الكورونا فشختلي حياتي أكتر ما هي مفشوخة بجد، وزيادة عن الحاجات البديهية، دلوقتي لما بشوف في مسلسل لقطة لناس بتسلم ع بعض أو بتحضن وتبوس بعض بتخض كده وبفكر ع طول في العدوى وإنهم لازم يبعدوا عن بعض، ولما بشوف صوري القديمة اللي هو السنة اللي فاتت حتى وياااااه كنت بخرج وبلمس الحاجة والناس وبحضنهم ويااااه شوفي الحفلة دي والانبساط ده ومش هيبقى موجود تاني خلاص، وفكرة إن الوضع ده مكمل لمدة مش معروفة مدمراني فعلًا ومش عارفة هنفضل كده لامتى ولو راحت أنا عارفة إني مش هبقى نفس الشخص اللي كُنته قبلها، هبقى بتخض أكتر بكتير وهبقى منغلقة ع نفسي أكتر وبقلق وبتوتر أكتر كمان. أوقات بفكر إنه دلوقتي وقت مناسب إني أمشي بما إنه العالم بينهار وبدل الوباء اتنين وأكتر وكل حاجة بتروح في داهية ومش هنلاقي ناكل حتى ولا شغل ولا حاجة وإنه ليه أستنى لما كل ده يحصل لما ممكن أوفر ع نفسي كل التعب والضغط ده؟ وأوقات بفكر إنه فيه أوقات عدت كانت بتبقى صعبة فشخ -مش للدرجة دي لأ- وبفكر في نفس الفكرة بردو بس بعديها والدنيا بتمشي، بس بردو أنا مش راضية عن ده ولا حابة ازاي الدنيا مشيت وكملت عادي. أنا تعبانة.
