para sa ating dalawa lamang. Nagbabakasakali pa rin ako na isang araw paggising ko'y marinig ko na ang tinig mo na magsasabing " Handa akong maghintay, handa akong mahalin ka, handa na kong masaktan maipaglaban lang kita." Nagbabakasakali pa rin pala akong magising sa isang panaginip na tila ba may pagbabakasakaling may pag-asang maging makatotohanan. Mahal na talaga kita, mahal na mahal. Nagbabakasakali ako na ang banggitin mong mahal mo din ako. Kahit walang kasiguraduhan, kahit na "baka sakali" lang, kahit na malobo, magbabakasakali pa din ako. Libre lang. Puso ang puhunan.

[supermicstories-blog]

All about Supermicstories

Well, since malaya namang makapagsulat dito at mai-share. Lemme share something about me. :) Bago ang lahat, hello sa nagbabasa nito at magbabasa nito. Forgive me, paki pagtiyagaan muna ako mga wrong choices of words ko at grammars. Syempre to NPMP, ina-acknowledge ko presence mo! Hahaha. Kkkk. (practice lng) :D Hi, amazing hearts! I am proud A.B Mass communication Practitioner 1 from Perpetual Help College of Manila, Jonelta. Sobrang addicted ako sa pagbabasa, at pagsusulat ng random thoughts and feelings as well or should I say random thoughts na may feelings nudaw. Haha. Anyways, passion ko na yatang humugot at mag share with kurot sa nakaraang karanasan na din. ^^ The reason why I am so TUMBLR fan, kasi nga na i-express ko dito lahat. At the same time, marami pa kong natututunan at matututunan :) Simpleng tao lang din ako na nangangarap na maging isang dakila at pinagpalang tagapag sulat, tagapag likha at taga paggawa ng aklat o libro na may mga hugots with advices and encouraging thoughts. #Practicepamore😍 Thank you sa pagbabasa, love you! ;)

[supermicstories-blog]

Hanggang kailan, hanggang saan.

Sa bawat paglipas ng oras Sa bawat pagpatak ng araw Sa bawat paglalakbay Baon ko ang katananungang bumabalot ng mahiwagang mga kasagutan. Hanggang kailan, hanggang saan. Hanggang kailan ako makukulong sa pagnanasang makita muli ang ngiti sa iyong mga labi. Hanggang saan ko kakayaning gawin ang lahat ng aking makakaya upang ang bawat ngiti mo ay ngiting may pagsinta. Hanggang kailan ako mangangarap na sa aking paggising ay kasama ka. Hanggang saan ko kakayaning mag hintay, maghintay na mahalin mo. Maghintay na mapansin mo.

[supermicstories-blog]

Naaalala mo pa ba?

Naaalala mo pa ba yung araw na nagkakilala tayo? Yung araw at oras na pareho nating hindi inasahan. Naaalala mo pa ba yung unang pag uusap natin? Yung ngitian na ni minsan hindi pa natin nasilayan. Naaalala mo pa yung walang katapusang kwentuhan at tawanan? Yung tuwa na walang halong sapilitan. Naaalala mo pa ba noong nakangako ka na sasaya pa ko kasi kasama kita? Yung mga oras na sinasabi mo yung bawat letra ng pangako mo, ang saya saya natin diba? Sabi mo pa lagi na kong ngingiti ng ganoon, yung “priceless” na ngiti, walang halong pagkukunwari.

Naaalala mo pa ba nung mga panahon na halos hindi na tayo sanay ng di tayo nagkikita? Sabi mo noon na kulang ka kapag wala ako, kasi ako yung lakas mo, ako yung inspirasyon mo, ako yung taong mahal na mahal mo.

Naaalaa mo pa ba yung mga panahon na bigla nalang nagbago ang lahat. Yung relasyong sabay nating binuo at ginawang matatag, naging malamig, naging marupok pero naaalala mo pa ba yung sinabi mo nun? “ Lalaban tayo, battle lang to. Ikaw tsaka ako sabay nating malalagpasan to. ” bawat pagbitaw mo sa mga pahayag na yan, ay siyang nagsilbing lakas ko at sandigan.

Pero… Naaalala mo pa ba kung paano tayo lumaban? Akala ko kasama pa kita, akala ko naaalala mo lagi yung pangako mo na SASABAYAN MO KONG MAGING MATATAG. Sumuko ka agad, sinuko mo ako agad. Bakit? Siguro nga naaalala mo pa lahat, pero tiniis mong maging alala nalang ang lahat. Ako heto’ umasa, nasaktan at nasasaktan pa rin. Nasasaktan sa alala na minsan kong pinanghawakan, na kahit mag-isa nalang akong lumalaban umaasa pa din ako sa salitang “ SABAY NATIN, SABAY TAYO. SA DULO TAYO PA RIN. TAYO LANG. ” Oo. Walang natupad, inaalala ko nalang.

[nathanaelpaul]

Ay, teh. Gusto ko ‘to!

[supermicstories-blog]

Eto yung pnaka nagpaluha sakin habang tinatype ko hahahaha hugot na hugot yan🙅

[supermicstories-blog]

Umasa, umaasa, aasa

Nag-ingat naman ako, Nag-try naman ako. Alam ko naman na wala, Alam ko naman kung gaano kalabo. Puso ko yung may gusto, Puso ko yung ayaw magpatalo. Ilang beses ko na ngang pinapaniwala yung sarili ko na wala na, hindi ka naging sa'akin pero tinapos ko na. Tinapos ko na yung ilusyon na, sa susunod hindi lang ako, kasama na kita. Lahat na ng bagay na maaaring makapagpaalala sayo, tinanggal ko na. Lahat ng palihim na pag-iwas at pagtaklob ginawa ko na. Alam mo ba na sa bawat utos ko sa puso ko na tama na, lalo akong nagiging malakas para ipaglaban ka. Umaasa na kahit sa panaginip masabi mo sa'akin na " MAHAL KITA. MAHAL RIN KITA. " Lalaban lang ako hanggang sa kusa ng sumuko puso ko. Hanggang dumating sa oras na mapagod ako, mapagod na gawing malinaw ang isang bagay na sobrang LABO.

[supermicstories-blog]

SANA

Sa tuwing nasisilayan ko ang maamo mong mukha Sa mga oras na nakikita ko ang mga ngiti mong walang katulad Sa mga panahon na galak na galak ka Ay mga oras na humihiling ako na sana dahil sa akin yun, na sana ako ang dahilan, na sana napapasaya kita ng ganoon, na sana ako nalang, na sana TAYO NALANG.

[amazing-heart-blog1]

Pinili kong makita kang masaya Pinili kong pagbigyan sila na iwasan kita Dahil pipiliin kong masaktan huwag lang kitang makitang nahihirapan….. Nahihirapang sundin ang puso mo, Nahihirapang aminin na hindi higit ang nararamdaman mo sa maaaring nararamdaman ko, Bawat ngiti mo sa bawat paggising mo na wala ang presensya ng isang tulad ko, Ngiti na hindi man ako ang kadahilanan Ngitian mong makatotohanan na tila ba humihilom sa aking puso na unti-unting dinudurog…

DINUDUROG NG PANININDIGANG MASAYA KA NA, MAS SASAYA KA PA, SASAYA SA MGA PANAHON NA WALA AKO. 

[nathanaelpaul]

Ay, ang sakit nito teh. HAHAHA Gusto ko ‘to, pasok sa banga.

[supermicstories-blog]

Awwww hahahahahahaha

[supermicstories-blog]

Love means a lot of sacrifices🙏